Dagur - 04.05.1987, Síða 2

2- DAGUR-4. maí 1987
DAfiUR
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 530 Á MÁNUÐI
LAUSASÖLUVERÐ 50 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
GESTUR KRISTINSSON (Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
RÚNAR ÞÓR BJÖRNSSON, STEFÁN SÆMUNDSSON,
ÞÓRHALLUR ÁSMUNDSSON (Sauöárkróki vs. 95-5960 hs. 95-5729)
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDÍS FREYJA RÓGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Jeiðar[_______________________________
Uppgjör hjá
Alþýðubandalagi
Úrslit alþingiskosninganna á dögunum eru
verulegt áfall fyrir Alþýðubandalagið. Þetta er
mesti kosningaósigur sem það hefur orðið fyrir,
allt frá því Alþýðubandalagið bauð fyrst fram til
þings árið 1956, þá sem kosningabandalag
Félags jafnaðarmanna og Sósíalistaflokksins. í
fyrsta sinn í sögunni er Alþýðubandalagið orðið
minna en Alþýðuflokkurinn. Ósigurinn er enn
meiri þegar haft er í huga að Alþýðubandalagið
var stærsti stjórnarandstöðuflokkurinn allt síð-
asta kjörtímabil og var sem slíkur í bestri
aðstöðu til að höfða til þeirra sem voru óánægðir
með störf ríkisstjórnarinnar. Nöldur og óánægja
í garð ríkisstjórnarinnar var reyndar þunga-
miðja kosningabaráttu alþýðubandalagsmanna
en úrslitin sýna að sú baráttuaðferð brást ger-
samlega.
Það er einkum tvennt sem mestu ræður um
þetta tap Alþýðubandalagsins. Annars vegar
þær hatrömmu deilur og þau átök sem verið
hafa innan flokksins, og þá sérstaklega í Reykja-
vík, á undanförnum árum. Hins vegar sú stað-
reynd að kjaramálapólitík forystumanna
Alþýðubandalagsins í verkalýðshreyfingunni
hefur sýnt sig að vera röng og kjósendur eru
ekki tilbúnir til að taka því þegjandi.
Alþýðubandalagið á við tilvistarvanda að
stríða og innan þess berjast nú tvær andstæðar
fylkingar, Æskulýðsfylkingin og svokallað flokks-
eigendafélag. Ungu fólki finnst það vera afskipt
í flokknum og hefur gert margar tilraunir til að
komast til aukinna áhrifa - án mikils árangurs.
Þessi valdabarátta hefur birst í mörgum
myndum. Nægir þar að nefna átökin sem urðu
um skipan framboðslista Alþýðubandalagsins í
Reykjavík við síðustu sveitarstjórnarkosningar
og deilurnar um ritstjórnarstefnu Þjóðviljans.
Kosningaúrslitin nú gera stöðu yngra fólksins í
flokknum sterkari en áður.
Svavar Gestsson, núverandi formaður
Alþýðubandalagsins, lætur af því embætti á
næsta landsfundi flokksins, samkvæmt reglum
flokksins um að sami formaður megi ekki sitja
lengur en tvö kjörtímabil í senn. Fylgishrunið nú
hefur dregið verulega úr áhrifum Svavars og
fylgismanna hans innan flokksins.
Það verður fróðlegt að fylgjast með uppgjör-
inu sem framundan er í Alþýðubandalaginu.
Það uppgjör mun skera úr um það hvort flokkur-
inn nær að snúa þróuninni við og auka fylgið á
ný, ellegar halda áfram að minnka jafnt og þétt
á komandi árum. BB.
viðtal dagsins.
Kaupþing Norðurlands h.f.
hefur nýhafið starfsemi sína og
er það í eigu nokkurra aðila,
þeir eru Kaupþing h.f., Akur-
eyrarbær, KEA og 7 sparisjóð-
ir á Norðurlandi. Segir í frétta-
bréfi frá Kaupþingi Norður-
lands að í starfi Kaupþings hafi
oft komið sárlega í ljós hve erf-
itt er að veita einstaklingum og
fyrirtækjum utan Reykjavíkur
góða þjónustu. T.d. hafa
verðbréf með veði í fasteign á
Akureyri selst á lægra verði en
verðbréf með veði í fasteign í
Reykjavík þar sem skuldari og
veð eru ekki þekkt á verð-
bréfamarkaði í Reykjavík.
Sala einingabréfa og þó sér-
staklega fjármálaráðgjöf í sam-
bandi við hana hefur verið erfið.
Ráðgjöf við fyrirtæki og lánsfjár-
útboð fyrir þau hafa verið af
skornum skammti. Á öllu þessu
verður ráðin bót með stofnun
Kaupþings Norðurlands hf.
Andrea Rafnar, viðskipta-
fræðingur mun annast reksturinn
fyrst um sinn en auglýst hefur
verið eftir framkvæmdastjóra
sem tekur við af Andreu. Andrea
er hér komin í viðtal til að fræða
lesendur örlítið um þjónustu
Kaupþings.
