Dagur - 14.02.1990, Blaðsíða 3

Miðvikudagur 14. febrúar 1990 - DAGUR - 3
fréttir
t
Reiðvegaáætlun til pgurra ára og gjald á
hóíflaðrir til reiðvegagerðar til umræðu á Alþingi:
„Tryggja þarf að hóffjaðragjaldið
renni óskipt til reiðvegagerðar“
- segir Jón Ólafur Sigfússon, formaður hestamannafélagsins Léttis
Alþingi hefur nú til umfjöllun-
ar tvö lagafrumvörp og cina
þingsályktunartillögu sem
snerta umferö ríöandi manna.
Með afgreiðslu þessara mála
gæti komist mun betri skipan á
gerð reiðvega í og við þéttbýl-
isstaði en samfara aukinni
hestaeign fólks í þéttbýli hafa á
stöku stað heyrst háværar
óánægjuraddir vegna umferð-
ar ríðandi manna. I öðru laga-
frumvarpinu er gert ráð fyrir
að fjár verði aflað til reiðvega-
gerðar með tveggja króna
gjaldi á hverja hóffjöður.
Þetta telja flutningsmenn að
geti skilað um 10 milljónum á
ári til reiðvegagerðar.
Jón Ólafur Sigfússon, formað-
ur hestamannafélagsins Léttis,
segist ekki ósáttur við hóffjaðra-
gjaldið. „Ég sé enga ástæðu til
þess að við séum að láta borga
allt fyrir okkur og tel að hesta-
menn geti tekið þátt í þeirn
kostnaði sem fram fer. Við get-
um ekki alltaf vænst þess að fá
hlutina upp í hendurnar fyrir ekki
neitt en hins vegar þarf það að
vera tryggt að þetta gjald, veröi
það samþykkt, renni til reiðvega-
gerðar en verði ekki tekið í
eitthvað annað eins og dæmi eru
um,“ segir Jón Ólafur.
Flutningsmenn þessara mála á
Alþingi eru nokkrir þingmenn
Framsóknarflokks. Meginhug-
mynd þeirra er sú að reiðvega-
áætlun verði gerð til fjögurra ára
í senn og samgönguráðherra
verði falið að skipa nefnd til að
vinna þessa áætlun og endur-
skoða hana reglulega. í þessari
vinnu þurfi nefndin að taka mið
af nokkrum atriðum, m.a. að
bæta aðstöðu hestamanna á þjóð-
vegum og haga þannig að öryggi
gegn slysum verði sem best og að
viðurkennd verði í raun umfcrð
ríðandi manna sent hluta af sam-
göngum landsmanna.
A fjárlögum er varið vissri
upphæð til gerðar reiðvega sem
Ríkisstjórnin Qallaði um kjarasamning verkfræðinga,
tæknifræðinga og tækniteiknara:
Stefnir í hættu þeim árangri í
eftiahagsmálum sem að er stefnt
- samið um hækkun launa sem er langt umfram þá hækkun
sem samið hefur verið um á almennum launamarkaði
Ríkisstjórnin fjallaði á fundi
sínum í gærmorgun um
nýgerða kjarasamninga Stéttar-
félags verkfræðinga, Stéttar-
félags tæknifræðinga og Stéttar-
félags tækniteiknara við Félag
ráðgjafarverkfræðinga. I þess-
um kjarasamningum er samið
um hækkun launa, sem er
langt umfram þá hækkun, sem
samið hefur verið um á hinum
almenna launamarkaði og á
milli opinbcrra aðila og
starfsmanna ríkis og sveitar-
félaga.
Umræddir samningar stefna í
hættu þeim árangri í efnahags-
málum, sem að er stefnt með hin-
um almennu kjarasamningum.
Ríkisstjórnin telur óhjákvæmi-
legt að leita allra leiða til þess að
koma í veg fyrir að svo veröi.
í því skyni hefur forsætisráð-
herra rætt við formann Félags
ráðgjafarverkfræðinga og lagt
áherslu á að fallið verði frá þess-
ari hækkun og samningurinn
verði endurskoðaður til samræm-
is við hina almennu samninga.
Jafnframt hefur ríkisstjórnin
ákveðiö að beina þeim fyrirmæl-
um til ráöuneyta og ríkisstofnana
að engar hækkanir á þjónustu
ráðgjafarverkfræðinga og annarra
hliðstæðra aðila verði greiddar.
Loks hefur ríkisstjórnin leitað
álits Verðlagsráðs á því hvort
bcita megi ákvæðum laga um
verðlag, samkeppnishömlur og
óréttmæta viðskiptahætti til þess
að koma í veg fyrir hækkanir á
útseldri þjónustu ráðgjafarverk-
fræðinga og annarra hliðstæðra
aðila.
veg-
flutningsmenn segja engan
inn nægjanlegt til framkvæmda.
Því megi auka fé til framkvæmda
við reiðvegi með sérstöku gjaldi á
hóffjaðrir Með öðru lagafrum-
varpi taka tlutningsmenn af öll
tvímæli um að Vegagerð ríkisins
skuli annast gerð reiðvega, enda
sé hún sá aðili í þjóðfélaginu sem
best sé búin til að taka að sér
slíka framkvæmd.
„Hestamennska nýtur vaxandi
vinsælda. Umferð ríðandi manna
er víða orðin mjög mikil, einkum
í nágrenni þéttbýlisstaða. Sam-
býli umferðar ríðandi manna við
aukna umferð bifreiða getur ver-
ið örðugt. Nauðsynlegt er að taka
tillit til hestamennsku í umferð-
inni umfram það sem gert hefur
verið," segja flutningsmenn í
greinargerð sinni um málið.
