Dagur - 15.05.1990, Blaðsíða 14

14 - DAGUR - Þriðjudagur 15. maí 1990
e SUMARBUÐIR
^ LAUGUM í REYKJADAL
27. maí-2. júní 12 ára og eldri
3. júní-9. júní 8-11 ára
ÍÞRÓTTIR ★ LEIKIR ★ FÉLAGSMÁL ★ ÚTIVIST
Innritun og upplýsingar:
Freydís Anna . 43134
Anna Rúna .... 41271-41333
Gunnar ....... 43107-43116
Vantar þig dýnur?
í sumarheimilið ★ Hjólhýsið
Tjaldvagninn eða rúmið.
Margar gerðir af svampdýnum í öllum stærðum.
Geri tilboð ef óskað er.
Áklæði og gluggatjaldaefni á mjög góðu verði.
Sendi í póstkröfu.
Svampur og bólstrun,
Austursíðu 2, sími 96-25137
Vinningstölur laugardaginn
12. maí ’90
VINNINGAR FJÖLDI VINNINGSHAFA UPPHÆÐ Á HVERN VINNINGSHAFA
1. 5af 5 2 5.719.523.-
£.. 4af5l^! 14 73.070.-
3. 4af 5 391 4.513.-
4. 3af 5 11.032 373.-
Heildarvinningsupphæð þessa viku:
18.341.545.-
UPPLÝSINGAR: SÍMSVARI 681511 - LUKKULÍNA 991002
Minning:
Árdís Sigurðardóttir
frá Sunnuhvoli í Bárðardal
Fædd 14. júní 1910 - Dáin 5. maí 1990
í dag, 15. maí, verður borin til
moldar á Akureyri skörungskon-
an Árdís Sigurðardóttir fyrrum
húsfreyja á Sunnuhvoli í Bárð-
ardal og síðar í Þórunnarstræti
132 á Akureyri. Hún andaðist af
völdum heilablæðingar næstum
áttræð um hádegi hins 5. maí.
Síðasta árið átti hún við van-
heilsu að stríða og hafði dvalið
nokkra mánuði á Dvalarheimil-
inu Hlíð á Akureyri við gott
atlæti og nærfærna hjúkrun.
Hvíldin var kærkomin þar sem
heilsan var biluð.
Árdís fæddist 14. júní 1910 á
Halldórsstöðum í Bárðardal.
Faðir hennar var Sigurður Tóm-
asson frá Stafni í Reykjadal, bú-
fræðingur og mjög vel látinn
barnakennari í Ljósavatnshreppi
og Bárðardal. Hann hafði í mörg
sumur stjórnað vinnuflokki við
jarðabætur og einnig unnið við
smíðar og húsbyggingar, mynd-
arlegur hæfileika- og dugnaðar-
maður. Árið næsta á undan hafði
hann gerst bóndi á Halldórsstöð-
um. Sigurður fæddist 30. júlí
1877 en hann lést úr bráðum
berklum í apríl 1911 á öðru ári
búskapar síns á Halldórsstöðum,
langt um aldur fram og var öllum
harmdauði. Árdís var þá enn á
fyrsta ári. Kona Sigurðar, gift 21.
júní 1909 og móðir Árdísar var
Herdís Tryggvadóttir frá Arndís-
arstöðum í Bárðardal, fædd 28.
september 1889, reisnarkona að
allri gerð, myndarleg til munns
og handa. Hún var systir Ólafs
huglæknis á Hamraborg við Ak-
ureyri, Stefáns á Hallgilsstöðum í
Fnjóskadal, Jóns á Möðruvöllum
frammi í Eyjafirði og Elínar sem
lengst bjó og starfaði í Reykja-
vík. Þrjú systkini Herdísar dóu í
æsku. Móðir Herdísar Jóhanna
Stefánsdóttir var föðursystir Vil-
hjálms Stefánssonar landkönnuð-
ar.
Árdís var á Héraðsskólanum á
Laugum í Reykjadal í tvo vetur
og tók auk þess ýmis námskeið í
saumi og vefnaði. Hún var mynd-
virk og óf talsvert. Hún var fram-
kvæmdasöm og hinn mesti dugn-
aðarforkur að hverju sem hún
gekk hvort sem það var fín vinna
við hannyrðir eða erfiðisvinnu.
