Dagur - 23.05.1986, Síða 11
23. maí 1986 - DAGUR - 11
Atvinnumálin
efst á baugi
- Sigfríður L. Angantýsdóttir
kennari á Blönduósi á línunni
Á línunni í dag er Sigfríður Lilj-
endal Angantýsdóttir kennari
við Grunnskóla Blönduóss, en
hún er jafnframt annar maður á
lista vinstrimanna og óháðra við
hreppsnefndarkosningar nú í
maí.
- Ég byrja á að spyrja um
fjölskylduna: Hver er eiginmað-
urinn oghvað eru börnin mörg?
„Maðurinn minn heitir Pétur
Brynjólfsson og hann sér um
Féíagsheimilið hér, við eigum
þrjú börn; dóttur sem er að
ljúka öðru ári í Kennarahá-
skólanum, son sem var að Ijúka
stúdentsprófi frá framhaldsdeild
Samvinnuskólans og svo 14 ára
strák sem er hérna heima.“
- Hvað eruð þið búin að búa
lengi á Blönduósi og hvernig lík-
ar þér?
„Við erum búin að vera hér í
rúm þrjú ár og mér hefur líkað
ákaflega vel og einhvern veginn
líkar mér betur að búa í svona
fámennara samfélagi heldur en
á Akureyri, auðvitað sakna ég
margs frá Akureyri og sérstak-
lega fólksins míns og náttúrlega
vina og kunningja því við vorum
búin að búa þar í um 20 ár, en
það hefur verið ákaflega gott að
vera hér og ég kann ákaflega vel
við mig.“
- Og nú ertu komin í
bæjarmálapólitíkina, hvað kem-
ur til?
„Náttúrlega hefur maður
áhuga á því hvernig með mál er
farið og hvernig þau snúast og
manni finnst að maður hafi
skyldum að gegna, það verður
einhver að gera þessa hluti og
því ekki þá að gera það, ég hef
reynslu af því að starfa að þess-
um málum ég vann að bæjar-
málum á Akureyri og var þar
fyrsti varamaður Framsóknar-
manna í bæjarstjórn og var for-
maður skólanefndar, þannig að
þegar þess var farið á leit við
mig að ég tæki þátt í framboði
nú þá sló ég til.“
- Og hver verða svo
aðaláhersluatriðin þín í bæjar-
málunum?
„Það sem brennur á mér er
náttúrlega húsnæðisskortur
grunnskólans eins og er þá vant-
ar okkur tvær til þrjár stofur til
kennslu, tækjakostur og bóka-
safn nýtist okkur ekki vegna
þrengsla. Pá verður að reyna að
hraða uppbyggingu íþróttamið-
stöðvarinnar því með tilkomu
hennar opnast aukið rými til
kennslu. Ég mun því leggja mig
fram um að reyna að koma þess-
um málum áleiðis. En atvinnu-
málin eru þau mál sern efst eru á
baugi og þau hljóta því að verða
meginmál kosninganna, því að
það hlýtur auðvitað allt að
byggjast á því að fjölskyldunum
og heimilunum vegni vel. Nú,
eins og flestum er kunnugt þá
kemur hingað rækjutogari á
árinu og það mun skapa um 30
ný atvinnutækifæri og í fram-
haldi af því er að sjálfsögðu
nauðsynlegt að bæta hér hafnar-
aðstöðuna og það þarf að leggja
áherslu á að fá fjármagn í þá
framkvæmd en ég held að það
geti varla nokkur maður efast
um nauðsyn þess að við fáum
úrbætur í þessum málurn."
- En hvað með aðrar
atvinnugreinar?
„Hreppurinn á aðild að iðn-
þróunarfélagi Norðurlands
vestra sem var stofnað á síðast-
liðnu ári. Pá var einnig settur á
stofn iðnþróunarsjóður sem ætlað
er að létta undir eflingu atvinnu-
lífs í kjördæntinu. Frambjóð-
endur H-listans munu fylgja
sömu stefnu í atvinnumálum og
þeir hafa haft og reyna eftir
mætti að skapa skilyrði til
atvinnurekstrar með hóflegri
skattlagningu og athuga með
byggingu iðngarða og eftir
atvikum þátttöku í fyrirtækjum
ef svo ber undir. Annars er það
ekki stefna okkar að hreppurinn
standi í atvinnurekstri nema þá í
einstaka tilfellum sem þá yrði að
meta hverju sinni."
