Dagur - 17.06.1989, Blaðsíða 7

ferðamál

i
Hjónin Ásmundur Kristjáns-
son og Svala Gísladóttir á
bænum Stöng í Mývatnssveit
hafa um árabil rekið ferða-
þjónustu og eru nú meðal 99
aðila sem saman mynda net
Ferðaþjónustu bænda á ís-
landi. Á Stöng var á árum
áður fleirbýli en Svala og
Ásmundur búa nú á jörðinni
og nýta mikinn húsakost á
jörðinni fyrir ferðaþjónust-
una. Þau byrjuðu með þessa
hliðargrein með hefðbundna
búskapnum árið 1982 og hafa
síðan verið að byggja þennan
rekstur smám saman upp. Nú
eru pláss fyrir 33 í gistingu í
einu enda hefur ferðaþjónust-
an á Stöng verið talsvert notuð
af ferðamannahópum.
Ásmundur og Svala eru hóf-
lega bjarsýn á sumarvertíðina
en Ásmundur segir að aðal-
annatíminn mætti teygjast
meira en hann gerir.

,Erum nokkuð bjurtsýn á sumarið.
segja Ásmundur og Svala á Stöng í Mývatnssveit.
Ferðaþjónusta bænda:
„Fruin sér um ferðaþjónustuna
en ég sé um heyskapinn“
- spjallað við Ásmund Kristjánsson á Stöng í Mývatnssveit um Ferðaþjónustu bænda
„Jú, fyrstu ferðamennirnir eru
komnir og þetta er komið í fullan
gang,“ segir Ásmundur og heldur
áfram. „Þeir fyrstu komu í maí
og reyndar komu tveir hópar
útlendra ferðamanna í apríl. Það
er verið að reyna fyrir sér með
vetrarferðir og þessi tilraun byrj-
aði í fyrra en í vetur voru þetta
eiginlegri vetrarferðir. Maður
veit ekki hvernig þetta kemur út
enda var hvorki gott veður né
færi þegar þessir hópar komu og
það þurfti að breyta öllum áætl-
unum. Maður er svo háður veðri
og færi að það er erfitt að auglýsa
vetrarferðir."
Þarf að vera lengra tímabil
Ásmundur segir að fyrstu ferða-
mannahóparnir hafi verið mættir
til leiks í Mývatnssveitinoi áður
en ferjan Norræna kom sfna
fyrstu ferð til landsins á sumrinu.
„En ég hef ekki orðið var við
mikið úr Norrænu hér hjá mér
ennþá,“ bætir hann við.
Ásmundur lætur þokkalega vel
af síðasta sumri, hvað ferða-
mannaþjónustuna varðar. „Síð-
asta sumar var gott í júlí og ágúst
og það er eins með þetta sumar.
Júlí- og ágústmánuðir ætla að
verða annamánuðir en þar með
er draumurinn líka búinn þannig
að þetta er afskaplega stutt
tímabil. Ég sé ekki neina teljandi
breytingu á júnímánuði frá því
sem verið hefur þrátt fyrir að
þessi mánuður sé virkilega
skemmtilegur til ferðalaga. Þessi
mánuður fer dálítið eftir vetrar-
veðráttunni vegna þess að margir
bíða þess að komast á hálendið
og vegir á hálendinu eru bara
ekki tilbúnir og verða það senni-
legast ekki fyrr en kemur fram í
júlí. Þetta hefur talsverð áhrif,“
segir Ásmundur og bætir við að
töluvert af gestunum á Stöng sé
fólk sem leggi leið sína yfir há-
lendisvegina.
„Af gestum okkar eru aðeins
10-15% íslendingar þannig að
þetta eru mestmegnis útlending-
ar. Gestirnir geta fengið hér
keyptan morgunverð og einstaka
máltíð sem við auglýsum en yfir-
leitt notfærir fólk sér þá eldunar-
aðstöðu sem í boði er og eldar
sjálft enda byggjast margar hóp-
ferðirnar á því að ferðamennirnir
spari í mat og eldi sjálfir.
Við erum aðallega með hópa í
gistingu hér á Stöng en gangandi
