Dagur - 28.04.1993, Blaðsíða 4
4 - DAGUR - Miðvikudagur 28. apríl 1993
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 96-24222
ÁSKRIFT KR. 1200ÁMÁNUÐI
LAUSASÖLUVERÐ KR. 110
GRUNNVERÐ DÁLKSENTIMETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
GEIR A. GUÐSTEINSSON, HALLDÓR ARINBJARNARSON (íþróttir),
INGIBJÖRG MAGNÚSDÓTTIR (Húsavík vs. 96^41585, fax 96-42285),
JÓHANN ÓLAFUR HALLDÓRSSON,
ÓLI G. JÓHANNSSON, ÓSKAR ÞÓR HALLDÓRSSON,
SIGRIÐUR ÞORGRÍMSDÓTTIR (Sauðárkróki vs. 95-35960, fax 95-36130),
STEFÁN SÆMUNDSSON, ÞÓRÐUR INGIMARSSON
LJÓSMYNDARI: ROBYN ANNE REDMAN
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRIMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 96-27639
Kaupfélag Eyfirðinga
Árið 1992 varð Kaupfélagi Eyfirðinga þungt í
skauti eins og margra annarra fyrirtækja hér á
landi. Samdráttur varð á mörgum rekstrarsvið-
um sem erfitt var að ganga til móts við með
lækkun á þeim kostnaði er til fellur í umfangs-
mikilli starfsemi. Þrátt fyrir almennan samdrátt í
efnahagslífi og óhagstæð ytri skilyrði var þó
unnt að komast hjá rekstrartapi. Rekstur Kaup-
félags Eyfirðinga kom út með nokkrum hagnaði
þótt hann væri minni en vonir höfðu staðið til í
upphafi síðastliðins árs.
Rekstur flestra dótturfyrirtækja félagsins var
á hinn bóginn gerður upp með tapi. Ástæðna
þess má fyrst og fremst leita í hinum ytri skil-
yrðum því rekstur þeirra er í mörgum tilfellum
viðkvæmari fyrir sveiflum í efnahagslífinu en
rekstur sjálfs móðurfélagsins. Má þar meðal
annars nefna að gengisbreytingar hafa meiri
áhrif á rekstur útgerðarstarfsemi en flestra ann-
arra atvinnugreina. Kemur það skýrt fram í
rekstri Útgerðarfélags Dalvíkinga, eins af dótt-
urfyrirtækjum kaupfélagsins, en rekstur þess
gekk erfiðlega á liðnu ári. Má þar einkum um
kenna gengisfellingu í desember þótt viðhalds-
kostnaður á skipum hafi einnig skapað því erfið-
leika auk fleiri þátta. Þá stendur Kaupfélag Ey-
firðinga fyrir sölustarfsemi á íslensku vatni á
neytendamarkaði í Bandaríkjunum. Sú starfsemi
er bæði fjárfrek og áhættusöm, en engu að síður
ein af þeim leiðum sem okkur er nauðsynlegt að
reyna varðandi þá nýsköpun í íslensku atvinnu-
lífi sem er nauðsyn.
í ræðu Magnúsar Gauta Gautasonar, kaupfé-
lagsstjóra, á aðalfundi félagsins í fyrradag kom
fram að eftir fyrstu átta mánuði ársins hafi
stefnt í verulega lækkun á fjármagnskostnaði á
milli ára. Á síðustu fjórum mánuðum þess hafi
þessi kostnaður hækkað verulega vegna þess að
Bandaríkjadalur hækkaði í verði auk þess sem
gengi krónunnar var fellt í desember. Þar sé að
finna helstu orsakir þess að hagnaður félagsins
varð minni og tap dótturfyrirtækja meira en
rekstraráætlanir gerðu ráð fyrir. Hinir jákvæðu
þættir í rekstri félagsins eru aftur á móti þeir að
skuldir þess hafa lækkað og fjármunamyndun í
rekstri aukist. Sú þróun skiptir verulegu máli
þegar horft er til framtíðar. Fjármunamyndunin
auðveldar félaginu að greiða niður skuldir og er
það eina leiðin til þess að draga úr þeim fjár-
magnskostnaði sem nú skapar erfiðleika í
rekstri. Fjármagnskostnaður er að sliga mörg
fyrirtæki í íslensku atvinnulífi. Með forsjálni og
aðhaldi auk framsýni er unnt að ráðast að rótum
hans hvað sem stjórnvaldsaðgerðum líður. Það
hafa forsvarsmenn Kaupfélags Eyfirðinga gert.
Rekstur kaupfélagsins og fyrirtækja þess er
mjög mikilvægur fyrir atvinnulíf á Akureyri og í
eyfirskri byggð. Því er nauðsynlegt að vel takist
að stýra honum í því umróti er einkennir ís-
lenskt efnahagslíf. Með aukinni fjármunamynd-
un í rekstri og lækkun skulda er stefnt að því
marki. ÞI
Hermann Tómasson formaður BA afhendir Sigurði Hermannssyni á Verkfræðistofu Norðurlands, sigurlaunin í
firmakeppni félagsins. Mynd: Robyn
Firmakeppni Bridgefélags Akureyrar:
Verkfræðistofa Norðurlands sigraði
Firmakeppni Bridgefélags
Akureyrar er nýlokið. 42 firmu
tóku þátt í keppninni að þessu
sinni.
