Dagur - 20.07.1988, Blaðsíða 14

1 k - D^léfuN i- 28Í'juli*^s'á5
Hlífar og drifsköft og
ýmislegt fieira í þau...
Bremsuborðar
Sæti í dráttarvélar
Verð frá kr.
14.685
Vönduð vara=aukið öryggi
Vétadeild KEA
Óseyri - ’íöi’ 21400 & 22997
Sigurður Jónssun.
íbúasamtök í Síðu-
hverfi, til hvers?
- Sigurður Jónsson greinir frá helstu markmiðum
Sigurður Jónsson bygginga-
fræðingur situr í stjórn
nýstofnaðra íbúasamtaka í
Síðuhverfi, en þau eru fyrstu
íbúasamtökin sem stofnuð
hafa verið fyrir utan Reykja-
víkursvæðið. Markmið sam-
takanna er m.a. að vinna að
framfara-, hagsmuna- og
menningarmálum hverfisins og
Akureyrarbæjar í heild, eins
og segir í drögum að lögum
fyrir hin nýstofnuðu samtök.
Blaðamaður Dags hitti Sigurð
að máli og spurði hann nánar út í
þessi samtök.
- Geturðu sagt okkur eitthvað
um aðdraganda þessara samtaka.
Til hvers íbúasamtök í Síðu-
hverfi?
„Fyrir nokkru fóru fáeinir íbú-
ar hér í hverfinu að ræða saman
um hverfið og uppbyggingu þess,
hvað okkur fannst flest hér vera
ákaflega laust í böndunum og eft-
ir að við vorum búin að ræða
saman um tíma, þá ákváðum við
að hafa samband við fleiri sem
hafa tengst einhverjum félags-
málum hér, s.s. skólamálum.
Við boðuðum síðan til fundar
til þess að heyra hvort grundvöll-
ur væri fyrir stofnun íbúasamtaka
og þá um leið að kynna fyrir fólki
hvernig íbúasamtök hafa starfað
annars staðar. Við vildum kanna
hvort ekki væri tími til kominn að
við hér í hverfinu færum að
„grípa í taumana", fylgjast með
hvort hverfið er á réttri leið að
okkar mati, þ.e. íbúanna.
Skólinn hefur verið hitamál í
hverfinu, þ.e.a.s. það að geta
ekki haldið grunnskólanum hér
upp í 9. bekk, það verður að vísu
9. bekkur í vetur en síðan ekki
meir.
Síðan teljum við hverfið illa
byggt, lóðir ganga ekki út til
verktaka vegna þess að markað-
urinn og eftirspurn fá ekki að
ráða hér, það er haldið fast í
ákveðið byggingarform sem ekki
er seljanlegt um þessar mundir.
Pað á að fara að byggja annað
hverfi hér við hliðina, Giljahverfi
án þess að hugsað sé um að klára
þetta hverfi.
Það þarf að gera Síðuhverfi
aðgengilegra með þeirri þjónustu
sem nauðsynleg er í hverfi af
þessari stærð.“
- Hvernig voru viðbrögð íbú-
anna við fundarboðinu?
„Viðbrögð fólks voru mikil og
góð. Við héldum nokkuð marga
fundi áður en við boðuðum til
almenns fundar og vorum því
nokkuð vel undirbúin og höfðum
því rætt málin töluvert. Á stofn-
fundinn mættu um fjörutfu
manns sem verður að teljast gott
þegar um þannig fundarboð er að
ræða. Það kom í ljós að margir
voru á sömu skoðun og þessi
hópur sem hafði hist og rætt þessi
mál áður.
Af því sem kom fram á fundin-
um og fólk taldi brýnast að þyrfti
úrbóta við, má helst nefna:
Hérna í hverfið vantar fyrst og
fremst þjónustu, það vantar betri
verslun fyrir hverfið það vantar
lyfjabúð, heilsugæslu, ungbarna-
eftirlit. Hér er mikið af börnum
og mun meira af ungum börnum
en í öðrum hverfum bæjarins.
Síðan vill fólk gjarnan að byggð-
in verði þétt, götur og gangstéttar
verði kláraðar og gengið verði frá
gangbrautum og hjólreiðastíg-
um. Þetta eru svona helstu mál
sem virðast liggja brýnast á fólki,
en engan veginn tæmandi yfirlit
yfir það sem þarf úrbóta við hér í
Síðuhverfi.
í rauninni verða samtökin ekki
formleg samtök fyrr en í haust, í
september þegar aðalfundurinn
verður haldinn, þá verður kosin
stjórn og stefnumálin sett form-
lega fram.“
- Hvernig ætla samtökin að ná
fram þessum markmiðum er þú
hefur nefnt hér? Hvaða aðferð-
um ætlið þið að beita?
„Það eru til ýmsar aðferðir.
Þegar maður ræðir við fólk, en
við höfum gengið í hús til að
kynna samtökin, þá kemur það í
ljós að fólk hefur ákaflega litla
vitneskju um hvernig hverfið á að
líta út í sinni endanlegu mynd og
fullbyggt. Við höfum áhuga á að
fá skipulag yfir hverfið, fá að sjá
hvernig Skipulagsnefnd Akureyr-
ar hefur skipulagt þetta hverfi
varðandi þjónustu, götur og ann-
að sem máli skiptir. Þetta viljum
við fá og hengja upp og bjóða
íbúunum að koma og skoða. Við
viljum fá að sjá hvernig þær
stærri stofnanir sem fyrir eru í
hverfinu eiga að líta út, við vilj-
um fá að sjá hvernig iðnaðar-
hverfið á að verða í framtíðinni.
Á þessu ætlum við að byrja. Fólk
getur þá komið og séð þetta og
við getum fengið umræðu í gang
um þessi mál og vonandi gert
athugasemdir og komið með
betrumbætur varðandi núverandi
skipulag. Nánari ákvarðanir um
starfsaðferðir verða teknar í
starfshópum sem ætlunin er að
koma á fót.
Ég vil líka benda á að í drögum
okkar að stofnun þessara sam-
taka, bendum við á þörfina á að
stofna íbúasamtök í öðrum
hverfum bæjarins. Við sjáum fyr-
ir okkur hverfasamtök í öllum
hverfum bæjarins í framtíðinni
sem vinna með bæjaryfirvöldum
með það að markmiði að gera
hverfin betri og þar með bæinn
að betri stað að lifa og starfa í.“
kjó