Dagur - 18.01.1985, Page 7
18. janúar 1985 - DAGUR - 7
, ,Hér er alltaf
Majorkaveðw‘
- Rætt við Hafliða Guðmundsson
í Grímsey
- Hafliði Guðmundsson í
Grímsey?
- Já, það er hann.
- Sæll sértu, Gísli Sigurgeirs-
son hérna megin. Hvernig líður
ykkur þarna norður við heim-
skautsbaug?
- Bærilega þakka þér fyrir.
Menn eru að gera sig klára fyrir
vertíðina og sumir eru byrjaðir,
komnir með nýjan kvóta. Ég
held að þeir hafi fiskað bara
sæmilega og þetta hefur verið
góður fiskur.
- Er búið að vera langt frí?
- Já, flestir voru hættir í byrj-
un desember.
- Hvað hafa þeir gert síðan ?
- Menn hafa bara legið á
meltunni. Sjómennirnir okkar
vinna í skorpum og þurfa því að
fá hvíld inn á milli. Auk þess
tekur það sinn tíma að gera
klárt fyrir vertíðina sem er að
hefjast.
- Er nóg að gera ?
- Já, já, það vantar meira að
segja fólk í fiskvinnsluna. Nú
þegar eru hér þrír farandverka-
menn frá Egilsstöðum og einn
frá Akureyri, en það vantar
fleiri. Ef einhverjir eru atvinnu-
lausir þá geta þeir haft samband
við Hannes í fiskvinnslunni.
- Þið hafið náttúrlega haldið
áramótaknall.
- Já, já, það byrjaði um
miðnætti, um leið og árin
mættust, og stóð til klukkan að
verða fimm á nýársdagsmorgun.
Það þótti takast með ágætum og
allt fór fram í friðsemd eins og
vera ber.
- Eru menn nokkuð að
dunda sér við léttan heimilisiðn-
að í Grímsey?
- Ég veit það nú ekki, ég held
að menn geri allt of lítið af
slíku. Hins vegar er slíkur iðn-
aður ekki nema sjálfsögð sjálfs-
bjargarviðleitni úr því að Berti
er í sífellu að hækka brennivín-
ið.
- Eru menn farnir að hyggja
eitthvað að þorrablóti?
- Já, nú líður að því og menn
hugsa sér eflaust gott til glóðar-
innar.
- Þú sérð um vindrelluna,
sem á að breyta vindi íheitt vatn
til að hita upp húsin ykkar.
Hvernig gengur sú tilraun?
- Ég held að hún sé á réttri
leið. Rellan hefur verið í gangi
síðan í sumar, en það er bara
allt of gott veður fyrir hana. Þar
að auki hefur komið í ljós, að
bremsan er of þung, þannig að
hún þarf meiri vind til að snúast
en ástæða er til. Auk þess þarf
að gera smávægilegar lagfæring-
ar á tölvustýringarkerfinu. En
þetta er allt á réttri leið.
- Hefur hún getað hitað þau
hús sem við hana eru tengd?
- Nei, það hefur ekki tekist.
Þessari tilraun hefur verið
stjórnað að sunnan, en þar hafa
ekki verið aðstæður til að sinna
þessu sem skyldi að undan-
förnu, þar sem aðalmaðurinn
hefur verið erlendis. En ég á
von á að eitthvað fari að gerast
í þessum málum alveg á næst-
unni.
- Ert þú enn trúaður á þetta
fyrirtæki?
- Já, ég er það, ég trúi ekki
öðru en okkur takist að gera
okkur gott úr vindinum, þannig
að slíkar vindrellur geti hitað
húsin okkar og sparað okkur
þannig verulega olíunotkun.
- Nú hafa margir eyjar-
skeggjar hent gaman að þessu
fyrirtæki og talið það eitt af því
versta sem yfir Grímseyinga
hefur komið. Er eitthvað hæft í
því?
- Nei, það held ég ekki. Ég
læt slíka gagnrýni sem vind um
eyrun þjóta. Vindrellan á eftir
að sanna sig. En þetta hefur
gengið svolítið brösótt, ekki síst
vegna veðurblíðunnar, hér er
Majorkaveður upp á hvern ein-
asta dag og grös eru farin að
taka lit, stjúpur jafnvel farnar
að blómstra.
