Dagur - 27.03.1991, Blaðsíða 6

6 - DAGUR - Miðvikudagur 27. mars 1991
List í Grófargili er ekki
andstæð Amtsbókasafninu
Amtsbókasfnið er falleg bygging
en ekki að öllu leyti hentug til
þeirra nota sem henni hafa verið
ætluð. Þannig hefur aðstaða
starfsfólks nær engin verið allt frá
upphafi og geymslur allt of litlar.
Rými fyrir Héraðsskjalasafnið
hefur og verið allt of þröngt.
Þetta sjá þó fæstir þeirra mörgu
gesta sem safnið sækja. Þeir reka
sig hins vegar á þrengslin í for-
stofunni sem er ótrúlega lítil í svo
fjölsóttu stórhýsi.
Það er því löngu tímabært að
bæta úr þessum ágöllum á bygg-
ingunni. Suma hefði átt að vera
hægt að sjá fyrir, eins og forstof-
una og aðstöðuleysi starfsfólks,
aðra hafa breyttar aðstæður leitt í
ljós. Því var samþykkt bæjar-
stjórnar á 125 ára afmælinu um
að byggja við safnið eðlileg og
sjálfsögð. Hins vegar fól sú sam-
þykkt ekki sjálfkrafa í sér að ofan
við núverandi safn skyldi rísa það
hús sem þar varð síðar til á teikni-
borði Guðmundar Jónssonar
arkitekts í Osló. Það er margfalt
stærra en bókasafnið þarf á að
halda enda að langmestu leyti
ætlað til annarra nota.
Byggjum við safnið
- gerum upp gilið!
Það er gott að veluunarar safns-
ins láti nú til sín taka og hefði
mátt fyrr vera. Hins vegar virðist
mér misjöfn túlkun þeirra sem nú
skrifa upp á lista til stuðnings við-
byggingu og a.m.k. sumir þeirra
beini þeim ekki síður gegn hug-
myndum um að gera Grófargil að
miðstöð listiðkunar í bænum. En
ég hef líka orðið var við að aðrir
sem upp á hafa skrifað eru síður
en svo andstæðir þeim hugmynd-
um þótt þeir vilji einnig byggja
KEA Byggðavegi 98
Til páskanna:
Vínber blá kr. 277 Camenbert kr. 254
Ritzkex kr. 73 • Vínber græn kr. 277
Bóndabrie kr. 153 • Appelsínur kr. 99
Tilboð
Tilboð v Haustkex / \ kr. 101 / Tilboð
Frón mjólkurkex kr. 101 Hy-top maiskorn 480 g kr. 78 Ardmona perur V2 dós kr. 76

K.J. grænar baunir V2 dós kr. 55 Hy-top ananas- sneiðar V2 dós kr. 86 Heinz bakaðar baunir V2 dós kr. 56

