Dagur - 13.03.1992, Blaðsíða 7
Föstudagur 13. mars 1992 - DAGUR - 7
Úrbótamenn á Akureyri:
„Nauðsyulegt að leita allra
leiða í nýsköpun“
- segja Hólmsteinn Hólmsteinsson, Sveinn Heiðar Jónsson og Þórarinn Kristjánsson,
sem starfað hafa saman að athugunum á eflingu atvinnustarfsemi að undanfórnu
Frá vinstri: Hólmsteinn Hólmsteinsson, Þórarinn Kristjánsson og Sveinn
Heiðar Jónsson. Mynd: Golli
Atvinnumálin brenna á mörg-
um um þessar mundir og menn
hafa áhyggjur af hvert stefni.
Atvinnuleysistölur hækka
jafnt og þétt og ýmiskonar
starfsemi, sem sett hefur svip á
atvinnulífið - ekki síst á Akur-
eyri hefur átt í vök að verjast.
Þótt tekist hafl að efla sumar
atvinnugreinar á nýjan leik eft-
ir tímabil óvissu og erfíðleika
er Ijóst að áfram verður að
halda á þeirra braut og hvergi
má láta deigan síga. Gildir þar
einu hvort um atvinnugreinar
er að ræða, sem eiga sér
ákveðna hefð hér um slóðir
eða nýjungar er hentað geta til
þess að efla atvinnustarfsemi
og framleiðslu og þar með
eyfírska byggð.
Á síðastliðnu ári hafa þrír
Akureyringar komið reglulega
saman til þess að ræða um og
leita leiða til eflingar atvinnulífs á
Akureyri. Þeir eru Hólmsteinn
Hólmsteinsson, framkvæmda-
stjóri fyrirtækisins Möl og
sandur, Þórarinn Kristjánsson,
framkvæmdastjóri Gúmmí-
vinnslunar og Sveinn Heiðar
Jónsson, byggingameistari, sem
rekur eigið byggingafyrirtæki.
Starf þeirra er nú farið að bera
árangur og leitaði Dagur upplýs-
inga um af hverju þeir hefðu
myndað þennan vinnuhóp og
hvað þeir væru að fást við á þeim
vettvangi.
Töldum aö reynsla okkar
af atvinnulífínu gæti nýst
viö nýsköpun
Þeir kváðu upphafið að vinnu-
hópnum vera að þeir hefðu oft
hist og umræðuefnið þá gjarnan
verið atvinnumálin og hvort ekki
væri hægt að gera eitthvað til efl-
ingar atvinnulífinu á þeim tímum
sem það ætti í vök að verjast.
Þessar umræður hefðu síðan leitt
til þess að þeir hefðu ákveðið að
mynda formlegan vinnuhóp, og
hafist handa um að athuga mögu-
leika á nýrri atvinnustarfsemi.
Þeir kváðust allir hafa verið starf-
andi við atvinnurekstur um nokk-
urn tíma og því velt alvarlega fyr-
ir sér hvort sú reynsla sem þeir
hafi aflað sér, hver á sínum
starfsvettvangi gæti ekki nýst
þeim eitthvað við þá vinnu er
framundan væri. Þeir stofnuðu
síðan vinnuhópinn formlega 14.
janúar á síðastliðnu ári. Síðan þá
hafa þeir komið reglulega saman
og einnig haldið yfir 100 fundi
með ýmsum aðilum sem hafa
með atvinnumál að gera. Einkum
segjast hafa þeir hafa átt gott
samstarf við atvinnumálanefnd
Akureyrar og Iðnþróunarfélag
Eyjafjarðar.
Athugun á endurvinnslu-
starfsemi og umbúðagerð
í gangi
Þeir kváðust í fyrstu hafa farið
yfir ýmis mál og reynt að meta
hvað raunhæft væri að athuga
nánar með möguleika á að koma
einhverri starfsemi á fót.
Á síðastliðnu sumri fóru þeir í
könnunarferð til Þýskalands og
Austurríkis og í þeirri ferð athug-
uðu þeir meðal annars ýmsa
möguleika til endurvinnslu og
einnig framleiðslu á umbúðum,
sem þeir telja að geti átt framtíð
fyrir sér hér á Akureyri og hafa
síðan unnið að áframhaldandi
athugunum á slíkri starfsemi.
Eftir þessa utanlandsför var ljóst
að um nokkuð umfangsmikið
starf yrði að ræða. Safna þyrfti
miklu af upplýsingum - bæði
varðandi hráefnisöflun, allan
tæknilegan búnað til vinnslu og
síðast en ekki síst markaðsmál.
Til að vinna að nauðsynlegum
athugunum réðu þremenningarn-
ir Steinar Magnússon, tæknifræð-
ing, til starfa og hefur hann unnið
að athugunum og ýmiskonar
undirbúningsvinnu á þeirra veg-
um síðan á síðastliðnu sumri.
Þeir hafa einnig haft ákveðið
samstarf við fyrirtækið Sagaplast
á þeim sviðum sem snerta vinnslu
á plasti. Að undanförnu hefur
Sveinn Heiðar einkum unnið að
málefnum sem snerta ferðamál
og byggingu orlofshúsa. Þórarinn
hefur haft umsjón með þeim mál-
um sem falla undir endurvinnslu
og Hólmsteinn hefur starfað í
sambandi við málefni um bygg-
ingu hugsanlegs fríiðnaðarsvæðis
við Eyjafjörð auk þess serri þeir
vinna sameiginlega að ýmsum
athugunum.
