Dagur - 09.04.1992, Blaðsíða 14

14 - DAGUR - Fimmtudagur 9. apríl 1992
Akall um hjálp!
Mannréttindasamtökin Amnesty
International vilja vekja athygíi
þína á þeim mannréttindabrotum
sem sagt er frá hér að neðan og
vonar að þú sjáir þér fært að
skrifa bréf til hjálpar fórnarlömb-
um þessara mannréttindabrota.
Þú getur lagt fram þinn skerf til
þess að samviskufangi verði lát-
inn laus eða að pyntingum verði
hætt. Boðskapur þinn getur fært
fórnarlömbum „mannshvarfa"
frelsi. Þú getur komið í veg fyrir
aftöku. Fórnarlömbin eru mörg
og mannréttindabrotin margvís-
leg, en hvert bréf skiptir máli.
íslandsdeild Amnesty gefur
einnig út póstkort til stuðnings
því fólki sem hér er sagt frá, og
krefst einungis undirskriftar
þinnar. Hægt er að gerast áskrif-
andi að þessum kortum með því
að hringja á skrifstofu samtak-
anna að Hafnarstræti 15, virka
daga frá kl. 16-18 í síma 16940
eða senda okkur línu í pósthólf
618, 121 Reykjavík.
Gvatemala
Axel Mejía er starfsmaður
Covenant House athvarfsins fyrir
heimilislaus börn í Gvatemala-
borg. Hann hefur verið áreittur,
barinn og fengið hótanir frá því í
nóvember 1990 þegar hann gerði
tilraun til að hindra 13 starfs-
menn Borgaralegu öryggissveit-
anna (SIPROCI) við barsmíðar á
þrem heimilislausum börnum.
í SIPROCI eru einnig meðlim-
ir úr þjóðarlögreglunni, fjármála-
lögreglunni og herlögreglunni.
Atburðurinn í nóvember 1990
gerðist fyrir utan Covenant
House athvarfið, sem hefur verið
í fararbroddi í að rannsaka glæpi
lögreglunnar gagnvart heimiiis-
lausum börnum. Þar er m.a. um
að ræða áreitni, pyndingar, óút-
skýrð mannshvörf og dráp. Axel
Mejía þekkti tvo árásarmennina
sem meðlimi í þjóðarlögreglunni
og fjármálalögreglunni.
Mánuði síðar, reyndu fimm
vopnaðir menn, þar af einn sem
var íklæddur grænni herpeysu, að
ræna Axel Mejía er hann var á
leið heim til sín í Gvatemala-
borg. Fjölskylda hans skarst í
leikinn og kom í veg fyrir brott-
nám hans.
Axel Mejía var aðalvitni í
rannsókn, sem fram fór um miðj-
an apríl 1991, á misþyrmingum
barnanna þriggja. Tveim vikum
seinna bárust honum nafnlausar
hótanir í gegnum síma. í maí var
hann orðinn svo hræddur um líf
sitt að hann flutti frá Gvatemala
til Mexíkó. Hann sneri aftur
heim í ágúst og byrjaði strax að
vinna í Covenant House við
endurhæfingu eiturlyfjaneytenda
í San Mateo Milpas Auas sem er
stjórnsýslulegur hluti Antígua
Guatemala, Sacatepéquez deild-
ar. Hinn 10. nóvember 1991
komu tveir óþekktir menn að
endurhæfingastöðinni og spurðu
eftir Axel Mejía. Þegar þeir voru
spurðir að nafni sögðu þeir:
„Axel veit hverjir við erum,“ og
fóru svo. Amnesty International
hefur ríka ástæðu til að óttast um
öryggi Axel Mejía.
Vinsamlegast sendið kurteisleg
bréf og farið fram á að allar
nauðsynlegar ráðstafanir verði
gerðar til að tryggja öryggi Axel
Mejía og koma í veg fyrir hefnd-
araðgerðir gegn honum fyrir þátt
hans í að verja heimilislaus börn
gegn mannréttindabrotum.
Skrifið til:
Presidente Jorge Serrano Elías
Presidente de la República de Guatemala
Palacio Nacional
Guatemala.
Mjanmar
U Nu, hinn 85 ára gamli fyrrver-
andi forsætisráðherra Mjanmar
(áður Búrma) var settur í stofu-
fangelsi 29. desember 1989 af
Ríkisstofnuninni um endurreisn
laga- og reglna (SLORC) sem
eru ríkjandi hernaðarleg yfirvöld
í Mjanmar.
