Dagur - 10.07.1985, Blaðsíða 4

4 - DAGUR - 10. júlí 1985
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 220 Á MÁNUÐI
LAUSASÖLUVERÐ 30 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GlSLI SIGURGEIRSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, GESTUR E. JÓNASSON, YNGVI
KJARTANSSON, KRISTJÁN G. ARNGRlMSSON, MARGRÉT Þ.
ÞÓRSDÓTTIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Ríkisstjómin á leikinn
í háskólamálinu
Á árunum upp úr 1960 fóru ýmsir að impra á
þeirri hugmynd að stefna skyldi að því að koma
upp háskólakennslu á Akureyri. Davíð skáld frá
Fagraskógi orðaði þessa hugmynd opinberlega
á 100 ára afmæli Akureyrarbæjar 1962 og árið
1964 gerði Ingvar Gíslason, alþingismaður,
þetta mál að þingmáli með flutningi sérstakrar
þingsályktunartillögu.
Þessari hugmynd var misjafnlega tekið og má
raunar segja að hún hafi legið í þagnargildi þar
til á ráðherraárum Ingvars Gíslasonar 1980-
1983, en árið 1982 skipaði hann þriggja manna
nefnd til að kanna raungildi þeirrar hugmyndar
að hefja háskólakennslu á Akureyri. Nefnd þessi
skilaði mjög jákvæðu áliti með nákvæmum til-
lögum um, hvernig staðið skyldi að byrjunar-
framkvæmdum er hefjast skyldu þegar á næsta
hausti.
Fjórðungssamband Norðlendinga hélt ráð-
stefnu um þetta mál í júní sl. og kom þar meðal
annars fram, og hafði raunar komið fram áður,
að bæjarstjórn Akureyrar ætlar að auðvelda
framkvæmdina með því að leggja til húsnæði
undir háskólaútibúið. Það vakti athygli á ráð-
stefnunni, að Gísli Jónsson menntaskólakenn-
ari, einn af máttarstólpum Sjálfstæðisflokksins
á Akureyri, sá ekki aðra fyrirmynd betri handa
núverandi menntamálaráðherra en að feta í fót-
spor Jónasar frá Hriflu og láta verkin tala í há-
skólamáli Norðlendinga nú, eins og Jónas gerði
á sinni tíð, þegar hann beitti sér fyrir stofnun
menntaskóla á Akureyri, þvert ofan í andstöðu
og úrtölur reykvískra menntamanna.
í grein sem Ingvar Gíslason skrifaði í DV fyrir
nokkru um þetta mál segir hann m.a. að ríkis-
stjórnin eigi leikinn og ef menntamálaráðherra
færist undan að hafa forgöngu í málinu eigi for-
sætisráðherra að beita sér fyrir því með aðstoð
fjármálaráðherra. Ingvar segir:
„Núverandi ríkisstjórn hefur á stefnuskrá
sinni að örva nýsköpun í atvinnulífi og efla
byggðaþróun um allt land. Þau mál eru á sér-
stöku umráðasviði forsætisráðherra. Tillagan
um háskólaútibú á Akureyri er vel undirbúið
landsbyggðarmál og mikilvægt atvinnumál að
sínu leyti. Ekki er vitað að betur undirbúið mál
til örvunar atvinnulífi og vexti Akureyrarbæjar
né virkara landsbyggðarmál liggi á skrifborðum
ríkisstjórnarinnar. Því verður að treysta að ríkis-
stjórnin undir forystu Steingríms Hermannsson-
ar framkvæmi þessar tillögur. Af 12 þing-
mönnum úr Norðlendingafjórðungi, sem allir
hafa áhuga á að þetta mál gangi fram, eru 9 úr
stuðningsliði ríkisstjórnarinnar. Ríkisstjórninni
ætti ekki að vera óljúft að gera svo stórum hluta
stuðningssveitar sinnar til hæfis á einu bretti og
eiga auk þess víst lof stjórnarandstöðunnar í
leiðinni," sagði Ingvar Gíslason.
