Dagur - 20.07.1990, Blaðsíða 7

Föstudagur 20. júlí 1990 - DAGUR - 7
„Án stöðugleika
í efnahagsmálum
er ekki hægt að reka
virka byggðasteftiu“
- rætt við Steingrím Hermannsson, forsætisráðherra,
- Mun sá efnahagsbati sem
spáð hefur verið gera ríkisstjórn-
inni kleift að styðja frekar við
bakið á landsbyggðinni?
„Tvímælalaust hjálpar hann,
því vonandi batnar hagur sjávar-
útvegsins. Víða er þörf fyrir
traustara atvinnulíf. Við Eyja-
fjörð stendur útgerð vel og er
með traustasta móti á landinu.
Hins vegar eru vandræði á Húsa-
vík, bátarnir hafa ekki grundvöll
því þá vantar kvóta. Sumir segja
að-bátarnir séu of margir, en það
er erfitt að segja einum að hætta
til að næsti fái meira. Frystihúsið
vantar meiri afla, það er byggt
fyrir meiri afköst en þar eru nú.
Því miður, þótt ás(tandið í sjávar-
útvegi hafi batnað verulega og
komið í veg fyrir hrun, þá eru
menn ekki alls staðar komnir á
lygnan sjó.“
Málefni íslands og
Efnahagsbandalag Evrópu
- Hvað um málefni íslands og
Efnahagsbandalags Evrópu?
„Þau mál eru nú mjög í sviðs-
ljósinu, og er margs að gæta í
þeim efnum. Ég er sammála því
sem Sigmundur Guðbjarnason
rektor sagði í ræðu sinni, en hins
vegar afar ósammála því sem
ungur maður ritaði í Morgun-
blaðið nýlega. Þetta er marg-
slungið mál, og það getur vel ver-
ið að auðvelt sé að setjast niður
og reikna út að hér verði pen-
ingaleg lífsafkoma nokkuð góð ef
við vörpum okkur í faðminn á
Evrópubandalaginu. Þá munar
ekkert um að halda okkur hér í
svipuðum lífskjörum og nú eru.
Ég er hinsvegar sannfærður um
að við yrðum ekkert meira í aug-
um Evrópubandalagsins en
afskekktustu byggðarlög íslands,
sem nú eiga í erfiðleikum, gagn-
vart þéttbýlisstöðunum. Við yrð-
um ekki meira í EB en t.d. Kópa-
sker gagnvart Reykjavík. Við
erum afar fámennir í samanburði
við samsteypu ríkja með 350
milljónir íbúa.
EB myndi eflaust vilja fá okk-
ur til að komast yfir fiskinn frá
íslandi, og þá yrði aflinn veiddur
af fyrirtækjum sem væru meira
og minna í eigu útlendinga
o.s.frv. Ég er viss um að þá
myndum við í raun glata fullveld-
inu. Sumir segja að þetta sé
nauðsynlegt, til að við getum tek-
ið þátt í ákvarðanatöku í Bruss-
eles. En hvemig á þessi dvergþjóð
að manna það lið sem þyrfti að
dvelja stöðugt í Brusseles við
slíkt, og hvað halda menn að
áhrif íslands í þeirri ákvarðana-
töku yrðu mikil? Þeir kvarta á
Kópaskeri yfir að hafa engin
áhrif á ákvarðanatöku í Reykja-
vík, eflaust með réttu. Á sama
hátt hefðum við næsta lítil áhrif á
ákvarðanatöku í höfuðstöðvum
ríkja EB.
Við verðum að berjast á hæl og
hnakka í samstarfi við Norður-
löndin til að fá framkvæmda-
stjóra í einu og einu ráði í sam-
starfi Norðurlanda. Það er talið
gott ef við höfum einn, þeir telja
það nægilegt miðað við stærð
þjóðarinnar. Ég er sannfærður
um að margir hér á landi, sem
unna landinu og meta til lífskjara
það frelsi sem við höfum, sjálf-
stæði og tungu, myndu alveg eins
kjósa að setjast að í hinum EB-
löndunum, ef ísland gerðist aðili.
En innan alltof langs tíma á ég
von á að niðurstaðan liggi fyrir í
EB-málinu.“
íslendingar hafa
góða samninga við EB-ríki
- En hvað um samningsaðstöðu
íslands?
„Við höfum góða samninga nú
þegar, betri en flestar þjóðir utan
ÉB. Margaret Thatcher spurði
mig á dögunum við kvöldverð í
boði drottningar í London, af
hverju íslendingar væru að leita
eftir betri samningum, þar sem
við hefðum bestu samninga sem
þekktust? Það er dálítið til í
þessu.“
- Er ekki hætta á að þessum
samningum verði kippt til baka?
„Nei, okkur hefur alltaf verið
sagt að það verði ekki gert. Þeim
er mikið kappsmál að fá fiskinn
okkar. Þeir vilja að vísu fyrst og
fremst fá hann sem hráefni, svo
þeir geti unnið hann í niður-
greiddum verksmiðjum sínum á
bakvið verndartolla. Við þurfum
að finna leiðir til að komast
framhjá þeim verndartollum. Þar
sem fiskur er unnin í neytenda-
pakkningar telst hann vera iðn-
aðarvara, og er þá tollfrjáls í EB-
löndunum. Því ekki að leita leiða
eins og þessara í stað þess að
varpa okkur í faðminn á mönn-
um sem vilja okkur ekkert annað
en sem leið til hráefnisöflunar?
Vinnslustefnan í fiskinum er því
eitt það mikilvægasta sem við
þurfum að ræða um núna.“
- Nú er innan við eitt ár til
kosninga. Hver eru helst áherslu-
atriði Framsóknarflokksins?
„Þau eru að halda efnahags-
málum í góðu lagi, að koma í veg
fyrir sveiflur. Ríkissjóður gegnir
hér veigamiklu hlutverki. 1 öðru
lagi eru það byggðamál. Margt
kemur inn í þetta, t.d. spurningin
um hvernig við ætlum að reka
velferðarkerfið án þess að ofgera
ríkissjóði. Efnahagsmálin og
stöðugleiki þeirra er þó höfuð-
atriði, því án þeirra er ekki hægt
að reka virka byggðastefnu."
Störf ríkisstjórnarinnar
- Hafa störf ríkisstjórnarinnar
gengið vel?
„Ríkisstjórnin hefur starfað
vel, þrátt fyrir að hún sé samsett
af fjórum stjórnmálaflokkum.
Það er rétt að slíkt samstarf kost-
ar meiri yfirlegu en þegar aðeins
tveir flokkar starfa saman, við
formennirnir erum á stöðugum
fundum. En þegar menn ganga í
málin af heilindum kemur oft
meira út úr slíku samstarfi en
þegar einn flokkur ræður nánast
öllu, eins og t.d. er hjá Reykja-
víkurborg. Slíkt fyrirkomulag er
afar hættulegt, þegar til lengdar
lætur.“ EHB
; "21 !S!l! iffllWÍÍ
I'ISl lin! m
HOTEL KEA
Jasstríó Ingimars Eydal
leikur fyrir matargesti
föstudags- og laugardagskvöld
★
Hin vinsæla hljómsveit
Ingimars Eydal
leikur fyrir dansi laugardagskvöld
★
Nýr glæsilegur sérréttaseðill.
★
Borðapantanir fyrir matargesti í síma 22200.

Hótel KEA
fyrir ve/ heppnaða veislu