Dagur - 11.11.1987, Blaðsíða 1

70. árgangur Akureyri, miðvikudagur 11. nóvember 1987 215. tölublað
Helgargísting á Hótel Húsavík
Tvær nætur með morgunverði á
kr. 1.920
Hötel
HÚSaVÍk sími 41220.
Frjálst fiskverð:
„Ekki reynt aftur
á næstu árum“
- segir Sverrir Leósson
Eins og fram hefur komið var á
aðalfundi Landssambands
íslenskra útvegsmanna fyrir
helgina, felld tillaga þess efnis
að LÍÚ lýsti fullum stuðningi
við áframhaldandi frjálst
fiskverð. Með þessari ákvörð-
un þykir sýnt að lágmarksverð
á helstu botnfisktegundum
verði bundið ákvörðunum
verðlagsráðs að nýju eftir 15.
nóvember, þar sem fulltrúar
fiskvinnslunnar í ráðinu hafa
lýst sig andvíga frjálsri verð-
lagningu.
„Ef við vorum að sækjast eftir
því að kanna þennan möguleika
til hlítar þá er þessi reynslutími
allt of stuttur. Það sem hins vegar
varð til þess að þessi tillaga var
felld er tvímælalaust sá óróleiki
sem hefur verið sérstaklega hjá
sjómönnum. Það að þvinga fram
verð samræmist ekki hugsuninni
á bak við frjálst fiskverð,“ sagði
Sverrir Leósson formaður
Útvegsmannafélags Norðurlands
í samtali við Dag. Sverrir sagðist
hafa orðið var við það hjá ýmsum
sem tóku þátt í því að fella til-
lögunar að innst inni væru þeir
sammála frjálsri verðlagningu.
Það verð sem verðlagsráð
væntanlega ákveður er að sjálf-
sögðu aðeins lágmarksverð.
Aðspurður sagðist Sverrir erfitt
að segja hvort þessi breyting
myndi stöðva óróleika sjómanna
en hins vegar mætti búast við að
ákvörðun verðlagsráðs tæki
nokkurt mið af samkomulagi sem
gert hefur verið um fiskverð á
Austurlandi og Vestfjörðum.
„Það er mín skoðun að fyrst
menn gáfust svona fljótt upp á
þessari tilraun þá verði hún ekki
reynd aftur á næstu árum,“ sagði
Sverrir. ET
Myndasögur Dags
Teiknimyndasögur í Degi? Já,
í dag hefjum við birtingu á vel
völdum teiknimyndasögum og
verða þær fastir gestir í blað-
inu. Þetta er gert til að koma
til móts við yngstu lesendurna
auk þess sem sögurnar eru
margar hverjar til þess fallnar
að kæta geð allra aldurshópa.
Vonumst við til að þessi við-
leitni mælist vel fyrir.
Myndasögurnar, sem valdar
voru eftir lýðræðislegum leiðum,
heita: Árland, Andrés Önd,
Hersir, Bros-á-dag og Bjarg-
vættirnir. Eiga þær að ná yfir
mjög breiðan lesendahóp, bæði
hvað varðar aldur og skopskyn.
Árland fjallar um kynduga
fjölskyldu sem ber þetta ættar-
nafn. Sérstaklega er það strákur-
inn á heimilinu sem lætur gull-
kornin fjúka, enda ekkert venju-
legt ungmenni sem þar er á ferð-
inni. Andrés Önd og félaga kann-
ast allir við. Þetta eru sígildar
myndasögur og mjög vinsælar.
Víkingurinn Hersir mætir til
leiks ásamt Hans klaufa og öðr-
um góðum persónum. Þetta eru
skemmtilegar sögur sem margir
þekkja. Bros-á-dag er samheiti
yfir sjálfstæðar myndir sem eru
vel til þess fallnar að skemmta
mönnum í skammdeginu. Þá
verðum við með eina framhalds-
sögu sem ber nafnið Bjargvætt-
irnir. Þar er hraði og spenna í
fyrirrúmi og vissara að fylgjast
með frá byrjun. SS
í fyrradag fæddist bæjarstjórahjónunum á Akureyri, þeim Sigfúsi Jónssyni og Kristbjörgu Antonsdóttur stúlkubarn.
