Dagur - 02.07.1991, Blaðsíða 4

4 - DAGUR - Þriðjudagur 2. júlí 1991
ÚTGEFANDI: DAGSPRENT HF.
SKRIFSTOFUR: STRANDGATA 31
PÓSTHÓLF 58, AKUREYRI, SlMI: 24222
ÁSKRIFT KR. 1100 Á MÁNUÐI
LAUSASÖLUVERÐ 100 KR.
GRUNNVERÐ DÁLKSENTIMETRA 725 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
JÓN HAUKUR BRYNJÓLFSSON (iþróttir),
SKÚLI BJÖRN GUNNARSSON (Sauöárkróki vs. 95-35960),
INGIBJÖRG MAGNÚSDÓTTIR (Húsavik vs. 41585),
JÓHANN ÓLAFUR HALLDÓRSSON, ÓLI G. JÓHANNSSON,
ÓSKAR ÞÓR HALLDÓRSSON, STEFÁN SÆMUNDSSON,
ÞÓRÐUR INGIMARSSON, LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRlMANN FRÍMANNSSON
DREIFINGARSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Dauði atvinnulífsins
Meiri blikur eru nú á lofti yfir atvinnulífi landsmanna
en verið hafa um langan tíma. Mörg atvinnufyrirtæki
eru nánast á grafarbakkanum og líkur benda til að
bráðum verði heilu atvinnugreinarnar að minningum
einum saman. Með gjaldþroti Álafoss hf. er saga ullar-
iðnaðarins líkast til á enda runnin þrátt fyrir tal manna
um að lítil en framsækin fyrirtæki á sviði ullarvinnslu
komi fram á sjónarsviðið þegar mokað hefur verið yfir
rústir þess sem var. Fiskeldið virðist einnig hafa runn-
ið sitt skeið á enda og eftir standa steinsteypt ker og
stokkar á ströndum landsins og molna niður eins og
gömlu bræðsluverksmiðjurnar forðum. Nú virðast
sömu örlög bíða Síldarverksmiðja ríkisins og litlu mun
breyta þótt hlutafélög verði mynduð um rekstur
þeirra. Rækjuvinnslan á í verulegum erfiðleikum og á
þessari stundu er erfitt að segja til um framtíð hennar.
íslenskur skipaiðnaður er í andarslitrunum og með
öllu óvíst hvort hann á eftir að ná sér á strik í framtíð-
inni. Þessi upptalning er þó aðeins hluti af þeim vanda
er nú steðjar að íslensku atvinnulífi að ógleymdum
þeim áhrifum sem hrun stórra atvinnufyrirtækja, að
ekki sé talað um atvinnugreina, hefur á allt atvinnu-
og viðskiptalíf í landinu.
Ríkisstjórn íslands hefur, að því er virðist, ákveðið
að láta þessa þróun afskiptalausa. Ráðamenn þjóðar-
innar sitja með hendur í skauti og vösum á meðan
framleiðslumöguleikar þverra og fólk sér atvinnu sína
og lífsbjörg hverfa út í tómið. Steingrímur
Hermannsson, fyrrverandi forsætisráðherra, gerði
málefni atvinnulífsins að umræðuefni á hádegisverð-
arfundi, sem hann boðaði til í Reykjavík síðastliðinn
föstudag. í framsögu á fundinum sagði hann meðal
annars að afskiptaleysi ríkisstjórnarinnar þýði í raun
ekkert annað en dauðadóm yfir atvinnulífi lands-
manna. Hann kvað ríkisvaldinu bera skylda til þess að
fara mildandi höndum um atvinnustarfsemina, vegna
þess sveiflukennda ástands, sem einkennir íslenskt
efnahagslíf. Steingrímur ræddi málefni ýmissa atvinnu-
greina og sagði að fyrirtæki blómstri ekki nema að
einstaklingarnir, sem að þeim stæðu væru sterkir.
Hann sagði að einnig þyrfti að skapa mönnum skilyrði
til þess að nýta framtak sitt og draga úr hættu á sveifl-
um og óvissu. Hann sagði ennfremur að laga yrði vestræn-
ar hugmyndir að íslensku efnahagslífi og þjóðfélagi,
sem væri í grundvallaratriðum öðruvísi en í hinum iðn-
væddu ríkjum Evrópu þar sem við værum langtum
háðari einum atvinnuvegi en nokkur önnur þjóð í álf-
unni. Steingrímur minnti á að allar ríkisstjórnir hefðu
haft afskipti af nýsköpun í atvinnulífinu á einn eða
annan máta til þess að breikka grundvöll þess og
draga úr einhæfni.
Núverandi ríkisstjórn virðist trúa því að á rústum
gjaldþrota atvinnufyrirtækja og brostinna framtíðar-
vona muni rísa sá kraftur, djörfung og dugur, sem'
íslensku atvinnulífi er nauðsynlegur um þessar
mundir. Þótt erfiðleikar geti eflt menn við ýmsar
aðstæður eru því miður engar vonir til þess að sú
stefna afskiptaleysis, sem nú er fylgt, nái að efla þjóð-
ina til átaka. Ef atvinnulíf landsmanna fær smám sam-
an að deyja út án þess að ráðamann þjóðarinnar geri
neina tilraun til þess að spyrna á móti mun taka lang-
an tíma að byggja það upp á nýjan leik. ÞI
Ný hafnarvog á Dalvík:
Sauitengdur tölvuhugbúnaður til að
íylgjast með allri fisklöndun
Ný hafnarvog verður tekin í
notkun við Dalvíkurhöfn í
sumar. Gamla vogin sem
aðeins var um 7 metra löng var
bæði orðin slitin og ekki nógu
löng, en sú sem sett verður upp
er 18 metra löng og verður
beintengd tölvuneti Sjávarút-
vegsráðuneytisins.
