Dagur - 27.03.1991, Blaðsíða 5

Miðvikudagur 27. mars 1991 - DAGUR - 5
Vígslubiskupskjör
í Helgarblaði Dags laugardaginn
16. mars birtist frétt þess efnis að
senn fari í hönd kjör vígslubisk-
ups til Hólastiftis hins forna.
Fréttin lætur lítið yfir sér en þar
kemur þó fram, að allir þjónandi
prestar á Norðurlandi séu í kjöri,
sumir reyndar meir en aðrir og er
sr. Bolli Gústavsson nefndur í
þessu sambandi. Þetta kemur
mér örlítið spánskt fyrir sjónir
því ég vissi ekki að hann væri eini
maðurinn sem kæmi til greina og
gefur það tilefni til nokkurra
hugleiðinga.
Fyrst er til þess að taka að í
augnablikinu er embætti vígslu-
biskups nánast áhrifalaust og
valdsvið þess lítið. Hlutverk
vígslubiskupa, almennum les-
anda til fróðleiks, er að vígja
biskup yfir íslandi svo og leysa
hann af í forföllum. Síðan mega
vígslubiskupar vígja kirkjur og
preta með náðarsamlegu leyfi
biskups. Að öðru leyti er þetta
embætti nánast helgur steinn að
vísu í örlítið hærri launaflokki en
prestar og prófastar en helgur
steinn engu að síður. Aður var
það til siðs að hinir vænstu sókn-
arprestar og prófastar voru kosn-
ir til þessa embættis og gátu setið
hvar sem var á landinu og sinnt
þessu í hjáverkum. En vígslu-
biskupar voru og eru ekki
biskupar í orðsins fyllstu merk-
ingu með fullt vald til þess að
sinna því embætti. í þessu sam-
bandi langar mig að vísa til ágæt-
lega lærðrar greinar eftir sr.
Svavar Alfreð Jónsson sem birtist
í Degi í janúarmánuði síðastliðn-
um um biskupa og vígslubiskupa
og ég er satt að segja hissa á að
mér lærðari menn á þessu sviði
skuli ekki hafa tekið upp þráð sr.
Svavars.
Sú löngun hefur blundað með-
Hannes Örn Blandon.
al þjóðkirkjunnar að á íslandi
skuli vera þrír biskupar þ.e. einn
í Hólastifti, annar í Skálholti og
sá þriðji í Reykjavík og þá hugs-
anlega yfirbiskup eða erki. Þessi
umræða hefur sprottið af því að
biskup íslands getur ómögulega
sinnt öllum þeim skyldum og
kvöðum sem á hann eru lagðar
hvað þá að vísitera prófastsdæm-
in með reglulegu millibili og í
þessu sambandi má nefna að
biskup hefur ekki sótt Eyfirðinga
heim síðan 1965 en það stendur
til bóta. Það vita sennilega allir
sem reynt hafa og starfa í kirkj-
um landsins hversu mikil lyfti-
stöng það er öllu safnaðarlífi þeg-
ar slíkir höfðingjar sækja kirkjur
heim.
Fyrir nokkru ákvað Alþingi
íslendinga að vígslubiskupar
skyldu sitja annars vegar í Skál-
holti og hins vegar á Hólum. Þar
með vaknaði enn sú von margra
að hefja embætti vígslubisips í
Hólastifti til vegs og virðingar og
þar sæti alvörubiskup í framtíð-
inni. Því miður virðist ríkisvaldið
og núverandi biskup lítt hrifnir af
þeirri hugmynd og stendur til að
út komi reglugerð þess efnis að
embætti vígslubiskupa verði
nákvæmlega jafn áhrifalítið sem
nú.
Því er það mikilvægt kirkju-
pólitískt séð, sem sóknarprestar
og leikmenn ganga til kosninga til
að velja mann í Hólastól, að þar
sitji maður til þess fallinn að
hefja embættið til áhrifa innan
þjóðkirkjunnar. Til þess Iiggja
ýmsar ástæður að mínum dómi. í
fyrsta lagi er langt suður til
Reykjavíkur og því ekki auðvelt
að leita til biskups er á þarf að
halda og ekki hlaupa menn þang-
að í tíma og ótíma til að leita
ásjár. í öðru lagi þarf að sitja á
Hólum biskup í fullum krafti þess
embættis til þess að vísitera kirkj-
ur og söfnuði með reglulegu
millibili, andlegur og sjálfstæður
leiðtogi þessarar hjarðar sem á
