Dagur - 30.07.1988, Blaðsíða 5

30. júlí 1988 - DÁGÚR - 5
Svona leit Gamli spítalinn út um 1940 og þó að húsinu hafi mikið verið breytt síðan eru reimleikarnir enn við lýði.
Hótelið, næsta hús norðan við Gamla spítalann, brann upp úr 1950.
Fnjóskadal, Fljótum, Þistilfirði,
Höfðaströnd við Skagafjörð og
áfram mætti telja. Lýsingar
manna á skrímslunum eru mjög
fjölbreytilegar, en allt voru þetta
ófrýnilegar skepnur og áttu menn
fótum sínum fjör að launa. Sumir
fengu þó áverka eftir viðureign
við skrímsli.
Tröllasögur, sögur af álfum og
huldufólki og draugasögur hafa
líka verið heimfærðar upp á ýmsa
staði á Ncrðurlandi. Við skulum
ljúka Sögubroti á frásögn um
reimleika í Gamla spítalanum á
Akureyri:
Gamli spítalinn á Akureyri
„Svo vildi til, þá er verið var að
reisa gamla sjúkrahúsið á Akur-
eyri, gjöf Gudmanns kaup-
manns, að einn smiðurinn, sem
Þorlákur hét, datt ofan af þakinu
og beið bana af.
Nokkrum árum seinna kom
Sigríður Þorsteinsdóttir, kona
Skafta ritstjóra Jósepssonar á
Akureyri, og gisti í spítalahúsinu
hjá Þórði lækni- Tómassyni og
Kamillu konu hans, sem hún
hafði kynnzt í Höfn. Þær Kamilla
ræddu margt saman um kvöldið,
og loksins var Sigríði vísað til
sængur í herbergi uppi á lofti.
Hún vaknaði við það um nóttina,
að hún heyrði smíðahljóð frammi
á loftinu, og var hún því alvön frá
föður sínum, séra Þorsteini Páls-
syni að Hálsi, því hann var smiður
hinn bezti. Hún heyrði heflað og
sagað, naglar voru reknir o.s.frv.
Það þóttist Sigríður heyra, að
ekki væri nema einn smiður að
smíða. Hún leit á úr sitt, og var
klukkan þá fimm. Henni þótti
smíðarnar byrja fremur snemma,
en henni kom þó til hugar, að
eitthvað lægi á, og sætti hún sig
við það. Þessi smíðahljóð héldu
áfram nálægt klukkustund, en þá
heyrðist Sigríði maðurinn ganga
ofan stigann, og heyrði hún ekk-
ert úr því, enda sofnaði hún
skjótt.
Sigríður vaknaði við það um
morguninn, að frú Kamilla kom
með kaffi til hennar. Hún spurði,
hvernig hún hefði sofið. Sigríður
kvaðst hafa sofið vel, að því
undanskildu, að smiðirnir hefðu
haldið fyrir sér vöku um hríð.
Smiðir? Þar hefðu engir smiðir
verið, sagði Kamilla og brá litum.
Jú! Þar hefðu áreiðanlega verið
smiðir eða að minnsta kosti einn
smiður, sagði Sigríður. Hún
kvaðst hafa heyrt heflað og fleiri
smíðahljóð. Kamilla svaraði, að
þar væri enginn hefilbekkur til í
húsinu, og spurði, um hvert leyti
hún hefði heyrt þetta. Sigríður
sagði sem var. Kamilla sagði þá,
að spítalinn væri ekki opnaður
fyrr en kl. hálf sjö, en annars væri
Sigríður ekki sú fyrsta, sem hefði
orðið vör við smíðalæti þar á loft-
inu, síðan Þorlákur dó; sagði hún
nú Sigríði frá slysför hans, en hún
hafði ekki heyrt hennar getið
áður. Margir fleiri þóttust verða
varir við reimleika þessa og jafn-
vel allt fram til þess, er spítalinn
var lagður niður, en það var ekki
gert fyrr en undir aldamót.“ (Eft-
ir sögu Ingibjargar Skaftadóttur á
Seyðisfirði 1901, en hún hafði
eftir sögn móður sinnar). SS
(Sögurnar eru allar teknar úr Islenskum þjóð-
sögum I eftir Ólaf Davíðsson, Porsteinn M.
