Dagur - 14.01.1992, Blaðsíða 4

4 - DAGUR - Þriðjudagur 14. janúar 1992
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 96-24222
ÁSKRIFT KR. 1200 Á MÁNUÐI
LAUSASÖLUVERÐ KR. 110
GRUNNVERÐ DÁLKSENTIMNETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
INGIBJÖRG MAGNÚSDÓTTIR (Húsavík vs. 96-41585),
JÓHANN ÓLAFUR HALLDÓRSSON, JÓN HAUKUR BRYNJÓLFSSON (íþróttir),
ÓLI G. JÓHANNSSON, ÓSKAR ÞÓR HALLDÓRSSON,
SKÚLI BJÖRN GUNNARSSON (Sauöárkróki vs. 95-35960),
STEFÁN SÆMUNDSSON, ÞÓRÐUR INGIMARSSON
LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 96-27639
Þeir aflögufæru
sigla lygnan sjó
Nýjustu sparnaðartillögur ríkisstjórnarinnar,
undir forystu heilbrigðisráðherra, fela það í sér
að skerða á ellilífeyri og örorkubætur. Ráðherr-
ann áætlar að með þessum aðgerðum sparist
um 200 milljónir króna. Þessi ráðagerð hefur
þegar vakið hörð viðbrögð í þjóðfélaginu og skal
engan undra, eins og að henni er staðið.
Þetta er í fjórða sinn á stuttum tíma sem ríkis-
stjórn Davíðs Oddssonar seilist 1 vasa þeirra
sem minnst mega sín eftir auknum tekjum í
galtóman ríkissjóð. Fyrstir í röðinni voru sjúkl-
ingar, síðan námsmenn, þá barnafjölskyldur og
nú síðast aldraðir og öryrkjar.
Töfraorð ríkisstjórnarinnar þessa dagana er
„tekjutenging" eða öllu heldur „atvinnutekju-
tenging". Ríkisstjórnin gerir nefnilega skýran
greinarmun á því hvaða nafni tekjurnar nefnast.
Ef um er að ræða atvinnutekjur, þ.e. hefðbundin
laun vinnandi fólks, klípur ríkisvaldið af bótum
sínum til viðkomandi þegar ákveðnu marki er
náð. Greiðslur úr lífeyrissjóði ellegar vaxtatekj-
ur hafa hins vegar engin áhrif til skerðingar!
Hið hrópandi ranglæti sem einkennir ofan-
greindar sparnaðaraðgerðir ríkisstjórnarinnar
kemur glögglega í ljós í eftirfarandi dæmi, sem
að sjálfsögðu er ímyndað þótt það eigi sér
örugglega marga holdgervinga: Hugsum okkur
bankastjóra, sem náð hefur 67 ára aldri og er
hættur störfum. Hann fær um 300 þúsund krón-
ur á mánuði í lífeyrisgreiðslur og um 50 þúsund
krónur á mánuði í vaxtatekjur af verðbréfum og
öðru. Samkvæmt reglum ríkisstjórnarinnar fær
hann ellilífeyri sinn greiddan að fullu, án nokk-
urrar skerðingar. Jafnaldri hans er mun verr
settur hvað lífeyrisréttindi varðar og á engin
verðbréf til að ávaxta. Hann vinnur því enn full-
an vinnudag og hefur 76 þúsund krónur í mán-
aðarlaun. Það eru nánast einu tekjurnar sem
hann hefur. Hann verður hins vegar að sæta því
að grunnellilífeyrir hans sé lækkaður úr 12.123
krónum í um 9.500 krónur!
Það fer ekkert á milli mála hverja núverandi
ríkisstjórn vill síst af öllu styggja. Hún vill ekki
undir nokkrum kringumstæðum sækja fjármagn
til þeirra sem helst eru aflögufærir, þ.e. til hinna
svonefndu fjármagnseigenda og eiginlegra
stóreignamanna í þjóðfélaginu. Meðan þeir
sigla lygnan sjó en daglaunamenn eru látnir
borga brúsann, er engin von til þess að sparnað-
araðgerðir ríkisstjórnarinnar fái hljómgrunn
meðal almennings. Þvert á móti mun andstaðan
magnast dag frá degi þar til upp úr sýður. BB.
