Dagur - 10.12.1991, Blaðsíða 6

6 - DAGUR - Þriðjudagur 10. desember 1991
Bækur
Guðirnir eru
geggjaðir
- ferðasaga frá Afríku
Ut er komin hjá Málí og menn-
ingu bókin Guðirnir eru geggjað-
ir - Ferðasaga frá Afríku eftir
Stefán Jón Hafstein útvarps-
mann.
Höfundur starfaði fyrir Rauða
krossinn í Eþíópíu og Súdan og
fór margar ferðir um þessi víð-
áttumiklu lönd. Þetta er þó ekki
bók um hungur og örbirgð heldur
segir Stefán sögu manns sem
leggur af stað fullur af barnatrú
húmanistans, en allt reynist öðru-
vísi en hann hugði, og að lokum
verður hann að fara lengstu ferð-
ina inn í sjálfan sig. Útkoman er
afar óvenjuleg saga - ferðasaga,
þjóðarlýsing, saga um hörmung-
ar, gleði, glæsileik og stolt - en
þó öðru fremur persónuleg frá-
sögn.
Bókin er 158 blaðsíður auk 32
síðna af litmyndum eftir höfund-
inn. Teikningar gerði Guðrún
Kristín Sigurðardóttir.
Tk* • X • •• X • •
Bjargiðjorðimu
Iðunn hefur gefið út bókina
Bjargið jörðinni eftir Jonathon
Porritt.
Karl prins af Wales skrifar for-
mála bókarinnar og Vigdís Finn-
bogadóttir forseti ritar inngang
íslensku útgáfunnar. Ennfremur
hefur höfundur fengið til liðs við
sig sextán mikilhæfa vísindamenn
á sviði umhverfismála, auk fjölda
heimsþekktra manna og kvenna
sem leggja fram efni til bókarinn-
ar, hvatningarorð, ljóð og lista-
verk.
í frétt frá útgefanda segir m.a.:
„Bjargið jörðinni er falleg bók,
lifandi vitnisburður um fegurð
lífsins og þeirra náttúrugæða sem
stöðugt eyðast, en jafnframt við-
vörun til mannkynsins, hvatning
um að grípa til aðgerða áður en
það er um seinan, ákall til íbúa
allra landa um að snúa við blað-
inu. Hér er í myndum og máli
dregin upp raunsæ mynd af þeim
hættum sem eru umhverfinu
hvað skæðastar, svo sem meng-
un, vatnsskorti og gróðureyð-
ingu.“
Bókin hefur komið samtímis út
í fjölmörgum löndum sem hvatn-
ing um samstillt átak til að bregð-
ast við yfirvofandi vanda jarðar-
búa. Álfheiður Kjartansdóttir og
Óskar Ingimarsson þýddu bók-
ina.
Spádómar
Nostradamusar
- í nýrri túlkun
Bókaútgáfan Forlagið hefur gefið
út bókina Nostradamus, Við
upphaf nýrrar aldar, eftir V. J.
Hewitt og Peter Lorie. Bókin
hefur að geyma spádóma hans
1992-2001. Bókin kemur út um
þessar mundir í samvinnu bóka-
útgefenda um allan heim.
I kynningu Forlagsins segir: „í
þessari bók er í fyrsta sinn birt
nýtt kerfi sem vinnur á skipuleg-
an hátt úr upplýsingunum sem
faldar eru í torræðum textum
Nostradamusar. Verkið er unnið
af þekkingu og nákvæmni, en
niðurstöðurnar eru settar fram á
einfaldan og hrífandi hátt.
Nostradamus var án efa mesti
spámaður sem uppi hefur verið,
og allt frá því að bækur hans
komu fyrst út hafa menn fylgst
með því er einn spádómurinn af
öðrum rætist. Áhuginn á verkum
hans hefur aldrei verið meiri en
einmitt nú, enda hefur komið í
ljós að hann taldi síðustu ár þess-
arar aldar myndu marka tíma-
móti í sögunni. Við túlkun spá-
dómanna leggja höfundar bókar-
innar áherslu á að við sem nú
lifum, stöndum við upphaf nýrra
tíma sem gæti líka verið upphafið
á nýju og betra lífi fyrir allt
mannkyn."
