Dagur - 11.04.1991, Blaðsíða 22
22 - DAGUR - Fimmtudagur 11. apríl 1991
Aðalfundur
Foreldrafélag barna með sérþarfir, Akureyri
verður haldinn fimmtudaginn 18. apríl kl. 20.30 í
Iðjulundi v/Hrísalund.
Venjuleg aðalfundarstörf.
Nýir félagar velkomnir.
Stjórnin.
Dýralæknar
Staða héraðsdýralæknis í Þingeyjarþingsum-
dæmi vestra er laus til umsóknar, tímabundið,
frá 20. júní 1991 til 6. ágúst 1992, vegna náms-
leyfis héraðsdýralæknis.
Laun eru samkvæmt launakerfi starfsmanna ríkis-
ins.
Umsóknir sendist fyrir 10. maí nk. til landbúnaðar-
ráðuneytisins, Rauðarárstíg 25,150 Reykjavík. Allar
nánari upplýsingar veitir yfirdýralæknir, sími 62-
2000.
Landbúnaðarráðuneytið,
9. apríl 1991.
TILBOÐ
★ Hamborgari með brauði stk. kr. 69
★ Lindu bitar 250 g kr. 123
★ KJ fiskibollur 1/i dós kr. 223
Frón kremkex pk. kr. 95
KJ grænar baunir Vz dós kr. 51
Flóru appelsínuþykkni % 1 kr. 147
Gevalia kaffi 500 g kr. 226
Kellogs kornflakes 500 g kr. 225
Milda þvottaduft 5 kg kr. 660
Mýkir 2 1 kr. 154
Opið virka daga frá kl. 13 -18.30.
Laugardaga frá kl. 10 ■ ■14.
KynnSst NS£TTÓ-\rerði
KEANETTÓ
Inntak nýaldarstefnu
og guðspekihreyfingin
Nú á dögum er mikið rætt um
áhrif nýaldar og stefnur og
strauma þessarar nýju aldar sem
margir þykjast nú sjá að sé geng-
in í garð.
Það væri kannske fróðlegt að
velta dálítið fyrir sér hvað í þessu
felst sem við nefnum nýöld.
Mikið er rætt um heilun með
alls konar óhefðbundnum
aðferðum, andlega eða sálræna
heilun, prana- eða lífheilun,
reiki. Einnig ber mikið á umræðu
um nudd og nálarstunguaðferðir,
einnig fjarheilun - sem reyndar
hefur verið stunduð hér miklu
lengur en svonefnd nýaldaráhrif
fóru að koma í ljós. En það er
fleira en heilun í alls konar
myndum sem nýöld felur í sér. I
raun og veru er hér um að ræða
heilun í víðtækustu merkingu
þess orðs því að hér er um að
ræða heilun bæði hið ytra og
innra - heilun manns og náttúru,
endurnýjað og heilbrigt samband
mannsins við umhverfi sitt, nátt-
úruna alla í heild og eigið sam-
félag.
í kjölfar þessara grundvallar-
hugmynda hafa svo komið fram
alls kynns aðrar hugmyndir um
hvernig hægt sé að koma af stað
og rækta slíka heilun. Þar má
auðvitað fyrst og fremst nefna
friðarhreyfingarnar í heiminum
sem byggjast á jafnrétti og
bræðralagi allra manna og kær-
leika og umburðarlyndi manna á
milli. Síðan má nefna vernd nátt-
úrunnar, vernd dýrálífsins á jörð-
inni og hreinsun á þeirri spilíingu
og mengun sem umhverfi manns-
ins hefur orðið fyrir. Stórir hópar
fólks, bæði almennings og vís-
indamanna leggja megináhersl-
una á þessi viðfangsefni og vinna
af þeim af miklum áhuga. Öllum
er ljóst að sé umhverfi mannsins
spilit, getur ekkert heilbrigt
mannlíf þróast áfram og mikil
hætta jafnvel á því að við tortím-
umst í okkar eigin mengun og
afleiðingum hennar.
En áhrif nýaldar virðast ná yfir
víðara svið. Menn leita að nýjum
skilningi í mannverunni sjálfri
sem slíkri og reyna að gera sér
grein fyrir möguleikum hennar til
aukins þroska og margir koma
auga á nýjar leiðir í þeim efnum.
Menn fara líka að spyrja: Hvað
felst í því að vera manneskja - er
hægt að lifa fyllra lífi en þetta
sem við þekkjum í daglegri til-
veru - og sé svo - hvernig er þá
hægt að nálgast þá möguleika?
