Dagur - 11.04.1991, Blaðsíða 7

Fimmtudagur 11. apríl 1991 - DAGUR - 7
Ilvergi smeykir við
Flensborgara og
munum reyna að
gera okkar besta
- segja liðsmenn MA um úrslit í
spurningakeppni framhalds-
skólanna annað kvöld í sjónvarpinu
Annað kvöld mætir lið Menntaskólans á Akur-
eyri liðsmönnum Flensborgarskóla í Hafnar-
fírði í úrslitum spurningakeppni framhaldsskól-
anna í sjónvarpinu. MA-ingar tryggðu sér sæti í
úrslitum með frækilegum sigri á MH-ingum í síðari
undanúrslitakeppninni sl. föstudagskvöld. Sú
keppni líður mönnum seint úr minni, enda gífur-
lega spennandi allt frá fyrstu mínútu til hinnar síð-
ustu. Víst er að keppnin annað kvöld verður
skemmtileg. Liðsmenn beggja liða hafa sýnt
fádæma snilli í undankeppninni og ef að líkum læt-
ur halda þeir uppteknum hætti í úrslitunum. Til
þess að fræðast svolítið um undirbúning að slíkri
spurningakeppni og hvernig sé að sitja nötrandi á
beinunum í sjálfri keppninni hafði Dagur tal af
þremenningunum sem keppa fyrir hönd Mennta-
skólans á Akureyri. Þeir heita Pálmi Óskarsson,
Finnur Friðriksson og Magnús Teitsson.
Óhætt er að segja að vitneskja
piltanna þriggja hafi vakið mikla
athygli. Þeir virðast vera jafnvíg-
ir á íþróttir, bókmenntasögu,
pólitík, eðlisfræði og svo mætti
áfram telja. Liggur ekki gríðar-
legur undirbúningur að baki slík-
um árangri?
Finnur: Það er í sjálfu sér ekki
hægt að undirbúa sig skilmerki-
lega fyrir hvern þátt, því auðvit-
að vitum við ekki hvað Ragn-
heiður kemur til með að spyrja
um.
Pálmi: Við undirbjuggum okk-
ur ekkert sérstaklega fyrir fyrstu
tvo þættina í undankeppninni.
Eftir að við hins vegar tryggðum
okkur sæti í undanúrslitum kom-
um við saman einu sinni eða
tvisvar, hver með sitt bindi af
Alfræðibókinni, flettum í gegn-
um hana og bárum saman bækur
okkar.
Finnur: Bragi Guðmundsson,
sögukennari, tók saman spurn-
ingalista fyrir okkur fyrir þættina
við VMA og MH. Við eigum von
á einum spurningalista enn frá
honum fyrir úrslitaviðureignina.
Magnús: Bragi var frekar
svekktur yfir því þegar við unn-
um VMA, því þá þurfti hann að
setja saman annan spurninga-
lista!
- Nú hlýtur að taka mjög á
taugarnar að taka þátt í svona
keppni?
Finnur: Ég er ekki stressaður
meðan á upptöku þáttanna
stendur. Ég var töluvert tauga-
trekktur um morguninn daginn
sem keppnin við MH var tekin
upp, líklega vegna þess að þá
asnaðist ég til þess að lesa mér
aðeins til í Gylfaginningu. Þegar
ég síðan kom upp í sjónvarp
hvarf stressið og þegar á hólminn
var komið fann ég ekki fyrir
stressi. Staðreyndin er að þá
gleymir maður öllu í kringum sig,
er einn með sjálfum sér.
Magnús: Ég neita því ekki að
ég er oft taugatrekktur í þáttun-
um. í keppninni við MH fannst
mér að ég væri að fá „krónískt"
stresskast þegar talið var niður
fyrir upptökuna. Svo hvarf það
sem betur fer.
Pálmi: Ég fann ekki fyrir
stressi fyrr en síðasta spurningin
var borin upp. Þá fékk ég líka
heiftarlegt stresskast.
- Reynið þið að sérhæfa ykkur
í ákveðnum efnisflokkum?
Finnur: Við reynum að koma
okkur niður á hvar hver okkar er
bestur fyrir, í samræmi við
áhugasvið hvers og eins. Magnús
sér mest um raungreinarnar,
Pálmi er best að sér í bókmennt-
um, ég hef að mestu séð um
söguna og það hefur einnig kom-
ið í minn hlut að sjá um þann efn-
isþátt sem ekkert hefur komið úr;
þ.e. fréttir dagsins í dag. Ég var
settur Moggasérfræðingur!
Pálnii: Það hefur heldur ekkert
verið spurt út úr bókmenntum
eða listum, nema þessar helv...
ljóðaspurningar í síðasta þætti.
Finnur: Það hefur í hverjum
einasta þætti kontið spurning úr
Snorra-Eddu. Svo held ég að hafi
komið biblíuspurningar í öllum
þáttunum nema sl. föstudag.
Magnús: Svo er áberandi mik-
ið um spurningar úr þjóðhátta-
fræði.
- Lesið þið mikið?
Magnús: Já, ég held að sé
óhætt að segja það. Ég hugsa að
við eigum það allir sameiginlegt
að hafa víðan lestrarsmekk.
