Dagur - 10.04.1987, Side 1

70. árgangur
Akureyri, föstudagur 10. apríl 1987
70. tölublaö
Siglufjörður:
Meiri-
hlutinn
sprunginn
- fulltrúar Alþýðubandalagsins sátu hjá
við afgreiðslu „bakaríssamningsins"
er hann var samþykktur í gær
Á fundi bæjarstjórnar Siglu-
ijarðar í gær var meirihluta-
samstarfi Alþýðuflokks og Al-
þýðubandalags formlega slitið
að kröfu þeirra fyrrnefndu.
Ástæðan er klofningur sem
varð í samstarfinu vegna svo-
kallaðs „bakarísmáls“. Yið
endanlega afgreiðslu málsins í
gær sátu fulltrúar Alþýðu-
bandalagsins hjá í atkvæða-
greiðslu. Samningur um kaup
á „Gamla bakaríinu“ var því
samþykktur með 4 atkvæðum
Sjálfstæðisflokks og Fram-
sóknarflokks gegn 3 atkvæðum
Alþýðuflokks.
Eins og komið hefur fram sam-
þykkti bæjarstjórn Siglufjarðar í
október að ganga til samninga
við byggingarfélagið Bút hf. um
kaup á 8 leiguíbúðum í húsi því
sem í daglegu tali nefnist Gamla
bakaríið.
Kaupverð íbúðanna 23 millj-
ónir, sem fjármagnað verður
með lántökum, telja Alþýðu-
flokksmenn allt of hátt og vilja
verja peningunum til annarra
framkvæmda sem þegar hafa ver-
ið skornar niður í áætlun.
Hinir flokkarnir þrír í bæjar-
stjórn hafa hins vegar haldið fast
við þá skoðun að til að mæta
mikilli þörf á leiguhúsnæði sé
besta leiðin að kaupa „bakaríið".
í fyrradag var haldinn fundur í
Alþýðuflokksfélagi Siglufjarðar
og þar var samþykkt að ef full-
trúar Alþýðubandalagsins
greiddu ekki atkvæði gegn
endanlegri samþykkt áðurnefnds
samnings, þá væri grundvöllur
fyrir áframhaldandi meirihluta-
samstarfi flokkanna brostinn.
Alþýðuflokksmenn sætta sig ekki
við það að Alþýðubandalagið
myndi í þessu einstaka máli nýj-
an meirihluta með Framsóknar-
flokki og Sjálfstæðisflokki. í gær
héldu svo Alþýðubandalagsmenn
fund vegna þessa máls.
Þetta er ekki fyrsta málið sem
veldur óeiningu í meirihlutasam-
starfinu. Ýmis mál hafa komið
upp, stór og smá, sem ekki hefur
náðst samkomulag um en nú hef-
ur samstarfið endanlega steytt á
„bakarísmálinu“.
Axel Axelsson bæjarfulltrúi
Sjálfstæðisflokks mun hafa lýst
því yfir að samstarf við Alþýðu-
bandalag kæmi ekki til greina.
Myndun nýs meirihluta gæti því
orðið vandaverk og einnig er við-
búið að þessi málalok hafi áhrif á
stöðu bæjarstjórans á Siglufirði.
RMH Sigluf./ET
Ungfrú Norðurland
í gærkvöldi var Ungfrú Norðurland krýnd í Sjallanum. Átta stúlkur tóku þátt í keppninni en
aðeins ein gat farið með sigur af hólmi og var það Þóra Birgisdóttir sem var svo heppin. Einnig
var kosin besta Ijósmyndafyrirsætan, þann titil hreppti Sólveig Þorsteinsdóttir og einnig vin-
sælasta stúlkan, kosin af stúlkunum sjálfum og það var íris Guðmundsdóttir sem reyndist vin-
Sælust. Mynd: Rt*B.
Geislunarhætta á Röntgendeild?
„Varla forsvaranlegt að vera
með sjúklinga í tækjunum“
- segir yfirmaður Tæknideildar FSA. Allir röntgentæknar hafa sagt upp störfum
Allir röntgentæknar á Fjórð-
ungssjúkrahúsinu á Akureyri,
sjö, að tölu, hafa sagt störfum
sínum lausum frá 1. júlí.
Alvarlegt ástand blasir við á
öllum deildum vegna uppsagn-
anna. Ástæður uppsagnanna
eru fyrst og fremst rnikil
óánægja með tækjabúnað og
aðstöðu deildarinnar en hvort
tveg&Ía er að sögn fyrir neðan
allar hellur og til skammar.
Oánægja með launakjör mun
síðan hafa fyllt mælinn með
þessum afleiðingum.
„Við erum að gefast upp á
þessari aðstöðu. Deildin hefur
ekki þróast að sama skapi og
sjúkrahúsið hefur stækkað.
Tækjabúnaður er orðinn ansi
gamall svo ekki sé meira sagt.
Það er Tæknideildinni að þakka
að tækin eru ekki ónýt fyrir
löngu,“ sagði Hansína Sigur-
geirsdóttir trúnaðarmaður röntg-
entækna í samtali við Dag. Hans-
ína sagði einnig að í nýgerðum
kjarasamningi STAK hefði kröf-
um þeirra í engu verið sinnt.
„Við viljum að það verði byrj-
að á þessari nýju röntgendeild
sem alltaf er verið að tala um.
Ekki síst er þetta alvarlegt þegar
það er athugað að þetta er eina
sjúkrahúsið sem sinnir neyðar-
þjónustu allt árið,“ sagði Hans-
ína.
Að sögn Gunnlaugs Jóhanns-
sonar yfirmanns Tæknideildar
FSA er hámarksendingartími
röntgentækja't.ilinn 10 ár en elsta
tækið á deildinni, þar sem mynd-
uð eru höfuð og útlimir, er 33 ára
gamalt! Algengur aldur er 15-19
ár og yngsta tækið er 10 ára þó að
hluti þess hafi verið endurnýjað-
ur fyrir 5 árum. Að sögn Gunn-
laugs eru nokkur ár síðan fram-
leiðendur sumra tækjanna til-
kynntu að varahlutir væru ófáan-
legir.
„Framundan er geigvænlegt
ástand. Það er varla forsvaran-
legt að vera með sjúklinga í þess-
um tækjum vegna geislunar-
hættu," sagði Gunnlaugur, en
vegna þess hve tækin eru óná-
kvæm þarf að mynda sjúklinga
oftar en góðu hófi gegnir. Geisla-
varnir ríkisins hafa gert athuga-
semdir við þessa „hrapallegu
útgerð" oftar en einu sinni að
sögn Gunnlaugs.
Gunnlaugur og aðrir sem rætt
var við voru þó sammála um að
hér væri ekki að sakast við for-
ráðamenn FSA heldur væri við
„kerfið“ að eiga.
Halldór Jónsson framkvæmda-
stjóri FSA mun í dag kynna
framkvæmdaáætlun ársins í heil-
brigðis- og fjármálaráðuneyti.
Að sögn Vignis Sveinssonar hefst
hönnunarvinna við nýja röntg-
endeild á þessu ári en ólíklegt er
að framkvæmdir hefjist á árinu.
ET