Dagur - 25.01.1990, Page 4

4 - DAGUR - Fimmtudagur 25. janúar 1990
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SlMI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
ANDRÉS PÉTURSSON (íþróttir),
KARL JÓNSSON (Sauðárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓSKAR ÞÓR HALLDÓRSSON,
STEFÁN SÆMUNDSSON, VILBORG GUNNARSDÓTTIR,
LJÓSMYNDARI: KRISTJÁN LOGASON
PRÓFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON
AUGLÝSINGASTJÓRI: FRlMANN FRlMANNSSON
DREIFINGARSTJÓRI:
HAFDlS FREYJA RÖGNVALDSDÓTTIR, HEIMASIMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Glæstur árangur
Samheija hf.
í Degi á þriðjudaginn var skýrt frá því að togar-
arnir fimm, sem Samherji hf. á Akureyri gerir út,
hefðu veitt samtals 13.786 tonn á síðasta ári og
að heildarverðmæti þess afla næmi rúmum
1.100 milljónum króna. Þetta er óneitanlega
glæsilegur árangur hjá hinu unga og ört vaxandi
fyrirtæki, Samherja hf., sem á sex ára ferli hefur
skipað sér í röð best reknu fyrirtækja í íslensk-
um sjávarútvegi.
Það er vissulega að verðleikum sem tímaritið
Frjáls verslun og Stöð 2 völdu eigendur Sam-
herja hf. menn ársins í íslensku atvinnulífi. Sam-
herji hf. er samnefnari fyrir öflug og vel rekin
fyrirtæki í íslenskum sjávarútvegi, en sem betur
fer eru þau nokkur. Þau hafa hins vegar hlotið
minni athygli síðustu misserin en hin, sem eiga
við rekstrarörðugleika að etja.
Að geta þess
sem vel er gert
Fjölmiðlar hafa á stundum sætt gagnrýni fyrir
það að flytja nær eingöngu „neikvæðar" fréttir,
þ.e. fréttir af því sem miður fer í þjóðfélaginu.
Það má vissulega til sanns vegar færa að fréttir
af afbrotum, slysum, erfiðleikum í atvinnulífi,
gjaldþrotum og fleiru, sem ekki er til þess fallið
að lífga upp á lífið og tilveruna og auka mönnum
bjartsýni, eru fyrirferðarmiklar í fjölmiðlum. í
þessu sambandi er síst við fjölmiðlafólk eitt að
sakast, því þorra almennings þykir það t.d.
fréttnæmara ef eitthvert fyrirtæki á í rekstrarerf-
iðleikum en ef rekstur sama fyrirtækis gengur
vel. Hins vegar skal tekið undir það hér að fjöl-
miðlar mættu flytja fleiri og betri fréttir af bjart-
ari hliðum tilverunnar. Dagur hefur leitast við að
fylgja þeirri stefnu eftir bestu getu og notið við
það aðstoðar lesenda sinna. Þó mættu ábend-
ingar um „jákvæðar" fréttir vera fleiri en raun
ber vitni.
Ef litið er til atvinnulífsins hafa fréttir af
rekstrarörðugleikum fyrirtækja verið mjög áber-
andi síðustu tvö árin. Það er í sjálfu sér ofur eðli-
legt því atvinnurekstur hér á landi hefur á þessu
tímabili átt mjög undir högg að sækja. Gjaldþrot
hafa t.d. aldrei verið fleiri í íslandssögunni en á
þessu tímabili. Óþarft er að rekja ástæður þessa
hér, svo oft sem þær hafa komið fram í ræðu og
riti. En einmitt vegna þessa erfiða ástands er
meiri ástæða en oft áður til að geta þess sem vel
er gert. BB.
Stafræn símstöð hjá Pósti og síma:
Þjónusta við sím-
notendur eykst til muna
I þvi tækniþjóðfélagi nútímans
sem við lifum nú, er að verða
ómögulegt að fylgjast með öll-
um nýjungum sem á markað-
inn koma. Almenningur getur
ekki endalaust tekið á móti,
auk þess sem búnaður er marg-
ur hver svo flókinn að sækja
þarf sérstök námskeið til þess
að geta nýtt sér hann. Nýlega
var tekin í notkun á Akureyri
stafræn símstöð hjá Pósti og
síma, en slík símstöð er tölvu-
stýrð og býður upp á mun fjöl-
breyttari þjónustu en sú gamla
gerði. Ekki þarf að sækja
námskeið til að geta nýtt sér
þjónustuna, en til þess að
kynna möguleikana sem bæst
hafa við fengum við Ársæl
Magnússon umdæmisstjóra
Pósts og síma á Norðurlandi til
þess að gefa okkur dæmi um
ýmsar nýjungar sem litu dags-
ins Ijós þegar símstöðin nýja
var tengd.
