Dagur - 10.12.1991, Blaðsíða 2

2 - DAGUR - Þriðjudagur 10. desember 1991

Vinningstölur laugardaginn (9M2) (3lT| 7. des. '91

VINNINGAR | V|NNINGSHAFA UPPHÆÐ Á HVERN VINNINGSHAFA
1. 5af 5 | 3 953.799,-
2. 4SsÓf 7 71.066,-
3. 4af5 I 100 8.581,-
4. 3af 5 I 3.698 541,-
i Heildarvinningsupphæðþessaviku: 6.217.577.-
M 4» wM S ©
upplýsingar:SImsvari91 -681511 lukkulIna991002
F4805 ELX
Ofn
Yfir-undirhiti, blástur og
grill, fituhreinsun,svart
glerútlit, tölvuklukka
með tímastilli.
TV 483 B
Helluborð
Keramik yfirborð, svartur
rammi, fjórar hellur,
sjálfvirkur hitastillir og
hitaljós.
o
Glerárgötu 32, Akureyri <
Sími 96-2 35 09
Fréttir
Um helgina var endurvakinn sá siður á Dalvík að kveikja þar á jólatré sem
bærinn hefur látið reisa á horninu andspænis Kaupfélaginu. Við það tæki-
færi lék blásarasveit sem skipuð er börnum frá Dalvík, Svarfaðardal,
Árskógssandi og Ólafsfirði en hún starfar á vegum Tónlistarskóla Dalvíkur
undir stjórn Michael Jacques. Jón Helgi Þórarinsson sóknarprestur flutti
ávarp, kirkjukórinn söng jólalög og að sjálfsögðu mættu jólasveinar á
svæðið. Mynd: i’li
Skiptafundur í þrotabúi ístess hf.:
Ölluin tilboðum í eignimar hafiiað
en Laxá hf. er enn inni í myndinni
- væntanlegt tilboð frá Fóðurblöndunni hf. getur ráðið úrslitum
Skiptafundur í þrotabúi ístess
hf. var haldinn hjá bæjarfóget-
anum á Akureyri sl. föstudag.
Að sögn Eyþórs Þorbergsson-
ar, fulltrúa fógeta, var það
ljóst fyrir fundinn að Lands-
bankinn, stærsti kröfuhafinn í
þrotabúið, myndi hafna þeim
tilboðum sem fram voru komin
í eignir þrotabúsins. Bankinn
bíður eftir tilboði frá Fóður-
blöndunni hf. í Reykjavík en
það mun verða lagt fram í vik-
unni, komi það á annað borð.
Jóhannes Sigurðsson, bústjóri
þrotabús ístess, sagði í samtali
við Dag að tilboði í vélar og verk-
smiðjuhús frá Skretting A/S í
Noregi, sem var stór hluthafi í
ístess, hefði verið hafnað svo og
tilboði í hluta af vélunum frá
finnsku fyrirtæki. Hann sagði að
tilboði frá fóðurverksmiðjunni
Laxá hf., sem var reist á rústum
Istess, hefði einnig verið hafnað
að svo stöddu en Laxá væri þó
enn inni í myndinni.
Laxá hf. hefur hús og tæki
þrotabús ístess á leigu til áramóta
og sagði Jóhannes að forsvars-
menn fyrirtækisins þrýstu mjög á
um að fá skýr svör til að geta
skipulagt áframhaldandi rekstur
ef tilboði Laxár upp á um 30
milljónir verður tekið, en Lands-
bankinn kýs að hinkra eftir vænt-
anlegu tilboði frá Fóðurblönd-
unni hf. áður en ákvörðun verður
tekin í málinu.
Á skiptafundinum var ítrekuð
sú afstaða, sem áður hafði verið
samþykkt, að höfða mál gegn
norska fyrirtækinu Skretting
vegna hlutafjárloforða sem ekki
hafði verið staðið við.
„Þetta er í biðstöðu eins og er,
en við vonum að málið skýrist í
vikunni. Það hafði komið boð frá
Fóðurblöndunni um að fá að gera
tilboð og það kemur í Ijós á
næstu dögum hvort úr því
verður,“ sagði Jóhannes.
Heildarkröfur í þrotabú ístess
nema um 450 milljónum króna
og þótt útistandandi skuldir séu
ríflega 200 milljónir telja menn
ólíklegt að það takist að inn-
heimta nema sáralítinn hluta af
þeirri upphæð.
Eyþór Þorbergsson, fulltrúi,
sagði að verksmiðjan væri yfir-
veðsett og ljóst að ekkert kæmi
