Dagur - 21.08.1990, Blaðsíða 6

6 - DAGUR - Þriðjudagur 21. ágúst 1990
Golfklúbbur Akureyrar 55 ára:
„Framkvæmdir verða mjög hóflegar næstu árin“
- segir Ragnar Steinbergsson formaður
að allar líkur séu á að Öldunga-
meistaramót íslands verði hér
líka. „Það liggur fyrir að Evr-
ópumeistaramót öldunga verður
haldið á Islandi næsta sumar.
Mót þetta verður haldið fyrir
sunnan en vegna þess þarf að
flytja Öldungameistaramót
Islands hingað norður. Ég heyröi
þetta á öldungaþinginu á dögun-
um og formaðurinn sagðist gera
ráð fyrir að mótið yrði hér á
Akureyri og þá væntanlega um
mánaðamótin júlí-ágúst,“ segir
Ragnar.
Ekki er hægt að láta hjá líða að
minnast á það mót sem þeir hjá
GA hafa á undanförnum árum
byggt upp og auglýst ötullega er-
lendis, Arctic-Open mótið. Síð-
astliðið sumar tóku um 40 erlend-
ir keppendur þátt í móti þessu en
um það hafa verið skrifaðar
margar greinar í útbreidd golf-
tímarit. Nýlega var svo David
Barnwell golfkennari GA í við-
tölum við bandarískar útvarps-
stöðvar og á næstunni heldur
hann vestur um haf til að kynna
mótið og kemur þá m.a. fram í
hinu þekkta Johnny Carsons
Show.
„Þessi kynning skilar sér auðvit-
að og við teljum fullvíst að þetta
mót komi til með að draga að sér
mikinn fjölda erlendra keppenda
næsta sumar. Við verðum mjög
hissa ef þeir verða færri en
hundrað. Raunar teljum við svo
komið að við verðum að leita
samstarfs við Akureyrarbæ vegna
þessa móts og þar er ég ekki að
tala um fjáraðstoð. Við teljum að
hér sé um svo gott tækifæri að
ræða fyrir bæinn í heild að rétt sé
að bæjaryfirvöld fái að hafa hönd
í bagg'a. Stjörn golfklúbbsirrs fiSf-
ur skipað nefnd til þess að hefja
undirbúning þessa móts og við
ætlum að bjóða bænum að láta
sinn ferðamálafulltrúa eða ein-
hvern annan sitja í þessari
nefnd,“ segir Ragnar.
Að sögn Ragnars eru engar
stórframkvæmdir aðkallandi hjá
klúbbnum og ljóst að fram-
kvæmdir verða mjög hóflegar
næstu árin. „Það verður einungis
lögð á það áhersla að halda vell-
inum við og hann smám saman
bættur enn meira. Við teljum að
Jaðarsvöllurinn sé að minnsta
kosti annar af tveimur bestu völl-
um landsins og þurfum að halda
því þannig og helst gera enn
betur,“ segir Ragnar. En það að
hafa svo góðan völl hefur líka
vandamál í för með sér að sögn
Ragnars. „Vegna stærðar þessa
vallar og hversu góður hann er á
íslenskan mælikvarða þá er það
að verða árviss viðburður að við
fáum hingað landsmót eða önnur
stórmót. Landsmótið og það sem
því fylgir tekur tólf daga og það
þýðir að við erum að biðja Akur-
eyringa að spila ekki golf þessa
tólf daga. Þetta getur þýtt að við
verðum að koma upp einhverju
æfingasvæði til að lofa þessu fólki
sem ekki tekur þátt í mótinu, að
leika þar á meðan. Við höfum
land undir níu holu völl en hins
vegar eru þetta gífurlega dýrar
framkvæmdir. Ein flöt kostar til
að mynda ekki minna en 2-3
milljónir króna. Þetta gerist því
ekki alveg á næstu árum,“ segir
Ragnar.
Ragnar er bjartsýnn á framtíð
GA og bendir m.a. á að hið gíf-
urlega unglingastarf sem unnið er
undir stjórn Davids Barnwell sé
að skila sér. „Unglingarnir okkar
okkar eru að komast í fremstu
röð og ég er ekki í nokkrum vafa
um að framtíð klúbbsins er
björt,“ segir Ragnar Steinbergs-
son formaður GA. ET
Golfklúbbur Akureyrar varð
55 ára síðastliðinn sunnudag.
