Dagur - 20.02.1987, Side 4

4 - DAGUR - 20. febrúar 1987
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, SÍMI 24222
ÁSKRIFT KR. 480 Á MÁNUÐI ■ LAUSASÖLUVERÐ 50 KR.
RITSTJÓRI OG ÁBYRGÐARMAÐUR:
HERMANN SVEINBJÓRNSSON
FRÉTTASTJÓRI: GYLFI KRISTJÁNSSON
RITSTJÓRNARFULLTRÚI: BRAGI V. BERGMANN
BLAÐAMENN: ÁSLAUG MAGNÚSDÓTTIR, EGILL BRAGASON,
EGGERT TRYGGVASON, GESTUR E. JÓNASSON,
GESTUR KRISTINSSON (Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529),
KRISTJÁN KRISTJÁNSSON, RÚNAR ÞÓR BJÖRNSSON,
STEFÁN SÆMUNDSSON, ÞÓRHALLUR ÁSMUNDSSON
(Sauðárkróki vs. 95-5960 hs. 95-5729)
AUGLÝSINGASTJÓRI: FRÍMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari.
Verklegan háskóla
á Akureyri
Háskólakennsla á Akureyri hef-
ur verið til umræðu um langan
tíma, allt að tvo áratugi. Það
var þó ekki fyrr en í mennta-
málaráðherratíð Ingvars Gísla-
sonar sem hreyfing komst á
málið og nú er svo komið, að
kennsla á háskólastigi mun
hefjast á Akureyri í haust.
Nefnd á vegum menntamála-
ráðuneytisins hefur unnið að
málinu og einnig nefnd á veg-
um Akureyrarbæjar. Háskóla-
nefndin hefur nú skilað áliti og
kemur þar fram að hún telji rétt
að stefna að því að væntan-
legur háskóli á Akureyri verði
nokkuð sérhæfður. Stefnt skuli
að sjálfstæðri stofnun sem
dreifi ekki um of kröftum
sínum, en sérhæfi sig í vissum
greinum sem lagi sig að þörfum
atvinnuvega þjóðarinnar.
Háskóli á Akureyri mun
skapa ný störf og efla með
beinum hætti atvinnulíf við
Eyjafjörð. Gildi slíkrar stofn-
unar fyrir Eyjafjarðarsvæðið og
landsfjórðunginn í heild er þó
ekki síður fólgin í ýmiss konar
óbeinum áhrifum á atvinnu- og
menningarlíf, segir m.a. í
skýrslunni og ennfremur, að
háskóli á Akureyri sé ekki
aðeins líklegur til að verða lyfti-
stöng fyrir Akureyri og byggðir
Eyjafjarðar, heldur muni hann
efla byggð í landsfjórðungnum
og stuðla að jafnvægi í byggða-
þróun.
Meginmarkmið háskóla á
Akureyri skal vera að veita
nemendum hagnýta menntun
sem gerir þá hæfa til að takast
á hendur sérhæfð störf og
stjórnunarstörf í þágu atvinnu-
veganna. Stefnt skal að því að
skólinn bjóði upp á tiltölulega
stutt nám sem hefur enn hag-
nýtara gildi í atvinnulífinu en
þær námsbrautir sem nú
bjóðast.
Lagt er til að við skólann
verði sem fyrst boðið upp á
nám á fjórum námsbrautum,
þ.e. matvælafræði, iðnrekstrar-
fræði, rekstrarhagfræði og
sjávarútvegsfræði. Ennfremur
er hafinn undirbúningur að
kennslu í hjúkrunarfræði og
annast sérstök nefnd það
undirbúningsstarf. Þá er bent á
að stutt, hagnýtt nám í tölvu-
fræði sé mjög aðkallandi í
íslensku skólakerfi og einnig er
bent á tveggja ára ritaranám á
háskólastigi, sem félli vel að
ofannefndum tillögum.
Háskólanefnd Akureyrar
leggur áherslu á að fyrir-
hugaður háskóli verði sjálfstæð
stofnun en ekki útibú frá
Háskóla íslands né hluti af
þeim menntastofnunum sem
fyrir eru á Akureyri. Meirihluti
nefndarinnar tekur ekki
afstöðu til hvers konar fyrir-
komulag skuli haft á rekstrin-
um en bendir á tvo möguleika
sem kanna þyrfti til hlítar, þ.e.
ríkisstofnun eða sjálfseignar-
stofnun, t.d. í eigu ríkis, Akur-
eyrarbæjar og einkafyrirtækja.
Engin ástæða er til þess að ein-
skorða fyrirtækin við einka-
rekstur, heldur hlýtur hvers
konar rekstrarfyrirkomulag að
geta átt aðild að skólanum,
verði þessi leið ofan á.
í fljótu bragði virðast hug-
myndir háskólanefndarinnar á
Akureyri skynsamlegar, eink-
um og sér í lagi það, að tengja
rekstur slíkrar stofnunar
atvinnurekstrinum og þörfum
hans mun meira en þekkst hef-
ur til þessa í íslensku skóla-
kerfi. Nefndin er raunar ekki
ein um þessar hugmyndir og
því vonandi að af samkomulagi
geti orðið. Hér er ekki verið að
tala um embættismannaskóla
fyrir presta, lögfræðinga og
lækna, heldur skóla með styttra
námi sem nýtist þeim atvinnu-
rekstri landsmanna beint, sem
þjóðin byggir afkomu sína á.