Mæðgunum heilsaðist vel í gær er Dagur leit inn á Fæðingardeild Fjórðungssjúkrahússins og voru þau hjón að von-
um sæl með barnið. Dagur scndir þeim bestu hamingjuóskir. Mynd: tlv
VMSÍ og VSI:
Áhugasöm um hópbónus
Á Vestfjörðum hafa nú staðið
yfir tilraunir í nokkrar vikur
varðandi nýtt fyrirkoniulag á
bónusgreiðslu til starfsfólks í
fiskiðnaði. Tilraunin hefur gef-
ist vel og er talið líklegt að
hópbónus verði lagður til
grundvallar á Vestfjörðum í
komandi kjarasamningum.
Þetta fyrirkomulag er nú verið
að kynna í öðrum frystihúsum
fyrir vestan.
Eins og fram hefur komið í
fréttum þýðir hópbónus, að
ekki er lengur reiknaður bónus
fyrir hvern einstakling heldur er
borguð ákveðin upphæð fyrir
hvert kíló af unnum fiski sem all-
ir njóta góðs af.
Að sögn Guðmundar J. Guð-
mundssonar, er Verkamanna-
sambandið opið fyrir þessum
möguleika, en þó segir hann að
um þetta verði ekki auðsamið
snögglega þar sem reynslan er
enn ekki mikil.
Þórarinn V. Þórarinsson hjá
VSf sagði í samtali við Dag að
þeir væru mjög áhugasamir fyrir
því sem er að gerast á Vestfjörð-
um. Þarna væri um tilraun að
ræða og því ástæða til að láta
reyna á þetta fyrirkomulag þar,
áður en það er tekið upp annars
staðar.
Á Akureyri er nú unnið að því
fyrir verkalýðsfélagið Einingu að
kynnast þessum möguleika ásamt
öðrum og er sú vinna á frumstigi.
VG
Ólga í stjórn verkamannabústaða í Ólafsfirði:
Stjórnarmaður segir af sér vegna
afskipta meirihluta bæjarstjómar
- „meirihlutinn gengur á bak orða sinna,“ segir Jóhann Helgason
Einn stjórnarmanna í stjórn
verkamannabústaða í Olafs-
firði sagði af sér á fundi stjórn-
arinnar í fyrrakvöld. Ástæður
fyrir afsögninni segir hann
afskipti meirihluta bæjar-
stjórnar af störfum nefndar-
innar. Fyrr á árinu var tveimur
íbúðum úthlutað úr verka-
mannabústaðakerfinu og í
sumar veitti bæjarstjórn heim-
ild til kaupa eða byggingar á
tveimur íbúðum til viðbótar.
Stjórn verkamannabústaða
auglýsti eftir þessum tveimur
íbúðum nýlega og rann umsókn-
arfrestur út þann 5. nóvember.
Engin formleg tilboð bárust en
Tréver hf. bauð upp á viðræður
um tvær íbúðir sem fyrirtækið er
að byggja og verða tilbúnar
snemma á næsta ári. Nefndin
samþykkti að ræða við forráða-
menn fyrirtækisins og fór sá fund-
ur fram í fyrrakvöld.
Á sama tíma fór fram fundur
meirihluta bæjarstjórnar þar sem
rætt var um þessi mál og var þeim
skilaboðum komið til fundar
stjórnar verkamannabústaða að
ef þessum tveimur íbúðum yrði
ekki skipt á milli Trévers og ann-
arra byggingaverktaka í bænum
þá yrði fjárveitingu bæjarins til
þessara íbúðakaupa kippt til
baka. í framhaldi af þessu sagði
Jóhann Helgason fulltrúi minni-
hluta bæjarstjórnar í stjórn
verkamannabústaða af sér.
„Ég hafði heyrt fyrir fundinn
að þetta gæti komið upp á en ég
vildi ekki trúa að bæjarstjórn
vogaði sér að vera með afskipti af
þessu máli, ekki síst þar sem hún
hafði samþykkt á síðasta fundi
sínum að vera ekki með afskipti
af störfum stjórnar verkamanna-
bústaða. Þarna gengur meirihlut-
inn algjörlega á bak orða sinna.
Hér er verið að auglýsa eftir
tveimur íbúðum sem báðar eru til
á staðnum og hægt að flytja inn í
þær fljótlega ef viljinn er fyrir
hendi. Hins vegar virðist ekki
vera vilji fyrir að kaupa þessar
íbúðir,“ sagði Jóhann Helgason í
gær.
Þeir sem sótt hafa um íbúðir
hjá Byggingasjóði verkamanna
hafa beðið með umsóknir sínar
síðan í vor og virðast þurfa að
bíða enn um hríð. „Ég get ekki
séð að neitt geti gerst í þessu máli
á næstunni," sagði Jóhann. JÓH