Dagur - 30.01.1987, Síða 11

30. 'janúar i 987 - DAGLIR - 11
bí!ac
Dagur hjá Fiat í Torino:
FIAT DUNA
Nýr Fiat væntanlegur á markaðinn hér
f>að var kuldalegt um að litast í Torino á Ítalíu í síðustu
viku þegar nokkrir íslenskir, danskir, grískir og brasilísk-
ir blaðamenn fengu að líta nýja gerð af Fiat. Sá nefnist
Fiat Duna og er framleiddur í Fiat verksmiðjunni í Belo
Horizonte í Brasilíu. Það er sérstakt viðfangsefni að
skoða efnahagslega frammistöðu Brassanna á síðustu
árum, en hagvöxtur þar hefur verið gríðarmikiil á vest-
rænan mælikvarða og minnir um margt á vöxtinn í Japan
á vaxtartímanum þar. Þessi mikli hagvöxtur á ekki hvað
síst rætur að rekja til iðnaðar og mikilla tækniframfara.
Þessar framfarir eru mest áberandi á svæðinu í kringum
Sao Paulo og Rio, og vex Sao Paulo nú einna hraðast
allra borga í heimi, með öllum þeim vandamálum sem
því fylgja. En Brasilíumenn eru sem sagt ekki bara í
kaffi, appelsínusafa og fótbolta heldur eru þeir á góðri
leið með að verða mikið iðnframleiðsluríki.
Sjálfsagt hefði verið hlýlegra umhverfið á þeim slóðum
en Fiat er nú einu sinni ítalskt fyrirtæki og því vorum við
saman komnir í snjónum í Torino. Ekki þótti okkur mik-
ið til koma að sjá aðfarir innfæddra og verkfæri við snjó-
ruðning enda e.t.v. nokkuð erfitt um vik vegna gífurlegr-
ar umferðar og þrengsla. Undirritaður var reyndar stein-
hissa á því jafnaðargeði sem ítalir sýndu við þessar
aðstæður í umferðinni.
Nýi bíllinn var kynntur á blaðamannafundi í höfuð-
stöðvum Fiat í Torino og var þar gerð grein fyrir því að
Fiat ætlar þessum nýja bíl að keppa á þeim markaði sem
hefur að mestu verið upptekinn af 5 dyra bílum af minni
gerðum. Vaxandi áhugi virðist nú vera meðal kaupenda
á þessum markaði fyrir hefðbundnum fólksbílum og
þessari eftirspurn vill Fiat mæta með þessum nýja bíl. Að
loknum nokkrum hefðbundnum formsatriðum fengum
við svo að fara „út að aka“, tveir og tveir í hverjum bíl.
Fiat Duna er framleiddur í tveim gerðum, 4ra dyra
fólksbíll og 5 dyra skutbíll, sem nefnist Weekend. Að
auki er svo hægt að velja um 3 gerðir véla, 1,11 bensínvél
(60 hö.), 1,3 1 bensínvél (67 hö.) og 1,7 1 díselvél (60 hö.).
Allir bílarnir eru með framhjóladrifi, 5 gíra gírkassa og
sjálfstæðri fjöðrun á öllum hjólum.
Duna er mjög líkur ættingjum sínum í útliti og líkist
mest Fiat Uno sem fengið hefur „skott“. Reyndar er
Duna ekki jafn náskyld Uno og virðist við fyrstu sýn. Má
þar nefna bæði undirvagn, vélar og innréttingu.
Duna 60 Duna 70 Duna DS
4ra dyra fólksbíll eða 5 dyra skutbíll (Weekend)
Vél: 4 strokka , 4 strokka 4 strokka
1116 cm 1301 cm 1697 cm
58 hö v 5800 67 hö v 5500 60 hö v 4500
8,7 mkgv 2750 10,3 mkg v 2500 10,5 mkg v 3000
tvöf. blöndungur tvöf. blöndungur
rafeindakveikja rafeindakveikja
Þyngd, fólksbíll: 875 875 935
Þyngd. Weekend: 890 890 950
Hámarkshraði km/klst 150 155 150
Undirvagn: Sjálfstæð fjöðrun á öllum hjólum, gormleggir og þverarmar að
framan en þverarmar, demparaleggir og þverfjöður að aftan.
Hjólbarðar 165/70 SR13.
Duna er fremur lagleg að sjá á hlið, fyrir minn smekk.
Innréttingin er óvenju vönduð í bíl í þessum flokki.
Bíllinn er rúmgóður og þægilegt að ganga um hann og
farangursrýmið er sérlega stórt og opnast alveg niður að
gólfi. Mælaborðið er vel búið og nýtískulegt og mælarnir
eru skýrir og læsilegir. Reyndar er mælaborðið óvenju-
lágt, sbr. mynd. Sætin eru ágæt og vönduð teppi eru á
gólfinu. Hliðarrúðurnar að framan eru rafdrifnar og ýmis
annar lúxus er um borð. Hita- og loftræstikerfið virtist
ágætt.
Þegar sest er undir stýri er tiltölulega auðvelt að finna
þægilega akstursstellingu, þó sætin séu e.t.v. í hæsta lagi
fyrir hávaxna ökumenn. Stýrishjólið fer einkar vel í
höndum og gírskiptingin er nokkuð vel staðsett.
Bíllinn sem við fengum fyrst var Duna 70, þ.e. vélin
var 1,3 1 og 67 hö. Reyndar er nú ekki vel að marka þau
kynni því bensínstífla þjakaði vélina meira og meira eftir
því sem leið á reynsluaksturinn. Framan af var þó heilsu-
farið gott og Duna 70 er hinn þægilegasti bíll. Einkum
var það tvennt sem mér þótti prýða hann með hliðsjón af
íslensku vegakerfi, en það er fjöðrun og hæð frá götu.
Fjöðrunin er fremur mjúk ef miðað er við bíla í þessum
stærðarflokki og jafnframt virtist hljóðeinangrun vera
mjög góð, enda þótt við gætum ekki reynt það á ekta
malarvegi. Vélin er brasilísk útgáfa af vélinni sem var í
Fiat 128. Hún er fremur hávær á snúningi og veitir ekki
af aflinu fyrir bílinn. Reyndar er 1. gírinn mjög lár og því
er hægt að rífa Dununa af stað.
Aksturseiginleikarnir eru ágætir og bíllinn er mjög
stöðugur og rásfastur jafnvel á hámarkshraða u.þ.b. 150
km/klst.
Við fengum einnig tækifæri til að aka Fiat Duna DS,
þ.e. bíl með díselvél. Það kom nokkuð á óvart hve dís-
elvélin reyndist skemmtileg. Hún hefur mun stærra slag-
rými en bensínvélarnar og er seigari. Díselbíllinn virkar
þó fremur „latur“ á minni ferð, en þegar farið er að aka
Brasilískur Fiat og ítalskur snjór.
á ferðahraða gefur díselvélin hinum ekkert eftir. Þessi
vél er framleidd á Ítalíu og er sú sama og fáanleg er í
Ritmo.
Bíllinn er eins og áður sagði smíðaður í Brasilíu og
sala hans átti að hefjast á Ítalíu 23. janúar sl. Ekki er
nákvæmlega vitað hvenær bíllinn verður fáanlegur hér á
landi, en það verður innan tíðar. Ef marka má verðið á
Ítalíu má búast við hagstæðu verði hér á landi. Þessi bíll
er svolítið dýrari en Uno en ætti að verða ódýrari en
Ritmo.