Dagur - 29.12.1987, Blaðsíða 6
6 - DAGUR - 29. desember 1987
Keppt var í 18 flokkum og þar af
í tveimur flokkum kvenna. Einn
yngsti keppandinn, Magga Lena
Kristinsdóttir 7 ára, keppti þó í
flokki meö strákunum og hún
gerði sér lítið fyrir og sigraði í
flokknum með glæsibrag.
En maðurinn á bak við þennan
árangur er Jón Óðinn Óðinsson
þjálfari KA. Og á árinu hlaut
hann afreksbikar ÍSÍ annað árið í
röð en þá viðurkenningu hlýtur sá
þjálfari eða íþróttafrömuður er
þykir hafa starfað hvað best á
árinu.
Blak
Norðlenskir blakmenn eru farnir
að láta töluvert mikið að sér
kveða á nýjan leik og er það vel.
KA á lið bæði í 1. deild karla og
kvenna og hefur karlaliðið staðið
sig alveg sérlega vel á árinu. Lið-
inu gekk ágætlega á íslandsmót-
inu þótt það kæmist ekki í úrslita-
keppnina. í bikarkeppninni gekk
liðinu enn betur og komst alia
leið í úrslitin. Þar mættu KA-
menn Stúdentum en töpuðu
naumlega í æsispennandi leik.
Á íslandsmóti 1. flokks sigraði
Völsungur í kvennaflokki og
Óðinn í karlaflokki. Af árangri
yngri flokka má nefna sigur
Völsungs í 3. flokki pilta og
Bjarma í 3. flokki stúlkna á
íslandsmótinu.
Lyftingar
Ólympískar lyftingar hafa ekki
verið hátt skrifaðar á undanförn-
um árum en nú er áhuginn að
glæðast á ný. Haraldur Ölafsson
hefur átt þar stóran þátt en hann
þjálfar lyftingamenn á Akureyri
og keppir auk þess sjálfur. Hann
tók þátt í Norðurlandamótinu í
Svíþjóð í vor og hafnaði þar í 5.
sæti í 82,5 kg flokki. Á meistara-
móti Islands varð Haraldur stiga-
hæstur en hann lyfti þá samtals
275 kg. Akureyrarmótið í ólymp-
ískum lyftingum var haldið í apríl
og þar varð Einar Brynjólfsson
hlutskarpastur en hann hlaut flest
stig keppenda. Loks má geta þess
að á sýningarmóti sem haldið var
á Húsavík, settu strákarnir frá
Akureyri alls 16 íslandsmet
drengja.
Kraftlyftingar
Kári Elíson einn okkar fremsti
kraftlyftingamaður sigraði í sín-
um þyngdarflokki á Norður-
landamótinu sem fram fór í Dan-
mörku í haust. Kári keppti í 67,5
kg flokki og var þetta í fjórða
sinn sem hann hlýtur þennan titil.
Þá varð Kári Islandsmeistari í
bekkpressu á mótinu sem haldið
var í mars síðastliðnum. Tveir
keppendur frá Akureyri tóku
þátt f íslandsmótinu, þeir Flosi
Jónsson og Aðalsteinn Kjartans-
son og sigraði Aðalsteinn í 67,5
kg flokki.
Á unglingameistaramóti
íslands í kraftlyftingum í febrúar
komu Akureyringar heim með
tvenn gullverðlaun. Aðalsteinn
Kjartansson sigraði í 60 kg flokki
og Rúnar Friðriksson í 67,5 kg
flokki.
1 sumar fór fram í fyrsta skipti
keppnin Sterkasti maður Norður-
lands og var hún háð á Akureyri.
Alls mættu 7 kraftajötnar til leiks
en þegar upp var staðið var það
Flosi Jónsson gullsmiður á Akur-
eyri sem hirti titilinn.
Vaxtarrækt
íslandsmótið í vaxtarrækt fór
fram í Sjallanum á Akureyri í
byrjun mars og urðu heimamenn
mjög sigursælir á mótinu. Sigurð-
ur Gestsson varði titil sinn í
karlaflokki, þriðja árið í röð. Þá
sigraði Einar Guðmann mjög
örugglega í unglingaflokki. Loks
unnu Akureyringarnir Guðrún
Reynisdóttir og Pálmi Bragason
sína þyngdarflokka.
Glíma
Eyþór Pétursson glímukappi úr
Mývatnssveit gerði það gott á
árinu. Hann sigraði í íslands-
glímunni eftir harða baráttu við
KR-inginn Ólaf H. Ólafsson og
hlaut að launum Grettisbeltið
sem keppt hefur verið um frá
árinu 1906. Eyþór var síðan nú í
lok ársins, valinn glímumaður
ársins af Glímusambandi íslands.
Metþátttaka var í landsflokka-
glímunni sem haldin var í
Skemmunni á Akureyri um miðj-
an mars. Alls mættu 50 keppend-
ur til leiks frá 5 félögum. Að
venju létu Mývetningar mikið til
sín taka en þeir unnu 6 flokka. í
fullorðinsflokki sigraði Kristján
Yngvason í milliþyngd og Geir
Arnrgímsson í léttþyngd. I ungl-
ingaflokki sigraði Lárus Björns-
son í flokki pilta 18-19 ára og
Arngeir Friðriksson í léttari
flokki pilta 16-17 ára. í þyngri
flokki sveina 12-13 ára sigraði
Björn Böðvarsson og í léttari
flokki sveina 12-13 ára sigraði
Sigurður Kjartansson en allir eru
þessir glímumenn úr HSÞ.
Sund
Sá sundmaður norðlenskur sem
hefur verið hvað atkvæðamestur
á árinu, er tvímælalaust Svavar
Þór Guðmundsson úr Óðni.
Hann tók þátt í unglingameist-
aramóti íslands ásamt þeim Elsu
M. Guðmundsdóttur og Birnu
Hrönn Sigurjónsdóttur í
nóvember. Svavar Þór keppti í
fjórum greinum á mótinu og
vann eina þeirra, 100 m bringu-
sund en varð annar í hinum
greinunum þremur. Hann var
síðan valinn í unglingalandsliðið
að mótinu loknu. Þau Svavar Þór
og Birna Björnsdóttir kepptu
með unglingalandsliðinu á
alþjóðlegu móti í Þýskalandi í
sumar og stóðu sig mjög vel.
Á Norðurlandsmótinu í sundi
sem fram fór á Hvammstanga í
sumar, voru sett 8 Norðurlands-
met en sundfélagið Óðinn varð
stigahæst félaga. Bestu afrek
mótsins í einstökum flokkum
unnu, Svavar Þór Guðmundsson
Óðni í karlaflokki, Þórhalla
Gunnarsdóttir HSÞ í kvenna-
flokki, Skúli Þorvaldsson USVH
í drengjaflokki, Birna Björns-
dóttir Óðni í telpnaflokki,
Jóhannes Guðmundsson USVH í
sveinaflokki, Kristianna Jessen
USVH í meyjaflokki, Elvar
Angandi jólasteik verðskuldar jóladrykk af bestu gerð;
malt og appelsín frá Sanitas.
Fram að jólum býður Sanitas upp á handhæga jólapoka
með tólf dósum. Sex dósum af Ijúffengu og freyðandi
malti og sex dósum afsvalandi appelsíni sem
þú síðan blandar saman eftir eigin smekk.
Drekktu góða jólablöndu um jólin og
þú kemst í ekta jólaskap.