Nostradamus - Við upphaf
nýrrar aldar er 208 bls. Guðrún J.
Bachmann þýddi.
Baráttan
mikla
- þriðja bókin um
Pelle sigursæla
Út er komin hjá bókaútgáfunni
Skjaldborg hf. bókin Pelle sigur-
sæli - Baráttan mikla, eftir Mart-
in Andersen Nexö og er þetta
þriðja bókin í þessu kunna rit-
safni.
Nú er Pelle kominn til borgar-
innar.
Hann kynnist fljótt miskunnar-
leysi fátæktarinnar sem þar ríkir
og því réttleysi sem verkafólkið á
við að búa. En Pelle er réttlætið
innprentað allt frá barnæsku og
hann kemst fljótt í tæri við nýja
hreyfingu sem er í burðarliðnum
um þessar mundir, upphaf verka-
lýðsbaráttunnar. Pelle finnst
fljótt að forlögin ætli honum hlut-
verk í starfinu við að fá verka-
fólkið til þess að vakna til vitund-
ar um rétt sinn. Og áður en varir
hefur hann flutt fyrstu eldræðuna
á fundi félaga sinna og teningn-
um er kastað.
Peir sem voguðu sér að gerast
félagar í verkalýðsfélagi á þess-
um tíma voru gerðir brottrækir
úr vinnu tafarlaust. Ástin spinnur
og þræði sína í þessu samfélagi
eymdarinnar og Pelle giftist og
eignast fjölskyldu.
Örlögin leiða hann smám sam-
an að því sem koma skal og að
því kemur að hann verður að
gera upp á milli baráttu fjöldans
og veiferðar fjölskyldunnar.
Pelle sigursæli - Baráttan
mikla er 322 blaðsíður að stærð.
TjúlliáftiMferð
Kötturinn Tjúlli er aftur kominn
á kreik, nú á fullri ferð. í fyrra
kom út bókin Lán í Óláni. í þess-
ari nýju bók kynnist kötturinn
Tjúlli nýju fólki og nýjum ævintýr-
uin. Pessari nýju bók fylgja
Tjúlla-límmiðar eins og þeirri
fyrri. Örn og Örlygur gefa bókina
út.
í frétt frá útgefanda segir m.a.:
„Sögurnar af Tjúlla eru fullar
spennu og gleði. Allar sögurnar
eru raunverulegar að því marki
að allt sem hendir sögupersón-
urnar gæti vissulega gerst og hef-
ur jafnvel gerst. Undir öllum
galsanum og fjörinu leynast víða
ábendingar sem öllum börnum
eru hollráð á lífsbrautinni. Tjúlla-
bækurnar eru skrifaðar fyrir börn
á öllum aldri. í frásögn og mynd-
um gætir óvenjulegrar kímni höf-
unda.“
Höfundar Tjúllabókanna eru
Ingi Hans Jónsson og Haraldur
Sigurðarson.
Fjórar
harðspj aldabækur
- fyrir yngstu börnin
Bókaútgáfan Forlagið hefur sent
frá sér fjórar harðspjaldabækur
fyrir yngstu börnin. Pær eru úr
bókaflokknum Nóg að gera og
heita / háttinn, Hjálparhönd,
Dýravinir og Dægradvöl. Bæk-
urnar eru eftir breska teiknarann
Catherine Anholt.
í kynningu Forlagsins seg’r:
„Bækur þessar eru einkum ætlað-
ar börnum sem eru að læra að
tala. Á hverri síðu er mynd af
börnum og fyrir neðan sagnorð
sem þeim er ætlað að festa sér í
minni með hjálp myndanna.
Þannig ríma myndir og orð sam-
an og úr verður þroskandi og
heillandi leikur.“
Hver harðspjaldabók er 20 bls.
í litlu broti sem fer vel í smáum
höndum.
Þjóðlíf og
þjóðhættir
- eftir Guðmund L.
Friðfinnsson á Egilsá
Örn og Örlygur hafa gefið út rit-
verkið Þjóðlíf og þjóðhættir eftir
Guðmund L. Friðfinnsson á
Egilsá.
