Dagur - 14.10.1989, Qupperneq 6
6 - DAGUR - Laugardagur 14. október ,1989
Flug og bíll:
ferðomál
Gamanið byrjar fyrir alvöru í Luxemborg
Flug og bíll. Þessi frasi hljómar kunnuglega, en þeir sem fljúga til
Luxemborgar skilja fljótt að þetta eru ekki orðin tóm. Frá Luxemborg
liggja vegir til allra átta í Evrópu og tilvalið að skreppa þaðan til
Frakklands, Þýskalands, Sviss eða Belgíu. Einnig er margt að skoða í
Luxemborg, þessu litla landi sem er svipað og Vestur-Húnavatnssýsla
að stærð, en íbúar landsins eru um 365 þúsund. Flestir (rúmlega 114
þúsund) búa í samnefndri borg, sem er sérkennileg að því leyti að
mikið gil skiptir henni í tvennt.
Landið er afskaplega gróðursælt og fallegt og tilvalið er að aka um
sveitirnar og heimsækja vínbæina við ána Mósel. Þaðan liggur leiðin
til borgarinnar Trier í Vestur-Þýskalandi, en hún er mjög vinsæll
verslunarstaður. Trier er jafnframt elsta borg Þýskalands og því
skiljanlega margt áhugavert sem fyrir augu ber. Það eru aðeins 35 km
frá Luxemborg til Trier.
Frá Luxemborg er líka stutt yfir til borgarinnar Metz í Frakklandi,
eða um 50 km. Metz er önnur „græna borgin“ í Frakklandi en þar eru
25 fermetrar af grænu svæði á hvern hinna 120 þúsund íbúa. Þar eru
margir fallegir garðar og sögulegar minjar og rétt utan við borgina er
Strumpagarðurinn.
I ferðamálaþætti Dags að þessu sinni verður brugðið upp nokkrum
svipmyndum frá stuttri ferð, via flug og bíll, til Luxemborgar. íslend-
ingar hafa haslað sér völl í viðskiptalífinu þar og sjálfsagt að heim-
sækja þá. Fararstjóri í þessari ferð er sælkerinn Sigmar B. Hauksson,
en hann skrifaði ásamt eiginkonu sinni, Helgu Thorberg, bókina Flug
og bfll Luxemborg. SS
Að vera eða vera ekki. Valgeir Sigurösson handfjatlar hér hauskúpu, en hauskúpumerkið einkennir áfengisfram-
lciðslu hans. Myndir: SS
Valgeir á Cockpit Inn
- veitingamaður og umsvifamikill vínframleiðandi
Veitingahúsið Cockpit Inn í
Luxemborg þarf varla að
kynna fyrir Islendingum því
staðurinn hefur fyrir löngu
skapað sér nafn sem sendiráð
Islands. Siglfirðingurinn
Valgeir Sigurðsson ræður þar
ríkjum ásamt Lindu konu sinni
en Valgeir hefur dvalið í ein 18
ár úti og haslað sér völl sem
umfangsmikill vínframleið-
andi.
A Cockpit Inn er hægt að fá
ýmsar veitingar og ódýra gist-
ingu, en staðurinn er jafnframt
vísir að safni því Valgeir hefur
komið sér upp merkilegu flug-
minjasafni. Saga flugsins er ná-
tengd íslendingum í Luxemborg.
Hauskúpumerkið er áberandi
á barnum. Valgeir hefur unt
árabil framleitt Black Death
brennivín sem selt er í sérstökum
líkkistum. Hann hefur náð góð-
um árangri með Svartadauða og
hlotið ýmsar viðurkenningar og
nú er svo komið að vínfram-
leiðsla Valgeirs er orðin mjög
umfangsmikil. Þar er t.d. að
finna bæði vodka og viský.
beir Valgeir og Thomas C.
Lines, framkvæmdastjóri, alþjóða-
viðskipta, upplýstu að áfengissal-
an væri stöðugt á uppleið og að
þeir seldu það til fjölmargra
landa. Nýlega náðu þeir samn-
ingum um sölu á Black Death
vodka til Póllands, en þar er
vodkamarkaðurinn ntjög stór.
