Dagur - 20.07.1990, Blaðsíða 12

Akureyri, föstudagur 20. júlí 1990
Fjölbreytt
kaffihlaÖborð
alla sunnudaga frá kl. 15-17.
Hægt að sitja úti ef veður leyfir.
Húsavík:
Viðbygging byggð
við gmimskólann
Vinna er hafin við fyrri áfanga
viðbyggingar við grunnskólann
á Húsavík. Þessum fyrri
áfanga er fyrst og fremst ætlað
að leysa húsnæðismál Fram-
haldsskólans, sem er til húsa í
gamla gagnfræðaskólahúsinu.
Þar er einnig 7.-9. bekkur til
húsa og mun 7. og 8. bekkur
flytjast í þessa nýbyggingu
grunnskólans.
f þessum áfanga, hvers gólf-
flötur er um 1200 fm, verður
einnig aðstaða fyrir kennara
ásamt bókasafni skólans. Eins og
er, þá býr grunnskólinn við til-
’ tölulega þröngan kost og er allur
tvísetinn.(
Bjarni Þór Einarsson, bæjar-
stjóri á Húsavík, segir áformað
að taka húsið í notkun haustið
1992. „í sumar er verið að vinna
jarðvinnu og grunnlagnir, ásamt
því að steypa plötuna yfir kjallar-
ann. Síðan reikna ég með að þeg-
ar þetta verður komið upp úr
jörðu, þá verði næsti hluti boðinn
út, væntanlega um áramót, og þá
verði byggingin kláruð alveg að
utan og gerð fokheld. Það yrði þá
farið í það strax og tíðarfar leyfir
eftir áramótin,“ sagði Bjarni Þór.
-vs
Hvað er orðið af sólinni?
Mynd: Golli
Mynd: KL
Akureyri:
Lúxemborgar-
rauðar ofan
ípottinn
Garðeigendur á Akureyri
eru farnir ad skoða undir
kartöfiugrösin sín, þótt júlí
sé aðeifts rétt hálfnaður.
Sumstaðar er eftirtekjan
heldur rýr en annars staðar
hafa kartöflurnar náð
.vcrðum vexti.
Kona á Akureyri leit við á
ritstjórn Dags í gær og hafði
meðferðis í poka kartöflur
sem hún var nýbúin að taka
upp úr heimilisgarðinum. Og
viti menn. Jarðeplin voru orð-
in vel matarhæf og verða því í
pottum húsráðenda frá og
með gærdeginum að telja. Að
sögn konunnar er hér um að
ræða kartöflur af geröinni
„Lúxemborgar-rauðar“, en
vöxtur þeirra mun vera óvenju
mikill og hraður. Útsæðinu
var potað niður í kartöflugarð-
inn 12. maí sl. óþh
Öxarfjörður:
Góðar líkur á að fjármagn fáist
til borunar eins kflómetra holu
Miklar líkur eru á því að fjár-
magn fáist frá ríkinu til að bor-
uð verði 1000 metra tilrauna-
hola á austurbakka aðalkvíslar
Jökulsár á Fjöllum, skammt
frá eyðibýlinu Ytri-Bakka.
Heimamenn í Öxarfirði hafa
mikinn áhuga á að ganga úr
skugga um hvort þarna leynist
mikill jarðhiti í jörðu og jafn-
framt búast vísindamenn við
að slík borun myndi varpa
frekar Ijósi á hvort kunni að
leynast olía djúpt í iðrum jarð-
ar undir Öxarfirði.
Heimamenn með Björn Bene-
diktsson, oddvita Öxarfjarðar-
hrepps, í broddi fylkingar, gengu
á fund iðnaðarráðherra í vor og
óskuðu eftir að hann beitti sér
fyrir því að fjármagn fengist til að
bora holuna. Hugmyndin sem
lögð var fyrir ráðherra gekk út á
að heimamenn útveguðu helming
nauðsynlegs fjármagns, eða 10
milljónir króna, og ríkið kæmi
síðan þar á móti. Byggðastofnun
mun hafa gefið í skyn að hún væri
tilbúin til að leggja heimamönn-
um til fjármagn í þessu skyni.
Samkvæmt heimildum Dags
hefur málið komið einu sinni inn
á borð ríkisstjórnarinnar og Jón
Sigurðsson, iðnaðarráðherra,
hefur einnig átt fund með Stein-
Lögreglan vaktar gatnamót:
Akureyringar fara
ekki yfir á rauðu
í gær fór lögreglan á Akureyri
á stjá til að kanna hvort bíl-
stjórar virtu rauða Ijósið og
stöðvunarskyldu á gatnamót-
um. Niðurstöðurnar bera vott
um ótvíræða löghlýðni öku-
manna á Akureyri.
Umferðarljósin voru vöktuð á
gatnamótum Þingvallastrætis og
Þórunnarstrætis og Drottning-
arbrautar og Kaupvangsstrætis.
Á 40 mínútum fóru 487 bílar um
þessi gatnamót og enginn yfir á
rauðu ljósi.