I verkinu kemur vel til skila
glöggskyggni Guðmundar á fólki
og starfsháttum fyrri tíðar. Einn-
ig áhugi hans að halda til haga
þekkingu á þjóðlífi sem heita má
horfið.
Um 300 ljósmyndir, sem leit-
aðar hafa verið uppi um land allt,
varpa skíru ljósi á efnið og prýða
verkið. Flestar myndanna eru
áratuga gamlar og hafa ekki birst
áður á prenti. Myndaritstjóri er
ívar Gissurarson. Hjalti Pálsson,
héraðsskjalavörður á Sauðár-
króki, las yfir handritið og veitti
ráðgjöf.
Pór Magnússon þjóðminja-
vörður, ritar formála bókarinnar.
Par segir m.a.: „Sum þjóðháttarit
hafa fyrir löngu unnið sér fastan
sess sem mikilsverð heimildarrit,
sem stöðugt er síðan vitnað til og
mega kallast sígild. Þau þurfa
umfram allt að vera svo aðgengi-
leg, að hver geti notað þau að
eigin smekk, sem fróðleiksrit,
heimildarrit og afþreyingarrit. Þá
er fyrir mestu, að þau séu svo úr
garði gerð, að þau laði að sér les-
andann og að lesandanum finnist
höfundur tala til hans. Þannig
verður því, sem mest er um vert,
best komið á framfæri við lesend-
ur, veitt það líf, sem gerir ritið
eign margra kynslóða en ekki
aðeins dægurlestur. Er það von
mín að þessi endurminningaskrif
Guðmundar L. Friðfinnssonar
megi fylla þann flokk er stundir
renna.“
Iífsbarátta
dýranna
Út er komin hjá bókaútgáfunni
Skjaldborg hf. bókin „Lífsbar-
átta dýranna“ eftir hinn heims-
kunna sjónvarpsmann Sir David
Attenborough.
Sir David Attenborough er
Islendingum að góðu kunnur í
gegnum þætti sína sem sýndir
hafa verið í íslenska sjónvarpinu,
en bókin er m.a. byggð á hinum
fjölmörgu sjónvarpsþáttum sem
hann hefur gert og sýndir hafa
verið út um allan heim.
Bókinni er skipt í 12 megin-
kafla sem fjalla hver um sinn
þáttinn í lífsbaráttu dýranna, svo
sem fæðingu, uppvöxt, fæðuöfl-
un, veiðar og flótta, ratvísi,
heimilislíf, sambúð, átök, vini og
andstæðinga, tjáskipti, makaval
og viðhald kynstofnsins.
Sum atferli dýra eru svo dulin
að þau koma ekki í ljós fyrr en
eftir áralangar rannsóknir. Sir
David Attenborough byggir bók
sína m.a. á slíkum rannsóknum
margra aðila.
Lífsbarátta dýranna er prýdd
nærri 160 einstökum litmyndum
af ýmsu í atferli dýranna sem
almenningur sjaldan eða aldrei
fær séð eða yfirleitt veit að á sér
stað.
í tilefni af útkomu bókarinnar
mun höfundur hennar, Sir David
Attenborough, heimsækja ísland
á vegum Skjaldborgar hf. og
fylgja hinni íslensku útgáfu bókar
sinnar úr hlaði.

*
JólagestírhjáPétri
- eftir Sven Nordqvist
Örn og Örlygur hafa gefið út
fjórðu bókina á íslensku eftir
Sven Nordqvist um þá félaga,
Pétur og Brand, en höfundur hef-
ur fengið ntikil lof og fjölmörg
verðlaun fyrir bækur sínar víða
um lönd. Bókin ber heitið Jóla-
gestir hjá Pétri.
Söguþráður hinnar nýju bókar
er sá að karlinn hann Pétur og
kötturinn Brandur eiga jafnan
annríkt fyrir jólin eins og við hin.
