Dagur - 26.09.1990, Blaðsíða 2

2 - DAGUR - Miðvikudagur 26. september 1990
Haustmót SA:
Prír með forystu
eftir 4 umferðir
Að loknum fjórum umferðum
á Haustmóti Skákfélags Akur-
eyrar er staðan þannig að þrír
menn eru efstir og jafnir með 3
vinninga; Arnar Þorsteinsson,
Smári Ólafsson og Þór Valtýs-
son.
í 4.-6. sæti með 2Vi vinning
voru þeir Þórleifur Karlsson,
Rúnar Sigurpálsson og Gylfi Þór-
hallsson. Friðgeir Kristjánsson
og Torfi Stefánsson höfðu krækt
sér í 2 vinninga, Smári og
Magnús Teitssynir voru komnir
með V/2 vinning og þeir Páll
Þórsson og Stefán Andrésson
höfðu 1 vinning að loknum fjór-
um umferðum.
Fimmta umferð var á dagskrá í
gærkvöld og sjötta umferð verður
tefld næstkomandi þriðjudag. SS
íþróttafélagið Þór:
Afmælisfagnaður félags-
ins á laugardaginn
Afmælishátíð Iþróttafélagsins
Þórs á Akureyri, í tilefni 75 ára
afmælis félagsins verður haldin
í Sjallanum á laugardaginn
kemur.
Húsið verður opnað kl. 19.00
og verður gestum boðið upp á
fordrykk við komuna. Á mat-
seðlinum er glæsileg þríréttuð
máltíð. Að loknu borðhaldi og
einhverjum uppákomum, mun
hljómsveit Ingimars Eydal leika
fyrir dansi.
Erla Stefánsdóttir syngur
nokkur lög og hinir stórsniðugu
Galgopar flytja skemmtidagskrá.
Þá er von á hinum stórskemmti-
lega fréttamanni Bjarna Hafþóri
Helgasyni á svæðið og geta gestir
átt von á einhverju frá honum.
Húsið verður opnað fyrir aðra
en matargesti kl. 23.30.
Forsala aðgöngumiða og
borðapantanir fara fram í Hamri
í dag miðvikudag og á morgun
fimmtudag frá kl. 18-20.
Athugasemd:
Tónlistarfélagið á flygilinn
Félagsráð Tónlistarfélags
Akureyrar hefur samþykkt að
flytja flygil úr Skemmunni upp
í safnaðarheimili Akureyrar-
kirkju, enda verði þar miðstöð
fyrir tónleika félagsins.
Vegna fyrri fréttar af þessu
máli er rétt að taka það fram að
umræddur flygill er í eigu Tón-
listarfélags Ákureyrar en ekki
Akureyrarbæjar og þcssi ráðstöf-
un var samþykkt á félagsráðs-
fundi, ekki bara í stjórninni. SS
Er búið að afskrifa KA í Evrópukeppninni? A.m.k. hafa mörkin verið tekin niður á Akureyrarvelli og varla búist
við leik þar fyrr en næsta sumar. Mynd: Golli
Prestaskipti í Húnaþingi:
Séra Guðni og séra Kristján skipta á sóknum
Fyrsta júlí sl. tóku gildi lög
þess efnis að Hvammstanga-
sókn, sem nær einnig yfír hluta
vesturstrandar Vatnsness, fær-
ist yfir í Breiðabólsstaðar-
prestakall. í staðinn færist
Víðidalstungusókn frá Breiða-
bólsstaðarprestakalli til Mel-
staðarprestakalls. Þessi breyt-
ing gekk formlega í gildi á
Hvammstanga sl. sunnudag
við „skiptimessu“ í Hvamms-
tangakirkju.
Séra Guðni Þór Ólafsson á
Melstað þjónaði fyrri hluta
athafnarinnar og nýi presturinn í
sókninni, séra Kristján Björns-
son, þjónaði þeirn seinni.
„Það er náttúrlega ákaflega
fátítt að sóknarbörn fái prest til
sín með lögum eins og núna, en
þetta er orðin staðreynd og fólk
virtist una sér ágætlega í gær við
messu,“ sagði Karl Sigurgeirs-
son, sóknarnefndarformaður á
Hvámmstanga. Að lokinni messu
bauð sóknarnefndin síðan upp á
kaffi.
