Dagur - 14.12.1991, Side 20

20 - DAGUR - Laugardagur 14. desember 1991
0g þegar fernurnar eru tómar md breyta þeim í skemmtilegt jólaskraut
KFUSTJAN KRISTJANSSON
Klippiö út - Brjótib - Límib - Hengib upp
M jólkursamlag KEA
Bækur
Glettni
örlaganna
Út er komin hjá Bókaforlagi
Odds Björnssonar skáldsagan
Glettni örlaganna eftir Ingi-
björgu Sigurðardóttur.
„Ingibjörg Sigurðardóttir er án
efa ein af vinsælustu skáldkonum
á íslandi í dag. Nú fá aðdáendur
hennar enn eina spennandi ástar-
sögu frá henni. Þetta er 30. skáld-
saga Ingibjargar og það eitt segir
sína sögu um hinn stóra lesenda-
hóp,“ segir í frétt frá útgefanda.
Bókin fjallar um heitar ástir,
vonir og þrár ungra elskenda.
Prentun og bókband annaðist
Prentverk Odds Bjömssonar hf.
Stangaveiðin
1991
Út er komin bókin Stangaveiðin
1991 sem er árbók veiðimanna.
Bókin kemur nú út í fjórða sinn
og er uppbygging hennar í meg-
inatriðum hin sama og fyrr.
í bókinni eru þrír meginkaflar.
Fyrstan má telja fréttaannálinn,
en þar er að finna nákvæma
umfjöllun um allt það helsta sem
gerðist í heimi stangaveiðimanna
á vertíðinni sem nýliðin er. Þá er
farið á yfirreið um landið þar sem
komið er við á bökkum allra
helstu áa landsins, skoðaðar
veiðitölur og greint frá því helsta
sem gerðist á hverjum stað.
Þriðji meginkafli bókarinnar
fjallar um silungsveiðina 1991.
Nokkrar magnaðar veiðisögur
krydda efnið og hátt í 200 myndir
víðs vegar að af landinu gera það
einnig svo um munar. Eru marg-
ar þeirra í lit.
Höfundar bókarinnar eru
blaðamennirnir Guðmundur
Guðjónsson á Morgunblaðinu og
Gunnar Bender á DV. Báðir
hafa um árabil séð um stanga-
veiðiskrif í blöð sín, auk þess sem
Gunnar ritstýrir Sportveiðiblað-
inu og Guðmundur hefur ritað all
margar bækur um veiðiskap.
Örlög íslands
- eftir Benedikt
Gröndal
Hver er skýringin á núverandi
stöðu íslands á alþjóðavettvangi?
Hafa sögulegir atburðir og
straumar ráðið þróun mála?
Hvaða menn hafa haft mest áhrif
á mótun íslands samtímans?
Þessum og margfalt fleiri spurn-
ingum svarar Benedikt Gröndal,
fyrrverandi sendiherra, í nýút-
kominni bók sinni Örlög íslands.
Það er Vaka-Helgafell sem
gefur bókina út en hún er284 síð-
ur í stóru broti og skiptist í 36
kafla. Benedikt rekur stórbrotna
sögu af inn'oyrðis átökum
landsmanna og tafli þeirra við
risaveldi til að móta frjálst nú-
tímaríki á íslandi og tryggja
öryggi þess. Hann fléttar saman
sögulegum fróðleik og minning-
um um menn og málefni á við-
burðaríkustu áratugum íslands-
sögunnar og dregur ályktanir af
gangi mála.
Benedikt fjallar ítarlega um
forsögu mála og aðdraganda
atburða. Stór hluti bókarinnar er
aftur á móti um breska hernám-
ið, varnarsamninginn við Banda-
ríkin 1941, sjálfstæðismálið og
stofnun lýðveldisins. Þá segir frá
því þegar íslendingar neituðu að
segja Þýskalandi og Japan stríð á
hendur, neituðu að veita Banda-
ríkjunum herstöðvar til 99 ára,
um Keflavíkursamninginn,
Kóreustríðið og komu varnar-
liðsins.