K.J. gulrætur Bl. ávextir Knorr sósur
og gr. baunir V2 Eldorado 410 g
kr. 74 kr. 82 kr. 162 pk.
Opnun um páskana
28. mars opið frá kl. 10.00-20.00
29. mars lokað
30. mars opið frá kl. 10.00-20.00
31. mars lokað
1. apríl opið frá kl. 10.00-20.00.
ATH!
Heimsendingar-
þjónusta
Erlingur Sigurðarson.
við safnið. Það er líka mergurinn
málsins: Þessar tv.ær framkvæmd-
ir eru ekki andstæðar og má ekki
tefla þeim fram sem slíkum. Það
verður þeim báðum til tjóns og
tafar og af henni er komið nóg.
Það er einnig líklegt að það tefji
úrbætur á aðstöðu safnsins að
fast verði haldið við áform um
stórbyggingu þar, bæði vegna
umfangs og kostnaðar. Þar á ofan
er í meira lagi vafasamt að slíkt
yrði safninu til framdráttar og
miklar truflanir yrðu á löngum
byggingartíma og ónæði af
hávaðasamri og óskyldri starf-
semi. Auk þess er líklegt að slík
bygging yrði óhæfilega dýr og
skortur á fé yrði henni mjög til
tafar. Það eru a.m.k. algeng við-
brögð bæjarbúa að mótmæla
skattheimtu og ólíklegt að þeir
vilji auka framkvæmdafé bæjar-
ins með auknum álögum,
t. d. fasteignaskatti!
En er þá ekki enn dýrara að
standa í framkvæmdum á tveim-
ur stöðum í senn? Ekki þarf svo
að vera sé skynsamlega að mál-
um staðið. Þær 17 milljónir
(framreiknaðar) sem þegar hafa
verið greiddar vegna stórbygg-
ingarinnar við safnið eru vissu-
lega stórfé, en það er ekki sjálf-
gefið að það sé besta ráðstöfunin
á því að halda áfram í blindni á
þeirri braut. Ef menn komast að
því að þeim hundruðum millj-
óna, sem framkvæmdin myndi
kosta, yrði betur varið á annan
og ódýrari hátt er betra að eyða
ekki meiru þar en vinna áfram á
grundvelli hugmyndanna um list í
Grófargili. Til þeirra virðist tæpri
milljón hafa verið vel varið, jafn-
vel þótt hinar sautján nýtist tak-
markað og hefði þó mátt fram-
kvæma mikið fyrir þær.
Reisum við okkar
eigin vallargarð!
Vonandi tekst að ganga frá sam-
komulagi við KEA um húsin í
gilinu með það fyrir augum að
endurbyggja þau bænum til sóma
í mörgum skilningi. Þar yrði hægt
að vinna að framkvæmdum hús
frá húsi og taka þau í notkun
jafnóðum. Það yrði mönnum líka
til hvatningar að sjá þannig
endurskapast þau hús sem eru á
vissan hátt andlit bæjarins en líða
nú fyrir skort á starfsemi og við-
haldi. Slíkt myndi þá hraða fram-
kvæmdinni og Akureyri fyrr en
ella eignast verðugt húsnæði yfir
myndlist, tónlist og hvers kyns
aðrar nytjalistir. Samfara því sem
bærinn fengi slíka andlitslyftingu
efldist sjálfsvirðing og kjarkur
bæjarbúa og skilaði sér á allan
hátt í betra mannlífi. Hér má
minna á kjörorð Dana eftir áföll
þeirra í stríði á síðustu öld:
„Hvad udad tabes, skal indad
vindes.“ Óhætt er að segja að
starf undir slíku kjörorði hafi
skilað þeim langt í átt til
menningar og velferðar og svo
má enn verða.
En jafnframt því sem uppbygg-
ing er hafin í Grófargili ætti á
næstu 2-3 árum að undirbúa hóf-
lega byggingu við Amtsbókasafn-
ið sem miðuð sé við þarfir þess.
Vegna hugmyndanna um hina
stórbrotnu menningarmiðstöð
þar eru ekki til tillögur að slíkri
viðbót við safnið, og verður eðli-
lega einhver bið á að þær fæðist.
En þá bið má ekki nota til að
tefja framkvæmdir í Grófargili ef
samningar takast þar. Þvert á
móti ætti að byrja þar strax en
gera jafnframt skynsamlega
framkvæmdaáætlun frá húsi til
húss fyrir bæði verkin næstu ár.
Þá verður gaman að vera Akur-
eyringur og stórt skref stigið til
að gera bæinn miklu fallegri en
hann hefur verið um hríð. Það er
því fyrir mestu nú, þegar loks sér
hylla undir verulegar fram-
kvæmdir í menningarmálum, að
menn skemmti ekki skrattanum
með því að tefja þær með átök-
um um hvað skuli helst gera.
Þetta kostar vissulega peninga.
En það kostar ekki bara peninga
heldur einnig missi sjálfsvirðing-
ar að láta andlit bæjarins hrörna
og missa lit og líf. Það líf verður
ekki sótt í nýja glæsibyggingu
sem fyrst er á teikniborðinu mörg
ár og síðan enn fleiri ár í bygg-
ingu. Á sama tíma og hún þyrfti á
mestu framkvæmdafé bæjarins
að halda, grotnaði miðbærinn
enn frekar niður vegna þess að
menn gleymdu að reisa við hinn
hálfhrunda vallargarð heima hjá
sér en einblíndu í staðinn á há-
reistan turn sem þá langaði að
byggja.
Erlingur Sigurðarson.
Höfundur er kennari viö Menntaskólann
á Akureyri.
hvað er að gerast
Akureyri:
Tónleikar og dans-
leikir í 1929
- Uppinn einnig opinn
Það verður mikið um að vera á
skemmtistaðnum 1929 og veit-
ingastaðnum Uppanum um pásk-
ana. Á morgun skírdag verða
tónleikar í 1929 með Blús-
kompaníinu og hefjast þeir kl.
21.00.
Blúskompaníið er skipað
nokkrum af fremstu tónlistar-
mönnum landsins. Pálmi Gunn-
arsson leikur á bassa, Magnús
Eiríksson á gítar, Eyþór Gunn-
arsson á hljómborð, Birgir Bald-
ursson á trommur og Ellen
Kristjánsdóttir sér um sönginn.
Sérstakur gestur kvöldins verður
gítarleikarinn Þorsteinn Magnús-
son. Blúskompaníið mun m.a.
leika lög af væntanlegri plötu
sveitarinnar.
í kvöld og eftir miðnætti á
páskadag, leikur Mannakorn á
dansleikjum í 1929 og verður
hljómsveitin skipuð sömu tónlist-
armönnum og skipa Blús-
kompaníið.
Uppinn verður opinn fram
undir miðnætti á laugardag og á
páskadag verður Uppinn opinn
fyrir matargesti frá kl. 18.00.