Pessi umsvif hafa orðið til þess að
Valgeir hefur dregið sig meira út
úr rekstri veitingastaðarins og
eftirlátið eiginkonu sinni stjórn
lians.
Fjöldi gesta var á Cockpit Inn
þegar Dagur var þar í heimsókn
og grcina mátti íslenskar raddir.
En er þetta íslendingastaður?
„íslendingar koma hingað
gjarnan þcgar þeir eru í Luxem-
borg en gestirnir eru yfirleitt frá
ýmsum löndum. Luxemborgar-
arnir sjálfir eru þó mest áberandi
meðal viðskiptavina hér,“ sagði
Valgeir. SS
Frakkland:
Strumpa-
garöurinn
Strumpagarðurinn (Big Bang
Smurf) er rétt utan við grænn
borgina Metz í Frakklandi.
Hann var opnaður í apríl á
þessu ári og er gríðarlega
umfangsmikill og skemmtileg-
ur. Aðgangseyrir er nokkuð
hár miðað við mörg tívolí en
þarna er ókeypis í öll tæki.
í Strumpagarðinum eru mörg
leiktæki vatnsknúin, enda er
garðurinn byggður sem nokkurs
konar vatnagarður. Þarna er að
finna bæði hefðbundin og
óvenjuleg leiktæki, spilasali, veit-
ingahús og hvaðeina sem vænst
er af skemmtigarði. í garðinum
er m.a. hæsti rússíbani í Evrópu.
Þegar maður lítur yfir þennan
40 hektara skemmtigarð (bíla-
stæðin talin með) þá skynjar
maður að gríðarleg vinna hlýtur
að liggja þarna að baki. Enda
kom það á daginn að uppbygging
Strumpagarðsins tók meira en
fjögur ár. Það er best að spá ekk-
ert í kostnaðinn við þessar fram-
kvæmdir. SS
Strumpagarðurinn var fjögur ár í smíðum, enda eru þar gríðarleg mannvirki,
m.a. hæsti rússibani í Evrópu.
Bílaleigur:
Lux Viking er íslensk
Findel flugvöllur í Luxcmborg
kemur manni dálítið skringi-
lega fyrir sjónir. Hann er ekki
sambærilegur við flugstöðvar
stórborga í Evrópu því fyrir
utan Flugleiöaþotuna og vöru-
flutningaþotu frá Cargolux gat
þarna að líta nokkrar Fokker
vélar og aðrar smærri flugvél-
ar. Greinilegt var á öllu að
aðalsamgönguæðin hlaut að
vera á jörðu niðri.
Mikið rétt. Þegar gengið er út
úr flugstöðinni blasir við bílahaf.
Þarna eru fjölmargar bílaleigur
hlið við hlið og farartækin af öll-
um stærðum og gerðum. Vega-
kerfið er mjög gott í Luxemborg
og auðvelt að aka þar um, svo og
til nágrannalandanna.
Ein af þessum bílaleigum er
Lux Viking, eða „ódýrasta
íslenska bílaleigan í Evrópu“,
eins og fyrirtækið auglýsir sig.
Kaupum ís/enskar imréttingar ■ætj vaumimi
ú „Islenskm dögm“
Frostagötu 6c,
Akureyri.
Sími 23003.
Eigendurnir eru íslendingar og
flest allt starfsfólkið einnig.
Tungumálaerfiðleikar eru því
ekki til staðar í Lux Viking, en
annars er auðvelt að gera sig
skiljanlegan í Luxemborg á
ensku, þýsku eða frönsku. Lux
Viking er aðili að Budget, sem er
gríðarlega stór bílaleigukeðja.
Eftir að hafa fengið sér bíl á
bílaleigunni og gott kort, t.d. á
ferðamálaskrifstofu landsins á
járnbrautastöðinni, þá eru mögu-
leikarnir nánast ótæmandi. Skipt-
ir þá engu hvort um stutt eða
langt ferðalag er að ræða, en í
ljósi þess hve margt skemmtilegt
er að skoða þá væri heppilegra að
hafa nægan tíma. SS