Dagur - 29.12.1987, Blaðsíða 11

29. desember 1987 - DAGUR - 11
Vinningstölur 26. desember
Heildarvinningsupphæð kr. 5.415.228.-
1. vinnningur kr. 2.710.234.-
í dag er til moldar borinn vinur
okkar og félagi Ólafur Aðal-
steinsson. Við hjá Félagi verslun-
ar- og skrifstofufólks viljum
þakka öll þau margvíslegu störf
sem hann vann fyrir félagið á
liðnum árum.
Hann sat í stjórn og varastjórn
svo árum skipti og gegndi trúnað-
arstörfum fyrir félagið fram á síð-
asta dag, samanber að hann kom
og sté í ræðustól á þingi Lands-
sambands íslenskra verslunar-
manna sem haldið var á Akureyri
fyrir rúmum mánuði. Ólafur var
þá orðinn veikur og nýkominn
heim af sjúkrahúsi, en svo mik-
inn áhuga sýndi hann ætíð þegar
um félagsstarf var að ræða, að
hann lét sig aldrei vanta og miðl-
aði okkur af reynslu sinni og
þekkingu.
Ólafur var gerður að heiðurs-
félaga á 50 ára afmæli félagsins 2.
nóv. 1980. Kvæntur var Ólafur
Huldu Svanlaugsdóttur og áttu
þau yndislegt heimili að Eyrar-
vegi 12 og var þar alltaf notalegt
að koma. Vil ég færa Huldu sér-
stakar þakkir að aldrei heyrðist á
henni að Ólafur eyddi of miklum
tíma í félagsstörf, sem hlýtur að
hafa bitnað á heimilinu að ein-
hverju leyti.
Óli minn við þökkum þér af
alhug öll þau störf er þú vannst
fyrir félagið, og kveðjum góðan
vin £>g traustan félaga.
Huldu og börnum hans og öðr-
um ástvinum, vottum við dýpstu
samúð.
F.h. Félags verslunar- og
skrifstofufólks
Jóna Steinbergsdóttir.
Genginn er góður maður.
Þriðjudaginn 15. des. lést á
Fjórðungssjúkrahúsinu á Akur-
eyri Ólafur Aðalsteinsson, Eyr-
arvegi 12, Akureyri áttræður að
aldri.
Ólafur eða Óli eins og hann
var kallaður, hóf störf hjá Vél-
smiðjunni Atla hf. á fyrstu árum
fyrirtækisins á fimmta áratugnum
og vann þar í 35 ár, eða þar til
hann lét af störfum vegna aldurs.
Eftir svo langan starfstíma hjá
einu fyrirtæki er það því eðlilegt
að í hugum margra hafi Óli Aðal-
steins og Atli fylgst að. Eftir að
hann hætti störfum kom hann
reglulega í heimsókn til að fylgj-
ast með, hvað væri að gerast,
hvort það væru næg verkefni,
spjalla við gamla félaga og kynn-
ast nýjum. Óli var skemmtilegur
maður, fróður og víðlesinn.
Hann var ekki iðnlærður mað-
ur og vann því fyrstu árin sem
verkamaður í smiðju, en lengst af
vann hann á lagernum. Það starf
hentaði honum vel, því hann
hafði allt það til að bera sem góð-
ur lagermaður þarf. Hánn var
ljúfur í umgengni, einstaklega
samviskusamur og gerði sér grein
fyrir þeirri ábyrgð sem starfinu
fylgdi.
Hann mætti manna fyrstur á
morgnana og oftast fór hann síð-
astur heim á kvöldin. Það eru því
ófá sporin og handtökin hans Óla
á lagernum.
Að leiðarlokum viljum við
þakka Óla samfylgdina, störf
hans og tryggð við fyrirtækið.
Minningin um góðan dreng
lifir.
Við sendum konu hans Huldu
Svanlaugsdóttur, börnum og öðr-
um aðstandendum innilegar sam-
úðarkveðjur.
F.h. starfsmanna og stjórnar
Vélsmiðjunnar Atla hf.
Marteinn Hámundarson.
Þar sem enginn fékk 1. vinning
færist hann yfir á 1. vinning í næsta útdrætti.
2. vinningur kr. 811.554.-
Skiptist á milli 246 vinningshafa kr. 3.299,-
3. vinningur kr. 1.893.440.-
Skiptist á milli 7760 sem fá 244,- kr. hver.
Tvöfaldur 1. vinningur laugardaginn 2. janúar 1988
mwM
Upplýsingasími
91-685111.

HANDHLXfT (Ki
Gön