Jón Ólafur segist ekki hafa
ástæðu til að ætla að framkvæmd-
um við reiðvcgi verði ekki réttlátt
skipt niður um landið. í fyrstu
hljóti menn að snúa sér að brýn-
ustu verkefnunum, þ.e. við
stærstu þéttbýlisstaðina. Um
ástandið í reiðvegamálum hesta-
manna á og við Akureyri segir
hann að það sé bæði gott og vont.
„Ef við tökum Akureyri sér-
stakiega þá höfum við engan
reiðveg ef fara á noröur úr bæn-
um og varla er fært mcðfram
Hörgárbrautinni. Ef fara á austur
frá bænum þá erum við tiltölu-
lega vel settir þar sem við höfum
gamla veginn austur yfir til
afnota frá Vegagerðinni. Hefði
sá vegur ekki komið til skjalanna
og við hefðum verið settir inn á
nýja Leiruveginn þá hefði málið
horft öðruvísi við. Sé horft fram í
fjöröinn þá hefur Vegageröin
úthlutað okkur gamla veginum
fram að Hrafnagili og hann nýtist
okkur mjög vel en hins vegar er
ákveðin andstaða gegn því af
hálfu bænda að viö fáum að nota
þennan veg. Um þá leið er því
ekki fullkominn friður. Ef við
ætlum hins vegar fram í Eyja-
fjörð að austanverðu þá er eng-
inn reiðvegur og ekkert um ann-
aö að ræða en slitlagið og orð
vísra manna hef ég fyrir því að sú
skemmd sem hestamenn valda á
vegum með slitlagi er meiri en
sem ncmur kostnaði við reið-
vegi," segir Jón.
Hann segist telja þessa þings-
ályktunartillögu um reiðvega-
áætlun og meðfylgjandi ráðstaf-
anir vegna hcnnar til bóta fyrir
hestamenn. Nauðsynlegt sé að
koma góöu skipulagi á fram-
kvæmdir við reiðvegi með ákveð-
inni forgangsröð jafnframt því að
umferð ríðandi manna verði
viðurkennd. JÓH
Sjónvarp Akureyri:
Klippt á raf-
magnið í miðri
útsendingu
Hún var skammvinn,
fegurðin hættulega, hjá
þeim sem fylgdust nieð
Sjónvarpi Akureyri eftir
miðnætti á föstudagskvöld-
ið. Myndin Hættulcg fcgurö
með VVhoupic Goldberg var
nýlega byrjuð þegar útsend-
ingin rofnaði. Ahorfendur
kunnu þessu illa og létu í sér
heyra.
Dagur hafði samband við
Bjarna Hafþór Helgason,
sjónvarpsstjóra, og krafði
hann skýringa á útsendingar-
rofinu.
„Skýringin mun vcra sú að
Rafniagnsveitur ríkisins voru í
viðhaldsvinnu á einhverjuin
rofa og rafmagnið var tekið af
á svæðinu þarna fyrir austan.
Far með fór rafmagnið af
sendinum okkar í Vaðlaheiði.
Þetta er ákaflega bagalcgt fyr-
ir áhorfendur og ég er mjög
óhress með aö þessi viðhalds-
vinna skuli ekki vera innt af
hendi eítir að útsendingu
lýkur," sagði Bjarni Hafþór.
Rafmagniö var tekið af
klukkan eitt eftir miðnætti og
kvaðst sjónvarpsstjórinn hafa
heyrt aö þetta heföi líka gerst
helgina áður. Hann hafði ekki
fengiö staðfest hvort viöhalds-
vinna hefði einnig verið þar að
baki. en hann vonaðist til aö fá
framvegis að tæma dagskrána
áöur en rafmagnið er tekið af.
SS
Sjómannafélag
EyjaQarðar:
Allur fiskur
fari á markaði
Stjóru Sjómannufélags
Eyjafjarðar ræddi á fundi sl.
föstudag in.a. uin kjarainál
og þá stöðu sem upp er
komin við ákvörðun
fiskverös. Stjórnin samþyk-
kti eftirfarandi ályktun:
„Fundur hjá stjórn Sjó-
mannafélags Eyjafjarðar hald-
inn 9. fcbrúar 1990 mótmælir
harðlega þeim seinagangi sem
viðhefst við ákvðrðun
fiskverðs. Jafnframt leggur
fundurinn áherslu á að við
ákvörðun fiskverðs verði fullt
tillit tekiö til þess misréttis
sem viðgengst á fiskverði í
iandinu. Stjórn Sjómanna-
félagsins tclur að eina leiðin til
þess að leiörétta þetta misrétti
sé að allur fiskur sem kemur á
land fari inn á markaöi. Það er
algjörlega óviðunandi ástand
að ekki skuli vera búið að
ganga frá þessu máli nú, þegar
hálíur mánður er liðinn frá því
að fiskverö átti að liggja
fyrir." óþh
Verðlagsráð:
Hámarksverð á gjaldskrár
ráðgjafarverkfræðinga
Verðlagsráð samþykkti á fundi
sínum í gær að setja hámarks-
verð á þjónustu gjaldskrár ráð-
gjafarverkfræðinga frá og með
13. febrúar 1990.
Jafnframt var sett hániarks-
verð á gjaldskrár sjálfstætt starf-
andi sérfræðinga sem byggja á
kjarasamningum milli Stéttar-
félags verkfræðinga og Félags
ráðgjafarverkfræðinga eða gjald-
skrám Félags ráðgjafarverkfræð-
inga.
Er ofangreindum aðilum
óheimilt að hækka gjaldskrár sín-
ar fyrir hvers kyns útselda vinnu
og þjónustu frá því sem var 31.
desember s.l. og gilda gjaldskrár
þær sem voru í gildi sem hámarks-
gjaldskrár fyrir þjónustu þessara
aðila.