Norðurlandi býr. í þriðja lagi er
líklegt að biskup á Hólum yki
valdajafnvægi í þjóðkirkju
landsins. Fleiri atriði mætti tína
til en ég læt þetta nægja í bili.
Þeir kandidatar líklegir til að
setja þetta á oddinn og sækja
fram á þessu sviði eru annars veg-
ar sr. Þórhallur Höskuldsson á
Akureyri, gjörþekkir félagslega
og lagalega innviði kirkjunnar og
liins vegar sá ágæti messusér-
fræðingur og litúrg sr. Kristján
Valur. Það er hins vegar spurn-
ingin hvor þeirra gefur kost á sér
í Hólastól.
Hanncs Orn Blandon.
Höfundur er sóknarprestur í Laugalands-
prestakalli.
lesendahornið
Umferðarmerki við þjóðvegi:
Tilgangslaus merki draga
úr athygii ökumanna
Ólafur Vagnsson hringdi og
vildi koma á framfæri fyrirspurn
vegna merkja um hraða-
takmarkanir við þjóðvegi.
„Mér virðast verktakar eða
Vegagerðin vera kærulausir með
að láta skilti um takmörkun há-
markshraða standa uppi vikum
og mánuðum saman við þjóðvegi
án nokkurs tilgangs. Að mínu
mati er hætta á að menn verði
ónæmir fyrir þessum skiltum þeg-
ar þau fá að standa án þess að
ætlast sé til að tekið sé mark á
þeim. Ég get nefnt dæmi um
þetta en tek fram að hér er
ekkert einsdæmi á ferð.
í Öxnadal var í haust og vetur
unnið að lagfæringu á vegarkafla
og eðlilega voru sett upp skilti við
hvorn endann á þessum kafla þar
sem hámarkshraði var takmark-
aður við 30 km. á klst. Skemmst
er frá því að segja að skiltin eru
þarna enn og samkvæmt því ætl-
ast til að á þessum kílómeters
langa kafla sé ekið á 30 km.
hraða á klst. Þarna dettur ekki
nokkrum manni lengur í hug að
keyra á þessum hraða, enda þessi
kafli ekki verri en margir aðrir
malarvegir, og því held ég að það
dragi úr athygli manna gangvart
skiltum við vegi þegar þau fá að
standa við vegi með þessum hætti
án þess að ætlast sé til að tekið sé
mark á þeim. Því vil ég spyrja
hver er ábyrgur fyrir að fjarlægja
skilti sem þessi, verktakar eða
Vegagerðin“?
Brynjólfur Jónsson, starfs-
maður Vegagerðarinn á Akur-
eyri sagði að merkin á umrædd-
um stað í Öxnadal séu þar enn
vegna þess að mikil lausamöl sé á
þessum vegarkafla og því rétt að
reyna að draga úr umferðar-
hraðanum þar. Um ábyrgðina
sagði hann að verktakar ættu að
sjá um að fjarlægja merki við þau
verk sem þeir hefðu á sínum tíma
en ella væri það Vegagerðarinnar
að gera það.
Þakkir frá hjón-
unum í Steinnesi
í óveðrinu, sem gekk yfir landið
sunnudaginn 3. febrúar sl., fauk
hálft þakið af húsinu Steinnesi á
Hauganesi. Nágrannar brugðu
skjótt við, komu strax á vettvang
og bjuggu þannig urn hnúta að
ekki var hætta á frekara foki eða
skemmdum af völdum veðurs. Á
miðvikudaginn í sömu viku hófst
viðgerð á þakinu og var henni
lokið samdægurs.
Hjónin í Steinnesi, Kristín og
Sveinbjörn, vilja koma á fram-
færi bestu kveðjum og þakklæti
til allra þeirra sem lögðu þeim
lið, bæði við að hindra frekara
fok og eins við að koma þakinu í
samt lag aftur.
Miðvikudagur - Vörukynning
á pepsi og appelsíni
Páskatilboð
Svínakambur úrb. reyktur kr. 1081 kg
Hangilæri kr. 1164 kg
Svínakótilettur kr. 1221 kg
Rósakál 1 kg kr. 147
Broccoliblanda 1 kg kr. 383
Pepsl 21 kr. 159 • Pepsi Vk kr. 139
Appelsín 21 kr. 149 • Pilsner 50 cl kr. 69
Maltöl 50 cl. kr. 69 • Svali 6 í pk. kr. 156
Pampers bleiur kr. 1189
Grillaðir kjúklingar
og franskar
miðvikudag og laugardag
Lottó - 1X2
Ekki bara heppni
Mikið úrval úr ostaborðinu

Miðvikudagur 9.00 til 20.00
Laugardagur 10.000120.00

tí