Dagur - 26.03.1991, Page 6

T _ OUnAfl - Í-OP^ ctcrr, AQ mir.«hi!ÍAi%a
6 - DAGUR - Þriðjudagur 26. mars 1991
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 1100 Á MÁNUÐI
LAUSASÖLUVERÐ 100 KR.
GRUNNVERÐ DÁLKSENTIMETRA 725 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
JÓN HAUKUR BRYNJÓLFSSON (íþróttir),
KÁRI GUNNARSSON (Sauöárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓLI G. JÓHANNSSON,
ÓSKAR ÞÓR HALLDÓRSSON, STEFÁN SÆMUNDSSON,
ÞÓRÐUR INGIMARSSON, LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RfKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRÍMANN FRlMANNSSON
DREIFINGARSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Rangfærslur Halldórs
Blöndals um ríkisstyrki
Halldór Blöndal, þingmaður Sjálfstæðisflokksins í Norður-
landskjördæmi eystra, hefur farið hamförum að undan-
förnu til að reyna að sannfæra einhverja um að rétt sé að
stofna „óháð dagblað á Norðurlandi" eins og þingmaður-
inn orðar það. Þessari skoðun sinni hefur hann m.a. kom-
ið á framfæri í Ríkisútvarpinu, Morgunblaðinu og DV. í
sjálfu sér er ekkert við því að segja þótt Halldór Blöndal
langi til að stofna nýtt blað í þeim tilgangi að keppa við
Dag. Hins vegar er illt til þess að vita að þingmaðurinn
beitir fyrir sig helberum ósannindum til að afla málstað
sínum fylgis. Slík vinnubrögð lætur Dagur ekki óátalin.
Halldór Blöndal heldur því blákalt fram að Framsókn-
arflokkurinn eigi Dag. Þingmaðurinn heldur því einnig
fram að blaðið sé rekið fyrir ríkisstyrki. Síðast en ekki síst
segir Halldór Blöndal að ekki verði miklum vandkvæðum
bundið að reka óháð dagblað á Norðurlandi, „ekki síst
þegar ríkisstyrkir eru svo háir sem raun ber vitni“, eins
og þingmaðurinn orðar það. Allar þessar fullyrðingar eru
rangar og það veit þingmaðurinn Halldór Blöndal mæta
vel. En tilgangurinn helgar stundum meðalið og vel getur
verið að þingmanninum sé svo mjög í mun að koma höggi
á Dag að hann víli ekki fyrir sér að segja ósatt.
Sú fullyrðing Halldórs Blöndals að Framsóknarflokkur-
inn eigi Dag er röng. Dagur er í eigu hlutafélagsins Dags-
prents hf., sem aftur er í eigu Kaupfélags Eyfirðinga að 51
hundraðshluta, Framsóknarfélags Akureyrar og Fram-
sóknarfélags Eyjafjarðar að 30 hundraðshlutum alls,
Kaffibrennslu Akureyrar að 8 hundraðshlutum og loks
eiga um 130 einstaklingar tæp 10% í fyrirtækinu.
Sú fullyrðing Halldórs Blöndals að blaðið sé rekið fyrir
ríkisstyrki er einnig röng. Ríkisstyrkir til dagblaða eru
ekki til. Hins vegar fær hver stjórnmálaflokkur styrk úr
ríkissjóði til „útgáfumála samkvæmt nánari ákvörðun
þingflokksins" eins og það er orðað. Þessum styrk er út-
hlutað til flokkanna með tilliti til þingmannafjölda þeirra.
Þar af leiðandi fær Sjálfstæðisflokkurinn langhæsta styrk-
inn nú. Á síðasta ári fékk Sjálfstæðisflokkurinn 24,6 millj-
ónir króna í ríkisstyrk með þessum hætti en Framsóknar-
flokkurinn 17,2 milljónir króna. Kvennalisti fékk til dæmis
9,2 milljónir króna og hefur þó ekkert dagblað „á bak við
sig“. Af þessu má glögglega sjá að ríkisstyrkirnir hafa
ekkert með dagblaðaútgáfu að gera.
