Dagur - 20.02.1985, Blaðsíða 6
6 - DAGUR - 20. febrúar 1985
Steinullarverksmiðjan á Sauðárkróki er
mikið mannvirki. Mikið stærra en
almenningur utan Sauðárkróks gerir sér
grein fyrir. Grunnflötur verksmiðjunnar
er rúmir 3.100 fermetrar eða svipað og 30
til 40 blokkaríbúðir af þokkalegri stærð.
Rúmmetrafjöldinn er hins vegar enn
meiri enda hátt til lofts og vítt til veggja í
þessu mikla húsi sem gert var fokhelt fyrir
skömmu.
Þessa dagana vinna starfsmenn
verktakafyrirtækjanna að því baki brotnu
undir stjórn finnskra sérfræðinga að
undirbúa niðursetningu
vélasamstæðunnar. Allar vélar eru
komnar á svæðið en það tekur tímann
sinn að koma þeim á réttan stað.
Samkvæmt upphaflegum áformum var
fyrirhugað að verksmiðjan tæki til starfa
í júlí á þessu ári en nú er ljóst að það
verður ekki fyrr en mánuði síðar ef
ekkert óvænt kemur upp á. Má segja að
það sé gott ef miðað er við önnur
stórvirki hér á landi.
Steinullarverksmiðjan er mikið fyrirtæki eins og sjá má. í baksýn eru Drangey, Málmey og Þórðarhöfði.
Það er ótrúlegt en hins vegar
satt að þegar búið er að moka
sandi, framburði Héraðsvatna,
inn í annan endann á
verksmiðjunni, líður ekki á
löngu þar til sami sandur auk
olíu og bindiefna er orðinn að
dýrindis steinull hinum megin.
Framleiðslugangurinn er í
stuttu máli þessi: Sandi frá
ósum Héraðsvatna er safnað
saman við vesturenda
verksmiðjunnar ásamt
skeljasandi sem blandað er
saman við. Þessi sandur fer
síðan með færibandi í sérstakan
þurrkara en við þurrkunina er
notaður afgangshiti frá
verksmiðjunni. Úr
þurrkaranum fer sandurinn
síðan upp í svokallaða
daggeyma en þar tekur við enn
eitt færibandið og flytur
sandinn að geymi sem er fyrir
ofan bræðsluofninn. Þar er
sandurinn bræddur og „bráðin“
leidd í spunavél sem spinnur
fína þræði. Enn fer svo
hráefnið á ferðalag, nú í
sérstaka hersluvél þar sem olíu
og bindiefnum er blandað
saman við „ullina“ eru það
jafnframt einu innfluttu efnin
sem notuð eru við
framleiðsluna.
Að sögn Árna
Guðmundssonar,
stjórnarformanns
Steinullarverksmiðunnar sem
sýndi blaðamanni Dags
verksmiðjuhúsnæðið, verður
reistur 40 metra hár reykháfur
við vesturenda verksmiðjunnar
og mun hann óneitanlega
breyta svipmótinu nokkuð. En
vonandi tala meðfylgjandi
myndir sínu máli.
- ESE.
Vesturendi verksmiðjunnar. Þarna á eftir að reisa mikinn reykháf.
Árni Guðmundsson, stjórnarformaður á útsýnispalli í verksmiðjunni.