Dagur - 04.01.1989, Blaðsíða 5

4. janúar 1989 - DAGUR - 5
lesendahornið
Háreysti í SjaUanum
á gamlárskvöld
„Ég var ein þeirra mörgu sem
lagði leið sína í Sjallann á nýárs-
nótt, enda tilvalið að fagna nýju
ári með því að skella sér á ball.
Þegar ég kom í Sjallann upp úr
miðnætti var þegar komin nokk-
ur biðröð, en þar sem ég hafði
keypt miða í forsölu komst ég
strax inn.
Mér og félögum mínum til
mikillar ánægju fengum við borð
á ágætum stað og hugðumst nú
eiga ánægjulegt kvöld saman. En
það fór nokkuð á annan veg. Því
þótt skemmtunin væri að flestu
leyti vel skipulögð af hálfu þeirra
Sjallamanna varð eitt atriði til
þess að eyðileggja skemmtunina
fyrir okkur. Það var hreint ótrú-
legur hávaði frá discoteki
hússins, en svo hátt var stillt að
borðin niðri í salnum nötruðu.
Yfirleitt er meiri hávaði á efri
hæðinni en ég lagði hreinlega
ekki í að leggja leið mína þangað
þetta kvöld.
Ég er sannfærð um að hávað-
inn þetta kvöld var langt umfram
það sem heimilt er og hollt getur
talist heyrn manna. Allavega
þótti okkur, sem við borðið sátu,
afar óþægilegt að geta ekki talað
saman öðruvísi en með því að
kallast á. Þegar maður brá sér á
dansgólfið fékk maður, líkt og
grínarinn í áramótaskaupinu,
þessa líka svakalegu hellu fyrir
eyrun. Ég skil ekki hvað vakti
fyrir starfsmönnum hússins með
Hugleiðing um stöðu,
stjómun og störf
Margt horfir til bóta. Nú eru
skólarnir opnari fyrir almenningi
en áður var. Því ber að fagna.
Um daginn var „foreldravika" í
Lundarskóla hér á Akureyri. Ég
vona að stjórnendur í Lundar-
skóla lesi þennan litla pistil minn
með vinsamlegu hugarfari. Það
væri gaman að hitta þá síðar.
Starfs míns vegna hitti ég oft
marga foreldra hér áður fyrr. Þá
kom alltaf fram þakklæti í garð
kennara fyrir þeirra viðleitni við
slæmar aðstæður - aldrei minnst
á skólastjórnendur.
Ég hef aðeins spurst fyrir um
„foreldravikuna". Sama sagan og
fyrir tuttugu árum - mesta furða
hvað kennarar gera við erfiðar
aðstæður - en skólastjórnendur,
jú þeir sátu og drukku kaffi,
ábyggilega bestu menn, gjarnan
bætt við. Þetta má enginn taka
sem persónulega árás, aðeins til
umhugsunar, safnverðir hafa
ábyggilega líka sofið sinn þyrni-
rósarsvefn. En er ekki kominn
tími til að fólk sitji ekki í valda-
stöðum innan ríkisins til æviloka?
Þetta mál er nú til umræðu í
ríkisstjórn og vona ég að þar fái
það farsæla lausn, öllum landslýð
til farsældar, því að svona mál
snerta alla. Þá mega safnverðir
og skólastjórar ekki gleymast.
Að lokum. Mér finnst nýja
ríkisstjórnin gefa fyrirheit um
betri tíma. Það þarf sannarlega
að draga úr þenslu, lækka vexti
og jafna kjörin gegnum m.a.
skattakerfið.
Með þökk fyrir birtinguna,
J. Ólafsson, fyrrv.safnv.
Yndisleg stund á Hlíð
Laufey hringdi
og vildi koma á framfæri þökkum
til þeirra sem komu og skemmtu
gamla fólkinu á Dvalarheimilinu
Hlíð á Akureyri um hátíðirnar.
„Séra Þórhallur Höskuldsson
kom hingað og prédikaði á
aðfangadag og barnakór undir-
stjórn Birgis Helgasonar söng.
Þetta var alveg yndisleg stund og
mikill ánægjuauki fyrir okkur
sem hér dveljum.
Á gamlársdag komu síðan
Geysismenn í heimsókn og séra
Birgir Snæbjörnsson prédikaði.
Svona heimsóknir eru ómetan-
legar fyrir okkur vistfólkið. Hlíð
er stór stofnun og hér er mikið af
fjörgömlu fólki. Sumir fá mjög
fáar heimsóknir og eru því mjög
einmana. Stundir sem þessar eru
því ómetanlegar og garnla fólkið
talar um þær lengi á eftir. Ég vil
nota tækifærið og þakka öllum
sem hlut áttu að máli innilega fyr-
ir þetta lofsverða framtak.“
því að hafa hávaðann svo mikinn
sem raun bar vitni. Ekki nema
þeir hafi skilið það sem svo að
hið sérstaka álag sem var á verði
allra veitinga þetta kvöld hafi
einnig átt að leggjast á decibila-
styrkinn í diskótekinu!