Framsóknarfélögin tvö, sem hlut eiga í Dagsprenti,
fengu rúmar 2 milljónir króna af ríkisstyrknum á síðasta
ári í sinn hlut og notuðu þá peninga m.a. til að kaupa
hlutafé í Dagsprenti hf. og greiða auglýsingar sem þau
birtu í Degi um flokksstarfið. Til samanburðar má geta
þess að Morgunblaðið hefur líklega fengið 7-9 falt hærri
upphæð frá Sjálfstæðisflokkinn á síðasta ári sem greiðslu
fyrir auglýsingar um flokksstarf á hans vegum. Ef Halldór
Blöndal vill, þrátt fyrir þessar staðreyndir, halda því fram
að Dagur sé ríkisstyrktur, er ljóst að Morgunblaðið nýtur
7-9 falt hærri „styrks" frá ríkinu.
Ljóst er að ósannindi og dylgjur HaUdórs Blöndals í
garð Dags munu hvorki auka álit hans né hróður meðal
Norðlendinga. BB.
myndlist
„í mótun“
Átta
í húsnæði Myndlistarskólans á
Akureyri var haldin skemmtileg
myndlistarsýning dagana 23. og
24. mars. Hún hefði mátt standa
lengur til þess að sem flestir
hefðu haft tíma til þess að átta sig
á því, hvað hér var á ferðinni, og
haft tækifæri til þess að leggja
leið sína á sýninguna.
Á sýningunni voru verk eftir
átta nemendur skólans í málara-
deild. Þau voru unnin undir
handleiðslu Þorvaldar Þorsteins-
sonar, myndlistarmanns. Þor-
valdur er frá Akureyri, en býr og
starfar í Hollandi. Hann var
fenginn sem gestakennari að
skólanum, en sá háttur hefur ver-
ið á hafður, að fá að honum starf-
andi listamenn til þess að segja
nemendum til og um leið auka
fjölbreytni kennslunnar og víkka
sjónarsvið nemenda.
Þorvaldur hafði það að megin-
tilgangi með kennslu sinni „að fá
nemendurna til að hugsa og
framkvæma sem atvinnufólk í
myndlist; atvinnufólk, sem lætur
ekkert stöðva sig til þess að ná
árangri,“ eins og eftir honum er
haft í viðtali í Degi. Til þess að
ná þessu markmiði lét Þorvaldur
nemendur velja tíu orð úr texta
og sagði þeim síðan, að framund-
an væri sýning og að til hennar
ættu þau að leggja tíu verk unnin
út frá þessum orðum.
í skólum eru nemendum gjarn-
an fengin í hendur verkefni, sem
eru að mestu skilgreind. Því
kemur lítið til greina eigið fram-
tak og hugkvæmni. Þessir þættir
eru hins vegar ákvarðandi um
framgang hins skapandi lista-
manns, þegar út fyrir skólavegg-
ina er komið og við tekur sú
sjálfsögun, sem er listamanninum
nauðsynleg við að þróa hug-
myndir sínar og framkvæma þær,
og hafin er baráttan fyrir því að
koma verkum á framfæri og að
afla þeim viðurkenningar.
Nemendur Þorvaldar Þor-
steinssonar, myndlistarmanns,
voru: Aðalheiður Eysteinsdóttir,
Aðalsteinn Þórsson, Dagný Sif
Einarsdóttir, Freyja Önundar-
dóttir, Gígja Þórarinsdóttir,
Guðrún H. Bjarnadóttir, Gunn-
laug Ósk Sigurðardóttir og Sigur-
björg Gunnarsdóttir. Arangur
þeirra er misjafn og greinilegt, að
tæknigeta þeirra er á ólíku stigi.
