Dagur - 20.07.1990, Blaðsíða 4

4 - DAGUR - Föstudagur 20. júlí 1990
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SlMI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
JÓN HAUKUR BRYNJÓLFSSON (íþróttir),
SKÚLI BJÖRN GUNNARSSON (Sauðárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓLI G. JÓHANNSSON,
ÓSKAR ÞÓR HALLDÓRSSON, STEFÁN SÆMUNDSSON
LJÓSMYNDARI: KRISTJÁN LOGASON
PRÓFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
INGVELDUR JÓNSDÓTTIR, HEIMASlMI 22791
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Staðsetning álversins
er aðaJmálið
Síðan Morgunblaðið byrjaði 10. júlí sl. að fjalla
um minnispunkta ráðgjafanefndar iðnaðarráðu-
neytisins um staðarval vegna álversins marg-
umtalaða, sem ekki munu byggðir á nákvæmum
upplýsingum, hafa allir fjölmiðlar fjallað um
málið svo til daglega. Haldnir hafa verið þing-
flokksfundir hjá stjórnarflokkunum þar sem m.a.
staðarval álversins hefur verið rætt og þar hefur
komið fram, eins og raunar var vitað, að mikill
meirihluti þingflokks framsóknarmanna vill að
álverið rísi annað hvort við Eyjafjörð eða Reyð-
arfjörð. Sama er að segja um þingflokk Alþýðu-
bandalagsins, hann vill að álverið rísi við Eyja-
fjörð eða Reyðarfjörð.
Mun skiptari skoðanir munu vera í þingflokki
Alþýðuflokksins, en hann vill að útlendingarnir
ráði því að mestu hvar álverið verði, enda hefur
iðnaðarráðherra sem skiljanlega hefur farið með
þessi samningamál fyrir hönd ríkisstjórnarinn-
ar, lýst því margsinnis yfir að staðsetning
álversins væri ekki aðalmálið, mikilvægara væri
að fá útlendinga til að reisa álver á íslandi.
Nú síðustu daga hafa umræður í fjölmiðlum
snúist svo til eingöngu um staðsetningu álvers-
ins, enda hefur það verið vitað allan tímann að
staðsetningin væri aðalmálið, þegar verið er að
fjalla um stærstu einstaka framkvæmd í sögu
íslensku þjóðarinnar, sem hefur vitanlega áhrif
á byggðaþróun í landinu næsta áratuginn.
Upp er nú komin sú staða að ýmsir telja ekki
þingmeirihluta fyrir því að álverið verði á Keilis-
nesi. Það nýjasta í málinu er það að viðræðu-
nefnd um álver með Jóhannes Nordal í broddi
fylkingar vill fá ákveðin svör hjá stjórnvöldum
um hvort byggðasjónarmið eigi alfarið að ráða
því hvar álverið verði reist. Það má því búast við
því að línur skýrist fljótlega með staðarvalið og
er það vel. Það er skoðun Dags að stjórnvöld
hefðu átt frá upphafi að leggja meiri áherslu á
staðsetningu álversins enda hefur það marg-
sinnis komið fram hér í blaðinu undanfarna
mánuði.
Þrátt fyrir miklar umræður undanfarna daga
um kosti þess að setja álverið niður á Keilisnesi
hafa líkur fyrir að álverið verði staðsett við
Eyjafjörð ekki minnkað og munu niðurstöður um
breytingar á lóðinni á Dysnesi liggja fyrir þessa
dagana, en Almenna verkfræðistofan hf. í
Reykjavík hefur unnið verkið. Við þessar breyt-
ingar mun sparast umtalsverð fjárhæð við bygg-
ingu álversins.
Við hér fyrir norðan bíðum og sjáum hvað
setur, en þess má geta að mönnum finnast frétt-
ir fjölmiðlanna í Reykjavík af þessu máli síðustu
daga vera nokkuð skondnar. S.O.
hvöð er oð gerost /i
Sumartónleikar á Norðurlandi:
Laufey Sigurðardóttir og
Hlísabet Waage leika
Þriðju sumartónleikarnir á Norð-
austurlandi verða um helgina.
Laufey Sigurðardóttir, fiðla, og
Elísabet Waage, harpa, leika í
Húsavíkurkirkju 20. júlí kl.
20.30, Reykjahlíðarkirkju 21.
júlí kl. 20.30 og loks í Akureyrar-
kirkju sunnudaginn 22. júlí kl.
17.00. Aðgangur er ókeypis.
Á efnisskránni eru verk eftir
Louis Spohr, Magnús Blöndal
Jóhannsson, Nino Rota, Camille
Saint Saens og Sergei V. Rakh-
maninov.
