Dagur - 02.09.1987, Blaðsíða 16

Akureyri, miðvikudagur 2. september 1987

RAFGEYMAR
VIÐHALDSFRÍIR
í BÍLINN, BAíINN, VINNUVÉLINA
þÓRSHAMAR HF.
Varahlutaverplun
Við Tryggvabraut • Akureyri • Sími 22700
Það er líf og fjör í eyfirskum hrossum - ekki síður en í eigendum þeirra.
Mynd: KK
Kartöfluverðstríðið
jj
er heimskulegt"
- og bein afleiðing af því að heildsöluverð fæst ekki skráð
segir Sveinberg Laxdal
„Það er óþarflega mikill tauga-
titringur í mönnum sem standa
í kartöflurækt um þessar
mundir, þeir ættu að reyna að
halda ró sinni og athuga í ró-
legheitunum hvað hægt er að
gera I málunum. Þetta kart-
öflustríð sem nú geisar er
mjög heimskulegt en það er
afleiðing af því að heildsölu-
verð á kartöflum fæst ekki
skráð,“ sagði Sveinberg
Laxdal, bóndi á Túnsbergi á
Svalbarðsströnd.
Sveinberg sagði að fimm-
mannanefndin hefði ekki fallist á
að skrá heildsöluverð á kartöfl-
um haustið 1985 og síðan hefðu
hagsmunamál kartöflubænda far-
ið niður á við. „Frjálsa sam-
keppnin hefur leitt af sér að
heildsalarnir hugsa ekki um hag-
kvæmni í rekstri eða mismunandi
álagningu heldur er gengið beint
á hagsmuni bóndans. Nú er útlit
fyrir mikla uppskeru og ef áfram-
haldandi verðfall verður á kart-
öflum þá leysir slíkt engan
vanda. Éf einn aðili lækkar verð
þá lækka allir hinir og þannig
gengur þetta koll af kolli þangað
til menn fara að nálgast núllið og
varla fara menn að borga með
uppskerunni.
Við getum reiknað með að
neyslan í landinu sé u.þ.b. 17-18
þúsund tonn af ferskum kartöfl-
um á ári. Við verðum að fá
innanlandsmarkaðinn í frönskum
kartöflum yfir til íslenskra fram-
leiðenda því árlega eru fluttar inn
franskar kartöflur sem samsvara
6 þúsund tonnum af ferskum
kartöflum.
Norðmenn fluttu inn mörg þús-
und tonn síðasta vetur og tíðarfar
til ræktunar í Skandinavíu og V.-
Evrópu hefur ekki verið gott í
sumar. Við leggjum í útflutnings-
bótasjóð og þetta fé eigum við að
fá ef til útflutnings kemur og mér
finnst hlálegt að horfa upp á það
að eftir því sem meira sprettur
þeim mun lakara verður ástandið
á innanlandsmarkaðinum og jafn-
framt vex uppskeran sem verð-
mætaútreikningurinn tekur mið
af vegna uppbóta til kjöt- og
mjólkurframleiðenda.“
Þeir einir mega flytja út kart-
öflur sem hafa leyfi ráðuneytis til
að selja útsæði og yfir landið séð
þá búa um 90% slíkra bænda á
Eyjafjarðarsvæðinu. Það yrði því
fyrst og fremst lyftistöng fyrir
eyfirska ræktendur að geta hafið
kartöfluútflutning. EHB
Eyfirsku hestamannafélögin:
Úrsögn úr LH
á næsta leiti
Ljóst er að klofningur er kom-
inn upp innan Landssambands
íslenskra hestamannafélaga. Á
fundi sem eyfirskir hestamenn
héldu á Hótel KEA á mánu-
dagskvöld var samþykkt aö hin
þrjú félög hestamanna við
Eyjafjörð leggðu fram úrsögn
úr LH á næsta aðalfundi.
Tilefni fundarins á mánudags-
kvöld var sú ákvörðun stjórnar
landssambandsins að næsta
landsmót hestamanna skyldi
haldið á Vmdheimamelum en
ekki á Melgerðismelum, en fyrir
liggur samþykkt frá árinu 1980 að
landsmótið 1990 skuli haldið á
Melgerðismelum. Húnvetningar
og Skagfirðingar í stjórn LH
studdu þá tillögu að næsta lands-
mót skyldi haldið á Vindheima-
melum.