Árdís giftist 21. júní 1932
Gunnlaugi Jónssyni fæddum 19.
apríl 1900 á Sigurðarstöðum í
Bárðardal. Foreldrar hans voru
Jón yngri bóndi þar Jónsson,
Jónssonar frá Baldursheimi,
Illugasonar og Jónína Sölvadótt-
ir, Magnússonar frá Nesi í Loð-
mundarfirði. Systkini Gunnlaugs
voru María sem giftist norskum
manni.og bjó lengst í Álasundi,
Jón Baldur bóndi á Stóruvöllum,
Sölvi Steinarr bóndi á Sigurðar-
stöðum, Sigurður sem dó þrjátíu
ára gamall, nýfarinn að búa á Sig-
urðarstöðum á móti Sölva og
Anna Steinunn sem dó tæpra
tuttugu og þriggja ára nýgift að
Lundarbrekku í Bárðardal.
Árdís og Gunnlaugur hófu
búskap á Sigurðarstöðum sama
ár og þau giftust en fóru brátt að
byggja sér fallegt hús og hagan-
legt, einskonar kastala við bakka
Skjálfandafljóts og stofnuðu
nýbýlið Sunnuhvol. Þangað
fluttu þau snemmsumars 1935.
Langa ævi bjuggu þeir bræðurnir
Gunnlaugur og Sölvi ásamt fjöl-
skyldum sínum í sama túni í góðu
nábýli. Gagnkvæm vinátta og
hjálpsemi hefur haldist áfram
meðal afkomenda þeirra. Gunn-
laugur var hagur maður velvirkur
vel og hagmæltur. Hann var hæg-
ur í fasi en íhugull og seinn til
svars. Við fyrstu sýn virtist sem
þau hjón væru mjög ólík þar sem
Árdís var skjótráð og fljót til
svars og gustaði um hana af til-
þrifamiklum dugnaði og myndar-
skap. Samband þeirra var þó alla
tíð bundið gagnkvæmri hlýju og
virðingu. Aldrei bar þar skugga
á.
Börn þeirra eru þrjú, öll mann-
taksfólk: Sigrún barnakennari
fyrst á Akranesi, svo í Reykja-
vík, fædd 16. apríl 1933 á Sigurð-
arstöðum, fyrrverandi maki:
Hjálmar Þorsteinsson. Börn
þeirra eru Erlingur Hjálmarsson,
fæddur 4. ágúst 1953, búsettur í
Kópavogi, maki: Guðrún Þor-
geirsdóttir. Hann á eina dóttur,
Helgu Sigurlaugu fædda 2. sept-
ember 1976 og Gunnhildur
Hjálmarsdóttir, fædd 26. október
1962, búsett í Kaupmannahöfn,
maki: Klaus Metzler. Þau eiga
einn son, Daníel Þorstein, fædd-
an 25. apríl 1989. Jón Aðalsteinn
sonur Árdísar og Gunnlaugs,
fæddur 20. júní 1936, maki Sig-
ríður Ólafsdóttir. Hann tók við
föðurleifð sinni og býr á Sunnu-
hvoli. Herdís dóttir þeirra fædd
1. maí 1942 býr á Akureyri og er
útibússtjóri Brekkuútibús Lands-
bankans þar. Hennar maki er
Friðrik Ágústsson. Þau eiga einn
son, Gunnlaug Friðrik Friðriks-
son fæddan 16. mars 1972.
Árdís var ævinlega stór í snið-
um og gestrisni þeirra Gunnlaugs
var viðbrugðið. Þegar þau höfðu
búið á Sunnuhvoli í tuttugu ár
hófu þau byggingu á myndarlegu
steinhúsi við hlið þess eldra. Var
flutt í það á aðfangadag 1956.
Suinarið eftir héldu þau veglegt
silfurbrúðkaup sitt í nýja húsinu
og buðu allri sveitinni og mörg-
um öðrum vinum og vandamönn-
um. Þá orti Gunnlaugur:
„Sækja heim að Sunnuhvoli
seggir fróðir.
Lítil börn og baugaslóðir,
hjóðast öllum réttir góðir. “
Það má með sanni segja, að
réttirnir sem Árdís bar fyrir gesti
sína voru góðir og vel útilátnir.
