Dagur - 25.02.1989, Blaðsíða 20

Akureyri, laugardagur 25. febrúar 1989
Stórbætt þjónusta [
Getum smíðað alla vega púströr
Eigum til beygjur 45° og 90°
Stóraukið úrval af kútum, pakkningum
og festingum í flesta bíla
ísetning á staðnum
þÓRSHAMAR HF.
Við Tryggvabraut • Akureyri ■ Sími 22700
Forráðamenn Sæplasts hf. verða með
sýningarbás á Boston Seafood 7.-9. mars:
Þó ekki innan um
fisksölu Lindu
Sæplast hf. á Dalvík verður
með sýningarbás á Boston
Seafood sjávarútvegssýning-
unni í Boston í Bandaríkjunum
7.-9. mars, sem er stærsta sýn-
ing sinnar tegundar í heimin-
um. Þar verða um 900 sýnend-
ur frá 24 löndum og kaupendur
frá 54 löndum. Sæplast hf. hef-
ur ekki áður tekið þátt í þessari
sýningu en Pétur Reimarsson,
framkvæmdastjóri, segir mikil-
Ra/no Vill
viðræður um
Álafosstreflana
Sovéska ríkisfyrirtækið Razno
hefur sent Álafossi hf. telex
þar sem óskað er eftir framalds-
viðræðum um kaup á 500-800
þúsund treflum.
Að sögn Aðalsteins Helgason-
ar, aðstoðarforstjóra Álafoss hf.,
er um að ræða svipað magn trefla
og Razno keypti af fyrirtækinu á
sl. ári. Gróft áætlað á verðmæti
þessa fjölda trefla að vera um 100
milljónir króna.
Fulltrúar frá Álafossi hf. munu
fara til Moskvu einhvern næstu
daga til viðræðna við þá Razno-
menn um treflakaupin. óþh
vægt að taka þátt „í þessumj
slag“ því einmitt á þessari sýn-
ingu hafa erlendir samkeppnis-
aðilar Sæplasts hf. verið
grimmir við að kynna sína
framleiðslu.
Fjöldi íslenskra fyrirtækja
kynna framleiðslu sína á Boston
Seafood og má meðal annars
nefna að Útflutningsráð, Lands-
samband fiskeldis- og hafbeitar-
stöðva og Markaðsnefnd land-
búnaðarins verða með sameigin-
legan sýningarbás þar sem kynnt-
ur verður íslenskur eldislax og
bleikja. Sæplast hf. verður með
sérbás á sýningunni, eða eins og
Pétur Reimarsson orðar það:
„Við verðum ekki með öðrum
íslendingum á sýningunni. Við
ætlum ekki að vera innan um
Lindu Pétursdóttur og hennar
fisksölu."
Auk Boston Seafood mun Sæ-
plast hf. taka þátt í sjávarútvegs-
sýningum í Glasgow í apríl og
Kaupmannahöfn í júní á þessu
ári. Sýningin í Kóngsins Kaup-
mannahöfn ber heitið „World
Fishing" og er sambærileg við
sjávarútvegssýninguna í Laugar-
dalshöll um árið. Þá eru allar lík-
ur á að Sæplast hf. kynni sína
framleiðslu á sjávarútvegssýn-
ingu á haustmánuðum. Frá þessu
hefur þó ekki verið gengið, að
sögn Péturs Reimarssonar. óþh
Akureyri:
Bam varð undir bíl
Tæplega tveggja ára gamall
drengur varð undir bíl í Vest-
ursíðu á Akureyri laust eftir
hádegi í gær.
Slysið bar að með þeim hætti
að bíl var ekið út af stæði við
Vestursíðu og var barnið þá und-
ir bílnum, án þess að ökumaður
yrði þess var. Drengurinn dróst
með bílnum rúmlega 400 metra
leið en lenti loks undir öðru
framhjóli hans. Ökumaður varð
þess var og stöðvaði bílinn og var
þegar hringt á lögreglu og sjúkra-
bifreið.
Drengurinn var fluttur á Fjórð-
ungssjúkrahúsið á Akureyri en
ekki var ljóst þegar þetta er skrif-
að hvort hann er í lífshættu.
Hjólið fór yfir bringu drengsins
en hann var í þykkum snjógalla
og er hann talinn hafa bjargað
miklu.
Þá varð árekstur á mótum
Pingvallastrætis og Vallargerðis í
hádeginu í gær. Engin meiðsl
urðu á fólki en bílarnir eru báðir
talsvert skemmdir. BB.
„Ævinlega fagnandi“ gætu kálfar Héðins Höskuldssonar bónda á Bólstað í Bárðardal hugsað er þeir fengu gjöfina
sína. Hrossið sem hefur fengið inni í fjósi Héðins bíður í rólegheitunum eftir tuggunni. Mynd: tlv
Fjárskipti í Svarfaðardal heflast væntanlega í haust:
Nokkrir bændur á riðusvæðum
eiga rétt á líflömbum í haust
- skrifleg pöntun þarf að berast
SauðQárveikivörnum fyrir 15. mars
Bændur á fjárskiptasvæðum,
sem eiga rétt á að taka upp
sauðfjárhald að nýju haustið
1989, þurfa að leggja inn pönt-
un á líflömbum til Sauðfjár-
veikivarna fyrir 15. mars 1989.
Um er að ræða svæði þar sem
skorið hefur verið niður vegna
riðuveiki.
