Dagur - 28.04.1986, Blaðsíða 12

Akureyri, mánudagur 28. aprfl 1986
BBC-tölvur
* Bókhaldsforrit
+ Kennsluforrít
^ Leikjafomt Gránufélagsgötu 4, 2. hæð • Akureyri • Sími 96-26155
Tölvutæki sf.
Á þriðjudaginn verður haldinn
almennur stjórnmálafundur að
Hótel KEA á Akureyri. Gestir
fundarins verða Halldór
Ásgrímsson sjávarútvegsráð-
herra og Alexander Stefánsson
félagsmálaráðherra.
Alexander mun m.a. ræða um
nýja húsnæðisfrumvarpið en
Halldór um ýmis mál tengd
sjávarútvegi.
Þarna verður kjörið tækifæri
fyrir fólk að fræðast um þessi mál
og skiptast á skoðunum.
Tímamótasamningur
- Iðnaðardeild Sambandsins samdi við Grænlendinga um aðstoð
við uppsetningu sútunar- og saumastofu á Grænlandi
„Þaö má segja að þetta sé
tímamótasamningur. Þetta er
fyrsti umtalsverði samningur-
inn sem íslenskt iðnfyrirtæki
gerir um útflutning á þekk-
ingu,“ sagði Jón Sigurðarson
framkvæmdastjóri ullariðnað-
ardeildar Sambandsins, en
forráðamenn ullariðnaðar-
deildar voru á Grænlandi í síð-
ustu viku og gerðu þar samn-
ing við KNA, sem er sútun og
saumastofa í Julianahaab á
Grænlandi.
„Ástæðan fyrir því að þeir leit-
uðu til okkar er einkum tvenns
konar. Annars vegar vegna þess
að þeir vissu að við réðum yfir
mikilli og ágætri reynslu og hins
vegar vegna þess að það er mikill
vilji hjá Grænlendingum að vinna
með íslendingum."
Nýr hótel-
stjórí á Húsavík
Nýr hótelstjóri mun taka til
starfa á Hótel Húsavík 15. maí
n.k. Heitir hann Pétur Snæ-
björnsson og er 27 ára að aldri.
Pétur er ættaður úr Mývatns-
sveit. Hann hefur starfað í
Reykjavík en einnig hefur hann
lært hótelrekstur á hótelstjórnun-
arskóla í Noregi.
Pétur tekur við starfinu af Sól-
borgu Steinþórsdóttur sem hefur
starfað sem hótelstjóri á Húsavík
síðan í haust, en Sólborg sagði
starfinu lausu á dögunum. gk-.
Bæjarráð Akureyrar:
Engin ákvörðun
veríð tekin í
„stólamálinu"
Bæjarráð Akureyrar sam-
þykkti sérstaka bókun á fundi
á föstudaginn, vegna fréttar í
Degi um að stólar til Verk-
menntaskólans á Akureyri
verði keyptir erlendis en ekki
hjá Kótó eins og fyrirhugað
hafði verið.
í bókuninni bendir bæjarráð á
að þessi ákvörðun hafi ekki verið
staðfest af bæjarstjórn Akureyr-
ar.
„Bæjarstjórn er ekki búin að
taka afstöðu til þessa máls og ég
get ekki á þessu stigi sagt til um
hvaða afgreiðslu málið hlýtur í
bæjarstjórn. En málinu er langt
frá því lokið. Meira að segja
byggingarnefnd Verkmennta-
skólans er ekki búin að afgreiða
málið frá sér,“ sagði Helgi M.
Bergs bæjarstjóri í samtali við
Dag.
Helgi benti á að það væri mót-
uð stefna bæjarstjórnarinnar að
velja að öðru jöfnu fyrst og
fremst vörur frá Akureyri, í öðru
sæti væru vörur framleiddar ann-
ars staðar innanlands en lestina
rækju vörur framleiddar erlend-
is. BB.
Samningur sá er gerður var í
Grænlandi er þess eðlis að Iðnað-
ardeildin mun veita Grænlend-
ingum aðgang að allri reynslu og
þekkingu sem fyrir hendi er,
bæði í sútun og saumum. Hér á
Akureyri er stór og góð rann-
sóknarstofa og þar munu verða
gerðar ýmsar tilraunir sem gera
þarf. Einnig munu koma hingað
Grænlendingar í starfsþjálfun og
þá verða sendir héðan menn til
að koma hlutunum í gang. Iðnað-
ardeildin mun einnig verða til
aðstoðar hvað markaðsmálin
varðar. „Við munum aðstoða þá
við að gera áætlanir og benda á
markaði. Jafnvel munum við
taka að okkur söluna til að byrja
með, en reyna síðan að færa hana
yfir í þeirra hendur,“ sagði Jón
Sigurðarson.
Samningurinn er til fimm ára
og ráða Grænlendingar ferðinni
mikið til. Þ.e. að samningurinn
gengur út á það að Grænlending-
ar verði sjálfum sér nógir.