til almennra kröfuhafa. Fram-
vindan væri því í höndum veð-
hafa. SS
Þrotabú Fjöreggs:
Samkomulag
, að nást við
íslandsbanka
um bústofninn
- útlit fyrir að lítið eða
ekkert fáist í almennar
kröfur í búið
Reiknað er með að endanlega
verði gegnið frá samkomulagi
síðar í vikunni milli Islands-
banka og þrotabús alifuglabús-
ins Fjöreggs á Svalbarðsströnd
um kaup bankans á bústofnin-
um úr búinu. Sem kunnugt er
hafði bankinn áður keypt jörð-
ina og nær allar fasteignir og í
framhaldi af því hófust viðræð-
ur um kaup á bústofninum.
Bústofninn er með síðustu
eignum í þrotabúinu og að
honum seldum eru skipti í
búinu komin á lokastig. Útlit
er fyrir að fáist upp í forgangs-
kröl'ur í búið en ólíklegt að
nokkuð komi upp í almennar
kröfur.
Arnar Sigfússon, bústjóri í
þrotabúi Fjöreggs, segist vonast
til að gengið verði frá samkomu-
lagi við íslandsbanka síðar í vik-
unni. Kaupfélag Eyfirðinga rekur
nú búið í Sveinbjarnargerði en að
samkomulagi varð milli félagsins
og bústjóra að það ræki búið
áfram en byrjaði jafnframt að
skera niður bústofninni, þ.e.
hætta útungun í búinu. Arnar
segir óljóst á þessari stundu
hvenær Islandsbanki taki við bú-
stofninum ef af kaupunum
verður.
Hann segir að utan bústofnsins
sé ýmsislegt lausafé eftir í búinu
sem væntanlega verði selt á nauð-
ungaruppboði eftir áramót. Þá
séu nokkrar útistandandi kröfur
eftir sem væntanlega innheimtist
á næstunni.
Forgangskröfur í búið námu
um 4 milljónum króna og segir
Arnar að líklega fáist þær greidd-
ar að fullu en lítið komi til skipta
í almennar kröfur.
Næsti skiptafundur í þrotabúi
alifuglabúsins verður 19. des-
ember en að honum loknum
verður byrjað að undirbúa frum-
varp að úthlutunargerð sem
búast má við að lagt verði fram
með vorinu. Þar með yrði skipt-
um í búinu lokið. JÓH
Húsavík:
Þuríður Halldórs-
dóttir GK komin
til heimahafnar
Fánar blöktu við hún í Húsa-
víkurbæ á sunnudagsmorgun
er nýr bátur í eigu Korra hf,
Þuríður Halldórsdóttir GK,
sigldi til heimahafnar. Geiri
Péturs ÞH, 180 lesta stálbátur
og Kristbjörg ÞH, 50 lesta eik-
arbátur, báðir í eigu Korra,
sigldu til móts við Þuríði og
fylgdu henni að bryggju.
Mannfjöldi tók á móti nýja
bátnum á bryggjunni og á sunnu-
dag var stanslaus straumur fólks
um borð, og barst útgerðarfélag-
inu fjöldi blómasendinga og heilla-
óska.
Kaupverð Þuríðar Halldórs-
dóttur GK er 50 milljónir. Henni
fylgir 56 tonna rækjukvóti. Bát-
urinn er 186 tonn, smíðaður í
Noregi 1966 en hefur síðan verið
endurbyggður. Hann er keyptur
frá Vogum á Vatnsleysuströnd og
er vel búinn til veiða.
„Ég er mjög ánægður með nýja
bátinn. Einnig bjartsýnn á að
útgerðin gangi vel, ef við fáum
nýja ríkisstjórn," sagði Olgeir
Sigurgeirsson, útgerðarmaður
sem á Korra ásamt nokkrum
sona sinna.
Skipstjóri á nýja bátnum verð-
ur Hreiðar Olgeirsson, sem verið
hefur með Kristbjörgu. Korri
hefur útvegað sér töluverðan
rækjukvóta og er Geiri Péturs
gerður út á rækju, en hann er
með frystibúnað um borð. Þorsk-
kvóti Geira verður fluttur yfir á
nýja skipið en Kristbjörg er að
rækjuveiðum í Öxarfirði.
Að sögn Olgeirs hefur ekki
verið ákveðið hvort Þuríði Hall-
dórsdóttur verður gefið nýtt
nafn. IM