- Er mikill munur á stefnu-
málum listanna þriggja sem eru
í framboði?
„Hinir listarnir hafa ekki birt
neinar stefnuskrár en auðvitað
brenna atvinnumálin á okkur
öllum. Annars er það svo að á
svona litlum stað þar sem allir
þekkjast þá kýs fólkið meira um
einstaklingana en lista, ég held
því að fólk kjósi frekast þá sem
það treystir til að hafa dugnað
og atorku til að þoka málum
áfram og ég vona bara að fólk
hér átti sig á því hvað það er
nauðsynlegt að velja fólk sem
hefur reynslu af þessum málum
og kann á kerfið eins og sagt
er.“
- Viltu spá um úrslitin í kosn-
ingunum?
„Við fáum örugglega þrjá
menn, ég held ég spái ekkert
frekar um úrslit."
- Hvað um áhugamálin hver
eru þau helst?
„Það eru hestarnir mínir ég er
með þrjá hesta og er að reyna að
temja sjálf það er alveg stór-
kostlegt að vera komin út í
hestamennskuna, og þessi
árstími er alveg sérstaklega
skemmtilegur í því sambandi.
Ég ætti kannske að vera að reyna
að smala atkvæðum öllum
stundum en allt verður þetta að
hafa sinn gang tamningar og
kosningar jafnt sem önnur mál.“
G.Kr.
Fóstrur - Fóstrur
Félagsmálastofnun Akureyrar auglýsir lausar
stöður fóstra við dagvistir Akureyrar. Um er að
ræða heilar og hálfar stöður. Laun samkvæmt
kjarasamningum Akureyrarbæjar. Fóstrur hafa
forgang með börn sín inn á dagvistir. Umsóknar-
frestur er til 1. ágúst 1986. Allar nánari upplýsing-
ar veitir dagvistarfulltrúi alla daga frá 10-12 sími
96-25880.
Dagvistarfulltrúi.
Aðstoð á
tannlæknastofu
Vill ráða „klínikdömu" á tannlæknastofu mína í
Kaupangi. Viðkomandi þarf að geta hafið störf 1.
ágúst eða 1. sept. Umsóknir sendist skriflega
með upplýsingum um aldur, menntun (t.d. sjúkra-
liði) og fyrri störf.
Hörður Þórleifsson tannlæknir
Kaupangi, Akureyri.
Atvinna
Félag pípulagningamanna á Akureyri óskar eftir
að ráða mann til að annast uppmælingar á veg-
um félagsins. Um hlutastarf er að ræða. Umsókn-
um skal skilað í box 155 fyrir 1. júní n.k.
Allar nánari upplýsingar veitir Haukur Adólfs-
son, í síma 24616.
FJÓRÐUNGSSJÚKRAHÚSIÐ
Á AKUREYRI.
Lausar stöður:
Deildarstjóri á fæðingadeild. Ljósmóður- og
hjúkrunarmenntun er áskilin. Staðan er laus frá 1.
ágúst 1986. Umsóknarfrestur er til 15. júní n.k.
Fræðslustjóri. Staðan er laus frá 1. september
1986. Umsóknarfrestur er til 1, júlí n.k.
Hjúkrunarfræðingar. Lausar stöður nú þegar til
lengri eða skemmri tíma á flestar deildir sjúkra-
hússins.
Upplýsingar veitir hjúkrunarforstjóri í síma 96-
22100
Sjúkraþjálfari. Staðan er laus nú þegar.
Umsóknarfrestur er til 1. júní. Upplýsingar veitir
yfirsjúkraþjálfari í síma 96-22100.
Fjórðungssjúkrahúsið á Akureyri.
ruv,
RÍKISÚTVARPIÐ
©
Ríkisútvarpið auglýsir eftirtalin
störf laus til umsóknar:
Starf fréttamanns við svæðisútvarpið á Akureyri
og til fréttaöflunar fyrir fréttastofu hljóðvarpsins.
Háskólamenntun er æskileg svo og reynsla í
frétta og/eða blaðamennsku.
Starf fulltrúa á skrifstofu Ríkisútvarpsins á Akur-
eyri. Stúdentspróf eða sambærileg menntun
æskileg eða reynsla við skrifstofustörf. Umsókn-
arfrestur er til 1. júní n.k. og ber að skila umsókn-
um á skrifstofu Ríkisútvarpsins, Fjölnisgötu 3 a.
Akureyri eða Skúlagötu 4 Reykjavík á eyðublöð-
um sem fást á báðum stöðum.