Dagur - 25.02.1989, Blaðsíða 1

TEKJUBRÉF
KJARABRÉF
FJARMAL PlN
SÉRGREIN OKKAR
FJARFESTINGARFELAGIDi
Ráðhústorgi 3, Akureyri
Fegurðardísirnar sem taka þátt í keppninni um ungfrú Norðurland. í aftari röð frá vinstri eru Ásta Birgisdóttir og Ásta Matthíasdóttir. Fremri röð frá
vinstri: Brynja Viðarsdóttir, Þórunn Guðlaugsdóttir, Guðrún Bjarnadóttir og Steinunn Geirsdóttir. Mynd: n.v
Fegurðardrottning Norðurlands krýnd í næstu viku:
Útilokað að fá stúlkur
utan Akureyrar í keppnina
- sex stúlkur keppa um titilinn
Fegurðardrottning Norður-
lands 1989 verður krýnd í Sjall-
anum fimmtudagskvöldið 2.
mars nk. en sex keppendur
taka þátt í þetta skipti. Að
vanda verður mikið um dýrðir
þetta kvöld og ekkert til spar-
að til þess að gera það sem
glæsilegast fyrir keppendur.
Stúlkurnar sem taka þátt í
keppninni eru Brynja Viðars-
dóttir, Steinunn Geirsdóttir, Þór-
unn Guðlaugsdóttir, Guðrún
Bjarnadóttir og Ásta Matthías-
dóttir, allar 18 ára og Ásta Birgis-
dóttir sem er 19 ára.
Inga Hafsteinsdóttir fram-
kvæmdastjóri Sjallans sagði að
erfiðlega hafi gengið að fá stúlkur
utan Akureyrar til þess að taka
þátt í keppninni. „Leitin hófst í
byrjun nóvember og við reyndum
allt sem við gátum til þess að fá
stúlkur frá nágrannasveitarfé-
lögunum, því við ætluðum að
hafa ákveðna skiptingu, en allt
kom fyrir ekki. Tvær stúlkur frá
Húsavík ætluðu að vera með, en
gugnuðu þegar til kom. En við
erum með úrvalslið núna, allt
duglegar stelpur sem leggja sig
hart fram.“
Um miðjan janúar hófust
æfingar hjá stúlkunum undir
stjórn Þorgerðar Kristinsdóttur.
Þær sjá að mestu sjálfar um sína
líkamsrækt þó Þorgerður gefi
þeim heilræði, en æfingarnar
sjálfar snúast aðallega um að
ganga fallega og ekki síst, að læra
að ganga á hælaháum skóm.
Inga segir undirbúning sjálfrar
hátíðarinnar nú á lokastigi en tók
fram að þar sem kvöldið væri
stund stúlknanna fyrst og fremst,
yrði ekki mikið um hefðbundin
skemmtiatriði. „Þetta verður
sannakallað Gala-kvöld,“ sagði
Inga að lokum.
Stúlkurnar sem taka þátt í
keppninni verða kynntar nánar í
blaðinu í næstu viku. VG
Kassadömur „með í maganum“:
Vegna plastpokasölunnar
sem hefst á miðvikudag
- hálfsmánaðarskammtur tveggja stærstu
verslana Akureyrar er 45.000 pokar
Kaupmenn hefja sölu plast-
poka á miövikudag, 1. mars,
samkvæmt samningi sem Kaup-
mannasamtökin og Landvernd
hafa gert sín á milli. Pokarnir
verða seldir á fimm krónur
stykkið. Sölu plastpokanna átti
að hefja strax eftir áramótin,
en viðbrögð neytenda voru þá
talsvert harkaleg, enda ekki
búið að prenta þar til gert
Landverndarmerki á pokana
og var sölunni því frestað fram
að 1. mars.
„Við gerum það sem okkur er
sagt að gera, og munum selja
plastpokana,“ sagði Björg Þórs-
dóttir verslunarstjóri í Hrísa-
lundi. Björg sagði viðbrögð við-
skiptavina verslunarinnar hafa
verið mjög sterk og fólk almennt
mótfallið því að kaupa innkaupa-
pokana. í Hrísalundi eru pantað-
ir 10.000 pokar á viku, lágmark
og segir Björg að vissulega hafi
fólk átt til að bruðla með pokana,
þ.e. setja lítið í hvern.
Laufey Birgisdóttir í verslun-
inni Hagkaup á Akureyri bjóst
við að fólki væri jafnilla við að
borga pokana nú og þegar það
fyrst kom til. „Það verður eflaust
allt vitlaust og stúlkurnar við
kassana eru með í maganum.
Þetta bitnar fyrst og fremst á
þeim,“ sagði Laufey. Verslunin
pantar hálfsmánaðarlega bretti
með 25.000 plastpokum og bjóst
Laufey við að notkunin myndi
minnka um helming eftir að sala
pokanna hefst.
Átti Laufey von á að fólk
myndi taka fram innkaupatöskur
og net í kjölfar pokasölunnar og
eins nota pokana sem það hefur
keypt oftar. mþþ