- Þið eruð að byggja sund-
laug?
- Já, það var byrjað á þeirri
framkvæmd í haust og Trausti
Magnússon var yfirsmiður við
verkið. Það er búið að steypa
undirstöður undir laugina og
steypa upp húsið. Nú er stefnt
að því að gera þetta fokhelt í
haust, en hvernig verður svo
með framhaldið veltur á fjár-
veitingum. Það er mjög aðkall-
andi fyrir okkur að fá laug, því
fram til þessa höfum við þurft að
senda krakkana til lands í sund-
kennslu.
- Eru þá ef til vill margir eyj-
arskeggjar ósyndir?
- Nei, það vil ég ekki segja,
ungdómurinn hefur lært þetta, en
á meðal eldra fólksins eru marg-
ir ósyndir, jafnvel meðal sjó-
mannanna.
- Hvernig ætlið þið að hita
laugina upp?
- Við erum hér með díselraf-
stöð og ætlunin er að nota kæli-
vatnið frá henni til að hita upp
laugina. Það á að duga.
- Hvað með ferðamanna-
straum til eyjarinnar; hefur
hann aukist eitthvað?
- Nei, því miður, hann hefur
dregist saman ef eitthvað er og
ég veit ekki til þess að neitt nýtt
sé á döfinni í þeim efnum. Á
meðan gamli Drangur var og hét
kom hann hingað með fjöl-
menna hópa sem stöldruðu
gjarnan við í sólarhring eða svo.
En nú er það úr sögunni og flest-
ir þeir sem heimsækja eyjuna
koma með flugi og staldra ekki
við nema í um klukkustund. Það
er ekki til neins að byggja upp
þjónustu í tengslum við það.
Við reyndum með hamborgara-
stað hér í sumar en það gekk
ekki.
- En þið eruð samt hressir
Grímseyingar?
- Já, já, það dugir ekki annað
í þessari sumartíð dag eftir dag,
10 stiga hiti og logn er ekki til að
kvarta yfir.
- Það er rétt Hafliði. Ég vona
bara að það haldist og þorra-
blótið verði ykkur gott. Þakka
þér fyrir rabbið og vertu bless-
aður.
- Það var nú ekkert að
þakka, vertu blessaður.
Akureyringar -
Bæjargestir
Dansleikur
laugardagskvöldið
19. janúar.
Hljomsveit
Finns Eydal,
Helena og Alli
leika fyrir dansi
til kl. 02.
Matur framreiddur
frá kl. 19-22.
Verið
velkomin.
Borðapantanir
teknar í síma 22200.
HOTEL KEA
AKUREYRI
Gjalddagar fasteigna-
gjalda á Akureyri 1985
Bæjarstjórn Akureyrar hefur ákveöiö að fast-
eignagjöld til bæjarsjóös Akureyrar á árinu 1985
skuli gjaldfalla meö fimm jöfnum greiðslum á
gjalddögum 15. janúar, 15. febrúar, 15. mars,
15. apríl og 15. maí.
Gjaldseölar veröa bornir út til gjaldenda næstu
daga.
Athygli skal vakin á, aö séu fasteignagjöldin ekki
greidd innan mánaðar frá gjalddaga reiknast á
þau dráttarvextir frá gjalddaga aö telja.
Bæjarskrifstofan er opin frá kl.
9.30-15.00 daglega frá mánudegi til föstu-
dags.
Akureyri, 16. janúar 1985.
Bæjarritari.
Stjómmálaftindir
Alþingismennirnir Ingvar Gísiason, Stefán
Yalgeirsson og Guðmundur Bjarnason halda
almenna stjórnmálafundi sem hér segir:
Á Raufarhöfn föstudagskvöld kl. 9 og í Félagsheimil-
inu á Húsavík laugardag kl. 4 síðdegis.
í Steinhólaskála Eyjafirði kl. 21.00 sunnudagskvöld.
I Stóru-Tjarnaskóla sunnudaginn 20. jan. kl. 14.00.
Aðrir fundir verða auglýstir síðar.