Dagur - 21.02.1992, Blaðsíða 9

Föstudagur 21. febrúar 1992 - DAGUR - 9
„Við verðuni að fara að byggja alvöru tjaldstæði. Þau þurfa að vera aðlaðandi (...). Ekki að maður hrekist burtu
strax að morgni vegna ólyktar úr útikamrinum eða drykkjuláta nábúans,“ segir greinarhöfundur m.a.
Ferðamál:
Hugleiðíng um tjaldstæði
Margt og mikið hefur í vetur ver-
ið rætt um ferðamál, þjónustu við
ferðamenn, tekjur af ferðamönn-
um og uppbyggingu ferðaþjón-
ustu almennt. Æ fleiri gera sér
ljóst mikilvægi þessa iðnaðar og
vaxtamöguleika hans í framtíð-
inni. Einn hluti ferðaþjónustunn-
ar hefur ekki mikið verið ræddur.
Þar á ég við tjaldsvæðin og þjón-
ustu við tjaldgesti, sem hefur ver-
ið fram til þessa ákaflega van-
þróuð og alltof lítið sinnt.
Reyndar hillir undir bjartari
framtíð í þessum málum sem
öðrum.
Lengi vel var það útbreiddur
misskilningur, að gisting á tjald-
stæði væri valkostur fátæka
mannsins. Aðeins þeir einu gistu
þar er ekki hefðu efni á, eða
tímdu að nota hótelin. Því miður
eru margir á þeirri skoðun enn í
dag.
Á undanförnum árum hefur
vaxandi fjöldi íslendinga lagt leið
sína á eigin vegum, um megin-
land Evrópu og gist á tjaldstæð-
um og kynnst þessum lífsmáta af
eigin raun. Mér er minnisstætt er
við hjónin komum í fyrsta sinn,
fyrir fjölda mörgum árum inn á
alvöru tjaldsvæði. Við bláeygir
íslendingarnir horfðum í for-
undran á alla eðalvagnana er
stóðu framan við stórglæsileg
hjólhýsin, og ekki voru húsbíl-
arnir síðri. Nú tugum, ef ekki
hundruðum gistinátta seinna, á
tjaldstæðum Evrópu erum við
sannfærð um að tjaldbúðalíf er
miklu frekar lífsstíll, en aura-
leysi.
Yfirleitt eru tjaldstæðin afgirt
og engin óviðkomandi umferð
leyfð. Við komu skráir þú þig
inn. Skilur eftir tjaldbúðarvega-
bréf, eða jafnvel vegabréfið
(Ítalía) til tryggingar góðri
umgengni og að ekki sé hlaupið
frá ógreiddum reikningum.
„Þarftu rafmagn?“ spyr tjald-
vörðurinn. „Já,“ (í þessu tilviki),
segi ég. Oft er þér sýnt á korti
hvar á stæðinu lóðin þín er. (En
algengt er að þér sé fylgt
þangað.) „Þarna á staurnum er
rafmagnsinnstungan þín. Salern-
in eru í húsinu þarna til vinstri.
Þar er þrifið á milli kl. 10 og 11 á
morgnana," segir tjaldvörðurinn.
Við leggjum bílnum og innbyrð-
um hressingu. Höldum síðan af
stað í könnunarleiðangur. Fyrsti
viðkomustaðurinn er sorpgámur-
inn. Alltaf er eitthvað til að fóðra
hann með. „Þarna til vinstri er
fótboltavöllur fyrir tjaldgesti,"
segir konan.
Vatnspóstar eru með reglulegu
millibili. Hávaði berst til okkar af
barnaleikvellinum. Skammt það-
an er míni golf. Við aðalbygging-
una er stórt útigrill, til afnota fyr-
ir gesti. Þar er líka þvottahúsið.
Konan notar tækifærið og setur
óhreinan þvott í þvottavélina.
Við hliðina á þvottahúsinu eru
snyrtilegir baðklefar. „Þarna er
merkt hvar við getum losað ferða-
klósettið“, segi ég. „Já, og þarna
getum við losað skólptankinn á
bílnum,“ segir konan. Við lítum
sem snöggvast inn í sjónvarps-
herbergið. í setu- og veitingastof-
unni er auglýstur dansleikur fyrir
tjaldgesti, næstkomandi laugar-
dagskvöld. Þarna er líka sund-
laug. ísköld að venju, ekki fyrir
okkur hitaveitumeyra íslendinga.
Á heimleiðinni lítum við inn í
verslun staðarins, velbúna vör-
um er henta tjaldgestum. Reyndar
eru tjöld þarna í algerum minni-
hluta, aðallega hjólhýsi og hús-
bílar.
Ósjálfrátt verður mér hugsað
heim! „Já en við erum með sér-
íslenskar aðstæður," afsaka ég
mig með. „En hvað eru séríslensk-
ar aðstæður?", spyr hugurinn.
