Dagur - 03.12.1992, Blaðsíða 2
2 - DAGUR - Fimmtudagur 3. desember 1992
Fréttir
Iðgjöld til Lífeyrissjóðs Norðurlands 600 milljónir á komandi ári:
Eígnir aðildarsjóðanna um 6,5 milljarðar króna
Staða þeirra sex lífeyrissjóða
sem stóðu að stofnun Lífeyris-
sjóðs Norðurlands á Blönduósi
sl. þriðjudag er ærið misjöfn.
Lífeyrissjóðurinn Björg á
Húsavík og Lífeyrissjóður
stéttarfélaganna í Skagafirði
eru sýnu stöndugri en aðrir og
er það fyrst og fremst betri
ávöxtun sem skilur þá að frá
öðrum sjóðum, en skammt þar
á eftir kemur Lífeyrissjóðurinn
Sameining á Akureyri.
Aldurssamsetning félaga í Líf-
eyrissjóði stéttarfélaganna í
Skagafirði er mjög hagstæð, þ.e.
félagsmenn eru yngri en í öðrum
sjóðum og ennfremur er hlutfall
kvenna mjög lágt í þeim sjóði, en
félagsmenn í Verkakvennafélag-
inu Öldunni á Sauðárkróki
greiða iðgjöld til Lífeyrissjóðs
verkalýðsfélaganna á Norður-
landi vestra, sem er afleiðing af
gömlu pólitísku deilumáli á
Sauðárkróki. Konur eru almennt
„dýrari“ félagar í lífeyrissjóðum,
sérstaklega hvað varðar örorku-
lífeyri.
A stofnfundinum var gert grein
fyrir mati sem byggir á stöðu líf-
eyrissjóðanna í árslok 1991 og
þar kom fram að um 20% vanti
upp á að sjóðirnir eigi fyrir skuld-
bindingum miðað við 3,5%
Cf
ávöxtun. Ljóst er hins vegar að
ávöxtun sjóðanna er töluvert
hærri, hefur verið sl. fimm ár
6,5% að meðalatali og hafa líf-
eyrissjóðirnir tryggt sér þokka-
lega góða ávöxtun næstu tíu ár í
það minnsta með fjárfestingum í
skuldabréfum til lengri tíma sem
gefa góða vexti. Þegar tekið er
tillit til þessara staðreynda, er
það mat tryggingafræðinga að
sameiginlega eigi sjóðirnir fyrir
skuldbindingum.
Eign aðildarsjóða Lífeyris-
sjóðs Norðurlands var í árslok
1991 5,2 milljarðar króna og mun
hækka um rúman milljarð milli
ára og verður um 6,5 milljarðar í
árslok 1992. Eign annarra norð-
lenskra lífeyrissjóða, sem ekki
eru aðilar að hinum nýja lífeyris-
sjóði, er um 3,0 milljarðar króna.
Ef allir sjóðirnir hefðu verið með
væri heildareign sjóðsins um 8,2
milljarðar króna, þ.e. sjóðurinn
væri sá fjórði stærsti á landinu,
næst á eftir Lífeyrissjóði verslun-
armanna, Lífeyrissjóði starfs-
manna ríkisins og Lífeyrissjóði
sjómanna.
Iðgjöld til Lífeyrissjóðs
Norðurlands munu nema um 600
milljónum næsta ár, en geta má
þess að um helmingur allra ið-
gjalda á Norðurlandi rennur til
lífeyrissjóða, sem staðsettir eru í
=":........ " ; ' 'V~........
®
Hluthafafundur
Hluthafafundur í Eignarhaldsfélaginu
Iðnaðarbankinn hf. verður haldinn í
Súlnasal Hótels Sögu, Reykjavík,
föstudaginn 11. desember nk.
og hefst hann kl. 16.00.
Á fundinum verður samrunasamningur
félagsins við íslandsbanka hf. kynntur og bor-
inn upp til samþykktar, en á aðalfundi 1. apríl
sl. var stjórn félagsins heimilað að undirbúa
samruna þess við Islandsbanka hf.
Dagskrá
1. Tillaga stjórnar félagsins um
samruna við íslandsbanka hf.
2. Önnur mál, löglega upp borin.
Aðgöngumiðar að fundinum verða afhentir
hluthöfum og umboðsmönnum þeirra í íslands-
banka hf., Bankastræti 5 (4. hæð), Reykjavík,
dagana 8., 9. og 10. desember nk., svo og á
fundardegi.
Samrunasamningur við íslandsbanka hf.
ásamt fylgiskjölum og tillögum þeim, sem fyrir
fundinum liggja, verða hluthöfum til sýnis á
sama stað frá 4. desember nk.
Reykjavík, 1. desember 1992
Stjórn Eignarhaldsfélagsins
Iðnaðarbankinn hf.
Reykjavík og ávaxta sitt pund
þar að langmestu leyti. Á
Norðurlandi ætti því að geta ver-
ið mjög stöndugur lífeyrissjóður
með iðgjaldagreiðslur að upphæð
allt að 1,2 milljörðum króna ef
engar iðgjaldagreiðslur færu úr
fjórðungnum.
Það fé sem kemur aftur heim í
hérað frá sjóðunum á suðvestur-
horninu er nær eingöngu í formi
sjóðfélagalána.
Kári Arnór Kárason, formaður
Alþýðusambands Norðurlands
og stjórnarformaður Lífeyris-
sjóðs Norðurlands, segist viss um
að fleiri norðlenskir sjóðir muni
koma til liðs við hinn nýja sjóð,
enda séu margir smærri lífeyris-
sjóðir landsins mjög óhagstæð
rekstrareining og það sé bæði
þeirra hagur og þeirra félaga að
sameinast í sterkari einingu. í
dag eru starfandi 83 lífeyrissjóðir
í landinu, 27 í Sambandi almennra
lífeyrissjóða, 37 í Landssam-
bandi lífeyrissjóða og 19 utan
þessara lífeyrissjóðasambanda.