Að auki setja listrænar hneigðir
þeirra mark sitt á verkin, sem á
sýningunni voru, og loks hefur
vinnugeta nemendanna og sá
tími, sem þeir hafa haft til þess
að þróa verkin, haft sín áhrif.
Hvað sem þessum atriðum líð-
ur var útkoman athyglisverð og
ekki síst fróðleg. Unnt var að
fylgja ferli verkanna allt frá orð-
unum, sem voru fræ þeirra, í
gegnum þróunarstig hugmynd-
anna og upp í verk, sem voru
sum hver að talsverðu leyti full-
mótuð og frágengin. Það var
skemmtilegt að eiga þess kost að
rekja þessa slóð sköpunarstarfs-
ins og hefur án efa verið nemend-
unum gagnlegt að þurfa að feta
hana við þá ögun, sem ákveðin
tímamörk settu þeim.
Hér verða ekki talin fram ein-
stök verk eða rætt um árangur
einstakra nemenda. Til þess er
ekki grundvöllur. Einungis skal
endurtekið það, sem sagt var í
upphafi, að sýningin á verkum
nemendanna átta hefði mátí
standa lengur. Nemendasýningar
Myndlistarskólans á Akureyri
hafa jafnan verið forvitnilegar og
vekjandi. Ekki síst hafa þær gefið
myndlistarunnendum kost á að
virða fyrir sér ýmsar hliðar þess
oft á tíðum ágæta árangurs, sem
náðst hefur í skólanum. Slíkt er
jafnt almenningi sem stofnuninni
bæði gagnlegt og nauðsynlegt.
Haukur Ágústsson.
Samúel Jóhannsson opnar sýningu
í Myndlistarskólanum á Akureyri
Miðvikudaginn 27. mars kl. 20.00
opnar Samúel einkasýningu á
málverkum og teikningum í
Myndlistarskólanum Kaupvangs-
stræti 16 Akureyri.
Þetta er níunda einkasýning
hans. Auk þess hefur hann tekið
þátt í fjölmörgum samsýningum
m.a. á Ákureyri, Kjarvalsstöðum
og Norræna húsinu.
Sýningin stendur yfir páskana
og lýkur "l. aprií (annan í
páskum) og er opin alla dagana
frá kl. 14.00-18.00.
Kvenfélagasamband íslands:
Nýtt rit um mataræði móður
og bams til 7 ára aldurs
- fyrsta tölublað ársins af Húsfreyjunni komið út
Höfundar fræðsluritsins, f.v. Valgerður Hildibrandsdóttir, Sigrún Eldjárn
og dr. Inga Þórsdóttir.
Nýtt fræðslurit sem fjallar um
mataræði þungaðra kvenna,
kvenna með barn á brjósti og
næringaþörf barna allt að sjö
ára aldri, er komið út hjá
Kvenfélagasambandi íslands.
Höfundar ritsins eru þær Val-
gerður Hildibrandsdóttir og dr.
Inga Þórsdóttir starfsmenn hjá
Næringarráðgjöf Landspítalans.
Myndskreytingar annaðist Sigrún
Eldjárn.
Efnisyfirlit ritsins er sem hér
segir:
Lengi býr að fyrstu gerð. Stutt
næringarfræði, Mataræði þung-
aðra kvenna og kvenna með barn
á brjósti. Næringarþörf barna.
Frá móðurmjólk til fastrar fæðu.
Máltíðir dagsins. Algengir nær-
ingarkvillar barna. Fyrstu skrefin
í matargerð - kafli ætlaður yngstu
matreiðslumönnunum.
Fræðsluritið fæst á skrifstofu
Kvenfélagasambands íslands
Hallveigarstöðum, Túngötu 14,
Reykjavík, sími 91-12335 og 91-
27430.
Húsfreyjan, tímarit Kvenfé-
lagasambands íslands, 1. tbl.
1991 er komið út. Húsfreyjan
kemur út fjórum sinnum á ári og
er fyrsta tölublað ársins, vandað
og efnismikið.