Lengstum var hópur barna í
kringum Árdísi. Árum saman var
farskóli sveitarinnar á Sunnu-
hvoli hluta úr vetri. Á hverju
sumri var margt barna á Sunnu-
hvoli. Nærri lætur að þar hafi að
öllum töldum verið í umsjá
Árdísar og Gunnlaugs allt að
hundrað börn í eftirminnilegri og
uppbyggjandi sumardvöl. Bæði
voru hjónin barngóð og um-
hyggjusöm.
Gunnlaugur varð fyrir því slysi
á besta aldri að falla af húsþaki
við smíðar og við það laskaðist
hann svo í mjöðm að hann varð
aldrei jafn góður og fatlaður er
leið á ævina en hann var samt
sístarfandi. Þetta varð vitanlega
til þess að bústörfin lögðust með
auknum þunga á Árdísi, en hún
reis undir því með sóma.
Upp úr 1940 lagðist mæðiveiki
á fjárstofninn. Það olli margra
ára erfiðleikum og fjárhagstjóni.
Á þessu tímabili og lengi síðan
stundaði Gunnlaugur húsasmíðar
utan heimilis. Fyrr á ævinni hafði
hann unnið við uppsetningu
heimarafstöðva í sveitinni, og er
frá leið sá hann um viðhald
þeirra, sem þýddi margar fjar-
vistir frá heimilinu.
Meðal margra áhugamála hans
var stórvirkjun Skjálfandafljóts
með uppistöðulóni í íshólsvatni.
Skrifaði hann greinar í blöð til
skýringar á hugmyndum sínum.
Um það bil sem sonur þeirra
tók við búinu réð Árdís sig í
vinnu til Akureyrar að vetrinum,
fyrst á saumastofu fyrirtækisins
Amaro, en síðan í mötuneyti
Menntaskólans og var heima á
Sunnuhvoli á sumrum. Síðar
kom að því að þau Gunnlaugur
fluttu heimili sitt að Þórunnar-
stræti 132 og bjuggu þar eftir
það. Gunnlaugur var lengi mjög
veikur og hjúkraði Árdís honum
af nærfærni meðan hann var
heima, en síðasta tímann var
hann á Dvalarheimilinu Hlíð.
Hann dó 1. febrúar 1986 og var
jarðsettur á fallegum stað í
kirkjugarðinum á Akureyri. Þar
verður Árdís nú lögð til hinstu
hvílu við hlið bónda síns.
Sigurður Sigurðarson.
Árdís Sigurðardóttir fyrrum hús-
freyja á Sunnuhvoli í Bárðardal
lést 5. maí. Hún varfædd 14. júní
1910. Foreldrar hennar voru Sig-
urður Tómasson frá Stafni í
Reykjadal og kona hans Herdís
Tryggvadóttir frá Arndísarstöð-
um. Sigurður var bóndi og kenn-
ari á Halldórsstöðum í Bárðardal
en varð skammlífur, dó 1911 þeg-
ar Árdís dóttir hans var enn á
fyrsta ári. Hann var bróðir Sig-
urgeirs í Stafni en Herdís var
systir Stefáns á Hallgilsstöðum og
Olafs Tryggvasonar huglæknis og
Jóns á Einbúa og síðan Möðru-
völlum. Árdís var því frændmörg
um dali þá sem hér eru nefndir og
má lesa um það í þingeyskum
mannfræðibókum.
Árdís ólst upp með móður
sinni. Hún brá á það ráð að nema
ljósmóðurfræði 1916 og fól for-
eldrum sínum dótturina á
meðan. Að loknu námi varð hún
Ijósmóðir á Svalbarðsströnd og
þar átti Árdís heima hjá henni
1917 til 1925. Síðan var Herdís
eitt ár ljósntóðir í Bárðardal og
eftir það á ýmsum stöðum. Þá var
Árdís farin að vinna fyrir sér í
vistum og kaupavinnu. Hún var í
námi í héraðsskólanum á Laug-
um 1929-31.
Þær' mæðgur munu hafa búið
við þröngan kost á Svalbarðs-
ströndinni. Síðustu stríðsárin
1917 og 1918 voru mörgum þung
í skauti, dýrtíð mikil, en Herdís
ör í lund og rausnar kona. Árdís
vandist heimilisstörfum hefðar-
kvenna þegar hún var í vist hjá