Oll vigtun á lönduðum fiski
verður færð í tölvu en íslensku
hafnirnar eru nú sem óðast að
samtengjast í tölvuhugbúnaði
sem ber heitið „Lóðsinn" og eiga
allar hafnir að hafa tengst kerfinu
I. september í haust.
Á meðan á uppsetningu nýju
vogarinnar stendur mun vigtun á
öllum fj,ski um Dalvíkurhöfn fara
fram á færanlegri vog, svokall-
aðri úrtaksvog, en á henni er
hægt að vigta fiskikör en ekki
vörubifreiðar. Þær verða að leita
í nágrannabyggðarlög meðan
þetta ástand varir.
Hafnarvogin mun kosta um 3
milljónir króna með uppsetning-
arkostnaði. GG
DAGIIR
Akurevri
S 96-24222
Norðlenskt dagblað
Lesendahornið
„Vilja Akureyringar virkilega að hér
verði hýstir geðsjúkir afl)rotamemi“
Kona á Akureyri hringdi:
„Hefur fólk á Akureyri virki-
lega áhuga á því að hér verði
staðsett réttargeðdeild? Ég held
að fólk geri sér ekki grein fyrir
hvað hér er um að ræða. Ætli
renni ekki tvær grímur á fólk ef
Svarvið lesendabréfi:
staðgreiðsluafslátt
Vegna lesendabréfs í DEGI sl.
föstudag þar sem kaupmenn eru
hvattir til að veita við-
skiptamönnum 5% stað-
greiðsluafslátt vill framkvæmda-
stjóri Matvörumarkaðarins taka
það fram að síðan 1. febrúar sl.
hefur verið veittur 5% afsláttur
vegna staðgreiðslu á allri pakka-
vöru í versluninni en ekki kjöt-
vöru. GG
Hættuleg gatnamót
Ibúi á Eyrinni spyr:
Á gatnamótum Eiðvallagötu
og Norðurgötu er bílum mjög
gjarnan lagt bæði sunnan og
norðan við alveg á hornið.
Bílstjórar þurfa að aka inn í
miðja götu til þess að sjá hvort
umferð fari um götuna. Vill lög-
reglan ekki koma á staðinn áður
en þarna verður óhapp?
það býr skyndilega í næsta húsi
við geðsjúka afbrotamenn jafn-
vel þótt heita eigi að viðkomandi
sé lokaður inni?
Flestir þessara afbrotamanna
koma frá Reykjavík. Getur borg-
in ekki séð um sitt fólk? Ég ætla
að vona að fleiri tjái sig um þetta
mál. Yfirmaður geðdeildar FSA
taldi þetta mjög eftirsóknarvert
en taldi að viðbrögð íbúa gætu
orðið mjög hörð.
ÍSLENSKA
ALFRÆÐI
ORÐABÖKIN
skylduskil prentskil: lögbundin
afhending eins eða fleiri eintaka
af öllu útgefnu efni, þ.e. hvers
kyns prentmáli, tón- og talupp-
tökum, nótum, kortum og mynd-
efni, til hins opinbera. s tii Kon-
unglega bókasafnsins í Khöfn
voru tekin upp á ísl. 1662 en
fyrstu lög um s á Isl. eru frá
1886. Núgildandi lög eru frá 1977
og kveða á um að skylt sé að
skila fjórum eintökum ailra prent-
gripa en þremur eintökum af tón-
og talupptökum. Skilaskylda
hvílir á fjölföldunaraðila og útgef-
anda. Tvö eintök eru varðveitt í
Landsbókasafni íslands, eitt í Há-
skólabókasafni (nema af hljóm-
plötum o.þ.h.) og eitt í Amts-
bókasafninu á Akureyri.
Örlygsstaóabardagi Örlygs-
staðafundur: stórorrusta á fsl.
21. ág. 1238; háður við gerðið Ör-
lygsstaði f Blönduhlíð (Skag). í
O sameinuðust lið Ásbirninga og
Haukdæla, undir forustu Kol-
beins unga og Gissurar Þorvalds-
sonar, gegn liði Sturlu Sighvats-
sonar. Sturla hafði með liðveislu
föður sfns hrakið Kolbein úr
Skagaf. en hann sneri aftur með
Gissur og nær 1700 menn og
kom dreifðu liði Sturlu að
óvörum. Þeir gátu því lítið víg-
búist og margir flýðu. Þeir sem
vörðust voru gersigraðir. í Ö
féllu Sturla, þrír bræður hans og
Sighvatur faðir þeirra, auk 44
manna úr liði þeirra. Gissur
missti sjö menn en Kolbeinn
engan.