Jónsson bjó til prentunar, Bjarni Vilhjálmsson
sá um útgáfuna, Rvik 1978.)
Og hópurinn leggur af stað. í þetta sinn var um byrjendur að ræða þannig að
ferðin var ■ styttra lagi. Myndir: jóh
Sigurður um leið og hann sýndi
rosknum Þjóðverja hvernig ætti
að stíga í ístöðin og toga í taum-
inn.
„Ja, ja,“ gall í þeim þýska sem
undir eins fór að gera æfingar í að
láta hestinn beygja.
„Þetta er þriðja sumarið sem
við starfrækjum þessa hestaleigu.
Aðsóknin hefur verið að aukast
ár frá ári enda er ekki hægt að
búast við að leiga eins og þessi
vinni sig upp á einu sumri. Svona
lagað tekur lengri tíma að
kynna,“ segir Sigurður.
Leigan býður upp á allt frá
klukkutímalöngum ferðum upp í
dagsferðir. Útlendingarnir eru í
miklum meirihluta viðskiptavina
og gjarnan koma hópar sem fara
saman í útreiðartúra. íslendingar
virðast síður hafa áhuga á að
bregða sér á bak í mývetnsku
landslagi, „þykjast vísast vera
svo vanir þessu,“ bætir Sigurður
brosandi við.
Fáum líka vana reiðmenn
Oft kemur fyrir að útlendingar
koma og biðja um að fá að fara á
bak hestum sem hafa meira til að
bera en þessir rólegu barnahestar
sem eru f leigunni. „Við erum
líka með nokkra hesta fyrir þann-
ig fólk. Þetta eru aðallega útlend-
ingar sem eiga íslenska hesta og
eru vanir reiðmennsku. Þeir vilja
gjarnan komast á bak íslenskum
hesti á heimavelli og taka
sprettinn," segir Sigurður.
Nú er búið að leggja á klárana
og allt orðið tilbúið. Sigurður
opnar hliðið og hestarnir rölta
einn af öðrum út úr gerðinu.
Þjóðverjarnir brosa út í annað og
ríghalda í tauminn, greinilega
hræddir um að hesturinn taki nú
einhverja rokuna. En hestarnir
hans Sigurðar eru vanir því að
bera alls óvana knapa og kippa
sér ekkert upp við þetta. Þar með
er halarófan komin af stað,
Sigurður fremstur í flokki og
aðstoðarmaður hans rekur síðan
lestina. Ekki seinna vænna að
leggja í hann, næsti hópur kemur
eftir hálfan annan tírna og þá skal
halda í tveggja tíma reiðtúr um
Mývatnssveit. JÓH
Húsnæði
Kristnesspítali óskar eftir að taka á leigu í eitt ár
rúmgóða þriggja eða fjögurra herbergja íbúð handa
aðstoðarlækni.
Upplýsingar gefur framkvæmdastjóri í síma 31100.
Kristnesspítali.
Auglýsing
samkvæmt 7. gr. laga nr. 14/1965 um launaskatt
með áorðnum breytingum, sbr. ákvæði 1. mgr. 98.
gr. laga nr. 75/1981 um tekjuskatt og eignarskatt, um
að álagningu launaskatts á árinu 1988 sé lokið.
Tilkynningar (álagningarseðlar), er sýna launaskatt
sem skattstjóra ber að ákvarða, hafa verið póstlagð-
ar. Hér er annars vegar um að ræða launaskatt skv.
4. gr. fyrrnefndra laga, þ.e. á reiknuð laun manna við
eigin atvinnurekstur eða sjálfstæða starfsemi og á
hlunnindi sem ekki eru greidd í peningum, og hins
vegar launaskatt skv. 3. gr. sömu laga sem greiða
ber af greiddum launum á árinu 1988.
