Dagur - 24.06.1986, Blaðsíða 1

69. árgangur
Akureyri, þriðjudagur 24. júní 1986
115. tölublað
Saumastofan Berg í Ólafsfirði:
Við bíðum eftir
að birti til
- sagði Birna Friðgeirsdóttir forstjóri
Venjulegir og
demantsskornir
trúlofunarhringar
Afgreiddir samdægurs
GULLSMIÐIR
SIGTRYGGUR & PÉTUR
AKUREYRI
„Við erum byrjaðar að vinna
og erum með ýmis smáverk-
efni í gangi núna,“ sagði Birna
Friðgeirsdóttir forstjóri
saumastofunnar Bergs í Ólafs-
firði í samtali við Dag.
Saumastofan Berg var sett á
fót á síðasta ári og sagði Birna að
upphaflega hefði verið fyrirhug-
að að sauma úr ullarvoð í sam-
vinnu við Álafoss hf., en vegna
samdráttar í sölu væri málið í
biðstöðu. „Við bíðum eftir að
birti til,“ sagði Birna.
Um þessar mundir vinna fjórar
konur við saumaskap hjá sauma-
stofunni, en sagði Birna að full-
mönnuð gæti saumastofan veitt
fjórtán mönnum atvinnu. -mþþ
Vísitala byggingarkostnaöar:
Hefur hækkað um
1,90% frá því í mars
Hagstofan hefur reiknað út
vísitölu byggingarkostnaðar
76 án atvinnu
á Akureyri
Samkvæmt upplýsingum frá
Vinnumiðlunarskrifstofu
Akureyrar voru 90 manns á
atvinnuleysisskrá á Akureyri
þann 30 maí s.l„ 52 karlar og
38 konur.
í maí voru skráðir 1662 heilir
atvinnuleysisdagar, sem svarar til
þess að 76 hafi verið atvinnulaus-
ir allan mánuðinn. í maí voru
gefin út 179 atvinnuleysisbóta-
vottorð með samtals 1433 heilum
bótadögum.
í Unglingavinnuna voru skráð-
ir 455 unglingar, 13-15 ára, þar af
142 fæddir árið 1971. í skóla-
garða Akureyrar voru skráðir
135 unglingar. BB.
eftir verðlagi í júní 1986 og
reyndist hún vera 269,85 stig
sem hækkar í 270 stig. Gildir
þessi vísitala á tímabilinu júní-
september 1986.
Frá því vísitala byggingar-
kostnaðar var síðast reiknuð,
sem var í mars síðastliðnum hef-
ur hún hækkað úr 264,81 stigi í
269,85 stig eða um 1,90% og
jafngildir það 7,8% árshækkun.
Frá júní 1985 til jafnlengdar á
þessu ári hefur vísitalan hins veg-
ar hækkað um 24,8%.
Af þessari hækkun stafa um
1,3% af hækkun á töxtum á
útseldri vinnu, sem fylgdi í kjöl-
far hækkunar launa 1. júní síð-
astliðinn, 0,2% af hækkun gatna-
gerðagjalda og um 0,4% af
hækkun á verði ýmiss byggingar-
efnis.
Vísitala byggingarkostnaðar
hefur hækkað um 1,79% frá maí
til júní 1986. -mþþ