Skilmálamir
hennar Maríu
Iðunn hefur gefið út bókina
Skilmálarnir hennar Maríu, sem
er ævisaga Maríu Þorsteinsdótt-
ur, skráð af Nönnu Rögnvaldar-
dóttur.
I kynningu útgefanda segir:
„Ævisaga Maríu Þorsteinsdóttur
er sagan af því hvernig ung kona
vex og þroskast í kreppu og stríði
og heitir því að vinna friði og
bræðralagi manna það gagn sem
hún má; hvernig hún kynnist
mörgum þekktustu einstakling-
um samtímans með þátttöku
sinni í alþjóðlegu friðarstarfi;
hvernig henni tekst, þrátt fyrir
þungar sorgir og mikinn missi, að
vera alltaf sönn og heil. Hún hef-
ur aldrei verið hrædd við að skera
sig úr hópnum og ganga grýtta
veginn.
Þótt örlögin hafi greitt Maríu
Þorsteinsdóttur þung högg lætur
hún aldrei bugast, heldur beinir
öllum kröftum sínum í baráttu
fyrir þeim hugsjónum sem hún
trúir á og telur dýrmætastar:
Friði, jöfnuði og réttlæti."
Heitlrðu Ómar?
- æskuminningar
Ómars Ragnarssonar
fréttamanns
Fróði hf. hefur sent frá sér bók-
ina Heitirðu Ómar? eftir Ómar
Ragnarsson sjónvarpsfrétta-
mann. Hér er um að ræða æsku-
minningar Ómars og dregur bók-
in nafn sitt af því að á æskudög-
um heyrði Ómar oft þessa spurn-
ingu enda var nafn hans þá óal-
gengt. Einu Ómararnir sem fólk
kannaðist þá við voru Ómar
Khayyam rithöfundur og Ómar
Bradley hershöfðingi. Þótti það
raunar við hæfi að þessi rauð-
hærði og uppátektarsami strákur
héti óvenjulegu nafni.
I frétt frá útgefanda segir m.a.:
„Ómar Ragnarsson segir skemmti-
lega frá. Honum er lagið að gefa
öðrum hlutdeild í reynslu sinni
og færa sögusviðið að heimi sín-
um og hugsunum. í bókinni segir
hann m.a. frá dvöl sinni í sveit og
ævintýrum sem hann rataði í þar,
frá veru meðal „kristmanna“ í
Kaldárseli, fyrstu ástinni sinni og
baráttu við erfið veikindi. Fjöl-
margir koma við sögu og ekki
bregst Ómari bogalistin í mann-
Iýsingum sínum.“
Heitirðu Ómar? er 260 blað-
síður og er bókin prýdd fjölmörg-
um Ijósmyndum.
Býkúpan
Vaka-Helgafell hefur gefið út
skáldsöguna Býkúpuna eftir
spænska nóbelsskáldið Camilo
José Cela, sem er eitt víðkunn-
asta verk þessa höfundar og er
bókin oft nefnd „fyrsta spænska
nýtískuskáldsagan". Áður hefur
útgáfan sent frá sér skáldsöguna
Paskval Dvarte og hyski hans eft-
ir Cela.
Kristinn R. Ólafsson, fréttarit-
ari Útvarps á Spáni þýðir Bý-
kúpuna á íslensku eins og fyrri
bók Cela, en hún er gefin út með
stuðningi ÞýðingaTsjóðs og
menningarmálaráðuneytis
Spánar.
Býkúpan er stórbrotið og
margþætt verk er Iýsir Madrid
þrjá kalda vetrardaga í byrjun
fimmta áratugarins þegar myrkur
skuggi spænska borgarastríðsins
(1936-1939) setur enn mark sitt á
líf borgarinnar og tilveru íbú-
anna.
Býkúpan eftir Camilo José
Cela er 260 síður að stærð.