Við þurfum umræðuvettvang
- stofnun Ferðamálafélags Eyjafjarðar
Þann 2. nóv. sl. gekkst Héraðs-
ráð Eyjafjarðar fyrir ráðstefnu
um ferðamál í Hrafnagilsskóla,
þar sem m.a. var rætt um stofnun
ferðamálafélags fyrir Eyjafjarð-
arsvæðið. Niðurstaðan varð sú,
að kosin var nefnd til að undir-
búa stofnun Ferðamálafélags
Eyjafjarðar. Hefur nefndin nú
ákveðið að boða til stofnfundar
Ferðamálafélags Eyjafjarðar
fimmtudaginn 16. janúar nk. að
Hótel KEA.
Fyrirhugað starfssvæði félags-
ins er Eyjafjarðarsýsla, Ólafs-
fjörður, Dalvík, Akureyri og
Svalbarðsstrandahreppur og
Grýtubakkahreppur í S-Þing-
eyjarsýslu. Er félagið öllum opið,
jafnt hagsmunaaðilum í ferða-
þjónustu sem áhugamönnum um
ferðamál.
En af hverju er verið að stofna
ferðamálafélag? Er nauðsyn á
slíku félagi? Aður en reynt verð-
ur að svara því, er ekki úr vegi að
líta nokkur ár aftur í tímann.
Ferðamálasamtök
landshlutanna
Á síðasta áratug töldu menn að
árangurs í málefnum ferðaþjón-
ustunnar væri helst að vænta með
stórum samtökum er næðu til
heilla kjördæma eða jafnvel
tveggja eins og gerðist hér á
Norðurlandi. í framhaldi af því
voru ekki stofnuð um allt land
ferðamálasamtök einstakra
landshluta þ.á m. Ferðamála-
samtök Norðurlands, en starfs-
svæði þess var allt Norðurland.
Starfsemi félagsins var nokkuð
öflug fyrstu árin. Gefinn var út
sameiginlegur bæklingur um
Norðurland, sem reyndist mjög
Jón Gauti Jónsson.
vel til almennrar kynningar á
fjórðungnum. Ennfremur tóku
ferðamálasamtök landshlutanna
upp samstarf sín á milli. Ekki er
nokkur vafi á því, að starfsemi
samtakanna hefur látið ýmislegt
gott af sér leiða fyrir ferðaþjón-
ustuna í landinu, og hafa þau náð
fjölmörgum hagsmunamálum í
höfn einkum gagnvart hinu opin-
bera. Þannig t.d. fékkst það í
gegn við síðustu endurskoðun
núgildandi laga um ferðamál að
fulltrúar frá öllum ferðamálasam-
tökunum fengu fulltrúa í Ferða-
málaráði íslands og með sam-
stöðu samtakanna hafa þau oft á
tíðum ráðið úrslitum um það
hverjir hafa setið í ýmsum mikil-
vægum nefndum á vegum Ferða-
málaráðs. Þá stóðu samtökin að
því, ásamt fleirum, að stofnuð
var upplýsingamiðstöð fyrir
ferðafólk í Reykjavík og hafa
þau síðan staðið að fjórðungi til
undir rekstri hennar.
Innra starf varð útundan
Það kom hins vegar fljótt í ljós að
samtökum á kjördæmavísu
heppnaðist ekki að halda upp
nægilega fjölbreyttu innra starfi.
Þau náðu ekki að vinna að ýmsum
sameiginlegum hagsmunamálum
einstakra svæða. Ástæðan fyrir
því er augljós, félagssvæðið var
alltof stórt til þess að aðilar næðu
saman og þegar farið var að ræða
hagsmunamál einstakra svæða
komu fljótt í ljós árekstrar milli
héraða.
Þetta hafa menn verið að leysa
í seinni tíð með stofnun samtaka
á héraðsvísu og nú er svo komið
að stofnuð hafa verið ferðamála-
félög í nær öllum héruðum á
Norðurlandi, nema hér á Eyja-
fjarðarsvæðinu.
