Dagur - 28.04.1986, Blaðsíða 1

69. árgangur
Akureyri, mánudagur 28. aprfl 1986
78. tölubiað
Samherji hf.:
Margréti EA breytt
fyrir 100 milljónir
- Skipið lengt um 10 metra og útbúið til rækjuveiða
Togarinn Margrét EA héit
áleiðis til Noregs í gær en þar á
að framkvæma miklar lagfær-
ingar og breytingar á skipinu.
„Það á meðal annars að setja í
það nýja vél, lengja það og
útbúa það til rækjuveiða,“
sagði Þorsteinn Baldvinsson
hjá Samherja h.f. á Akureyri í
samtali við Dag.
Margrét EA hét áður Maí og
var togarinn í eigu Bæjarútgerðar
Hafnarfjarðar og síðar Hvaleyrar
h.f. Samherji eignaðist togarann
eftir skipti við Hvaleyri á tog-
bátnum Helga S. Vél Margrétar
er ónýt og hyggjast Samherja-
menn setja í skipið nýja vél, gír
og hæggenga skrúfu auk þess sem
skipið verður gert upp. Að sögri
Þorsteins verður skipið lengt um
u.þ.b. 10 metra og munu breyt-
ingarnar kosta í allt rúmar 100
milljónir króna og verktíminn
verða hálft ár.
Þorsteinn sagði að vel hefði
verið hægt að láta framkvæma
þessar breytingar hér heima en
verkefnastaða íslenskra skipa-
smíðastöðva væri góð í augna-
blikinu og þess vegna hefði verið
ákveðið að láta gera breytingarn-
ar í Noregi.
Samherji hefur fengið öll til-
skilin leyfi til að fara út í breyt-
ingarnar. „Svo verður bara að
koma í ljós hver á þetta skip þeg-
ar upp er staðið. Við vonumst til
og trúum því að við munum
verða eigendur að því,“ sagði
Þorsteinn og skírskotaði þar til
þess að til þess að standa undir
slíkum breytingum verði rekstr-
arafkoman að verða góð á næst-
unni og í þeirri trú væri farið af
stað. Þorsteinn sagði að sú stað-
reynd að útgerðarfélagið Odd-
eyri, sem Samherji er eignaraðili
að, fékk eitt raðsmíðaskipanna
setji ákveðíð strik í reikninginn
en hann sagðist vona að Margrét
EA muni koma til með að skapa
mönnum atvinnu á sama hátt og
Akureyrin hefur gert.
„Þegar menn eru að bera sam-
an tölur varðandi viðgerðir hér
og erlendis hefur það sýnt sig að
þær tölur eru að mörgu leyti ekk-
ert ólíkar, þótt verktíminn sé oft
á tíðum lengri hér. Þegar menn
eru að rakka niður íslensku
„Þetta er allt í lagi, þú vinnur bara á næsta ári,“ gæti þjálfarinn verið að
segja við unga skíðagarpinn, honum til hughreystingar. Myndin var tekin á
Andrésar Andar leikunum sem lauk á laugardag. Sjá nánar íþróttasíður í
miðopnu. Mynd: KGA.
skipasmíðina geta sumir útgerð-
armenn virkilega tekið í hnakka-
drambið á sjálfum sér vegna þess
hvernig þeir standa að sínum við-
gerðum. Ég tel oft á tíðum ómak-
lega að íslensku stöðvunum
vegið. Ég bendi á í því sambandi
að breytingar á Akureyrinni voru
framkvæmdar í Slippstöðinni á
Akureyri og þær voru samkeppn-
ishæfar í verði og vinnubrögð
iðnaðarmanna öll til fyrirmynd-
ar,“ sagði Þorsteinn að
lokum. BB.
Ungfrú Akureyri:
Gígja Birgisdóttir var kjörin „Ungfrú Akurevri" á skemmtun í Sjallanum
fyiir helgina. Sjá nánar li_ q
í máli og myndum á •
Sjallinn seldur!
- Skrifað undir samninga í dag
„Það verður skrifað undir á
morgun og við tökum við
rekstrinum 1. maí,“ sagði
Helgi Helgason, einn þriggja
einstaklinga sem eru að kaupa
veitingahúsið Sjallann á Akur-
eyri af hlutafélaginu Akri, er
Dagur ræddi við hann í gær.
