Dagur - 28.04.1986, Blaðsíða 2

2 - DAGUR -28. apríl 1986
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, GESTUR KRISTINSSON (Blönduósi),
INGIBJÖRG MAGNÚSDÓTTIR (Húsavík), YNGVI KJARTANSSON,
KRISTJÁN G. ARNGRlMSSON, KRISTJÁN KRISTJÁNSSON,
MARGRÉT Þ. ÞÓRSDÓTTIR,
AUGLÝSINGASTJÓRI: FRÍMANN FRlMANNSSON
ÚTBREIÐSLUSTJÓRI:
HAFDfS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Jeiðari.___________________________
Akureyringar
krefjast háskóla
Mjög sterkur almennur vilji er fyrir því á
Akureyri að það verði tekið upp nám á
háskólastigi. Dagur gekkst fyrir skoðana-
könnun um þetta mál meðal Akureyringa fyr-
ir skömmu. Tæplega 500 manns voru spurðir
að því hvort þeir væru fylgjandi eða andvígir
háskóla á Akureyri.
Tæplega 93 % aðspurðra svöruðu spurning-
unni og voru tæplega 88% fylgjandi háskóla-
námi á Akureyri, en aðeins rösklega 2% voru
á móti eða kváðust andvígir því að stofnað
yrði til háskólanáms á Akureyri. Óákveðnir
voru rösklega 3% aðspurðra. Ef aðeins er tek-
ið tillit til þeirra sem tóku afstöðu, þá voru
97,73 Akureyringa fylgjandi háskóla á Akur-
eyri en aðeins 2,3% voru á móti.
Þessi niðurstaða sýnir ótvíræðan vilja Akur-
eyringa til þess að í bænum verði efnt til
háskólanáms. Reikna mátti með að almennt
væru menn þessu fylgjandi, en varla að um
nær einróma vilja væri að ræða.
Þegar Sverri Hermannssyni, menntamála-
ráðherra, var kynnt niðurstaða þessarar skoð-
anakönnunar Dags, sagði hann að hún væri
gleðileg og góður stuðningur gegn þeim sem
alltaf væru með jarm og reyndu að draga úr
öllum hlutum.
Menntamálaráðherra hefur áður lýst yfir
vilja til þess að koma háskólakennslu á lagg-
irnar á Akureyri og tók reyndar svo sterkt til
orða um tíma að hann stefndi að þvi að hægt
væri að hefja kennslu þegar á komandi
hausti, í einhverjum mæli. Ekki verður annað
séð en að ráðherranum verði ekki að ósk
sinni. Það eru ekki nema fjórir til fimm mán-
uðir til stefnu og ráðherrann hefur enn ekki
tekið ákvörðun.
Því verður vart trúað á Sverri Hermannsson
að hann láti örfáa íhaldssama embættismenn
í Reykjavík koma í veg fyrir að háskólanám á
Akureyri verði að veruleika. Fjölmargar rök-
semdir eru með því að setja upp háskóla á
Akureyri, en einkum einni viðbáru gegn því
er haldið á lofti — þeirri að það verði svo dýrt.
Þessi mótbára er markleysa, en hún skýtur
alltaf upp kollinum þegar kemur til tals að
færa þjónustuna út til fólksins í landinu. Það
er alveg ótrúlegt hvaö menn geta verið blind-
ir fyrir því að það er dýrt að þurfa að sækja
alla þjónustu suður til Reykjavíkur. Fólks-
flutningar með tilheyrandi þenslu á einum
stað en samdrætti annars staðar kosta þjóð-
arbúið ómældar fjárfúlgur, auk þess óréttlæt-
is sem af hlýst.
-viðtal dagsins.
Mynd: IM
Hjördís Árnadóttir:
„Hér er fallegt og
fólkið er gott“
Hjördís Arnadóttir skipar ann-
að sæti á lista Framsóknar-
flokksins fyrir bæjarstjórnar-
kosningarnar á Húsavík í vor.
Hún er fædd 1943 og uppalin í
Rauðuskriðu í Aðaldal, dóttir
hjónanna Guðnýjar Kristjáns-
dóttur og Árna Friðfinnssonar.
„Við vorum sex systkinin en
það má kannski segja að við höf-
um verið ellefu. Bróðir pabba og
systir mömmu bjuggu í sama hús-
inu þau áttu fimm börn og við
ólumst öil upp saman eins og
systkini."
- Var mikill samgangur við
Húsavík á þessum árum?