Þess má svo geta að fræðsluráðin á Norður-
landi hafa lýst yfir eindregnum stuðningi við
þessar hugmyndir og mikil samstaða er um þær
á Norðurlandi. Þau segja háskólakennslu á Ak-
ureyri eðlilegan og tímabæran áfanga, sem yrði
til þess að meiri og hagnýtari árangur næðist.
Samband norðlenskra kvenna:
Fjársöfnun til styrktar
þroskaheftum
Aðalfundur Sambands norð-
lenskra kvenna var haldinn á
Húnavöllum 8. og 9. júní sl.
Fundinn sóttu fulltrúar allra
kvenfélagasambanda á svæðinu
sem nær frá Austur-Húnavatns-
sýslu til Norður-Þingeyjarsýslu
að báðum sýslum meðtöldum.
Ýmis mál sem sambandið hef-
ur haft á stefnuskrá sinni voru
rædd á fundinum, svo sem or-
lofsmál, garðyrkjumál og málefni
þroskaheftra sem S.N.K. hefur
mjög látið sig varða. Sambandið
mun á næsta ári gangast fyrir
fjársöfnun til styrktar þroskaheft-
um á Norðurlandi. Það hefur oft
áður unnið að slíkri söfnun til
styrktar heimili vangefinna að
Sólborg á Akureyri.
Guðrún Benediktsdóttir
Hvammstanga flutti erindi frá
Samtökum um jafnrétti milli
landshluta. Hvetur fundurinn
kvenfélög til að kynna sér sam-
tökin og telur að lítilsvirðingar
hafi gætt í málflutningi ýmissa
fjölmiðla gagnvart landsbyggð-
inni og er nú mál að linni.
Fundurinn telur að flytja beri
þjónustustarfsemi þjóðfélagsins
meira út á landsbyggðina bæði
hvað vald og fjármagn varðar.
Friðarmál voru rædd og vekur
fundurinn athygli á nauðsyn þess
að konur taki höndum saman um
varðveislu heimsfriðar. Fundur-
inn skorar á allar konur í landinu
að leggja sitt af mörkum og láta
sig varða þetta lífshagsmunamál
alls mannkyns.
Þá var skorað á Alþingi að
fella bjórfrumvarpið.
Soffía Guðmundsdóttir Akur-
eyri flutti „hugleiðingu í lok
kvennaáratugar" og rakti hvað
áunnist hefur og einnig hvar huga
þarf enn betur að jafnréttismál-
um.
Oddný Björgvinsdóttir
Reykjavík og Ásgerður Pálsdótt-
ir Geitaskarði fræddu um ferða-
þjónustu bænda sem nú er í
mótun hér á landi.
Miklar umræður urðu á fund-
inum um öll þessi mál.
Samband norðlenskra kvenna
varð 70 ára á sl. ári, og gaf í því
Fögru lífi er lokið. Á sólríkum
sumardegi, laugardaginn 15.
júní síðastliðinn, lést í Landspít-
alanum frú Birna Björnsdóttir
frá Akureyri eftir langa og erfiða
sjúkdómslegu. Ég varð þeirrar
gæfu aðnjótandi, að kynnast
þessari elskulegu og einlægu
konu og eignast vináttu hennar.
Hún hafði til að bera þá eigin-
leika, sem ósjálfrátt vöktu þá
vissu, að væru allir slíkum mann-
kostum búnir, væri heimurinn
betur settur. Pá var hún gædd
slíkri reisn og glæsileik, að ekki
brást henni til hinstu stundar.
Það var í desember 1976, að
fyrst varð vart við þann sjúkdóm,
sem að lokum varð henni að
aldurtila. Þá gekkst hún undir
hættulegan uppskurð og virtist
ná furðu góðri heilsu, svo að
gekk kraftaverki næst. Á síðast-
liðnu ári tóku veikindin sig upp
að nýju og nú varð engum vörn-
um við komið. í þessu langa veik-
indastríði heyrðist hún aldrei
mæla æðruorð, en var þakklát
fyrir þá góðu aðhlynningu, sem
hún hlaut. Velfarnaður annarra
var henni ávallt ofarlega í huga.