Fjárfestingarsjóður -
fyrsta verkefnið
Fjármögnun er stór þáttur í að
koma atvinnustarfsemi á fót og
kváðust þremenningarnir strax
hafa farið að huga að möguleik-
um í því sambandi. Alltof oft hafi
verið farið af stað með atvinnu-
rekstur án þess að hafa neitt eigið
fé á milli handa og alfarið treyst á
lánsfé og ef til vill opinbera fyrir-
greiðslu sem síðar eigi að endur-
greiða. Slíkar leiðir séu útilokað-
ar og að undanförnu hafi afleið-
ingar þvílíkrar atvinnustarfsemi
verið að koma í ljós með mörg-
um gjaldþotum fyrirtækja. í
framhaldi af hugleiðingum þre-
menninganna um fjármögnunar-
þáttinn var ákveðið að stofna
fjárfestinarsjóð, sem hlotið hefur
nafnið Hlutabréfasjóður Norður-
lands. Sjóðurinn var stofnaður
14. nóvember síðastliðinn og í
stofnskrá hans er ákveðið að
hlutverk sjóðsins sé fyrst og
fremst að ávaxta það fé sem lagt
er í hann. í framtíðinni er síðan
stefnt að því að sjóðurinn geti
verið bakhjarl að nýsköpun í
atvinnulífinu. Stofnun sjóðsins
hlaut strax mjög góðar undirtekt-
ir og um áramót höfðu um 20
milljónir króna safnast í hann.
Nú eru um 30 milljónir í sjóðnum
og skiptast þær á fjölmarga eig-
endur sem lagt hafa fram fé til
ávöxtunar. Hluthafar eru þegar
orðnir yfir 260 en enginn einn
aðili er áberandi sterkur innan
sjóðsins og í því sambandi má
geta þess að Akureyrarbær er
stærsti hlutafjáreigandi hans með
eina milljón króna. Þremenning-
arnir sögðu að vantað hefði nýjan
valkost í fjárfestingum, sem
starfaði á norðlenskum grund-
velli. Þær góðu viðtökur sem
hann hefði þegar fengið gæfu
vissulega vonir um að um öflugan
sjóð verði að ræða í framtíðinni.
Þremenningarnir liafa nú lokið
sínu verkefni hvað stofnun sjóðs-
ins varðar og er hann nú rekinn
sem almenningshlutafélag, sem
þeir telja ótvíræðan kost.
Viljum fá fleiri aðila
til samstarfs
Nú eru uppi hugmyndir um að
útvíkka þennan starfshóp um
atvinnumál. Þremenningarnir
segja nauðsynlegt að fá fleiri
aðila til að takast á við þessi verk-
efni. Með því vaxi hugmynda-
bankinn og starfið eflist. Nú er
verið að vinna að tveimur hug-
myndum sem tengjast endur-
vinnslu og að undanförnu hefur
verið athugað um tæknilega
möguleika - meðal annars hvaða
vélar komi til greina í því sam-
bandi. Þá eru þremenning-
arnir þátttakendur í umræðum
sem nú eru hafnar um að mynda
tollfrjálst atvinnusvæði við
Eyjafjörð er opna myndi ýmsa
möguleika varðandi útflutnings-
starfsemi ef af verður. Að þessu
máli hafa þeir þremenningar
einkum unnið í samstarfi við
atvinnumálanefnd Akureyrar-
bæjar.
Háskólinn á Akureyri
styrkir atvinnulífíð
Þremenningarnir lögðu áherslu á
að í athugunum og undirbúnings-
vinnu sem þessari mætti ekki
sýna bráðlæti eða vænta of mikils
strax í byrjun. Vinna yrði að
atvinnumálum á þennan hátt
skref fyrir skref og ekki rasa um
ráð fram eins og alltof oft hafi átt
sér stað á undanförnum árum.
Athuga verði allar aðstæður
gaumgæfilega áður en hafist
verði handa - bæði hvað varði
fjármögnunarleiðir og ekki síður
framleiðslu- og markaðsmögu-
leika. Undirbúningsvinnan hafi
að mestu verið fólgin í þessum
þáttum hingað til. Þrátt fyrir að
þremenningarnir séu allir starf-
andi í atvinnurekstri og veiti
atvinnufyrirtækjum forstöðu þá
hafi þeir fyrst og fremst hafist
handa vegna hins almenna
atvinnuástands hér á svæðinu. í
því sambandi þurfi ekki síst að
huga að þeim möguleikum sem
sjávarútvegurinn skapi. Akureyr-
ingar hafi ætíð haft tilhneigingu
til þess að líta fyrst og fremst á
Akureyri sem iðnaðarbæ en ekki
gefið sjávarútveginum nægilegan
gaum. Með stofnun Háskólans á
Akureyri hafi hins vegar opnast
möguleikar á þvf sviði sem verði
að nýta atvinnulífinu til hagsbóta
auk þess að tengja starfsemi
Háskólans atvinnulífinu eins og
frekast sé unnt.
Þeir félagarnir sögðu að þótt
nauðsynlegt sé að leita allra leiða
varðandi nýsköpun í atvinnulíf-
inu hér á svæðinu hafi enn
ekki verið tekin ákvörðun um
stofnun neins fyrirtækis utan
Hlutabréfasjóðsins en ýmsar
athuganir séu í gangi í því sam-
bandi, einkum á sviði endur-
vinnslumála og mögulega verði
þess ekki langt að bíða að
atvinnustarfsemi hefjist. Þeir
lögðu þó þunga áherslu á að ekki
verði farið að stað með neinn
atvinnurekstur fyrr en séð verði
að rekstrargrundvöliur verði
tryggður. ÞI
o
15%
Oi
flfSLÁTTUfi
fl BflflUÐOSTI
I kílóapakkningum.
Áðijr 812 kr. Nú 690 kr.
Aðeins í nokkra daga.
Þú' sparor J
122 kr. á kíIójj