„Nei, það er ekki hægt að segja
það, við skruppum hingað í
kaupstaðarferðir nokkrum sinn-
um á ári.“
- Nú býrð þú á Húsavík, en
leið þín lá ekki beint hingað úr
sveitinni.
„Ég fór í Laugaskóla og síðan í
Húsmæðraskólann á ísafirði en
meiri varð skólagangan ekki. Ég
bjó á mörgum stöðum t.d. Akra-
nesi og Vestmannaeyjum en flyt
síðan aftur í sveitina með börnin
mín tvö eftir að ég missti
manninn. Pá fór ég að vinna við
ýmislegt, mest sem ráðskona.
St'ðan hóf ég búskap í Skriðu
með Kristni V. Magnússyni og
þar bjuggum við í hálft annað ár,
þar til við fluttum til Húsavíkur
fyrir tíu árum, þá höfðum við
eignast son. Mér finnst Húsavík
miklu betri staður en ég bjóst
við. Þegar ég var unglingur hét ég
því að ég skyldi aldrei búa á
Húsavík. En hér er fallegt og
fólkið er gott og mér líkar alltaf
betur og betur. Staðurinn býður
upp á ýmislegt."
Hjördís starfar við afgreiðslu
hjá Kaupfélagi Þingeyinga en
Kristinn er framkvæmdastjóri
Foss hf. véla- og bifreiðaverk-
stæðis. Hjördís er virk í félags-
málum, situr í stjórn Starfs-
mannafélags KÞ og Verslunarfé-
lags Húsavíkur. Hún var stofn-
félagi og síðar forseti JC Húsa-
víkur. Söngur er eitt af hennar
áhugamálum og hún hefur starf-
að með Kirkjukór Húsavíkur síð-
an hún flutti í bæinn.
- Nú ert þú komin í öruggt
sæti á lista til bæjarstjórnarkosn-
inga. Hvernig leggst það í þig?
„Ég er mjög hreykin af að mér
skyldi vera boðið þetta sæti,
framtíðin verður að skera úr um
hvernig til tekst. Ég reyni örugg-
lega að gera mitt besta. Ég hefði
aldrei lagt í þetta ef maðurinn
minn hefði ekki eindregið hvatt
mig til þess.
Störfin að þessum málum eiga
vafalaust eftir að bitna á húsmóð-
urhlutverkinu og fjölskyldu
minni svo að það er ómetanlegt
að fá stuðning úr þeirri átt.
Ég verð að segja að ég er mjög
lítið kunnug bæjarmálum, í raun
allt of lítið, en ég hef áhugann og
ætla að gera það sem ég get,
meiru er víst ekki hægt að lofa.“
- Hvaða bæjarmál setur þú á
oddinn?
„Atvinnumálin hljóta að vera
mjög ofarlega, ég hef einnig
áhuga t.d. á dagvistunarmálum
og málefnum aldraðra. Svo á
margt eftir að koma í ljós þegar
ég kynnist því betur. Ég ætla að
ganga að þessum málum sem
hverri annarri vinnu og álít að
þetta verði heilmikil vinna. En
þetta mun allt koma smátt og
smátt þegar tekið er á hverju
máli jafnóðum, í raun er ég
hvergi smeyk við að takast á við
þetta.“
Við síðustu bæjarstjórnarkosn-
ingar á Húsavík var Framsókn-
arflokkur með þrjá menn kjörna,
nú skipa konur annað og þriðja
sæti listans. Sjálfstæðisflokkur
var með tvo menn, þar er kona í
fyrsta sæti nú og konur eru í öðru
sæti á listum bæði Alþýðuflokks
og Alþýðubandalags en þeir
flokkar fengu hvor um sig tvo
menn kjörna síðast. Þetta þýðir
að ef fylgi flokkanna verður
óbreytt og þeir hljóta allir jafn
marga bæjarfulltrúa kjörna í ár
og við síðustu kosningar verða
konur í meirihluta í bæjarstjórn
Húsavíkur að kosningum
loknum.
- Hvernig litist Hjördísi á þá
stöðu?
„Auðvitað líst mér vel á að
konur séu í meirihluta. Ég hef
aldrei verið nein sérstök kven-
réttindakona en auðvitað vil ég
jafnrétti, að konur njóti sömu
réttinda og karlmenn og hafi
sömu möguleika.
En fyrst og fremst vil ég að það
sé hæft fólk sem situr í bæjar-
stjórn, án tillits til þess hvort það
eru karlar eða konur.“ IM