Það eru þeir Helgi Helgason,
Jón Högnason og þriðji aðili sem
ekki var hægt að fá gefið upp í
gær hver er, sem standa að kaup-
unum, en þeir Helgi og Jón reka
veitingastaðinn „Crown-chicken“
á Akureyri.
Helgi sagði í samtali við Dag
að nú væri einungis eftir að
undirrita samninginn. „Það er
hægt að reka þetta hús og reynd-
ar má Sjallinn alls ekki deyja,“
bætti hann við. Jón sagði að
samningur lægi fyrir, en það ætti
eftir að undirrita hann og einnig
ætti Iðnaðarbankinn, sem er við-
skiptabanki Sjallans, eftir að
leggja blessun sína yfir kaup
þeirra félaga.
Hver þriðji aðilinn er sem
stendur að kaupunum var ekki
hægt að fá gefið upp í gær, og
reyndar er talið hugsanlegt að sá
aðili muni verða „huldumaður"
áfram og nafn hans verði ekki
gefið upp. En það liggur sem sagt
nokkuð ljóst fyrir að í dag eftir
aðalfund Akurs hf. verði gengið
frá samningum og nýir eigendur
taki við Sjallanum á fimmtudag.
Miklar skemmdir
á Sigluvíkinni
- Mesta mildi að ekki fór verr
„Það brotnuðu 5 rúður í
brúnni og hún hálffylltist af
sjó. Loftið í brúnni er mikið
skemmt og ég held ég megi
segja að öll tækin séu mikið
skemmd og jafnvel ónýt,“
sagði Sigurjón Jóhannsson
skipstjóri á Sigluvík SI-2 frá
Siglufírði en skuttogarinn fékk
á sig brotsjó á föstudagsmorg-
uninn þar sem hann var á veið-
um í Víkurál.
Sigluvík kom til hafnar á Siglu-
firði um 2-leytið í fyrrinótt. í gær-
kvöldi var von á mönnum frá
tryggingafélagi skipsins til að
meta skemmdirnar en ljóst er að
þær eru mjög miklar. Að sögn
Sigurjóns skipstjóra er ekkert
heillegt í brúnni. Þá flæddi sjór
niður í íbúðir á millidekki og
neðra dekki og olli talsverðum
skemmdum þar.
Magnús Asmundsson 1. stýri-
maður var í brúnni þegar óhapp-
ið varð og þykir mesta mildi að
hann skyldi sleppa ómeiddur.
„Maður skilur varla hvernig
hann fór að því að sleppa svona
vel, því af öllum ummerkjum að
dæma hefur brúin bókstaflega
fyllst af sjó. Meira að segja tæki
sem eru fjærst frá gluggunum eru
mikið skemmd," sagði Sigurjón.
Búast má við að Sigluvíkin
verði stopp í talsverðan tíma
vegna þessa en málin munu vænt-
anlega skýrast í vikunni. BB.
Þeir munu einnig taka við
skuldum fyrirtækisins, en Sjalla-
nafnið verður áfram við lýði.
Talsverðar breytingar eru áform-
aðar á rekstri hússins en Jón
Högnason sagði of snemmt að tjá
sig um þær á þessu stigi. gk-.
Lögreglan:
Norðlensk æska
til fyrirmyndar
Lögreglan á Norðurlandi átti
náðuga helgi að þessu sinni.
Einungis eitt umferðaróhapp
varð um helgina. Það var að-
faranótt sunnudags að bíll ók
út af veginum í Langadal.
Fernt var í bílnum og sluppu
allir ómeiddir nema hvað bíl-
stjórinn meiddist lítillega á
hendi.
A Akureyri voru tveir öku-
menn teknir fyrir meinta ölvun
við akstur. Lögreglumönnum
þótti sérstaklega ánægjulegt
hversu rólegir unglingarnir voru
um helgina. Samræmdum próf-
um í grunnskólunum lauk á
föstudaginn og áttu margir von á
að unglingarnir myndu halda
ærlega upp á það. Svo sem kunn-
ugt er stóð lögreglan í Reykjavík
í stórræðum um helgina við að
hemja unglingana sem fóru eins
og stormsveipur um miðborgina,
brutu rúður og létu öllum illum
látum.
Margir norðlenskir unglingar
gerðu sér dagamun um helgina
en voru mun rólegri en jafnald-
rarnir í höfuðborginni. Lögregl-
an þurfti engin afskipti að hafa af
hátíðahöldum unglinganna og
höfðu menn á orði að norðlensk
æska væri hreint til fyrirmyndar.
BB.