Við kynnumst nábúunum. Þau
fara heim um helgina. Hafa verið
hér í þrjár vikur. í næsta fríi
verðum við á einhverju öðru
tjaldstæði, segja þau. Kannski á
Costa del Sol, eða á öðrum ákjós-
anlegum stað. Eftir kl. 10 að
kveldi er umferð bíla óheimil um
svæðið og kl. 11 skal vera orðið
hljótt!
• Heima hefði ég hugsanlega
fengið að fylgjast með ölglöðum
nágrannanum halda veislu fram
undir morgun. En þá hefði líka
verið hljótt fram undir hádegi.
Kanski væri það betra, en að vera
rifinn upp með hávaða fyrir kl. 7
eins og hér tíðkast.
Þetta er sönn lýsing á ónefndu
tjaldstæði í norður Evrópu. Þetta
er ekki undantekning, heldur
miklu fremur reglan. Þessum
málum verðum við að fara að
sinna betur hér heima. Við verð-
um að fara að byggja alvöru
tjaldstæði. Þau þurfa að vera
aðlaðandi, og hvetja menn til að
staldra við nokkra daga, ekki
bara blá nóttina. Ekki að maður
hrekist burtu strax að morgni,
vegna ólyktar úr útikamrinum
eða drykkjuláta nábúans, sem er
alltof algengt!
Það væri rangt að halda því
fram að hér á landi sé ekkert að
gerast í þessum málum, undan-
tekningar eru frá þessari lýsingu.
Nokkrir, bæði opinberir og einka-
aðilar eru að byggja upp alvöru
tjaldstæði og þjónustu við tjald-
gesti um þessar mundir. Virðast
þeir leggja metnað sinn í að gera
þau sem best úr garði. En það
verður að kynna þessa staði, og
miðla réttum upplýsingum um
þá, svo að við er þessa þjónustu
kaupum getum treyst þeim upp-
lýsingum sem í boði eru og valið
gististaði eftir því.
Fyrir nokkrum árum rakst ég á
bækling um íslensk tjaldstæði.
Þar gaf á að líta. „Loksins sláum
við útlendingnum við,“ hugsaði
ég. „Hér eru fleiri merki en á
bestu stæðum erlendis. Já og
meira að segja flugvöllur á tjald-
stæðinu!“ En, Adam var ekki
lengi í paradís, ekki voru þetta
upplýsingar um hvað væri að
finna á tjaldsvæðinu þó að svo
mætti skilja á bæklingnum. Nei
þarna var talið upp hvað sveitar-
félagið hafði upp á að bjóða!
í svona bæklingi þarf að koma
skýrt fram, hvernig tjaldstæðin
eru útbúin, hvaða þjónustu er
þar að fá, og hvað býðst í ná-
grenninu. Tugir þúsunda nota sér
þessa þjónustu á hverju sumri,
bæði innlendir sem erlendir, svo
eftir einhverju er að sækjast.
Eðvald Friðriksson.
(Höfundur er formaður Flakkara, félags
húsbílaeigenda.)
Suður-Þingeyingar -
Húsvíkingar
Fræðslufundur um uppgræðsiu örfoka og lítt
gróins lands ásamt kynningu á stórum verkefn-
um sem eru í undirbúningi verður að Ýdölum
Aðaldal laugardaginn 22. febrúar.
Framsögumenn verða Andrés Arnalds, gróðurvernd-
arfulltrúi og Jón Guðmundsson, plöntulífeðlisfræðing-
ur.
Komiö og kynnist áhugaverðum verkefnum.
Skógræktarfélag Suður-Þingeyinga,
Búnaðarsamband Suður-Þingeyjarsýslu.
AKUREVRARB/ER
Viðtalstímar
bæjarfulltrúa
Mánudaginn 24. febrúar 1992, kl. 20-22 verða
bæjarfulltrúarnir Jón Kr. Sólnes og Þórarinn E.
Sveinsson til viðtals á skrifstofu bæjarstjóra að
Geislagötu 9, 2. hæð.
Bæjarfulltrúarnir munu svara símaviðtölum
eftir því sem aðstæður leyfa.
Síminn er 21000.
Bæjarstjóri.
Laugardagskvöldið 22. febrúar
Hljómsveitin KVARTETT
heldur uppi stuðinu fram eftir nóttu
★
Níels Ragnarsson leikur fyrir matargesti.
★
Eiginmenn/unnustar
Konudagstilboð
sunnudaginn 23. febrúar í veitingasölum II. hæð
Blandaðir sjávarréttir.
Frönsk buffsteik eða lambalæri með mildri piparsósu.
Kaffi og konfekt.
Verð aðeins kr. 1.650.
SÚLNABERGI
Rjómalöguð prinsessusúpa.
Ofnsteikt lambalæri „bearnaise" og/eða léttreykt svínalæri
með rauðvínssósu.
Salat að eigin vali og mokkafromage og íspinni fyrir börnin.
Verð aðeins kr. 1.100.