Og eftir hverju erum við að
bíða hér? Fjölmörg hagsmuna-
mál bíða úrlausriar sem eru
bundin við Eyjafjarðarsvæðið. í
því sambandi má nefna að við
þurfum umræðuvettvang, jafnt
hagsmunaaðilar sem áhugamenn
til að hittast vor og haust og ræða
sameiginleg mál ferðaþjónust-
unnar á Eyjafjarðarsvæðinu,
bæði um undirbúning komandi
sumars og uppgjör að hausti. Þá
þarf sameiginleg rödd aðila í
ferðaþjónustu í Eyjafirði að
koma miklu oftar fram á öldum
ljósvakans en nú er raunin. Auk
þessa bíða fjölmörg einstök mál.
Má þar nefna veginn upp úr
Eyjafirði á Sprengisandsleið,
öflugra starf á sviði upplýsinga-
miðlunar, viðunandi snyrtiað-
stöðu fyrir ferðafólk á Akureyri,
aukningu á beinu flugi til Akur-
eyrar erlendis frá og fræðslumál
ferðaþj ónustunnar.
Stofnum öflugt ferða-
málafélag
Verkefnin eru því næg, en þau ná
aldrei fram að ganga ef hver og
einn situr í sínu horni og horfir í
gaupnir sér. Aðeins með breiðri
samstöðu er árangurs að vænta
og þá er ekki einungis átt við
ferðaskrifstofufólk og hótelhald-
ara, heldur alla þá er óbeint
tengjast ferðamálum á Eyjafjarð-
arsvæðinu svo og alla áhuga-
menn.
Undirritaður leyfir sér því, að
skora á alla þá er tengjast ferða-
málum á einn eða annan hátt svo
og áhugamenn að mæta á stofn-
fund Ferðamálafélags Eyjafjarð-
ar þann 16. janúar nk. þannig að
við getum stofnað öflugan félags-
skap ferðaþjónustunni á Eyja-
fjarðarsvæðinu til frekari fram-
dráttar.
Jón Gauti Jónsson.
Höfundur er atvinnumálafulltrúi Akureyrarbæj-
ar.
„Fjölmörg hagsmunamál bíða úrlausnar sem eru bundin við Eyjafjarðar-
svæðið,“ segir Jón Gauti m.a. í grein sinni. Myndin er af fyrsta skemmti-
ferðaskipinu sem kom til Akureyrar sumarið 1991.
Endurmenntunarnefnd Háskóla íslands og Barnaverndarráð:
Námskeið á Akureyri íyiir bama-
vemdamefiidir og félagsmálastoftianir
Endurmenntunarnefnd Háskóla
íslands og Barnaverndarráð
íslands munu halda námskeið
á Akureyri dagana 16. til 18.
janúar næstkomandi fyrir
barnaverndarnefndir og starfs-
menn þeirra, félagsmálastofn-
anir og alla þá sem starfa á
einn eða annan hátt að vernd-
un barna og ungmenna. Nám-
skeiðið hefur verið haldið í
Reykjavík en verður nú fyrir
norðan að frumkvæði og ósk
Péturs Þórs Jónassonar, sveit-
arstjóra í Eyjafjarðarsveit og
Barnaverndarnefndar Eyja-
fjarðarsveitar.
1 athugun er samvinna milli
Háskóla Islands og Háskólans á
Akureyri um endurmenntunar-
námskeið og hefur Háskólinn á
Akureyri skipað nefnd til að
undirbúa endurmenntunarmál
norðanlands.
Á námskeiðinu í næstu viku
munu leiðbeina Helga Þórólfs-
dóttir, félagsráðgjafi með sér-
hæfingu í málefnum fóstur-
barna, og Gunnar Sandholt,
félagsráðgjafi og yfirmaður fjöl-
skyldudeildar Félagsmálastofn-
unar Reykjavíkurborgar. Á nám-
skeiðinu verður sérstaklega fjall-
að um samskipti við skjólstæð-
inga barnaverndarnefnda og
kosti, galla og mismunandi
úrræði við fóstrun barna.
Skráning á námskeiðið fer
fram í móttöku Tæknigarðs í
Reykjavík í síma 91-694940.