Dagur - 26.08.1985, Blaðsíða 12
Alltaf vex vöruúrvalið @ j
Akureyri, mánudagur 26. ágúst 1985 Vinsamlegast komið og skoðið Sy |
Landsmót íslands í lendingum á svifflugum fór fram á Melgerðismelum nú um helgina. Keppendur voru 16 talsins
og hér taka nokkrir þeirra á móti Jónasi Hallgrímssyni sem hefur nýlokið glæsilegri lendingu. Mynd: KGA
Slysagildra við Sjallann:
Leigubílstjórar
vilja úrbætur strax
„Við höfum farið fram á að fá
hiöskyidu á bfla sem koma
sunnan Geislagötu, þannig að
þeir eigi ekki réttinn fyrir bfl-
um sem koma ofan Gránu-
félagsgötu,“ sagði Gústaf
Oddsson, bifreiðarstjóri.
„Stjórn BSO hefur bent bæjar-
stjórn á slysahættu vegna um-
ferðar við Sjallann.“
Sagði Gústaf að á þessu horni
hefðu orðið þó nokkuð margir
árekstar og hefðu nokkrir leigu-
bifreiðarstjórar lent í þeim. Erfitt
er að sjá bíla sem koma sunnan
Geislagötuna og einnig er beygj-
an kröpp þegar beygt er upp
Gránufélagsgötu. „Við þurfum
líka oft að bíða þegar við komum
ofan að og bílar koma sunnan
Geislagötu, sem eru aðallega bíl-
ar sem eru á rúntinum.“
Einnig sagði Gústaf að þeir
væru búnir að fá bílastæði á göt-
una norðan við Sjallann, en það
er aðeins merkt með skilti og hef-
ur ekki verið virt. Bifreiðarstjór-
arnir eru því að reyna að fá
bæjaryfirvöld til að mála bíla-
stæðið á götuna, svo aðrir leggi
ekki þar meðan leigubílarnir
þurfa á því að halda. Sagði Gúst-
af að með þessu væru þeir að
bæta þjónustuna við sína við-
skiptavini. Peir legðu bílunum í
einfalda röð og síðan gæti fólk
gengið að þeim þegar það kæmi
úr Sjallanum.
Jakob Jónsson, bifreiðarstjóri
á BSO á sæti í umferðarnefnd og
sagði’hann að þetta mál yrði tek-
ið fyrir á næsta fundi. Sagði
Jakob að bæði merking bíla-
stæðisins og biðskyldumerkið
væri brýnt hagsmunamál fyrir
leigubifreiðarstjóra og að þeir
myndu þrýsta á að fá þessu
breytt. Búið er að samþykkja
þetta bílastæði fyrir leigubílana
og nú væri bara að fá bæjaryfir-
völd til að merkja það, því bif-
reiðarstjórarnir sjálfir gætu ekki
tekið sér pensil í hönd og merkt
bílastæðið á götuna. - HJS
Hótel Stefanía:
Nýir með-
eigendur
- segir Ólafur H. Jónsson
„Það hefur lengi vantað hótel
á Akureyri og það vantar alltaf
almennileg hótel á góðum
stöðum enda hefðum við ekki
farið út í þetta án þess að hafa
trú á þessu,“ sagði Ólafur H.
Jónsson annar nýrra meðeig-
enda í Hótel Stefaníu á Akur-
eyri.
Stefán Sigurðsson sem stofnaði
til reksturs Hótels Stefaníu og
átti það einn til að byrja með
mun áfram stjórna hótelinu en
bæði Ólafur og hinn meðeigand-
inn, Einar Marinósson, eru bú-
settir í Reykjavík. -yk.
Léleg
berjaspretta
„Það er nóg af jöxlum, en okk-
ur vantar bara sólina,“ sagði
einn þeirra sem Dagur spurði
um berjasprettu á Norðurlandi
nú fyrir helgina.
Því miður virðist ástandið al-
mennt vera slæmt hvað varðar
berjasprettu hér norðanlands.