U Nu var handtekinn fyrir að
neita að segja af sér sem meðlim-
ur í táknrænni samsteypustjórn
sem hann og stuðningsmenn hans
mynduðu í september 1988, á
hátindi þjóðaruppreisnar gegn 26
ára herstjórn í landinu. U Nu
lýsti því yfir að hann væri enn
lögmætur forsætisráðherra
Búrma, eftir sigur í kosningum
sem voru haldnar 1960. Arið
1962 var hann handtekinn í upp-
reisn hersins sem hershöfðinginn
Ne Win leiddi, og sat í fangelsi í
4 ár. Hann hefur staðfastlega
neitað að segja af sér sem for-
sætisráðherra samsteypustjórnar-
innar, nema hershöfðinginn, Ne
Win, viðurkenni að hann hafi haft
rangt fyrir sér þegar hann rændi
völdum.
Eftir að U Nu var sleppt úr
haldi, dvaldist hann 11 ár í útlegð
en sneri aftur til Mjanmar árið
1980 þegar fyrirskipuð var
almenn sakaruppgjöf. Þegar að
hreyfing lýðræðisins var sem
sterkust árið 1988, stofnaði U Nu
Bandalagið fyrir lýðræði og friði.
Var bandalagið löglega skráður
stjórnarmálaflokkur í byrjun, en
lýst ólöglegt af SLORC í febrúar
1991. U Nu var einnig meinað að
taka þátt í kosningunum í maí
1990, þar sem Þjóðarbandalag
lýðræðisins vann sigur. Samt sem
áður hefur SLORC ekki enn
afsalað sér völdum til réttkjörinn-
ar ríkisstjórnar landsins.
U Nu er haldið í stofufangelsi
án undangenginna réttarhalda né
ákæru á hendur honum, sam-
kvæmt lögum frá árinu 1975.
Samkvæmt þeim er leyfilegt að
halda einstaklingi í allt að 5 ára
gæsluvarðhaldi. U Nu sem er
búddisti er haldið í einangrun,
ásamt konu sinni, á heimili þeirra
í Rangún.
Vinsamlegast sendið kurteisleg
bréf og farið fram á að U Nu
verði látinn laus nú þegar og án
nokkurra skilyrða.
Skrifið til:
Senior General Saw Maung
Chairman
StateLawand Order Restoration Council
Yangon
Union ofMyanmar.
Máritanía
Sow Abou Mamadou, er 33 ára
gamall undirforingi í sjóhernum,
frá Djéol í suðurhluta Mauri-
taniu, sem „hvarf“ eftir að hann
var handtekinn í desember 1990
og var síðan haldið í einangrun-
arvarðhaldi í höfuðborginni
Nouakchott. Samkvæmt sumum
heimildum er jafnvel talið að
hann hafi látist af völdum pynd-
inga í varðhaldinu.
Sow Abou Mamadou er einn
þúsunda svartra Máritaníu-
manna, sem handteknir voru í
nóvember og desember 1990,
flestir af Hal-Pulaar- eða Fula-
ættbálki. Þetta gerðist í kjölfar
tilraunar sem gerð var til þess að
kollvarpa ríkisstjórninni sem er
stýrt af þjóðernishópi Mára.
Yfirvöld hafa þó ekki getað lagt
fram neinar sannanir um að raun-
verulegt valdarán hafi verið í
undirbúningi og er ástæða til að
ætla að handtökurnar hafi verið
framkvæmdar vegna þjóðernis
þeirra sem voru handteknir.
Fangarnir voru pyndaðir í
bækistöðvum hersins og á lög-
reglustöðvum. Voru margir
hengdir með fæturna upp í loft og
barðir á iljarnar. Aðrir fengu raf-
Nýtt Samkort, sem er tengi-
kort við Eurocard og þannig
fullgilt kort á alþjóðlegan
mælikvarða, hefur nú séð
dagsins Ijós. Kreditkort hf.
gefur þetta kort út í samvinnu
við Samtök samvinnuverslana,
en það eru samtök allra þeirra
kaupfélaga á íslandi sem reka
smásöluverslun.
Þetta nýja kort skartar mynd af
eldfjallinu Heklu á framhlið, og
er þannig í sama stíl og önnur
kort fyrirtækisins sem sýna
íslenskt landslag. Nýja Samkort-
ið er hið fyrsta í röð svokallaðra
tengikorta sem Kreditkort hf.
gefur út, en svo nefnast þau
Eurocard greiðslukort sem gefin
eru út í samvinnu við samtök og
félög. Eins og komið hefur fram í
fréttum verður síðar á þessu ári
hafin útgáfa svokallaðs Sport-
magnsstraum í kynfærin eða hold
þeirra brennt. Enn aðrir voru
grafnir lifandi eða hengdir án
nokkurra réttarhalda. Svipað
ferli pyndinga og aftakna án
réttarhalda hefur verið þekkt í
Máritaníu síðan 1986. Amnesty
International hefur upplýsingar
um nöfn 339 fanga sem hafa
„horfið“ eða verið drepnir.