Eins og kunnugt er var lokið
niðurskurði í Svarfaðardal á sl.
hausti og finnst því mörgum
bóndanum þar búskapur vera
fábreyttur í vetur. Eftir því sem
næst verður komist eiga 12-14
svarfdælskir bændur rétt á að
hefja sauðfjárbúskap aftur næsta
haust að fengnu úttektarvottorði
héraðsdýralæknis um tilskilda
sótthreinsun á fjárhúsum og
umhverfi húsanna. Búist er við
að nálægt 10 bændur í Svarfað-
ardal hyggist pantá líflömb fyrir
næsta haust síðan er fastlega gert
ráð fyrir að mun fleiri óski eftir
að kaupa líflömb haustið 1990.
En það er á fleiri riðusvæðum
en Svarfaðardal sem bændur hafa
rétt til þess að panta líflömb fyrir
komandi haust. Kjartan Blöndal,
hjá Sauðfjárveikivörnum, nefnir
nokkra hreppa í Suður og Norð-
ur-Þingeyjarsýslum, Keldunes-
hrepp, Reykdæla- og Aðaldæla-
hrepp. Þetta er þriðja árið sem er
fjárlaust á mörgum bæjum í Suð-
ur-Þingeyjarsýslu og reyndar
tóku nokkrir bændur þar fé að
nýju í haust sem leið eftir tveggja
ára fjárleysi. Þau lömb voru feng-
in af Ströndum og úr Þistilfirði.
Kjartan segir ekki ljóst hvert
verði leitað eftir kaupum á líf-
lömbum. Hann segir að ákvörð-
un um það verði tekin á fundi
Sauðfjársjúkdómanefndar um
mánaðamótin mars-apríl, þegar
fyrir liggur hversu mörg lömb
bændur óska eftir að kaupa.
Kjartan segir ómögulegt að
áætla hversu margir þeirra bænda
sem höfðu fé fyrir riðuniðurskurð
muni leita eftir kaupum á líf-
lömbum. En ef miðað er við
reynslu síðasta árs má ætla, að
sögn Kjartans, að einungis helm-
ingur bænda hyggi á fjárbúskap
að nýju. óþh
Flugleiðir efna til samkeppni meðal listamanna:
Útilistaverki valinn staður
við Strandgötuna á Akureyri
Flugleiðir hf. hafa efnt til
samkeppni nieðal listamanna
um listsverk sem rísa á sunn-
an Strandgötunnar á Akur-
eyri. Tillögum í samkeppnina
á að skila inn fyrir 3. júní nk.
en þann dag verða liðin 52 ár
frá því Flugfélag Akureyrar
var stofnað en með tilkomu
félagsins húfst atvinnuflug á
íslandi.
Á afmælisstjórnarfundi Flug-
leiða hf. sem haldinn var á
Akureyri 3. júni 1987 var tekin
ákvörðun um að Akureyrarbæ
yrði gefið útilistaverk er minriiá
upphaf flugs á íslandi með
stofnun Flugfélags Akureyrar.
Skipulagsstjóri Akurcyrarbæjar
var fenginn til að velja lista-
verkinu stað og gerði hann til-
lögu um að verkið yrði látið
standa við Strandgötu eða við
Höepfnersbryggju. Dómnefnd
var á Akureyri á dögunum og
valdi hún listaverkinu stað við
Strandgötu.
í keppnisgögnum eru lista-
mönnum gefnar frjálsar hendur
um stærð verksins, form og efn-
isval. Heildarverðlaunafé í sam-
keppninni er að allt að 600 þús.
kr. og þar af verða 1. verðlaun
ekki lægri en 400 þús. kr. Öllum
íslenskum listamönnum er
heimil þátttaka svo og erlend-
um listainönnum búsettum á
íslandi.
í dómnefndinni eiga sæti:
Sigurður Helgason stjórnarfor-
maður Flugleiða, Einar Helga-
son forstöðumaður hlutdeild-
arfyrirtækja Flugleiða, Gunnar
Ragnars forseti bæjarstjórnar
Akureyrar, Aðalsteinn Ingólfs-
son listfræðingur og Steinunn
Þórarinsdóttir myndlistarmað-
ur. JÓH
Handbolti íslensku þjóðarinnar:
Flykkjast til Frans
- bein útsending frá úrslitaleiknum
Handboltaæöi eitt heilmikið
hefur eina ferðina enn gripið
um sig meðal þjóðarinnar og
fylgjast menn um land allt sem
og á miðunum spenntir með
íslensku strákunum í B-heims-
meistarkeppninni í handbolta.
Sú fer fram í Frakkalandi og á
morgun leika Islendingar við
landa Bogdans, Pólverja um
fyrsta sætið.
HSÍ hóf í gær áheitasöfnun
sem verður fram haldið til klukk-
an 18.00 í dag. Þeir sem vilja
heita á piltana geta hringt inn
áheit í síma 91-685422. Mikill
hugur var í fólki sem blaðið
spjallaði við í gær og nú í morg-
unsárið lögðu 112 íslendingar
utan til Parísar á vegum Sam-
vinnuferða-Landsýnar. í gær
á morgun kl. 13.00
voru menn á þeim bæ að velta
fyrir sér aukaferð, svo mikill var
áhugi manna að fylgjast með
úrslitaleiknum.
Gunnari Kjartanssyni gjald-
kera HSÍ var kunnugt um fjölda
íslendinga búsettra víðsvegar um
Evrópu sem ætluðu að bregða sér
á leikinn og giskaði hann á að
hópurinn teldi um 4-500 manns,
þar af væru tæplega 300 frá ís-
landi.
Eyþór Karlsson matsveinn á
Svalbak EA sagði áhöfnina fylgj-
ast stíft með framvindu mála í
Frakklandi. „Við fylgjumst með
á morgun, svo framarlega sem
ekki verður mokfiskerí,“ sagði
Eyþór.
Bein útsending frá leiknum
hefst í Sjónvarpinu á morgun kl.
13.00. mþþ/óþh