„Það sem mest er áber-
andi í sambandi við
nýaldaráhrifin er, eins
og fyrr segir, viðleitni í
átt að nýjum skilningi á
manninum, bæði sem
einstaklingi og félags-
veru.“
Áöur var minnst á heilun en þá
fara líka margir að tengja hana
fleiri hlutum, svo sem breyttu
mataræði, meiri hollustu og lík-
amsrækt. Bækur eru gefnar út
um þessi efni í auknum mæli og
eru oft metsölubækur, að
minnsta kosti víða erlendis. Þeir
sem vilja öðlast meiri skilning á
innri möguleikum leita líka
ýmissa leiða í skilningsviðleitni
sinni og reynt er að meta mann-
inn meira í heild sinni en áður
hefur almennt verið gert.
Það sem við nú nefnum nýöld
er samsafn allra þessara viðhorfa
sem virðast ný af nálinni - og má
auðvitað líta svo á sem þau séu
ný vegna þessarar nýju leitar
mannsins að sjálfum sér en ef við
horfum ofan í kjölinn á öllu
þessu, kemur ýmislegt merkilegt
í ljós. Margt af þeim fræðum og
vísindum sem nú eru að koma
fram í dagsljósið í nafni nýaldar-
fræða, eru í raun ævagömul vís-
indi sem mammkynið hefur þekkt
og vitað um í þúsundir ára. Nú
eru þessi fornu vísindi um mögu-
leika mannsins og þróun hans að
koma fram í dagsljósið á ný -
ævaforn þótt margir haldi þau
vera ný, en sá munur sem við nú
sjáum er kannske helst sá sem að
vísindunum snýr, því að sumt af
þessum gömlu kenningum eru
vísindi nútímans að byrja að
staðfesta með vísindalegum
niðurstöðum sínum.
Það sem mest er áberandi í
sambandi við nýaldaráhrifin er,
eins og fyrr segir, viðleitni í átt að
nýjum skilningi á manninum,
bæði sem einstaklingi og félags-
veru. Og þá kemur í ljós að til að
öðlast ýmsa þá hæfileika og eigin-
leika sem mest eru áríðandi í
slíkri skilningsviðleitni, er óhjá-
kvæmilegt að leggja stund á það
sem við nefnum hugrækt eða
andlega rækt og er sannarlega
ekki ný af nálinni þar sem hug-
rækt hefur verið þekkt og iðkuð
hjá ýmsum þjóðum í árþúsundir
og má þar t.d. nefna Tíbetbúa og
Indverja. En ekki er í raun og
veru vitað hvaðan þessi háþró-
uðu vísindi og skilningur á innri
möguleikum mannsins eru komin
þó að þau hafi lengst af verið í
varðveislu Indverja. En seint á
síðustu öld var svo guðspeki-
hreyfingin stofnuð af Helenu
Blavatsky, alþjóðleg stofnun sem
byggði á þessum andlegu vísind-
um og þekkingu á innri gerð
mannsins. Það verður því að
segja að sem leið til skilnings og
andlegrar viðreisnar mannsins
hlýtur guðspekin að fela í sér
megininntak þeirrar viðleitni sem
nýaldarhreyfingin er talin standa
fyrir.
I guðspekinni er einmitt fólgin
sú innri hugsjón um andlegt inn-
sæi og skilning á mannverunni
sem verður að teljast meginverk-
efni mannsins í þjóðfélagi nútím-
ans gangvart þeim vandamálum
sem hann nú stendur frammi
fyrir. Með auknum skilningi og
rækt á hinum innra manni felst sú
von sem bundin er því hvort okk-
ur tekst að bæta þennan heim -
hvort okkur tekst að hreinsa til í
okkar eigin hugskoti og um leið
tengja þá hreinsun því umhverfi
sem við lifum í. Því að engin önn-
ur leið er til. Þetta eru þau átök
sem hverjum manni eru ætluð -
glíman við sjálfan sig, sinn eigin
huga. Allt annað er í rauninni
aukaatriði. Þessi innri skilningur
mannsins á sjálfum sér og eigin
möguleikum er einfaldlega skil-
yrði þess að við náum tökum á
tilveru okkar jafnt í nútíð sem
framtíð.
Esther B. Vagnsdóttir.
Höfundur er kennari.
Styrktarfélag lamaðra og fatlaðra:
Glæsivinnmgur afhentur
Styrktarfélag lamaðra og fatlaðra afhenti nýlega glæsilegan aðalvinning í árlegu happdrætti sínu. Dregið
var í happdrættinu 24. desember sl. og fyrsti vinningur var SAAB 9000CD af 1991 árgerð. Á meðfylgjandi
mynd er tekin var við afhendinguna eru t.f.v.: Guðlaug Sveinbjarnardóttir framkvæmdastjóri Styrktarfé-
lags lamaðra og fatlaðra, vinningshafinn Ólafur Sigurðsson, Þórir Þorvarðarson formaður Styrktarfélagsins
og Böðvar Ingi Benjamínsson starfsmaður Globus hf., umboðsaðila SAAB á íslandi.