Dagur - 10.02.1986, Page 8

8 - DAGUR - 10. febrúar 1986
NAMSKEIÐ
Raddstyrking ★ Raddbeiting ★ Framsögn
Þarft þú í starfi þínu að tala í sífellu?
Finnurðu fyrir þreytu og þurrki í hálsinum?
Hvernig væri að kynnast stigvísri slökun, djúpöndun og
reyna að styrkja röddina?
Bæta framsögnina og almenna tjáningu?
Hvað um að koma á námskeið hjá okkur?
Þórey Eyþórs, talmeinafræðingur.
Þráinn Karlsson, leikari.
Nánari upplýsingar og innritun í síma 25774.
Firmakeppni
í knattspyrnu innanhúss
Knattspyrnuráð Akureyrar auglýsir eftir þátttöku
í firmakeppni innanhúss 1986.
Þátttökurétt hafa öll fyrirtæki/starfshópar á Akureyri og í
nágrenni. Heimilt er fyrir tvo aðila að sameinast um lið í
keppnina, ef þeir vegna fámennis hafa ekki í lið. Með
þátttökutilkynningum skal fylgja nafnalisti yfir þá leik-
menn er þátt taka og er óheimilt að breyta þeim lista eftir
að keppni er hafin.
Þátttökurétt hafa þeir starfsmenn sem voru á launaskrá
fyrirtækis 1. febrúar sl.
Bent skal sérstaklega á að leikið verður samkvæmt nýj-
um reglum er samþykktar voru á síðasta K.S.Í. þingi.
Þátttökulistum, ásamt þátttökugjaldi, kr. 3.000 fyrir 1 lið,
kr. 5.000 fyrir 2 lið og kr. 1.000 fyrir hvert lið umfram 2,
skal skila til Sveins Björnssonar Plastiðjunni Bjargi eða
Davíðs Jóhannssonar N.T. umboðinu, fyrir 22. febrúar
1986.
K.R.A.
Ritstjórn • Afgreiðsla • Auglýsingar
Sími 24222
„Konan segir að ég
sé giftur apótekinu"
- Kjartan Aðalsteinsson, apótekari á Blönduósi,
í spjalli við blaðamann Dags
Hann var að tala í símann
þegar ég kom á umsömd-
um tíma, og þvílíkt tungu-
mál sem maðurinn notaði
inn á milli, sennilega var
hann að panta eitthvað til
lyfjagerðar, því sá sem ég
var kominn til að taka
viðtal við er Kjartan Aðal-
steinsson apótekari á
Blönduósi.
- Algengasta spurningin fyrst
Kjartan, hvaðan ertu?
Frá Kjörmarkaði KEA Hrísalundi
Hjá okkur fáið þið
sprengidags-
saltkjötið
beint úr tunnunni
Baunir, fíesk og rófur
Velkomin í Hrísalund
Hrísalundi.
„Ég er fæddur í Reykjavík og
tel mig því Reykvíking en ef þú
ætlar að fara út í ættfræðina, þá
get ég sagt þér að pabbi er héðan
frá Blönduósi.“
- Hvernig er námsferill lyfja-
fræðings?
„Að loknu þessu hefðbundna
var ég fyrst tvö ár í H.í. og síðan
þrjú ár við nám í Kaupmanna-
höfn þar sem ég tók kandídats-
próf í lyfjafræði. Að námi loknu
vann ég í fimm ár við lyfjainn-.
flutning. Síðan fór ég til Seyðis-
fjarðar og var þar í u.þ.b. fimm
ár sem apótekari. Þú ferð nú að
halda að ég verði þá fimm ár hér
líka,“ segir Kjartan og hlær við.
- Þarf maður að vera lyfja-
fræðingur til að meiga vera apót-
ekari?
„Maður verður að vera kand-
ídat í lyfjafræði en það er eins
með okkur og kennara; það
verða ekki allir kennarar skóla-
stjórar, þó að þeir verði að vera
lærðir kennarar til þess að geta
orðið skólastjórar. Það eru ekki
nema rétt um 40 lyfjafræðingar
apótekarar en lyfjafræðingar eru
um 200 í landinu!"
- Hvernig kunnir þú við þig í
Kaupmannahöfn?
„Ég kunni vel við mig og þetta
var mikil lífsreynsla. Auðvitað
fannst manni margt skrýtið fyrst
en munurinn er ekki svo ýkja
mikill. Sumrin eru þægilegri og
lengri en hér heima, en veturnir
ósköp líkir því sem er í Reykja-
vík. Bjórinn? Jú, jú, hann er
ágætur en ég sakna hans ekkert
sérstaklega. Ég eignaðist t.d.
bjórkassa í haust og hann entist í
þrjá mánuði."
- Nú hefur heyrst að við ís-
lendingar séum miklar pilluætur,
erum við það?
„Nei, það held ég ekki, annars
er erfitt að bera þetta saman. Það
var t.d. gerð könnun fyrir nokkr-
um árum. Þá kom fram, að hér
var notað meira af ýmsum pensil-
ínmeðulum en á hinum Norður-
löndunum, en ekki af taugatöfl-
um ýmiss konar.“
- Nú er mjög mikið talað um
pillunotkun alls konar í umræð-
unni um eiturlyf, og oft sagt að of
auðvelt sé að komast yfir þær
pillur sem þetta fólk sækist helst
eftir. Geta apótekarar eitthvað
gert í málinu?
„Það er ákaflega lítið hægt að
gera á stórum svæðum eins og í
Reykjavík, þar sem menn þúrfa
ekki að fara í sama apótekið
nema með löngu millibili. En á
smærri stöðum, eins og til dæmis
hér, er þetta tiltölulega auðvelt
þar sem maður lærir fljótt að
þekkja fólkið. Þess vegna þýðir
ekkert fyrir sama manninn að
koma aftur og aftur með þess
konar lyfseðla, jafnvel þó honum
tækist að verða sér úti um þá.
Nei, það er ekkert sameiginlegt
eftirlit með þessu og áreiðanlega
mjög erfitt að koma því við.
Enda er þetta orðinn mjög ósvíf-
inn hópur, sem í þessum eitur-
lyfjamálum starfar, og finnur upp
ótrúlegustu aðferðir til að verða
sér úti um efnin.“
- En Kjartan, á hverju ári er
birtur listi yfir hæstu skattgreið-
endur hér og þar á landinu og
yfirleitt er þó nokkuð um lyfsala
á þessum listum. Eruð þið svona
ríkir?
„Lyfsalar hafa góð laun, já, en
þarna er annað og meira á ferð-
inni sem fólk áttar sig ekki á. Það
er nefnilega átt við allan rekstur-
inn, en ekki bara laun lyfsalans
því að lyfsöluleyfið er persónu-
bundið og það má t.d. ekki
stofna um það hlutafélag.“
- Hvað um áhugamál nýja
apótekarans á Blönduósi?
„Þau eru fá. Það væri þá helst
skíði; við skruppum stundum
með krakkana á skíði. Við eigum
þrjú börn V/2 árs, 7 og 9 ára,
stráka á báðum endum. En ann-
ars má segja að vinnan sé mitt
aðaláhugamál enda segir konan
að ég sé giftur apótekinu!“
- Jæja Kjartan eitthvað að
lokum?
„Að lokum já. Ja, ég má ekki
segja að ég voni að allir hafi það
gott, því þá drepst ég! En ég
vona bara að mér takist að þjóna
Húnvetningum vel og að mér
komi til með að líka vel hér, eins
og mér líkaði vel á Seyðisfirði,"
sagði þessi líflegi apótekari í lok
samtalsins. G.Kr.