Forsaga þessara breytinga í
lögum er sú að menn vildu ekki
trúa því að prestur fengist til að
sitja í Breiðabólsstaðarpresta-
kalli eftir að séra Róbert Jack
hætti, vegna þess að prestsbústað-
ur var ekki á Breiðabólsstað
heldur á Tjörn á Vatnsnesi. Síð-
an gerðist það að prestur sótti um
prestakallið þegar séra Róbert
hætti og bjó svo í húsi í Víðidal.
Að sögn Karls höfðu lögin langan
aðdraga.nda og kom það fólki því
á óvart að þeim var rennt í gegn-
um þingið á síðustu dögum þess í
vor.
Sóknarbörnin í þessum tveim-
ur sóknum eru því komin með
nýja presta, án þess þó að nýr
hafi verið ráðinn. SBG
Bréf Álafoss hf. til forseta bæjarstjórnar Akureyrar:
„Álafoss hf. hefur ekki brotið nokkurt samkomulag“
Dagur fregnaði fyrir sköminu
að Ólafur Ólafsson, forstjóri,
hefði sent bréf varðandi
málefni Álafoss hf. til forseta
bæjarstjórnar Akureyrar^ Sig-
ríðar Stefánsdóttur. Ólafur
segir að tilgangur þess sé að
koma sjónarmiði Álafoss hf. til
skila til bæjarstjórnarinnar.
Gaf hann leyfi sitt til að bréfið
yrði birt í Degi.
Bréfið, sem er dagsett 9. sept-
ember, er á þessa leið: „í tilefni
af flutningi nokkurra skrifstofu-
og stjórnunarstarfa Álafoss hf.
frá Akureyri til Mosfellsbæjar,
og opinberri umræðu því sam-
fara, vil ég gera þér nokkra grein
fyrir viðhorfum Álafoss hf.
í maí sl. var starfsmönnum
Álafoss hf. á Akureyri tilkynnl.
að hluti af starfsmönnum á skrif-
stofu kynni að flytja suður 1.
ágúst. Atvinnumálanefnd var
greint frá þessu, á fundi mcð fyrr-
verandi formanni nefndarinnar
sem var haldinn að hans ósk.
Ákvörðun um flutninginn var
síðan tekin í júlí sl. og tilkynnt
starfsmönnum á þeim tíma.
Ákveðið var að fleiri störf flyttust
en upphaflega hafði komið til
greina, vegna eindreginna óska
nokkurra starfsmanna um að
flytja suður.
Starfsmenn fyrirtækisins þurfa
að ferðast mikið til annarra
landa, en eins og þér er sjálfsagt
kunnugt um, þá er stærsti hluti
framleiðslu Álafoss hf. seldur er-
lendis. Einnig eru mikil ferðalög
tengd því að Álafoss hf. er með
starfsemi í þremur mismunandi
bæjarfélögum, þ.e. Hveragerði.
Mosfellsbæ og Akureyri. Það
voru margir ókostir við það að
hafa áðurneínda starfsmenn stað-
setta á Akureyri, og hafði stað-
setning þeirra mikinn aukakostn-
að í för með sér. til mikils óhag-
ræðis.
Vegna eðlis fyrirtækisins þá
þarf Álafoss hf. á sérhæföu
vinnuafli að halda í vöruþróunar-,
markaðs- og sölustörfum. Við
verðum að horfast í augu við þá
staðreynd að vinnumarkaðurinn
er mun takmarkaðri á Akureyri
en í Mosfellsbæ, en það hefur
valdið fyrirtækinu þó nokkrúm
vandkvæðum.
Álafoss hf. hefur átt við gríðar-
lega rekstrarörðugleika að etja
síðustu tvö ár, og hefur framtíð
fyrirtækisins verið afar ótrygg.
Við fjárhagslega endurskipulagn-
ingu fyrirtækisins sem unnið hef-
ur verið að undanfarið ár og mun
Ijúka innan tíðar, höfum við
stjórnendur Álafoss hf. einsett
okkur að ná verulegum árangri í
því að lækka rekstrarkostnað
fyrirtækisins. Verður því oft að
gera annað en gott þykir í þeim
málum og breyta samkvæmt
sannfæringu en ekki tilfinning-
um. Ábyrgð okkar er mikil gagn-
vart þeim aðilum sem stutt hafa
við bakið á fyrirtækinu, og mun-
um við gera allt hvað við getum
til að ná settum markmiðum.