„Það sem neytendur verða
sennilega fyrst og fremst varir við
er að tekin verða inn ný síma-
númer á svæðinu sem byrja á
tölustafnum 1. Settar voru upp
tvær stafrænar stöðvar, önnur á
Akureyri sem annast langlínu-
umferð á 96-svæðinu og er auk
þess móðurstöð fyrir útstöðvar í
Eyjafirði. Þá vþr líka tekin í
notkun stöð á Dalvík sem annast
Dalvíkursvæðið, en það spannar
Dalvík, Svarfaðardal, Árskógs-
hrepp og Hrísey.“
Ársæll segir að þrátt fyrir þetta
verði gömlu númerastöðvarnar
sem fyrir voru á Akureyri full-
nýttar og stendur ekki til að
skipta þeim út. Aðeins viðbót-
arnúmerum verður bætt í staf-
ræna kerfið eftir þörfurn.
Mjög aukin þjónusta
Með tilkomu stafrænu símstöðv-
arinnar eykst mjög þjónusta við
notendur hennar en þeir sem
tengdir eru gömlu símstöðinni
geta sótt um að verða tengdir
nýju stöðinni og þar með notað
þjónustuna sem til boða stendur.
Notendur í gamla kerfinu verða
ekki alveg útundan því þjónusta
við þá batnar verulega hvað varð-
ar hraðari þjónustu og minni
álagsvandræði.
Til að geta notfært sér síma-
þjónustuna að fullu þarf símnot-
andi í stafræna kerfinu að hafa
tónvalssíma með tökkunum *, #,
og R. Flesta þjónustu þarf að
panta á næstu símstöð en vilji
ntenn láta símann vekja sig, eða
hringja á ákveðnum tíma til að
minna á eitthvað, er hægt að sjá
um þá tengingu án aðstoðar sím-
stöðvarinnar.
Fyrir utan þjónustuna „vakn-
ing/áminning“ sem minnst var á
hér að ofan, er hægt að koma
ákveðnum símanúmerum á
minni í símanum og kalla á þau
með styttra númeri. „Símtal
bíður“ er þjónusta sem virkar
þannig, að notandi verður var við
ef hringt er til hans á meðan talað
er í símann. Þá er ýmist hægt að
Ijúka yfirstandandi símtali og fá
samband við þann sem hringir,
eða „geyma“ viðmælanda á með-
an rætt er við þann sem hringir.
Af öðrum þjónustum má nefna
flutning hringingar í annan síma,
endurval á númerinu sem síðast
var hringt í, að tala við tvo til
skiptis, þrír geta talað saman
samtímis, símtalsflutningar og
fleira. Allar nánari upplýsingar
um þessa þjónustu og hvernig
hún er tengd er að finna í 'síma-
skránni á blaðsíðu 16.
Ný númer að bætast við
Ársæll segir að í kjölfar tengingar
nýju símstöðvarinnar hafi nokk-
ur fyrirtæki þegar skipt um síma-
númer og má þar t.d. nefna BSO,
Landsvirkjun og DNG. Nýja
númer BSO byrjar á 1 og svarar
nú símsvari í garnla númerinu
sem tilkynnir hvert nýja núinerið
er. Þeir BSO menn hafa fundið
fyrir því aö margir nátthrafnar
helganna sem þurfa á þjónustu
þeirra að halda, trúi því alls ekki
að nýja númerið sé rétt, en nýja
númerið þeirra er 1-10-10.