Elísabet Waage er fædd í
Reykjavík. Hún stundaði nám
við Tónlistarskólann í Reykja-
vík, í píanóleik hjá Halldóri Har-
aldssyni og hörpuleik hjá Moniku
Abendroth. Áð loknu píanó-
kennaraprófi hélt hún til fram-
haldsnáms í Hollandi hjá hinum
þekkta hörpuleikara og kennara,
Edward Witsenburg. Hún lauk
hörpukennara- og einleikaraprófi
frá Konunglega Tónlistarhá-
skólanum í Den Haag árið 1987.
Elísabet hefur leikið á tónleikum
á íslandi, í Hollandi, Noregi og
Wales og komið fram í útvarpi á
íslandi og í Hollandi. Hún hefur
starfað ásamt hollenska flautu-
leikaranum Peter Verduyn Lunel
á vegum stofnunarinnar Young
Musician, en Yehudi Menuhin er
verndari hennar.
Laufey Sigurðardóttir er einnig
fædd í Reykjavík. Hún lauk ein-
leikaraprófi frá Tónlistarskólan-
um í Reykjavík vorið 1974.
Kennari hennar þar var Björn
Ólafsson. Framhaldsnám í Bost-
on hjá próf. George Neikrug.
Laufey hefur sótt alþjóðleg fiðlu-
námskeið m.a. hjá J. Vlach og A.
Grumiaux. Árið 1984 fékk hún
styrk frá ítalska ríkinu til náms-
dvalar í Róm. Laufey hefur hald-
ið fjölda einleiks- og samleiks-
tónleika víða um land, auk þess á
Norðurlöndum, Spáni og í
Bandaríkjunum. Hún starfar nú
sem fiðluleikari í Sinfóníuhljóm-
sveit íslands og kennari við Tón-
listarskólann í Reykjavík.
Laufey Sigurðardóttir, fiðluleikari.
Elísabet Waage, hörpuleikari.
Sumarsýning Myndlistaskólans á Akurevri
Laugardaginn 14. júlí sl. var opn-
uð sumarsýning í Myndlista-
skólanum á Akureyri, við Kaup-
vangsstræti. Á sýningunni eru
verk eftir Kristin G. Jóhannsson,
Helga Vilberg, Jón Laxdal Hall-
dórsson og Guðmund Ármann
Sigurjónsson.
Þessi samsýning er mjög fjöl-
breytt því fjórmenningarnir beita
ólíkum aðferðum í listsköpun
sinni. Kristinn sýnir olíumálverk,
Helgi vatnslitamyndir, Jón
klippimyndir og Guðmundur
dúkristur. Öll verkin eru nýleg,
frá 1989 og 1990, og eru þau til
sölu.
Sýningin er opin daglega kl.
14-17 nú yfir hásumarið og henni
lýkur 6. ágúst.
Blómaskálinn Vín:
HaJlgrímur Helgason
opnar sýningu
Hallgrímur Helgason, sem kunn-
ur er 60% þjóðarinnar sem for-
stöðumaður Útvarps Manhattan,
hinum vikulegu þáttum á Rás 2,
mun á morgun, laugardag, opna
sýningu á gamanmyndum í
blómaskálanum Vín í Eyjafirði
kl. 14. Hallgrímur hefur í sumar
dvalið við listsköpun sína og
þáttagerð í Davíðshúsi á Akur-
eyri.
Á sunnudag, 22. júlí, verður efnt
til svokallaðs hjóladags á Akur-
eyri. Lagt verður upp frá Hafnar-
stræti 100, þar sem Bleiki fíllinn
er til húsa. Öllum er heimil þátt-
taka og verður 4 km vegalengd
hjóluð.
Þátttakendum er boðið að
kaupa sér bringunúmer sem gild-
ir sem happdrætti og rétt á viður-
kenningarspjaldi. Ágóði rennur
til barnadeildar FSA. Rétt er að
Á sýningunni í Vín sýnir Hall-
grímur gamanmyndir í tveim
gæðaflokkum, annars vegar
„topp“ grínmyndir á Manhattan
1988 og hins vegar léttar gaman-
myndir sem listamaðurinn fram-
kallaði í París á sl. vori með nýrri
gerð af gvasslitum.
Sýningin stendur til sunnu-
dagsins 29. júlí nk. kl. 10 til 23.30
alla daga.
vekja athygli á að öllum öðrum
en hjóla á sunnudaginn gefst
kostur á að styrkja þetta góða
málefni.
Verð fyrir bringunúmerið er
kr. 100 fyrir börn og 300 fyrir
fullorðna. Dregið verður um 15
vinninga. Sala á númerum er í
Bleika fílnum frá kl. 12-15 eða í
Coke-umboðinu. Fyrsti vinning-
ur er hjól frá Sporthúsinu Hjól &
bretti.
Hallgrímur Helgason.
Akureyri:
Hjólað til styrktar bamadeild