„Þjónum bæði einstakl-
ingum og fyrirtækjum“
- segir Andrea Rafnar hjá Kaupþingi Norðurlands
„Þetta er fyrst og fremst fjár-
málafyrirtæki og í framtíðinni
verður hér sama starfsemi og hjá
Kaupþingi í Reykjavík. Það er
verðbréfasala, alhliða fjármála-
ráðgjöf, rekstrarráðgjöf, mark-
aðsráðgjöf, fasteignasala og öll
þjónusta í kringum fasteigna-
kaup. Ef fólk fær t.d. tilboð í
fasteign þá getur það fengið
framtíðargreiðslur reiknaðar til
núvirðis og þar með fengið stað-
greiðsluverð fasteignarinnar sam-
kvæmt viðkomandi tilboði.
I tengslum við áskrift á Vís-
bendingu, tímariti sem Kaupþing
h.f. gefur út, gefst fyrirtækjum
kostur á ráðgjöf í sambandi við
gjaldmiðilsstýringu, einkum með
tilliti til hagkvæmra samsetninga
skulda. Sem dæmi má nefna að
það er óhagkvæmt fyrir fyrirtæki
að vera með sín lán í einum
gjaldmiðli sökum tíðra sveiflna á
gj aldeyrismörkuðum. En í fyrstu
verður hér einkum um verðbréfa-
sölu að ræða, þ.e. við önnumst
kaup og sölu verðbréfa, fjár-
vörslu, almenna fjármálaráðgjöf
og sölu á einingabréfum og líf-
eyrisbréfum. Við aðstoðum
einnig fólk við að útbúa skulda-
bréf, en það hefur mikla þýðingu
fyrir sölumöguleika bréfa að þau
séu rétt útbúin í upphafi.
Við aðstoðum einnig fyrirtæki
við skuldabréfaútboð. Ef fyrir-
tæki vantar fjármagn til fram-
kvæmda getur það aflað þess fjár
á verðbréfamarkaði með sölu
skuldabréfa.“
- Hingað geta sem sagt bæði
einstaklingar og fyrirtæki leitað?
„Já, einmitt. Einingabréfin eru
t.d. aðallega keypt af einstakling-
um. Það sem er svo þægilegt við
þessa svokölluðu ávöxtunarsjóði
er að þú getur keypt fyrir svo litla
upphæð. Áður var það þannig að
þú þurftir að finna skuldabréf
sem var nákvæmlega jafnhátt
þeirri upphæð sem þú hafðir á
milli handanna. Nú getur fólk
komið og lagt inn allt niður í 5000
kr. Það fé sem þannig kemur inn
er síðan ávaxtað með kaupum á
öðrum skuldabréfum. Þannig að
þeir sem kaupa einingabréf eiga
# Þjófurinn
og þýfið
Það þótti nokkuð skondið, að
fyrsta beina útsending Sjón-
varpsins frá Sauðárkróki sem
fór fram á kosningadaginn,
gagnaðist einum bæjarbúa
betur en öðrum og rauk sá
samstundis upp frá sjónvarp-
inu og niður í bæ þangað
sem útsendingin fór fram.
Hafði maðurinn séð að baki
Helga Helgasonar á skermin-
um strák á hjóli og þóttist þar
kenna sitt hjól, sem einhver
hafði tekið ófrjálsri hendi.
Reyndist þessi grunur réttur
því stráksi var fljótur að taka
til fótanna þegar hann varð
hjóleigandans var. Þetta
dæmi ætti að kenna þeim
sem eitthvað óhreint hafa í
pokahorninu að vera ekki að
sniglast í kringum beinar
útsendingar.
• Ódýr
áskrift?
í nýjustu heftum þeirra fjöl-
mörgu tímarita sem gefin eru
út af tímaritarisanum Frjálsu
framtaki eru eins og oft tíðk-
ast í slíkum blöðum, sérstök
eyðublöð fyrir þá sem óska
eftir að gerast áskrifendur að
einhverju þessara 11 tíma-
rita. Þetta er alþekkt fyrir-
bæri. Með þessu fylgir hins
vegar annað sem mun gleðja
margan auralausan áhuga-
manninn um eitthvert það
efni sem blöðin fjalla um.
Þarna er um að ræða tékka
sem á stendur: „Greiðið gegn
tékka þessum handhafa fjög-
ur hundruð til greiðslu upp í
nýja áskrift eftirtalinna tíma-
rita“. Síðan eru talin upp öll
tímaritin nema „Gróður og
garðar“ en ástæðan er senni-
lega sú að þar er áskriftar-
gjaldið einungis 275 krónur.
Sá möguleiki er fyrir hendi
fyrir S&S og aðra þá sem eru
áskrifendur að tveimur eða
fleiri tímaritum frá fyrirtæk-
inu, að bæta fleirum við, og
græða á því! Með því til að
mynda að fara með tvo tékka
í banka og gerast síðan
áskrifandi að Iþróttablaðinu
verður maður 105 krónum
ríkari! Þetta er snjallt. Eini
gallinn á þessu er bara sá að
neðst á tékkanum stendur
smáu letri: „Aðeins ein ávís-
un gildir fyrir hverja áskrift".
Sorry.