Kalt vor og sólarlítið sumar eru
helstu ástæðurnar. Ekki er þó öll
nótt úti enn fyrir þá sem hafa hug
á að fara í berjamó. Nokkrir sól-
ardagar gætu skipt sköpum því
mönnum bar saman um að nóg
væri af grænjöxlum og hálf-
þroskuðum berjum. - ám
Hótel Stefanía.
Akureyri:
Nýr pizzustaður
í Miðbænum
Á næstunni mun bætast við enn
einn veitingastaðurinn á Akur-
eyri. Þar er um pizzustað að
ræða, sem ítalinn Cosimo Fucci
ætlar að reka, en Cosimo hefur
undanfarin sumur verið með
grænmetismarkað í Miðbænum.
Pizzustaðurinn verður til húsa í
Brekkugötu 7, bakhúsi, þar sem
prentsmiðjan Petit var áður til
húsa.
Norðanátt og kalt
næstu sólarhringa, var
það sem fékkst upp úr
veðurfræðingi í
morgun. Það má búast
við að kólni enn
meira, og fljótlega er
reiknað með skúrum
og jafnvel slyddu.
• Ekki
stórmannlegt
Gæsaveiðitíminn hófst í síð-
ustu viku og mun vera tals-
vert um gæsir. Sá hængur er
á, að eitthvað mun vera um
að gæsirnar séu enn i sárum
og dæmi eru um að ungar
séu ekki orðnir fleygir.
Veðurfarið hefur sem sé haft
áhrif á viðkomu fuglanna.
Þegar þannig háttar hafa
stjórnvöld heimfld til að
fresta þvi að veiði hefjist,
samkvæmt fuglafriðunar-
lögum. Höfðu sannir veiði-
menn og talsmenn gæsa-
stofnsins vonast til að það
yrði gert, en úr þvi varð ekki.
Fyrir vikið munu dæmi þess,
að „veiðimenn“ hafi notað
sér „ffttlun" gæsanna. Þykja
slikar veiðiaðferðir ekki stór-
mannlegar.
# Betri er krókur
en kelda
Stundum kemur það fyrir, að
mönnum verður fótaskortur
á tungunni, þegar markmiðið
er að vera stuttorður og um
leið gagnyrtur i smáauglýs-
ingum blaðanna. Þannig fór
fyrir manninum, sem auglýsti
að hvolpur fengist gefins.
Tekið var fram, að hvolpurinn
æti allt og væri sérstaklega
hrifinn af börnum!!! Verslun-
arstjórinn i herrafataverslun-
inni féll í sömu gryfju, þegar
nann auglýsti hanska fyrir
karlmenn, sem væru loðnir
að innan. Og svo var auglýst
eftir herbergi fyrir stúlku með
eldhúsi og baði. Hún hefur
sennilega þurft frekar stórt
herbergi.
# Árleg
umræða
Segja má að það sé orðinn
árviss atburður þegar liða
tekur að hausti að umræða
hefjist um það hvort togara-
sjómenn hendí miklu magni
af fiski fyrir borð þegar afla-
hrotur koma og ekki hefst
undan að vinna aflann. Þessi
umræða kom upp í síðustu
viku er Jón Ármann Héðins-
son fyrrum alþingismaður
sagðist hafa vissu fyrir því að
togarasjómenn fleygðu fiski
í miklum mæli útbyrðis í
aflahrotum. Þorsteinn Bald-
vinsson útgerðarstjóri frysti-
togarans Akureyrarinnar
sagði síðan daginn eftir að
það væri ekkert smámál að
bera slíkar sakír upp á sjó-
menn og sagði að alls staðar
í þjóðfélaginu, jafnt í fiskiðn-
aði og í öðrum iðnaði væri
verðmætum kastað. Menn
reyndu að vanda sig og
staðreyndin værl sú að oftast
værl meira eyðilagt af fiski í
landl en um borð í skipunum.
Hér eru því stór orð gegn
stórum og fullyrðing gegn
fullyrðingu.