Lögreglan fylgdist með við-
brögðum ökumanna við stöðvun-
arskyldumerki á mótum Hrafna-
gilsstrætis og Þórunnarstrætis og
Drottningarbrautar og Aðal-
strætis. Alls fóru 94 bílar um
þessi gatnamót á tæpum klukku-
tíma og enn sýndu ökumenn lög-
hlýðni. Þó voru fimm ökumenn
áminntir fyrir að stöðva ekki full-
komlega. SS
grími Hermannssyni, forsætis-
ráðherra, Steingrími J. Sigfús-
syni, landbúnaðarráðherra og
Guðmundi Bjarnasyni, heilbrigð-
isráðherra um málið. Fram kom í
viðræðum þeirra mikill áhugi fyr-
ir að málið næði fram að ganga í
sumar.
Áðurnefndur staður hefur ver-
ið nefndur til sögunnar fyrir bor-
un vegna þess að samkvæmt við-
námsmælingum er þar miðpunkt-
ur hitasvæðisins í Öxarfirði. Að
mati jarðfræðinga er heita vatnið
sem fannst við Skógalón árið
1988 afrennsli þessa miðpunkts. í
borun á 1000 metra holu verður
farið í gegnum setlög og þar með
eru miklar líkur á að komi í ljós
nýjar upplýsingar um hvort olíu
sé að finna í Öxarfirði.
Ekki tókst að ná tali af Jóni
Sigurðssyni, iðnaðarráðherra, í
gær til að inna frétta af þessu
máli. Ráðherra mun nú staddur í
iKanada. óþh
Kröfluvirkjun:
Hafin borun 2000 metra holu
Starfsmenn viö gufuborinn
Dofra mættu til vinnu á nýjan
leik í gær, en þeir hafa verið í
fríi undanfarna viku. Héðinn
Stefánsson, stöðvarstjóri í
Laxá og Kröflu, segir að búið
sé að bora 400 metra niður og
steypa fyrstu fóðringu.
Að sögn Héðins hefur verkið
gengið ágætlega, en ætlunin er að
bora allt að 2000 metra djúpa
holu. Síðar kemur í ljós hvort
tækifæri gefst til að bora aðra
holu fyrir haustið.
Um síðustu helgi var fyrsta
fóðring steypt í borholuna.
Næsta verk er 9 og 5/8 tommu
borun niður á 1200 metra dýpi.
Erfitt er að segja til um hversu
langan tíma það tekur, en hugs-
anlega verða það tólf til fjórtán
dagar. Frá 1200 metrum niður í
2000 metra verður steypt 7
tommu fóðring, svokallaður leið-
ari. „Það verður metið þegar þar
að kemur hversu djúpt við
förum," segir Héðinn Stefáns-
son. EHB
Blönduós:
Eldri borgarar byggja átta kaup-
leiguíbúðir á Blöndubökkum
Brátt munu rísa átta kaup-
leiguíbúðir fyrir aldraða á
Blönduósi. Bærinn valdi sér
fjóra verktaka, þrjá á Blöndu-
ósi og einn á Skagaströnd, til
að gera tilboð í verkið. Ekki er
búið að fullyfirfara tilboðin, en
það lægsta er 85 prósent af
kostnaðaráætlun.
íbúðirnar eru í einu húsi sem
byggt verður á bökkum Blöndu
ofan Hnitbjarga. Hjónaíbúðir
verða fjórar og einstaklingsíbúðir
fjórar. Bygging þessi er á vegum
félags eldri borgara í Austur-
Húnavatnssýslu og er búið að
úthluta öllum íbúðunum. Svo
mikil aðsókn var í þær að draga
varð um hverjir hrepptu hnossið.
Húsið á að vera orðið fokhelt
fyrir áramót og í október á næsta
ári verður hægt að fara að flytja
inn í íbúðirnar. Guðbjartur
Ólafsson, byggingafulltrúi
Blönduósbæjar, sagði að bygg-
ingin líktist meira raðhúsi heldur
en blokk. íbúðirnar væru með
sameiginlegum skála eða gangi á
milli og yfir honum þakgluggi.
Sex íbúðir verða öðru megin í
húsinu og tvær hinum megin, auk
setustofu og inngangs. SBG
Akureyri:
Mannlaus bOl
olli miklu tjóni
Laust fyrir klukkan hálf sex fór
mannlaus bfll af stað í Bakka-
hlíð á Akureyri. Bíllinn rann
niður brekkuna og lenti á
tveimur kyrrstæðum bílum og
skemmdi þá mikið. Ekki urðu
slys á fólki.
Að sögn lögreglunnar á Akur-
eyri virtist bíllinn hafa komist á
töluverða ferð því hann lenti af
miklu afli á kyrrstæðu bílunum
tveimur og fór beinlínis upp á þá.
Bílarnir skemmdust mjög mikið.
Orsakir óhappsins lágu ekki
fyrir þegar Dagur hafði samband
við lögregluna í gær. SS