einstaklingar sjást ekki hér enda
erum við það langt frá þjóðvegin-
um,“ segir Ásmundur.
Fór fyrst að skila
vinnulaunum á síðasta ári
Ásmundur segir að enginn skuli
láta sér til hugar koma að ferða-
þjónustan skili hagnaði á stuttum
tíma. Nokkur ár taki að auglýsa
staðinn upp en síðan geti eigend-
urnir farið að reikna sér laun.
„Mér fannst það vera fyrst í fyrra
sem þetta fór að skila vinnulaun-
um. Þetta er smám saman að
auglýsast upp og verða betri
nýting. Ég gerði mér ekki grein
fyrir því þegar við fórum út í
þetta að það liði svona langur
tími þangað til að þessi rekstur
færi að skila einhverju af sér. Það
var ekki miklu kostað til í byrjun
en innkoman hefur í gegnum árin
verið notuð til að breyta, bæta og
byggja upp.“
Ásmundur og Svala hafa ferða-
þjónustuna sem hliðargrein með
búskapnum. Annatímarnir í
búskapnum falla saman við anna-
tímana í ferðaþjónustunni þann-
ig að júlí og ágústmánuðir eru
sannarlega annatímar á Stöng.
„Já, frúin sér alfarið um ferða-
þjónustuna en ég um búskapinn.
Við erum með rúmlega meðalbú
og höfum ákvcðna verkaskipt-
ingu á hlutunum þannig að cg sé
um heyskapinn en hún um ferða-
þjónustuna. Og þessu til viðbótar
þarf að vera hér viðurveruskylda
allan sólarhringinn þannig að
þetta er mjög bindandi."
Óttast ekki um gróðurinn
Ferðamannatímabilið fersenn að
ná hámarki. Eftir snjóþungan
vetur á Norðurlandi hefur gróður
verið seinn til og segist Ásmund-
ur telja að gróður verði um hálf-
um mánuði seinni en venjulega
að koma til. „Það fer auðvitað
öllu fram í veðráttu eins og búin
er að vera síðustu daga en þrátt
fyrir það er gróðurinn seinna á
ferðinni.“
„Hér í Mývatnssveit er fylgst
vel með ferðamönnum þannig að
ég hef ekki ástæðu til að óttast að
skemmdir verði á gróðri sökum
þess hve viðkvæmur hann er um
þessar mundir. Hér er reynt að
hlífa gróðri eins og hægt er og
landverðir hafa þann starfa með
höndum að leiðbeina ferðamönn-
um.“
Ekki segir Ásmundur að neinn
kippur komi í feröamanna-
strauminn þó að veðrið sé með
besta móti. Útlendu ferða-
mennirnir komi hingað í vel
skipulögðum ferðum og þó svo
að veður sé með besta móti á ein-
um staðnum en verra á öðrum þá
breyti ferðamennirnir ekki áætl-
un sinni.
Um bæinn Stöng viö Mývatn
segir í bæklingi Ferðaþjónustu
bænda að bærinn sé vel staðsettur
til skoðunarferða um Norður-
land. Stutt er að Mývatni, Jökuls-
árgljúfrum, Dettifossi og Ás-
byrgi. Aðstaða er til að taka á
móti hestamönnum og boðið er
upp á gistingu í sérhúsnæði með
morgunverði, eldunaraðstöðu,
máltíðir samkvæmt beiðni og
barnagæslu. Þetta er sú lýsing
sem ferðamenn geta fengið af
gistingu Ásmundar og Svölu.
„Við erum nokkuð bjartsýn á
sumarið þó enn þurfi að fá fleiri
ferðamenn í júní og september,"
segir Ásmundur á Stöng. JÓH
Styðjum fyrirtæki á land
Bændur
Vetk-
takar
Styðjum fyrirtæki á lan

Útvegum allar stærðir og gerðir af hjólbörðum
á dráttarvélar, hjólaskóflur og aðrar vinnuvél-
ar á ótrúlega lágu verði.
Gúmmívinnslan hf.
m
Rettarhvammi 1 Akureyri Simi 96-26776