Afmælisins var minnst með
afmælismóti á laugardaginn
þar sem tóku þátt á annað
hundrað keppendur og um
kvöldið var síðan veisla að
Jaðri þar sem fram fór verð-
launaafliending auk þess sem
boðið var upp á skemmtiatriði.
Ragnar Steinbergsson formað-
ur Golfklúbbsins er hér í stuttu
viðtali í tilefni afmælisins þar
sem hann reifar stöðu klúbbs-
ins og framtíðarhorfur.
Með gífurlegu uppbyggingar-
starfi hefur Golfklúbbur Akur-
eyrar á undanförnum árum styrkt
sig mjög í sessi og er nú svo kom-
ið að aðstaðan á Jaðri er með því
besta sem þekkist hér á landi.
Völlurinn er frábær og aðstaðan
er svo kórónuð með hinu glæsi-
lega húsnæði klúbbsins. Það hef-
ur hins vegar kostað sitt og
hvernig skyldi fjárhagsstaða
klúbbsins vera nú á þessum tíma-
mótum?
„Það verður að viðurkenna að
á tímabili stóð þetta ansi tæpt.
Það var gífurleg uppbygging hjá
klúbbnum og ekki hægt að segja
annað en hún hafi gengið í
hraðasta lagi fyrir sig. Þetta eru
hins vegar allt ágætar eignir sem
nýtast mjög vel og þýða m.a. að
við fáum til okkar mörg stór
mót,“ segir Ragnar um þetta
mál. Hann segir að nú sjái for-
ráðamenn klúbbsins fram úr
vandanum og málin séu komin á
viðráðanlegt stig. „Það er of mik-
ið sagt að fjármálin standi vel en
þau hafa lagast ákaflega mikið.
Ekki síst vegna þess að við ásamt
tveimur öðrum íþróttafélögum,
KA og Þór, gerðum samning við
Akureyrarbæ um fjárframlög
næstu þrjú árin. Þetta bjargaði
„Þaö verður að viðurkenna að á tímabili stóð þetta ansi tæpt,“ segir Ragnar
Steinbergsson um fjármálin hjá Golfklúbbi Akureyrar. Mynd: Goiii
flafliði Guðmundsson slær vígsluhögg á Jaðarsvelli.
Birgir Marinósson og Árni Jónsson urðu jafnir í 2.-3. sæti í karlaflokki í
afmælismótinu. Þeir háðu bráðabana í lokahófinu um kvöldið og var hann
með óvenjulegu sniði. Fyrst kepptu þeir um hvor yrði fljótari að drekka úr
bjórglasi og sigraði Árni örugglega og hlaut 2 punkta. Því næst púttuðu þeir
„í áttina“ að glasinu og komst Birgir nær, hlaut 3 punkta og hreppti annað
sætið. Mynd: Brynjólfur Tryggvason
okkur alveg því með þessu móti
náðum við að hreinsa til í okkar
vanskilaskuldum sem nú eru eng-
ar lengur. Þannig náðum við að
fá fyrirgreiðslu hjá okkar við-
skiptabanka og gátum samið á
gáfulegum grundvelli við aðra,“
segir Ragnar. Hann segir hins
vegar að það sé ljóst að næsta ár
verði reksturinn erfiðari en á þessu
ári því margir félagar hafi greitt
árgjöld næsta árs fyrirfram og
þeir peningar hafi því verið til
ráðstöfunar á þessu ári.
Félagar í Golfklúbbi Akureyr-
ar eru nú 286 talsins og á þessu
ári hefur þeim fjölgað um 62.
Félagarnir hafa verið fíeiri áður en
að sögn Ragnars var tekin sú
ákvörðun að „hreinsa til“ í fél-
agatalinu þannið að þeir félagar
sem ekki greiddu lengur árgjald,
vegna þess að þeir væru fluttir á
brott eða vegna annars, voru
teknir af skrá.
Golfvöllurinn að Jaðri hefur á
undanförnum árum dregið að sér
mörg stórmótin og er skemmst að
minnast landsmótsins í sumar.
Eins og áður hefur komið fram í
Degi verður Ungingameistara-
mót Norðurlanda haldið hér
næsta sumar og þá segir Ragnar
Kylflngar á fyrsta velli GA á Gleráreyrum. Þetta er elsta mynd af golfleikurum á Akurcyri sem vitað er um. Myndin
er fengin að láni úr bók sem gefln var út í tilefni af 50 ára afmæli GA.