Dagur - 29.04.1988, Blaðsíða 6

V _Í3J LT>Ain — ■3001’ li-ine OC
6 - DAÖUN - 29. apríl 1988
„Vafalaust munu einhverjar í
ganga úr félaginu"
rætt við Huldu Harðardóttur hverfisfóstru og formann STAK
Hulda Harðardóttir er Eyfirð-
ingur, nánar tiltekið frá Rif-
kelsstöðum í Öngulsstaða-
hreppi. Sjálf segist hún líta á
sig sem gróinn Akureyring.
Hulda hefur unnið lengi að
uppeldis- og félagsmálum á
Akureyri. Nýlega var hún
kjörin formaður Starfsmanna-
félags Akureyrarbæjar og í
vetur var hún ráðin hverfis-
fóstra í Glerárhverfi til að
sinna verkefni sem gekk undir
vinnuheitinu: Tilraunaverk-
efnið í Síðuhverfí. Okkur lang-
aði til að fræðast dálítið um
þetta tilraunaverkcfni og hitt-
um því Huldu að máli í kjallara
Síðusels þar sem skrifstofa
hverfísfóstrunnar er til húsa.
Dagvistin Síðusel er Huldu
ekki ókunnug því þar var hún
forstöðumaður áður en hún var
ráðin í þetta starf. Hún flutti þó
ekki beint niður í kjallarann því
hún fékk bráðabirgðaaðstöðu í
húsakynnum dagvistadeildar
Akureyrarbæjar þar til búiö var
að innrétta kjallarann.
- Segðu mér fyrst Hulda, í
hverju er starf þitt fólgið?
„Eg hef eftirlit með allri dag-
vistun í Glerárhverfi; dagvistum,
gæsluvöllunum, dagmæðrunum
og skólagæslu. Ég sé um innritun
á dagvistirnar hér og eftirlit með
hinum þáttunum og veiti faglegar
ráðleggingar/'
- Er þetta nýjung að taka eitt
hverfi út úr og sinna því sérstak-
lega?
„Já, ég veit ekki til þess að
þetta hafi verið gert áður hér á
landi. í upphafi var talað um að
þetta væri tilraun til tveggja ára
og ég á von á að eftir þann tíma
verði komin reynsla á þessa til-
högun. Það dróst dálítið að
hleypa verkefninu af stokkunum
út af fóstruskortinum í bænum.
Ég var forstöðumaður hér uppi á
Síðuseli og komst ekki í starfið á
þeim tíma sem áætlað var. Ég
byrjaði að vísu í hálfu starfi sem
hverfisfóstra l. nóvember og átti
að fara í fullt starf um áramótin
en það dróst um mánuð."
190 börn á biðlista
- Hvenær var lokið við að inn-
rétta kjallarann hérna?
„Pað var um mánaðamótin
mars/apríl. Ég flutti þá hingað
með skrifstofuna en í stóra saln-
um er aðstaða sem aðallega er
ætluð fyrir dagmæður, þannig að
þær geti komið með börnin sín í
heimsókn, t.d. haldið rabbfundi
til að byrja með og í framtíðinni
er fyrirhugað að hér verði afleys-
ingaþjónusta fyrir dagmæður í
veikindaforföllum. Sú þjónusta
er ekki komin í gagnið ennþá því
ekki er búið að ráða starfsmann
til þeirra starfa."
- Þú sérð um að innrita börn á
dagvistir í Glerárhverfi, eru mörg
börn á biðlista?
„Já, í dag eru mjög mörg börn
á biðlista, alls 190 bara hér í
Glerárhverfi. En ástandið á eftir
að batna til muna innan tíðar. Ég
geri ráð fyrir að 80 börn af þess-
um lista komist að á Hlíðarbóli,
dagvist Hvítasunnusafnaðarins,
og á Sunnubóli verða 25 börn. Á
Hér er Hulda í stóra salnum í kjallara Síðusels þar sem fyrirhugað er að hafa
afíeysingaþjónustu fyrir dagmæður.
Sunnubóli verður heilsdagsdvöl
en leikskóli á Hlíðarbóli, a.m.k.
til að byrja með, en þar er samt
aðstaða til að hafa börn í heiis-
dagsdvöl eða 6 tíma dvöl og mjög
líklega verður það í framtíðinni."
- Heldurðu að þessi tilraun
geti orðið stefnumótandi fyrir
dagvistun á Akureyri?
„Já, ég efast ekki um það. Við
höfum þegar rætt það hvort ekki
væri eðlilegt að þetta form kæmi í
önnur hverfi bæjarins en að sjálf-
sögðu hefur ekkert verið ákveðið
þar að lútandi því þessi tilraun á
ennþá langt í land."
Glerárhverfí er mikið
barnahverfí
- Lítum aðeins um öxl, ertu búin
að starfa lengi sem fóstra á Akur-
eyri?
„Ég útskrifaðist úr Fóstru-
skólanum 1974 og hef síðan verið
af og til í starfi. Eg á þrjú börn og
tók mér frí frá störfum þegar þau
komu í heiminn, en ég hef alltaf
verið í fóstrustarfinu af og til.“
- Hefur ástandið í dagvistun-
armálum á Akureyri tekið niikl-
um breytingum?