Eyfirsku hestamannafélögin
hafa nú þingað um málið og að
sögn Jóns Ólafs Sigfússonar, for-
manns Léttis, stefnir nú allt í það
að eyfirsku félögin þrjú, Þráinn,
Léttir og Þytur, segi sig úr LH á
næstu aðalfundum sínum og yrði
það vissulega mikið áfall og álits-
hnekkir fyrir stjórn landssam-
bandsins.
Ekki varð það til að milda Ey-
firðinga að enginn úr stjórn LH
lét sjá sig á fundinum, hvorki
formaðurinn Leifur Jóhannesson
eða aðrir, og höfðu stjórnarmenn
þó verið boðaðir á fundinn. Jón
Ólafur Sigfússon sagði að ályktun
varðandi þetta atriði hefði verið
samþykkt á fundinum.
„Við samþykktum tillögu um
að öll félögin leggðu fram á næsta
aðalfundi félaganna úrsögn úr
LH ef ekkert nýtt kæmi fram í
málinu. Boltinn er því hjá stjórn
LH og landssamtökunum í
heild,“ sagði Jón Ólafur að
lokum. EHB
Gæsaveið-
ar ganga
treglega
Gæsaveiðar hafa gengið
heldur treglega þessa fyrstu
daga veiðitímabilsins. Veið-
ar hófust 20. ágúst og við
höfum fregnað að menn hafi
veitt þokkalega strax fyrstu
dagana en síðan hefur geng-
ið verr síðustu daga.
Einar Long í versluninni
Eyfjörð sagði í samtali við
blaðið að menn hefðu litlar
veiðisögur í pokahorninu eftir
síðustu helgi. Einn hafði ekið
um 300 km leið um helgina og
á allri leiðinni sá hann 4 gæsir.
Það sem kannski helst veldur
þessari tregðu í gæsinni er að
mikið er af berjum á þessu
hausti og auk þess hefur veður
undanfarið verið gott og fugl-
inn því lítið verið á ferðinni.
Vonandi er þó að úr rætist og
allir þeir sem halda þeim sið
að borða þennan mat um jól
fái sinn fugl áður en langt um
líður. JÓH
Samningar við starfsfólk sláturhúsa:
„Vona að málið skýrist í dag“
- segir Hjörtur Eiríksson framkvæmdastjóri vinnumálasambandsins
„Ég vona að málin skýrist í
dag,“ sagði Hjörtur Eiríksson
framkvæmdastjóri Vinnumála-
sambands samvinnufélaganna
um samninga við starfsfólk
sláturhúsa, en enn hefur ekki
verið samið um laun þeirra. í
dag verður haldinn fundur þar
um og sagði Hjörtur að lítið
væri hægt að segja um málið
fyrr en að honum loknum.
Mjög mikið ber á milli samn-
ingsaðila.
Erfitt hefur reynst að manna
sláturhúsin, m.a. vegna þess að
kauptölur liggja ekki fyrir. Slát-
urtíð er um það bil að hefjast, en
vika er þar til hefja á slátrun á
Akureyri. „Það er alls staðar erf-
itt að fá fólk til starfa, erfiðara en
mörg undanfarin ár. Það er svo
mikil spenna á vinnumarkaðin-
um. Oft hefur verið erfitt að
manna sláturhúsin og það er
skiljanlegt því um tímabundið
starf er að ræða.“
Erfitt hefur rcynst að fá fólk til starfa á sláturhúsunum, enda enn ekki búið
að semja um kaup og kjör. Kannski málið skýrist í dag?
Björn Snæbjörnsson hjá Ein-
ingu sagði í viðtali við Dag í gær
að borga þyrfti starfsfólki slátur-
húsa vel ef takast ætti að manna
þau. Við bárum þetta undir
Hjört. „Við stöndum frammi fyr-
ir alveg gífurlegri hættu ef allir
hugsa svona. Ef launin fara langt
umfram getu fyrirtækjanna þá
erum við komin í eina hringavit-
leysu.“
Verkalýðsfélög á Norður-,
Vestur- og Austurlandi fóru fram
á að semja sameiginlega, að sögn
Hjartar, en það hefur ekki verið
gert áður. En er það betra?
„Sannleikurinn er sá að ekki er
beinlínis einfalt að semja fyrir öll
húsin í einu vegna þess að
aðstæður eru mismunandi í
hverju liúsi. Það má segja að
hægt sé að semja sameiginlega
fyrir stóru húsin og ganga síðan
frá útreikningum fyrir önnur hús
í samræmi við þá samninga sem
gerðir eru við stóru húsin. Þetta á
vel að vera hægt ef menn eru
samhentir í því,“ sagði Hjörtur.
inþþ