Það er hverju fyrirtæki nauð-
synlegt að starfa í sátt og sam-
lyndi við bæjaryfirvöld, og að
sú starfsemi sem þau stunda sé
ekki í óþökk fulltrúa íbúanna.
Það verður ekki hjá því komist
að lýsa yfir óánægju okkar hjá
Álafossi hf. með þann málflutn-
ing sem hefur verið við hafður af
nokkrum bæjarfulltrúum. Sam-
kvæmt fréttum í Degi 7. scpt-
ember af fundi bæjarstjórnar er
því meðal annars lýst að;
„eigendur Álafoss hafi brotið
gegn fyrri yfirlýsingum,"
„greinilegt að forstjóri færi
með rangt mál,"
„með því að skuldbreyta hjá
fyrirtækinu hefði Akureyrarbær í
raun verið að greiða flutnings-
kostnaðinn til Reykjavíkur,"
„sagðist hann hafa vitneskju
um að starfsfólki hefði verið gef-
inn kostur á að flytja til Reykja-
víkur og halda áfram störfum hjá
Álafossi í Mosfellsbæ eða hætta
störfum ella."
„gagnrýndu einnig málsmeð-
ferð forstjóra Álafoss í þessu
máli.”
Þessar yfirlýsingar eru afar
ósmekklegar og verður þeim ekki
svarað, í trausti þess að bæjar-
stjórnin viti að Álafoss hf. hafi
ekki brotið nokkurt samkomulag
og að Álafoss hf. hafi hvorki hót-
að né þvingað starfsmenn fyrir-
tækisins.
Einnig er gerður að engu vilji
fyrirtækisins til að bæta og byggja
upp rekstur fatadeildar á Ákur-
eyri, en í þeirri deild eru flestir
starfsmenn fyrirtækisins.
Málflutningur sem þessi er
ekki til þess fallinn að auka sam-
starfsvilja aðila um sameiginlegt
hagsmunamál, sem er efling
atvinnulífs á Akureyri.
Fyrrverandi formaður at-
vinnumálanefndar ræddi við
undirritaðan og kynnti sér rekst-
ur fyrirtækisins ýtarlega í maí sl.
Það er rétt að geta þess að
atvinnumálanefnd Akureyrar sem
var skipuð eftir síðustu bæjar-
stjórnarkosningar hefur aldrei
haft samband við stjórnendur
Álafoss hf. út af þessu máli, frek-
ar en aðrir stjórnendur bæjarins.
Það eina sem heyrst hefur frá
nefndinni er bókun sú er send var
stjórn og eigendum Álafoss hf.
nokkrum dögum fyrir flutning,
og „skeyti" send af nýjum for-
manni atvinnumálanefndar til
fyrirtækisins í gegnurn fjölmiðla,
eftir að flutningar höfðu átt sér
stað.
Það er miður að hagsmunir
Álafoss hf. og Akureyrarbæjar
fara ekki saman í þessu einstaka
máli. Það er von og trú stjórn-
enda Álafoss hf. að okkur takist
að treysta rekstrargrundvöll
fyrirtækisins og tryggja atvinnu
þeirra tæplega tvö hundruð
starfsmanna sem vinna á Akur-
eyri. í sátt og samlyndi við stjórn-
endur bæjarins.
Hafi bæjaryfirvöld áhuga ájjví
að kynna sér þau áform sem Ála-
foss hf. hefur uppi um uppbygg-
ingu á Akureyri, og kynnast frek-
ar rekstri fyrirtækisins, þá eru
stjórnendur fyrirtækisins tilbúnir
til slíkrar kynningar hvenær sem
ykkur hentar.
Virðingarfyllst,
Ólafur Ólafsson.“
LEG0 - PLAYMO - FISHER PRICE - BAMB0LA-BARBIE-SINDY
afsláttur til
mánaðamóta af
bómullarpeysum
Leikfangaraarkaóurinn Hainaretr^ imi 27744
BÍLABRAUTIR - FJARSTÝR8IR BÍLAR - MOPEL - RAMBO