Nær allir sem ég talaði við
þetta kvöld kvörtuðu yfir hávað-
anum en þrátt fyrir tilmæli til
starfsmanna fékkst hann ekki
minnkaður. Ég harma þetta og
vona að forráðamenn hússins
taki kvörtun mína til athugunar.
Að öðru leyti var ég mjög ánægð
með áramótadansleikinn í Sjall-
anum en því miður eyðilagði há-
reystin ansi mikið. Því verður
ekki neitað."
Sjallagestur
Þakkir til Birgis
Helgasonar
Kirkjugestur skrifar:
„Mig langar til að koma á
framfæri innilegu þakklæti til
Birgis Helgasonar og barnakórs
undir hans stjórn sem hefur kom-
ið fram um jólin í Akureyrar-
kirkju og Dvalarheimilinu Hlíð.
Birgir hefur um árabil glatt hjört-
un um jólin með kórum sínum úr
Barnaskóla Akureyrar, en að
þessu sinni var kórinn þó
blandaður úr nokkrum skólum,
eftir því sem ég hef fregnað.
Það er erfitt starf og vanda-
samt að þjálfa kóra, einkum
barnakóra. Þetta starf hefur
Birgir rækt með miklum sóma
um áraraðir og skulu honum
færðar þakkir fyrir það. Ég veit
að ég mæli fyrir munn margra
Akureyringa þegar ég segi að það
er mér dýrmætur hluti jólanna að
fara á Lúsíuhátíð Karlakórs
Akureyrar í Akureyrarkirkju.
Karlakórinn hefur alla tíð verið
bænum til sóma og stendur sig
alltaf vel en hjartnæmur söngur
barnakórsins færir okkur nær jól-
unum.“
Lesendur! Skrifið eða hringið
Athygli lesenda skal vakin á
því að lesendahornið er kjör-
inn vettvangur fyrir þá sem
vilja tjá hug sinn um einstök
málefni, lofa eða lasta eftir
atvikum.
Bréf þurfa ekki að vera vélrit-
uð, en nafn, nafnnúmer/
kennitala og heimilisfang
verður að fylgja öllu efni til
þáttarins, þó svo höfundur
óski nafnleyndar. Skrifið eða
hringið. Utanáskriftin er:
Dagur, Strandgötu 31, Póst-
hólf 58, Akureyri. Síminn er
96-24222. Einnig er tekið á
móti lescndabréfum á skrif-
stofum Dags á Blönduósi,
Húsavík, Reykjavík og Sauð-
árkróki.
Stórkostleg
útsala
hef st í dag
★ Peysur ★ Pils ★ Bolir
★ Blússur ★ Kjóiar og fleira.
Allt að 50% afsláttur
Nú er tækifærið WVersl“nin
aðgera M'WUHog
góð kaup. / iann
Sunnuhlíð 12, sími 22484.
/-----------------------------\
Skrifstofutækni
Eitthvað fyrír þig?
Námskeið í skrifstofutækni hefst 9. janúar.
Nánari upplýsingar veittar í síma 27899.
Tölvufræðslan Akureyri hf.
Glerárgötu 34.
V______________________________/
Bílaeigendur!
Janúartilboð
frá stillingaverkstæði
10% afsláttur
af öllum hjóla- og
mótorstillingum í
janúar -
Bæði af efni og vinnu.
Sækjum - Sendum.
Möldursf.
pantanasími 26915.
Þjóðhátíðarsjóður
auglýsir eftir umsóknum um styrki úr sjóðnum á
árinu 1989.
Samkvæmt skipulagsskrá sjóðsins nr. 361 30. september 1977
er tilgangur sjóðsins „að veita styrki til stofnana og annarra
aðila, er hafa það verkefni að vinna að varðveislu og vernd þeirra
verðmæta lands og menningar, sem núverandi kynslóð hefur
tekið í arf.
a) Fjórðungur af árlegu ráðstöfunarfé sjóðsins skal renna til
Friðlýsingarsjóðs til náttúru verndar á vegum Náttúru verndar-
ráðs.
b) Fjórðungur af árlegu ráðstöfunarfé sjóðsins skal renna til
varðveislu fornminja, gamalla bygginga og annarra menning-
arverðmæta á vegum Þjóðminjasafns.
Að öðru leyti úthlutar stjórn sjóðsins ráðstöfunarfé hverju sinni
í samræmi við megintilgang hans, og komi þar einnig til álita
viðbótarstyrkir til þarfa, sem getið er i liðum a) og b).
Við það skal miða, að styrkir úr sjóðnum verði viðbótarframlag
til þeirra verkefna, sem styrkt eru, en verði ekki til þess að lækka
önnur opinber framlög til þeirra eða draga úr stuðningi annarra
við þau.“
Stefnt er að úthlutun á fyrri hluta komandi árs. Umsóknarirestur
er til og með 24. febrúar 1989. Eldri umsóknir ber að endurnýja.
Umsóknareyðublöð liggja frammi í afgreiðslu Seðlabanka
íslands, Kalkofnsvegi 1, Reykjavík. Nánari upplysingar gefur
ritari sjóðsstjórnar, Sveinbjörn Hafliðason i síma (91) 699600.
Reykjavík, 28. desember 1988
ÞJÓÐHÁTÍÐARSJÓÐUR