„Já, það er ekki hægt að bera
saman aðbúnaðinn sem börnin fá
í dag og þegar ég byrjaði. Þetta
er svo gjörólíkt að þaö jaðrar við
byltingu. Hins vegar má kannski
segja að einhverjir þættir hafi
þróast á verri veg, biðlistarnir
hafa lengst og fóstruskortur og
kjaramál hafa verið meira í
brennidepli á síðustu árum.”
- Hafa kjör fóstra versnað
með árunum?
„Já, samanborið við þá hópa
sem ég hef miðað fóstrur við þá
hafa þær dregist aftur úr en það
er náttúrlega erfitt að segja til um
slíkt. Við höfum engan saman-
burð úti á almennum vinnumark-
aði í hliðstæðri stétt."
- Víkjum aftur að starfi þínu í
dag. Er einhver sérstök ástæða
fyrir því að Glerárhverfi var valið
í þetta tilraunaverkefni? Hefur
það orðið útundan, eða eru hlut-
fallslega fleiri börn í því hverfi
rniðað við önnur?
„Þetta er mikið barnahverfi og
segja má að Glerárhverfi hafi
tekið við af Lundahverfi í þessu
tilliti. í svona barnahverfum er
auðvitað reynt að byggja upp
dagvistun samhliða vaxandi
barnafjölda en það tekur náttúr-
lega sinn tíma. Ég held að næsta
sumar verði ástandið orðið nokk-
uð gott og þá þurfum við alls ekki
að vera óánægð með dagvistar-
mál í Glerárhverfi, enda hef ég
trú á því að megnið af börnunum
á biðlistanum langa verði komið
á dagvist en auðvitað er ekki gott
að segja um hve mörg börn munú
bætast við listann. í dag reikna ég
samt með því að á heimilin fari
langflest af þeim börnum á bið-
listanum sem eru orðin nógu göm-
ul til að fara á dagvist."
Verða fóstrur áfram
í STAK?
Áður en við héldum lengra rædd-
um við dálítið um ráðstefnu um
uppeldi og menntun forskóla-
barna sem haldin var í Reykjavík
en hana sóttu svo gott sem allar
fóstrur á Akureyri. Hulda sagði
„Eins og staðan er í dag hef ég ekki annað en dagmæður og gæsluvelli upp
á að bjÓða.“ Myndir: GB
að þetta hefði verið mjög góð og
gagnleg ráðstefna og hún sagðist
hafa verið sérlega ánægð að sjá
hve aðsóknin var mikil. Hún
sagði að þarna hefði verið mun
meira af fólki en hún átti von á að
hefði áhuga á þessum málum.
„Það var allt fullt út úr dyrum og
komust færri að en vildu," sagði
Hulda.
Hún gat þess einnig að fóstrur
væru mjög duglegar við að sækja
alls kyns námskeið og afla sér
þekkingar. „Við höldum vel
hópinn, sérstaklega kannski hér á
Akureyri, við höfum alltaf verið
mjög samstæður hópur."
- Þú hefur líka sinnt félags-
málurn í bænum og ert nú for-
maður STAK.
„Já, ég hef starfað hátt í 10 ár
við félagsmál í sambandi við
STAK. Eg hef verið meðstjórn-
andi, gjaldkeri, varaformaður og
loks formaður félagsins."
- Nú hafa fóstrur á landinu
samþykkt að stofna sérstakt stétt-
arfélag, þýðir þetta ekki að þær
munu ganga úr STAK?
„Það hafa ákaflega fáar fóstrur
gefið yfirlýsingar um það og ég
get því ekki svarað þessu í dag.
Vafalaust munu einhverjar fóstr-
ur ganga úr félaginu en sennilega
ekki allar. Það eru skiptar
skoðanir um þetta mál og fóstrur
verða að velja á milli þessara
stéttarfélaga. Ég hef grun um að
flestar af þeim fóstrum sem sam-
þykktu að stofna nýtt stéttarfélag
hafi verið frá Stór-Reykjavíkur-
svæðinu."
- Jú, maður hefur heyrt að
áhuginn sé meiri fyrir sunnan, en
þú sem formaður STAK ferð
varla að ganga í þetta nýja félag
sem stofnað verður í maí?
„Nei, annars hefði ég varla gef-
ið kost á mér í formannsembætt-
ið ef ég hefði ekki ætlað að vera
áfram í STAK.“
Dagmóðurstarfíð
er atvinnugrein
- Hverfum frá STAK og yfir í
dagvistarmálin á ný. Þú ert með
dagmæður á þinni könnu, hafa
umsvif þeirra aukist og hafa þær
ekki látið æ meira til sín taka á
vettvangi dagvistunar?
„Jú, dagmæður skipa veglegri
sess en áður. Það er mjög spenn-
andi verkefni að vinna með þeim.
Nú er 21 dagmóðir í Glerárhverfi
svo og 6 með svokallað ömmu-
leyfi, sem þýðir að þær eru með
eitt barn, yfirleitt ömmubarn eða
annað skyldmenni. Þær eru veru-
lega áhugasamar og vinna vel.
Það er starfandi félag dagmæðra
og sú stjórn sem er við völd núna
er virkilega dugleg og mér líkar
mjög vel að vinna nteð þeim.
Þó að dagmæður hafi stofnað
með sér félag vitum við samt sem
áður að einhverjar eru í leyni
ennþá og ekki í þessu félagi. Það