Finnur: A þessum aldri eru
áhugasviðin í örri þróun og
breytingu.
- Kunnið þið spurningar úr
Trival Pursuit utanað?
Finnur: Urn tíma gerði ég það.
Ég hef að vísu ekki spilað þetta
MA-ingarnir hafa sýnt það að þeir eru með samstillt lið og því til alls líklegir annað kvöld. Þeir óttast ekki „ofur-
manninn“ í liði Flcnsborgarskóla og telja að heppni ráði miklu um úrslitin. Frá vinstri: Pálmi Óskarsson, Finnur
Friðriksson og Magnús Teitsson. Myndir: Goiii
Magnús Teitsson - 18 ára Akureyringur. Sérsvið: Raungreinar. Er á þriðja
ári í skólanum og þetta er þriðja árið í röð sem hann keppir fyrir hönd skól-
ans í spurningakeppni framhaldsskólanna.
Finnur Friðriksson - 18 ára Akureyringur. Sérsvið: Saga og fréttir. Er á
þriðja ári í máladeild. Spreytir sig í þriðja skipti í spurningakeppni fram-'
haldsskólanna.
Pálmi Óskarsson - 18 ára Dalvíkingur. Sérsvið: Bókmenntir. Á öðru ári í
MA. Annað árið í röð sem hann keppir fyrir liönd skólans íspurningakeppni
framhaldsskólanna. Hafði áður keppt fyrir hönd Dalvíkur í Landsleiknum,
spurningakeppni Stöðvar 2.
lengi.
Pálmi: Ég hef mjög sjaldan
spilað Trival Pursuit.
- Nú hafið þið töluverða
reynslu af þátttöku í spurninga-
keppni. Hefur hún mikið að
segja?
Finnur: Já. í fyrra komumst
við í fyrsta skipti í undanúrslita-
keppni í sjónvarpinu og þá vor-
um við of uppteknir af því að
vera í sjónvarpi. Keppnin sjálf
vildi því ósjálfrátt lenda í öðru
sæti. Nú veit maður hins vegar út
á hvað þetta gengur, maður veit
af öllum myndavélunum og veit
af því að mjög margir horfa á
þættina.
- Hvernig leggst keppnin ann-
að kvöld í ykkur?
Finnur: Hún leggst ágætlega í
mig. Ég held að liðin séu rnjög
svipuð að styrkleika. Ég býst við
að heppni ráði miklu um úrslitin.
- Hefur eitthvað að segja að
hafa stuðningslið í salnum?
Pálmi: í rauninni finnst mér
best þegar eru sent fæstir áhorf-
endur.
Finnur: Ég er þessu ekki sam-
inála. Mér finnst best að hafa
sem mest af argandi skríl í
salnurn.
Magnús: Best finnst mér þegar
salurinn er útúrfullur af fólki.
Mér er alveg sama þótt séu fleiri
stuðningsmenn andstæðinganna í
salnurn.
- Nú hefur einn piltanna í
Flensborgarliðinu sýnt það í
undanförnum þáttum að hann
veit ótrúlega margt. Óttist þið
hann ekki?
Finnur: Nei, alls ekki. Það
þýðir ekkert að hugsa um and-
stæðingana. Maður verður bara
að hugsa um sjálfan sig.
Magnús: Ef hann er svona
góður, þá hljóta hinir að vera
sem því nernur lakari. Hvernig
sem litið er á þetta held ég að
þarna eigist við tvö svipuð lið
sem geti bæði sigrað.
- Nú má búast við að spurning-
arnar verði sérstaklega erfiðar í
úrslitaþættinum.
Finnur: Ragnheiður hefur að
minnsta kosti tilkynnt okkur það.
Pálmi: Bjölluspurningarnar
verða víst 25 í stað 15 áður.
Keppnin verður því lengri en
venjulega.
- Nú létuð þið í það skína í
undanúrslitunum að þið væruð
heldur óhressir með að þurfa að
fara suður í úrslitin.
Finnur: Það væri auðvitað
•skemmtilegra að fá úrslitin
norður. í þessu sambandi má ég
jtil með að segja frá því þrefi sem
við höfum átt í við sjónvarpið.
Það sýnir út af fyrir sig afstöðu
sjónvarpsins til landsbyggðarinn-
ar. Svo virðist sem þeir sem ráða
'þar á bæ hafi aldrei gert ráð fyrir
að lið af landsbyggðinni næði
svona langt og óneitanlega var
gott á þá að bæði VMA og MA
skyldu komast svo langt í keppn-
inni. Þegar ljóst var að við færum
suður í keppni við MH var meiri-
háttar mál að fá 40 þúsund króna
rútustyrk fyrir stuðningslið okkar
og í þokkabót ætlaði sjónvarpið
ekki að greiða flugfarið suður
fyrir okkur þrjá. Tryggvi Gísla-
son, skólameistari, þurfti að lok-
um að hringja í fjármálastjóra
sjónvarpsins til þess að fá það í
gegn.
- Viljið þið spá um úrslit ann-
að kvöld?
Magnús: Nei, við ntunum bara
reyna að gera okkar besta. óþh