Fljótlega mun Kaupfélag Ey-
firðinga taka í notkun nýtt síma-
númer sem byrjar á 3, en númer-
ið þeirra verður 30-300. Hér er á
ferðinni kerfi þar sem Kaupfélag-
Norræn vinabæjavika
í Vásterás 24.-30. jjúní
- ungum Akureyringum á aldrinum 13-20 ára
gefinn kostur á að taka þátt í dagskrá vikunnar
„í ár halda íbúar Vásterás, vina-
bæjar Akureyrar í Svíþjóð, upp á
1000 ára afmæli bæjarins. Vegna
þess afmælis er ýmsum viðburð-
um dreift á allt árið. Einn af há-
punktum hátíðarhaldanna verður
síðustu vikuna í juní. Þá verður
meðal annars norræn leiksýn-
ingahátíð, þar sem tuttugu og
fimm leikhópar víðsvegar að af
Norðurlöndunum verða á staðn-
um og sýna verk sín.
Þessa sömu viku er einnig boð-
ið til hinnar árlegu norrænu vina-
bæjaviku í ár. Frá hverjum vina-
bæ er boðið rúmlega 40 þátttak-
endum, þannig að alls verða þátt-
takendur þar eitthvað á þriðja
hundrað. Það eru einkum fjögur
viðfangsefni sem boðið er uppá á
þessari vinabæjaviku.
Norræni menningar-
arfurinn
Tíu unglingum á aldrinum 13-20
ára er boðið héðan frá Akureyri.
Hugmyndin er að gefa þessum
unglingum möguleika á að end-
urlifa víkingatímabilið í sögu
Norðurlandanna, með því að:
a: reyna hvernig víkingarnir
lifðu,
b: taka þátt í að byggja langhús
frá víkingatímanum,
c: fá að reyna ýmiss konar hand-
verk frá þessum tíma, eins og
framleiðslu á járni, jurtalitun,
matargerð og ýmislegt fleira.
d: læra rúnaletur og hvernig á að
rista rúnir,
e: kynnast því hvernig upplýs-
inga unt fyrri tíma er aflað
með því að taka þátt í forn-
leifagreftri.
Norræn íþróttadagskrá
Boðið er tíu 15-17 ára ungling-
um, sem hafa áhuga á leikfimi,
frjálsum íþróttum, knattspyrnu,
tennis eða badminton. Helstu
viðfangsefni verða:
a: að gefa unglingum frá vina-
bæjunum kost á að hittast og
kynnast með þátttöku í íþrótta-
æfingum á viðkomandi svið-
um,
b: að auka þekkingu sína og
færni í viðkomandi íþrótta-
grein undir leiðsögn alþjóð-
lega þekktra þjálfara,
c: að gefa þeim kost á að ræða
við reynda íþróttamenn, Um
félagslegu hlið íþróttanna,
d: að ræða möguleikana í hverju
bæjarfélagi á því að hindra
notkun vímuefna í tengslum
við íþróttir.
Norræn þjóðlagatónlist
Boðið er fjórum 13-20 ára tónlist-
armönnum, sem áhuga hafa á
þjóðlagatónlist. Boðið verður
uppá:
a: möguleika fyrir tónlistarfólkið
að auka færni sína með því að
skiptast á reynslu við norræna
félaga,
b: að njóta leiðsagnar þekktra
þjóðlagatónlistarmanna,
c: að kynnast ýmsu um þróun
þjóðlagatónlistar í norrænu
löndunum,
c: að skapa gömlum hefðum nýj-
an búning, í samvinnu við þá
sem sýna þjóðdansa.
Norrænir þjóðdansar
Boðið er átta ungum dönsurum.
Helstu viðfangsefni:
a: að undirbúa og sýna nokkra
þjóðdansa frá eigin landi,
b: að kynnast þjóðdönsurum á
líku reki frá hinum vinabæj-
unum,
c: að kynnast ýmsum sögu- og
dansvenjum hinna landanna,
d: að móta nýjar leiðir fyrir
hefðbundna þjóðlagatónlist í
samvinnu við tónlistarfólkið.
Allt ungt fólk á aldrinum þrett-
án til tuttugu ára á möguleika á
að taka þátt í einhverju ofan-
nefndra atriða. Þeir sem hafa hug
á frekari upplýsingum geta haft
samband við skrifstofu menning-
armála hjá Akureyrarbæ í
Strandgötu 19 b, sími 27245. í
skólum bæjarins, hjá íþróttafé-
lögum og félagsmiðstöðvum
munu einnig liggja frammi upp-
lýsingar og umsóknareyðublöð
um vinabæjavikuna.“