Ríkisstjórnin tilkynnti í apríl
1991 að öllum þeim, sem hand-
teknir voru í nóvember og des-
ember 1990, hefði verið sleppt.
Samt sem áður var Sow Abou
Mamadou og hundruðum ann-
arra pólitískra fanga ekki sleppt
og eru mál þeirra óleyst. Ríkis-
stjórnin lét stofna nefnd til þess
að rannsaka kringumstæður við
handtökur þeirra, ástæðurnar
fyrir þeim og meðferð fanganna í
varðhaldi. Eingöngu starfsmenn
hersins eiga að sögn sæti í nefnd-
inni þ. ám. nokkrir sem grunaðir
eru um að hafa tekið þátt í yfir-
heyrslu fanganna eftir handtöku.
Störfum nefndarinnar er að öll-
um líkindum lokið þó enn hafi
engar niðurstöður rannsóknar-
innar verið gerðar opinberar.
Vinsamlegast sendið kurteisleg
bréf, ef hægt er á frönsku eða
arabísku, og farið þess á leit að
hafin verði rannsókn á afdrifum
Sow Abou Mamadou og hundr-
uða annarra „horfinna“, og að
þeir sem gefið hafi út fyrirskipan-
ir eða framkvæmt pyndingar, eða
aftökur án dóms og laga, verði
leiddir fyrir dómstóla.
Skrifið til:
Son Excellence Monsieur le Colonel
Maaouya Ould Sid’ Ahmed Taya
Président du Comité militaire
de salut national
Chefde l’Etat
BP184
Nouakchott
Mauritanie
korts í samvinnu við íþróttafélög
í landinu.
Nýja Samkortið er sérstakt að
því leyti, að það getur auk þess
að vera alþjóðlegt greiðslukort
einnig verið félagsmannakort í
kaupfélögunum. Þannig er allt í
einu korti, - greiðslukort og fé-
lagsmannakort. Sem félagsmanna-
kort veitir Samkortið korthafan-
um ýmis hlunnindi, svo sem
aðgang að sérstökum tilboðum;
afslátt og fréttabréf. Nokkur rétt-
indi í öðrum kaupfélögum fylgir
einnig félagsaðild, og ýmsar leið-
ir verða skoðaðar til að auka gildi
félagsaðildar í kaupfélagi.
Á meðan nýja Samkortið verð-
ur markaðsfært undir kjörorðun-
um „í heimabyggð og heiminum
öllum“, þá munu kaupfélögin
áfram leggja áherslu á, að
„Kaupfélagið er gott fyrir alla, -
en best fyrir félagsmenn“.
Orlofsferðir
Vlf. Einingar sumarið 1992.
Sjö daga hringferð um landið verður farin dag-
ana 23. til 29. júlí ef næg þátttaka fæst. Gist verð-
ur á hótelum í tveggja manna herbergjum með upp-
búnum rúmum.
Verð kr. 30.000,00 or. mann.
Innifalið í verði: Akstur, gisting, morgun- og kvöld-
verður.
Þriggja daga ferð í Landmannalaugar dagana 7.
til 9. ágúst ef næg þátttaka fæst.
Verð kr. 5.000,00 pr. mann.
Innifalið í verði: Akstur og grillveisla á laugardags-
kvöld. Að öðru leyti verður fólk að nesta sig sjálft.
Hámarksfjöldi er 40 manns í hvora ferð.
Dagsferð aidraðra verður farin iaugardaginn 15.
ágúst í Skagafjörð.
Allar nánari upplýsingar um ferðatilhögun og skrán-
ing í ferðirnar er á aðalskrifstofu félagsins, Skipa-
götu 14, Akureyri, sími 23503.
Tekið á móti pöntunum frá og með mánu-
deginum 4. maí nk.
FERÐANEFND. EININGAR.
Gunnar R. Bæringssun, framkvæmdastjóri Kreditkorts hf. (til hægri),
afhendir Þóri Páli Guðjónssyni, formanni Samtaka samvinnuverslana, fyrsta
nýja Samkortið.
Nýtt Samkort
- í senn alþjóðlegt greiðslukort og
félagsmannakort í kaupfélögunum