HS
Siglfirðingar:
Hræddir um sig
í Mánárskriðum
- Óánægðir með að Lágheiði skuli
ekki hafa verið opin í vetur
Vegfarendur um Siglufjarðar-
veg hafa látið af því að vegur-
inn um Mánárskriður þar sem
unnið var að vegaumbótum í
haust og fram á vetur sé leiðin-
legur yfirferðar og við austur-
enda hans þar sem mikill halli
er á veginum, sé jafnvel stór-
hætta yfirvofandi vegna sigs ef
leysingar geri. Þá eru Siglfirð-
ingar og Olafsfirðingar óhress-
ir með að veginum um Lág-
heiði skuli ekki hafa verið
haldið opnum í vetur og telja
að það hefði verið auðvelt í
þeirri einmuna tíð sem verið
hefur. Finnst þeim súrt í broti
að þurfa að aka um 300 kíló-
métra í stað 50 ef heiðin væri
opin, skreppi þeir til Ólafs-
fjarðar.
Jónas Snæbjörnsson umdæmis-
verkfræðingur Vegagerðarinnar
á Sauðárkróki sagði að unnið hafi
verið að framkvæmdum við veg-
inn í Mánárskriðum fram í des-
ember. Vegurinn er kominn í
endanlega hæð og legu en ekki
reyndist unnt að fínpússa yfir-
borðið. Sagði Jónas að talsvert
hefði verið kvartað yfir hrjóstrugu
yfirborðinu, en ekki vegna sigs í
veginum og það þyrfti að kanna
nánar. Reynt yrði að halda vegin-
um við í vetur og laga yfirborð
hans í vor, strax og það yrði
mögulegt. Um Lágheiðina sagði
hann að ómögulegt væri að segja
fyrir þegar fyrstu snjóa gerði á
haustin að ekki mundi snjóa
meira. Um þetta leyti í fyrra
hefði Lágheiðin verið mokuð og
reynst erfitt að ryðja hana. Snjó-
blásarinn vann illa á harðfenninu
og klakanum og brotnaði í
átökunum. Til þyrfti að koma
jarðýta með ripper og þannig
mokstur væri seinlegur og miklu
dýrari. Mönnum hefði ekki dott-
ið í hug í neinni alvöru að opna
heiðina nú.
Stefán Þorláksson á Gautlönd-
um í Fljótum starfsmaður Vega-
gerðarinnar hefur eftirlit með
Siglufjarðarvegi. Hann kvað
austurenda vegarins í Mánár-
skriðum halla kannski óeðlilega
mikið og væri þetta slæmt í
hálku. Um hættu á að vegurinn
lækkaði enn frekar vegna sigs
taldi hann ekki vera, þar sem
skipt hefði verið um undirlag í
haust og sett undir grjót úr
skriðunum. -þá
Þráinn Lárusson og Ingibjorg Baldursdottir i nýju versluninni.
„Sjávargull" ný fiskverslun á Akureyri:
Mynd: RÞB
„Urvalið meira en í
öðrum fiskverslunum
„Þegar þessari hugmynd var
fyrst skotið að mér, að opna
svona verslun á Akureyri,
fannst mér hún frekar bjart-
sýnisleg. En eftir að ég velti
henni fyrir mér komst ég að
þeirri niðurstöðu að það hlyti
að vera grundvöllur fyrir
svona verslun í bænum,“
segir Þráinn Lárusson, en
hann hefur ásamt Ingibjörgu
Baldursdóttur opnað fiskbúð-
ina „Sjávargull“ að Brekku-
götu 7b á Akureyri. Það er
óhætt að segja að þar séu
ekki farnar troðnar slóðir
hvað varðar slíkan rekstur og
við báðum Þráin að segja
okkur hvað hann legði fyrst
- segir Þráinn Lárusson
og fremst höfuðáherslu á
varðandi reksturinn.
„Númer eitt er að bjóða við-
skiptavinum okkar upp á glæ-
nýjan fisk og hafa úrvalið meira
en áður hefur þekkst í fiskbúð-
um hér á landi. Til þess að svo
megi vera þarf að sækja fiskinn
víða um landið og ég flyt fiskinn
m.a. frá Reykjavíkursvæðinu
og Vestfjörðum."
Þráinn er lærður matreiðslu-
maður og sagði hann að einnig
yrði lögð áhersla á að hafa á
boðstólum tilbúna sjávarrétti,
og þá rétti sem ekki hafa verið
fáanlegir í verslunum til þessa.
Þessir réttir yrðu í fjölbreyttu
úrvali og sem dæmi um hráefnið
nefndi hann blálöngu,
smokkfisk, humar, túnfisk,
skötu og margt fleira auk hinna
„hefðbundnu" tegunda sem
menn þekkja best. í sumar er
svo ætlunin að vera með lifandi
krabba og krækling í keri fyrir
utan verslunina.
Þá sagði Þráinn að um helgar
yrði hann með á boðstólum til-
búna kjötrétti og yrði þar um
sérstæða rétti að ræða og yrði
mikil áhersla lögð á vöru-
vöndun. „Ég get ekki annað
sagt en að okkur hafi verið
mjög vel tekið og ég er því
bjartsýnn á framhaldið,“ sagði
Þráinn að lokum. gk-.