***** v
■
\ „

Slökkviliðsmaður sýnir starfsfólki SÍS-verksmiðjanna hvernig skal bera sig að því að slökkva eld. Mynd: KGA.
Ert þú eldklár?
í sumar stendur Brunabótafé-
lag Islands ásamt Landssam-
bandi slökkviliðsmanna,
Brunamálastofnun ríkisins og
Storebrand sem er endur-
tryggjandafélag BI fyrir bruna-
varnaátaki um allt land. Feng-
in hefur verið til landsins sér-
stök slökkvibifreið með full-
komnum tækjaútbúnaði og
verður henni ekið um allt land
í kynningarskyni.
Megintilgangurinn með þessari
herferð er að vekja almenning til
umhugsunar um þýðingu bruna-
varna á heimilum og í fyrirtækj-
um.Mikil áhersla er lögð á að
gera fólki grein fyrir því hversu
stórfellt tjón og óbætanlegt getur
orðið ef óvarlega er farið með
eld.
Farið var í fyrirtæki hér á
Akureyri og haldinn fundur með
starfsmönnum þar sem rætt var
um eldvarnir á vinnustað og
spunnust út frá því miklar
umræður. Að því loknu var
brunaæfing þar sem sýndur var
máttur hinna margvíslegustu eld-
varnarefna og bifreiðarinnar
góðu.
í samtali sem Dagur átti við
aðstandendur kynningarinnar
kom fram að eldvarnir fyrirtækja
á Akureyri eru með því besta
sem gerist hjá íslenskum fyrir-
tækjum. BV
Furðuleg staða í sveitarstjórnarkosningunum í Kelduneshreppi:
Hreppsnefndarmaður féll
-þrír alnafnar á kjörskrá!
- 8 atkvæði sem höfðu úrslitaáhrif dæmd ógild
í síðustu sveitarstjórnarkosn-
ingum í Kelduneshreppi kom
upp skrítin staða. A bænum
Vogum í þessum hreppi eru
þrír menn sem heita Þórarinn
Þórarinsson. Einn þessara
manna hefur setið í hrepps-
nefnd undanfarin ár en féll út í
síðustu kosningum. Hann fékk
30 atkvæði sem voru sérmerkt
honum á óyggjandi hátt, en 8
atkvæði, merkt Þórarni Þórar-
inssyni Vogum, voru dæmd
ógild, þar sem þau voru ekki
auðkennd nánar. Þessi 8
atkvæði reyndust hafa úrslita-
áhrif þar sem næsti maður á
undan fékk 32 atkvæði. Sá
Þórarinn sem áður var í
hreppsnefndinni er „i miðj-
unni“ af þeim nöfnum. Hinir
tveir eru faðir hans og sonur.
„Eiginlega er Þórarinn sonur
minn ekki inni í myndinni, því
hann heitir Þórarinn Már, þannig
að ég held að þessi 8 atkvæði liggi
á milli mín og föður míns. Faðir
minn er 75 ára að aldri og er dval-
armaður á heimili aldraðra á
Húsavík og hefur búið þar síðast-
liðin 5 ár þótt hann sé með lög-
heimili hér á Vogum. Sumum
fanns.t það því orka tvímælis að
eigna honum þessi atkvæði, en
það var að vissu leyti gert“.
Það hefur áður orðið ruglingur
milli þeirra feðga í kosningum og
atkvæði dæmd ógild en þau
atkvæði hafa aldrei skipt eins
miklu máli og nú. Þórarni finnst
að kjörstjórn hefði getað dæmt
öðruvísi í þessu nú þar sem faðir
hans er brottfluttur fyrir 5 árum
og forsendurnar því breyttar.
Þórarinn sagðist ekki vera von-
svikinn yfir því hvernig fór. Hann
hefði látið til sín taka í mjög
óvinsælu máli, sem er niður-
skurður á fé vegna riðuveiki og
hann he^ði átt von á að það yrði
notað gegn sér af mönnum sem
ekki voru á sömu skoðun í því
máli. M.a. vegna þess hefði hann
alveg eins átt von á að hafa ekki
nægilegt fylgi til að komast í
hreppsnefndina. Hins vegar þætti
sér leiðinlegt að atkvæði fólks
sem augljóslega hefði kosið
hann, nýttust ekki.
Aðspurður sagðist Þórarinn
ekkert ætla að gera í málinu.
„Það er engin trygging fyrir því
að úrskurður falli á annan veg
þótt eitthvað verði gert. Hins
vegar getur verið að einhver ann-
ar kæri þetta, það er öllum frjálst
að kæra kosningu,“ sagði Þórar-
inn Þórarinsson að lokum.
Dagur hafði samband við
Björn Guðmundsson, formann
kjörstjórnar í Kelduneshreppi,
og spurði hann hvað hefði vald-
ið því að dómur féll á þennan
veg.
„Þeir eru tveir með sama nafni
á sama bæ. Þó svo að Þórarinn
eldri hafi aðsetur á Húsavík þá er
hann með Iögheimili á Vogum og
á kjörskrá hér. Kjörstjórn taldi
forsendur ekki vera breyttar frá
því síðast en þá voru einnig
dæmd ógild atkvæði en enginn
gerði athugasemd við það. Og þá
voru atkvæðin reyndar fleiri. Eg
tel þetta eðlilega málsmeðferð
þar sem ógerlegt er að dæma
öðrum manninum atkvæðin þeg-
ar þeir búa á sama bæ, heita sama
nafni og eru ekkert aðgreindir,"
sagði Björn Guðmundsson. JHB