Að þessu sinni ber óhapp að
höndum. Pétur meiðist á fæti og
kemst hvorki út í búð til að
kaupa í matinn né út í skóg eftir
jólatrénu. Svo virðist sem þeir
félagar eigi ömurleg jól í
vændum. En þá ber gesti að
garði...
Þorsteinn frá Hamri þýddi
bókina.
Tvær bækur
Gyrðis Elíassonar
Út eru komnar hjá Máli og
menningu tvær bækur eftir Gyrði
Elíasson, smásagnasafnið Hey-
kvísl og gúmmískór og ljóðabók-
in Vetraráform um sumarferða-
lag.
Gyrðir Elíasson hefur vakið
vaxandi athygli fyrir verk sín, og
nú er byrjað að gefa þau út á
Norðurlöndum. Smásagnasafnið
Bréfbátarigningin er nýkomið út
í Danmörku þar sem það hlaut
góða dóma, og skáldsagan Svefn-
hjólið er væntanleg í Noregi og
Svíþjóð á næsta ári.
í bókinni Heykvísl og gúmmí-
skór er 21 smásaga, mörg hver
örstutt, undarleg ævintýri þar
sem segir af ketti á heitu þaki í
regnþorpi, gamalli konu sem
deyr og flýgur burt í samfylgd
fugla, presti sem safnar undarleg-
um blöðum, dreng sem drukkn-
aði á Snæfellsnesi, hrúti sem var
ónotalegur með víni og stangaði
fólk, fyrsta meðaladraugi á ís-
landi svo eitthvað sé nefnt. Bókin
sem er 89 blaðsíður er prýdd níu
tréristum eftir Elías B. Halldórs-
son.
Vetraráform um sumarferða-
lag geymir á hálfan sjöunda tug
nýrra kvæða. Bókin er 73 blað-
síður. Elías B. Halldórsson gerði
kápumynd og eina mynd í bók-
inni.
Kötturinn sem týndi
malinu sínu
Út er komin hjá Erni og Örlygi
barnabókin Kötturinn sem týndi
malinu sínu, eftir Michele Coxon
í þýðingu Jónasar Jónassonar
útvarpsmanns.
Þetta er fallega myndskreytt
bók sem segir frá því er kötturinn
Þrándur týnir malinu sínu, en
slíkt er nú mjög svo dapurlegt
fyrir ketti. Þrándur leitar í dyrum
og dyngjum að malinu en með
misjöfnum árangri.
„Þetta er heillandi og barns-
lega Ijúf saga fyrir alla sem hafa
mætur á köttum, með indælum
texta og listrænum myndum,"
segir í frétt frá útgefanda.
Bókin um Ladda
- eftir Þráin Bertelsson
Bókaforlagið Líf og saga hefur
sent frá sér Bókina um Ladda eft-
ir Þráin Bertelsson.
I kynningu frá útgefanda segir
m.a.: „Fáir hafa kitlað hlátur-
taugar landsmanna jafn rækilega
og þeir Þórhallur Sigurðsson og
Þráinn Bertelsson, Þráinn með
kvikmyndum sínum og útvarps-
þáttum og Laddi með því að
bregða sér í allra kvikinda líki.
Og nú hafa þeir sameinað krafta
sína og árangurinn er þessi bók
sem án efa á eftir að koma mörg-
um til að hlæja. En þetta er líka
bók sem án efa á eftir að koma
mörgum á óvart.
Þráinn skrifar um Ladda með
þúsund andlitin á einlægan og
opinskáan hátt og lesendur fá að
kynnast manninum á bak við öll
gervin: „Heimskasti Hafnfirðing-
urinn - Verslað með sveskjur -
Blikur á lofti - Þjófur, nymfóm-
an, lesbía og búktalari - Hlátur-
mildur elskhugi - Heimþrá -
Örstutt ástarsamband - Fatafell-
an og piparsveinarnir - Einnota
konur - Gróa á Leiti - Ég
sjálfur..."
Um allt þetta og miklu meira
fjallar bókin í máli og fjölda
mynda. Eða eins og Saxi læknir
kemst að orði í bókinni, þegar
hann er spurður um álit sitt á
Þórhalli ungum. „Hann var ekki
eðlilegur. Ég sá það eins og
skot...“