Mikla umhyggju og tryggð sýndi
hún Eyfirðingafélaginu í Reykja-
vík, sem hún starfaði mikið fyrir,
tilefni út afmælisrit. Halldóra
Bjarnadóttir stofnaði sambandið,
og var formaður þess um langt
árabil.
Núverandi stjórn skipa: Elín
Aradóttir Brún, Sigríður Hafstað
Tjörn og Guðbjörg Bjarnadóttir
Akureyri.
var ávallt boðin og búin til þess
að leggja fram krafta sína í þágu
þess félags. í þeim störfum kom
glöggt fram smekkvísi hennar og
fágun, sem einkenndu allar henn-
ar pjörðir.
A kveðjustund er mér efst í
huga þakklæti fyrir áralanga vin-
áttu, sem skilur eftir dýrmætar
minningar um sérstæða konu.
Ég og fjölskylda mín vottum
eiginmanni Birnu og börnum
þeirra, föður hennar, systrum og
öðrum vandamönnum einlæga
samúð.
Harpa M. Björnsdóttir.
t,
Minning:
Bima Björnsdóttir
Bæklingur um silungsveiði
Feðamálaráð hefur nú gefið út
á ensku litprentaðan átta síðna
bækling, Angling in Iceland,
þar sem í máli og myndum er
vakin athygli á hinum margvís-
legu möguleikum á fiskveiði
hér á landi, öðrum en laxveiði.
í bæklingnum er einkanlega
fjallað um silungsveiði, en einn-
ig er vikið að möguleikum á
sjóstangaveiði.
Þessi bæklingur er gerður í
samráði við Landssamband veiði-
félaga, sem lét gera sérstakan
fylgibækling, þar sem sagt er frá
silungsveiði á sjö tilteknum
stöðum, Brúará, Hreðavatni,
Vatnsdalsvatni, Hnausatjörn,
Höfðavatni, Laxá í Aðaldal ofan
Brúa og Eiðavatni. Þessum fylgi-
bæklingi er ætlað að gefa sýnis-
horn af þeim möguleikum sem
bjóðast í silungsveiði hér á landi
Angling in Iceland er prentað-
ur í 50 þús. eintökum. Hluta upp-
lagsins, rösklega 20 þús. ein-
tökum, hefur þegar verið dreift í
samvinnu við Iceland Review.
Var þessum hluta upplagsins
dreift sem fylgiriti með síðasta
tölublaði Iceland Review. Að
öðru leyti verður Angling in Ice-
land einkum dreift fyrir milli-
göngu sportveiðifélaga og klúbba
á meginlandi Evrópu og í Banda-
ríkjunum.
Þessi útgáfa er á ensku, en
Ferðamálaráð hefur til athugunar
að láta einnig prenta þennan
bækling á þýsku og dönsku,
norsku eða sænsku.
Talið er að líklegt sé, að auka
megi talsvert tölu þeirra ferða-
manna erlendra sem hingað
koma með því að vekja sérstaka
athygli á þeim möguleikum sem
hér gefast á silungsveiði og sjó-
stangaveiði. Slíkur veiðiskapur
er í senn fjölbreytilegur og til-
tölulega ódýr. I tengslum við
veiði af þessu tagi gefst erlendum
ferðamönnum einnig færi á að
komast í nána og beina snertingu
við náttúru landsins.
Ferðamálaráð gerir sér vonir
um, að sú athygli sem vakin er á
þessu á erlendum vettvangi,
verði til þess að auka tekjur þjóð-
arinnar af erlendum ferða-
mönnum og veiti þeim jafnframt
aukna ánægju af dvölinni hér.