Kærur vegna álagðs launaskatts, sem skattaðilum
hefur verið tilkynnt um með launaskattsseðli 1988,
þurfa að hafa borist skattstjóra eða umboðsmanni
hans eigi síðar en 27. ágúst 1988.
29. júlí 1988.
Skattstjórinn í Reykjavík, Gestur Steinþórsson.
Skattstjórinn í Vesturlandsumdæmi, Stefán Skjaldarson.
Skattstjórinn í Vestfjarðaumdæmi, Ólafur Helgi Kjartansson.
Skattstjórinn í Norðurlandsumdæmi vestra, Bogi Sigurbjörnsson.
Skattstjórinn í Norðurlandsumdæmi eystra, Gunnar Rafn Einarsson.
Skattstjórinn í Austurlandsumdæmi, Bjarni G. Björgvinsson.
Skattstjórinn í Suðurlandsumdæmi, Hreinn Sveinsson.
Skattstjórinn í Vestmannaeyjum, Ingi T. Björnsson.
Skattstjórinn í Reykjanesumdæmi, Sigmundur Stefánsson.
Auglýsing
um að álagningu opinberra gjalda á árinu 1988
sé lokið.
Samkvæmt 1. mgr. 98. gr. laga nr. 75 14. september
1981 um tekjuskatt og eignarskatt er hér með aug-
lýst, að álagningu opinberra gjalda á árinu 1988 er
lokið á þá menn sem skattskyldir eru hér á landi
samkvæmt 1. gr. greindra laga, á börn sem skatt-
lögð eru samkvæmt 6. gr. þeirra, svo og á lögaðila
og aðra aðila sem skattskyldir eru skv. 2. og 3. gr.
þeirra.
I álagningarskrá kemur m.a. fram álagðurtekjuskatt-
ur og útsvar sem koma til innheimtu, en skv. 2. gr.
laga nr. 46/1981 ber að fella niður innheimtu á
álögðum tekjuskatti og útsvari af launatekjum ársins
1987.
Álagningarseðlar skattaðila er sýna álögð opinber
gjöld 1988 sem skattstjóra ber að leggja á hafa verið
póstlagðir.
Kærur vegna allra álagðra opinberra gjalda, að
kirkjugarðsgjöldum undanskildum, sem þessum
skattaðilum hefur verið tilkynnt um með álagningar-
seðli 1988 þurfa að hafa borist skattstjóra eða
umboðsmanni hans innan 30 daga frá og með dag-
setningu þessarar auglýsingar eða eigi síðar en 27.
ágúst nk.
Samkvæmt ákvæðum 1. mgr. 98. gr. áður tilvitnaðra
laga munu álagningarskrár fyrir hvert sveitarfélag
liggja frammi á skattstofu hvers umdæmis og til sýn-
is í viðkomandi sveitarfélagi hjá umboðsmanni skatt-
stjóra dagana 29. júlí-12. ágúst 1988, að báðum
dögum meðtöldum.
Ákvarðaðar húsnæðisbætur 1988 eru birtar rétthöf-
um á álagningarseðli 1988. Athugasemdir við
ákvörðun skattstjóra varðandi húsnæðisbætur skulu
berast skattstjóra viðkomandi umdæmis fyrir 1. sept-
ember 1988.
29. júlí 1988.
Skattstjórinn í Reykjavík, Gestur Steinþórsson.
Skattstjórinn í Vesturlandsumdæmi, Stefán Skjaldarson.
Skattstjórinn í Vestfjarðaumdæmi, Ólafur Helgi Kjartansson.
Skattstjórinn í Norðurlandsumdæmi vestra, Bogi Sigurbjörnsson.
Skattstjórinn í Norðurlandsumdæmi eystra, Gunnar Rafn Einarsson.
Skattstjórinn í Austurlandsumdæmi, Bjarni G. Björgvinsson.
Skattstjórinn í Suðurlandsumdæmi, Hreinn Sveinsson.
Skattstjórinn I Vestmannaeyjum, Ingi T. Björnsson.
Skattstjórinn i Reykjanesumdæmi, Sigmundur Stefánsson.