Það er samdóma álit að lífeyris-
sjóðirnir séu allt of margir, en
menn greinir á um leiðir til fækka
þeim og minnka þar með kostn-
aðinn sem fylgir rekstri þeirra.
Hjá 50 milljón manna þjóð eins
og Frökkum eru starfandi 200 líf-
eyrissjóðir og þykir mörgum yfrið
nóg, en hér eru þeir 83 hjá 250
þúsund manna þjóð. Rekstrar-
kostnaður lífeyrissjóðanna er
samtals um 250 milljónir króna,
eða þúsund krónur á hvert
mannsbarn, en með fækkun
þeirra yrði einnig að fækka starfs-
fólki, sem ekki er síður viðkvæmt
mál. GG
Sundlaugin í Glerárhverfi lokuð vegna viðgerða:
„Ýmislegt hefiir látíð á sjá þrátt
fyrir að mannvirkið sé ungt að árum“
- segir Ágúst G. Berg, deildarstjóri byggingadeildar Akureyrarbæjar
Sundlaugin í Glerárhverfi á
Akureyri verður lokuð dagana
16. til 22. desember. Lokað
verður vegna viðgerða, en
ýmislegt hefur látið á sjá þrátt
fyrir að mannvirkið sé ungt að
árum.
Að sögn Ágústar G. Berg,
deildarstjóra byggingadeildar
Akureyrarbæjar, er ekki ljóst
enn í hve mikið verður ráðist.
Tvennt verður látið sitja fyrir. í
fyrsta lagi þarf að fúga upp á nýtt
laugarbarmanna með enn sterk-
ara efni en gert var í upphafi. í
öðru lagi hefur gólfefni frá Efna-
verksmiðjunni Sjöfn ekki reynst
sem skyldi. Efnið hefur flagnað
upp af gólfum búningsherbergja,
úr sturtum og á göngum. Efnið
var lagt út af starfsmönnum
Híbýlis hf. þegar það var og hét.
Híbýli hf. varð gjaldþrota á bygg-
ingartíma sundlaugarinnar.
„Gólfefnið á laugarsalnum hef-
ur hinsvegar dugað með ágætum,
Hér verður lokað dagana 16. til 22. desember.
Mynd: Robyn
en það var lagt út eftir starfslok
Híbýlis, þ.e. af öðrum fagmönn-
um. í fleira þyrfti að ráðast.
Skápa þarf að laga sem hurðir í
búningsklefum. Rætt er um að
setja upp hljóðeinangrun í ganga
og búningsklefa. Loka þarf
sprungum í veggjum og lagfæra
festingar á sturtuhönum, yfirfara
dælur og setja nýjan innstreymis-
loka. Já, í mörg horn er að líta og
nú er að sjá hvort fjármagn fæst
til að ljúka öllum verkþáttum,"
segir Ágúst G. Berg. ój
Húsavík:
Stefnt að opnun matvöru-
verslunar eftir viku
- Albert Arnarsson ráðinn verslunarstjóri
Albert Arnarsson hefur verið
ráðinn verslunarstjóri í nýja
matvöruverslun að Garðars-
braut 62 á Húsavík. Ekki hefur
endanlega verið gengið frá
kaupum Árna G. Gunnarsson-
ar og Hannesar Höskuldssonar
á þrotabúi Kjarabótar hf., en
skrifað hefur verið undir kaup-
samning með fyrirvara.
Árni Grétar sagði í samtali við
Dag að þeir félagar vonuðust til
að fá húsnæðið afhent sem fyrst,
þannig að þeir gætu opnað versl-
un á fimmtudag eða föstudag í
næstu viku. „Þetta verður fyrst
og fremst matvöruverslun, með
bónussniði. Við stefnum á að
vera með lágt vöruverð og
kannski færri vöruflokka en voru
fyrir. Hver eining af vöru verður
ekki verðmerkt og ekki tekin upp
úr kössunum í öllum tilfellum.
Við verðum með kjötborð, að
minnsta kosti til að byrja með,“
sagði Árni Grétar. Aðspurður
sagði hann að Bónus væri ekki
með í fyrirhuguðum verslunar-
rekstri, að öðru leyti en því að
notað yrði sama innkaupakerfi
og hjá Bónusverslununum og
verslað með sömu vörurnar að
mestu. Starfsmenn í nýju versl-
uninni verða 3-4. „Ég er
bjartsýnn, annars þvddi ekki að
reyna þetta,“ sagði Árni Grétar.
IM
Akureyri:
Raimsóknarlögreglan
lýsir eftir vitnum
- að líkamsárás í 1929
Rannsóknarlögreglan á Akur-
eyri lýsir enn á ný eftir sjónar-
vottum að fólskulegri líkams-
árás er var framin á dansgólfi
skemmtistaðarins 1929 aðfara-
nótt 21. nóvember.
Að sögn rannsóknarlögreglu-
manns á Akureyri hefur lögregl-
an fengið ýmsar ábendingar
vegna fólskuverksins í 1929, er
piltur var barinn og skallaður í
andlitið. Meiðsl piltsins voru
nokkur en ekki eins alvarleg og
álitið var í fyrstu.
„Ekkert hald hefur verið í
þeim ábendingum er lögreglunni
hafa borist fram að þessu. Því er
svo að við hvetjum sjónarvotta
að gefa sig fram við lögregluna á
Akureyri,“ segir talsmaður rann-
sóknarlögreglunnar. ój