„Mér leist vel á þetta. Það er
.greinilegt að áhugi er bæði á
meðal stjórnvalda og almennings
um að koma upp iðnaði. Græn-
lendingar telja sig komna á það
stig að þeir verða að koma upp
iðnaðarsamfélagi, það verður
ekki til baka snúið, þeir eiga ekki
aðra leið. Ég fagna því mjög ef
við íslendingar getum hjálpað
þeim á þeirri braut og ég tel að
íslensk viðskiptafyrirtæki eigi að
kanna það nánar hvaða mögu-
í Julianahaab á Grænlandi í síðustu viku. Bjarni Jónasson framleiðslustjóri
sútunar, Kristján Torfason framleiðslustjóri skinnasaumastofu og Órn
Gústafsson framkvæmdastjóri skinnaiðnaðar, halda til samningagerðar við
Grænlendinga um uppsetningu sútunar- og skinnasaumastofu. Mynd: -mþþ
leikar eru fyrir hendi til að auka
samskiptin á milli landanna,“
sagði Jón. -mþþ
Slökkvilið:
Tvö útköll
á laugardag
Um hádegið á laugardag kom
upp eldur í togaranum Júpiter
frá Reykjavík sem lá við við-
legukant Slippstöðvarinnar á
Akureyri.
Þá kviknaði í færibandi á milli-
þilfari aftan til í skipinu. Starfs-
menn stöðvarinnar höfðu náð
tökum á eldinum þegar slökkvi-
liðið kom á vettvang og var
eldurinn fljótlega slökktur. Talið
er að kviknað hafi í út frá raf-
magni og er tjónið nokkurt. gk-.
Þá var slökkviliðið á Akureyri
kvatt að húsi við Heiðarlund á
laugardagskvöldið, en mikinn
reyk lagði þar úr íbúð. í ljós kom
að það var kvöldmaturinn á
heimilinu sem var að brenna.
Hafði fólkið brugðið sér frá og
gleymt matnum á eldavélinni.
Skemmdir urðu ekki miklar
nema einhverjar af reyk. gk-.
Músíktilraunir Tónabæjar
og Rásar 2:
„Greifamir“ frá
Húsavík sigruðu
Húsvíska hljómsveitin „Greif-
arnir“ fór með sigur af hólmi í
Músíktilraunum Tónabæjar og
Rásar 2 árið 1986, sem lauk á
föstudagskvöldið í félagsmið-
stöðinni Tónabæ í Reykjavík.
Þessi keppni fer fram árlega og
þykir mikil viðurkenning að sigra
í henni. Alls tók keppnin 4
kvöld, þ.e. þrjú kvöld voru
undanrásir og síðan fór loka-
keppnin fram á föstudagskvöld-
ið. Þar kepptu 8 hljómsveitir til
úrslita en alis tóku 20 hljómsveit-
ir þátt í keppninni.
Sem fyrr segir sigruðu „Greif-
arnir“ frá Húsavík, í öðru sæti
varð akureyrska hljómsveitin
„Drykkir innbyrðis“ og í þriðja
sæti varð „Voice“ frá Reykjavík.
BB.
„Fyrir neðan allar hellur“
- segir Jónas Sigurjónsson um þá ákvörðun byggingarnefndar
Verkmenntaskólans að kaupa norska stóla en ekki innlenda
Dagur skýrði frá því fyrir helg-
ina að bygginganefnd Verk-
menntaskólans á Akureyri hafi
ákveðið að kaupa ekki stól frá
húsgagnaverkstæðinu Kótó á
Akureyri í álmu skólans, held-
ur kaupa norska stóla. Hér er
um að ræða alls 300 stóla, og
hafa margir orðið til þess að
hafa samband við blaðið vegna
þessa máls. Einn þeirra er Jón-
as Sigurjónsson sem rekur inn-
réttingafyrirtækið Valsmíði á
Akureyri.
„Mér finnst full ástæða til þess
að fólk láti frá sér heyra og mót-
mæli þessari innkaupastefnu,"
sagði Jónas. „Þessi stefna er að
mínu mati fyrir neðan allar hellur
því ég fæ ekki betur séð en að
Kótóstólinn sé fallegri en sá
norski sem er með plastsetu og
Kótó-stóllinn er fyllilega sam-
keppnisfær á allan hátt. Þeir hjá
Kótó hafa sannað það að þeir
geta smíðað syona stóla, þeir
hafa m.a. smíðað fyrir Útgerðar-
félag Akureyringa stóla í kaffi-
stofu og þeirra vinna hefur líkað
vel, enda menn með reynslu sem
starfa hjá fyrirtækinu.
Svo er talað um að þeir hjá
Kótó eigi að halda áfram að gera
tilraunir með stólinn en ég segi
bara til hvers er það ef það verð-
ur svo ekki verslað við þá? í
þessu tilfelli er um Verkmennta-
skólann að ræða, skóla sem er að
mennta iðnaðarmenn, og ég skil
bara ekki þennan hugsunarhátt.
Svona lagað yrði ekki látið við-
gangast erlendis,“ sagði Jónas
Sigurjónsson.
gk--