Verkfræðistofa Norðurlands
sigraði með 116 stig en spilari var
Sigurbjörn Þorgeirsson. í 2. sæti
varð Herradeild JMJ með 112
stig, spilari Páll Pálsson og í 3.-4.
sæti Smjörlíkisgerð KEA, spilari
Sverrir Þórisson og Sigtryggur og
Pétur, spilari Kristján Guðjóns-
son með 111 stig.
Samhliða firmakeppninni fór
fram einmenningskeppni félags-
ins og þar sigraði Sigurbjörn
Þorgeirsson einnig með 215 stig.
Sigurbjörn hefur staðið sig mjög
vel í vetur og sigrað á hverju
mótinu af öðru. I 2. sæti varð
Kristján Guðjónsson með 209
stig og í 3. sæti Sverrir Þórisson
með 205 stig.
Átaksverkefnið Vaki:
Verkefiii næg en fjármögnun
helsti þröskuldurinn
- segir Elín Antonsdóttir, verkefnisstjóri
Nú er hálft ár liðið frá því
átaksverkið Vaki hófst. Þetta
er atvinnuátaksverkefni í fjór-
um sveitarfélögum við Eyja-
fjörð, þ.e. Eyjafjarðarsveit,
Svalbarðsstrandarhreppi, Grýtu-
bakkahrcppi og Hálshreppi.
Verkefnið hófst með Ieitarráð-
stefnu síðastliðið haust en út úr
henni komu 7 vinnuhópar sem
eru að störfum. Að sögn Elín-
ar Antonsdóttur, verkefnis-
stjóra, er vinnan í hópunum
mislangt á veg komin en ein-
kennandi er hve mikill áhugi er
meðal þátttakenda. „Ég held
að verkefnið sé ekki illa á
vegi statt. Byrjunin er góð en
meginvandinn er að finna leið-
ir til að fjármagna verkefnin.
Þau eru næg,“ sagði Elín.
Eins og búast má við miðað við
sveitarfélögin sem taka þátt í
átaksverkefninu snúast verkefnin
að nokkru leyti um landbúnað.
Þannig er einn starfshópanna að
gera athugun á möguleikum
kornræktar á svæðinu og verður í
sumar ræktað korn í tilraunareit-
um víða um svæðið, jafnframt
sem gerðar verða hitamælingar.
Ennfremur munu nokkrir bænd-
ur verða með meiri ræktun á
jörðum sínum, þ.e. í 1-2 hektur-
um hver. Að fenginni reynslu
sumarsins verður auðveldara að
meta hvort aukin kornrækt er
möguleg tekjulind fyrir bændur á
svæðinu.
í haust eru væntanlegar kart-
öflur á markaðinn frá fram-
leiðendum sem vinna í starfshópi
undir merkjum vöruþróunar í
landbúnaði. Elín Antonsdóttir
segir að í starfshópnum sé þessa
dagana verið að ganga frá vöru-
stöðlum en tilgangurinn er sá að
framleiðendur taki sig saman um
að framleiða landbúnaðarvörur
undir ströngum gæðaskilyrðum.
Einnig er unnið að því að
koma á neti ferðaþjónustuaðila á
svæðinu þannig að þeir hjálpist
að í sameiginlegri markaðssókn.
Elín segir að á þessu sviði sé
fremur horft á að nýta þá mögu-
leika sem fyrir eru.
Hópur vinnur að undirbúningi
að stofnun sölu- og markaðsskrif-
stofu og talsverð vinna er að baki
en margir þættir ókannaðir enn.
Skrifstofunni er ætlað að koma á
tengslum milli framleiðenda inn-
an svæðisins og endursöluaðila
og einnig mun skrifstofan nýtast
öðrum verkefnahópum innan
átaksverkefnisins Vaka við að koma
þjónustu og framleiðsluvörum á
framfæri. Elín kvaðst líta á þetta
verkefni, ef af yrði, sem traustan
grunn fyrir hin verkefnin og þá
framleiðslu og þjónustu sem fyrir
er á átaksverkefnissvæðinu.
Verktakaþjónusta í landbún-
aði er til skoðunar í einum starfs-
hópnum og segir Elín að þar hafi
vinnan beinst að því finna út
möguleg starfssvið og gera hag-
kvæmniútreikninga fyrir slíkt
fyrirtæki. Með þeim sé ætlunin
að sýna fram á hagkvæmni fyrir
bændur að kaupa þjónustu á
ákveðnum sviðum og spara sér
þannig vélakaup. Fyrstu útreikn-
ingar hjá hópnum lofa góðu um
framhaldið á þessu sviði.
Stofnun svokallaðs þróunar-
seturs helgast nokkuð af því
hvort húsnæði fæst undir
starfsemina. Ef það fæst er hug-
myndin að þar fáist aðstaða til að
vinna frumgerðir að ýmsu hand-
verki, t.d. minjagripum og
nytjahlutum sem aftur yrðu fram-
leiddir víðar á átaksverkefnis-
svæðinu.
Sjöundi starfshópurinn skoðar
möguleika í sjávarútvegi og raun-
ar hefur starfið fyrsta kastið
beinst að bleikjueldi og hafa full-
trúar hópsins sótt námskeið í
þeirri grein. Helst er þá horft til
aðstöðu við Grýtubakka í Grýtu-
bakkahreppi en þar telja sér-
fræðingar góða aðstöðu fyrir
hendi til bleikjueldis.
Nú er eitt ár eftir af átaksverk-
efnistímanum og segist Elín Ant-
onsdóttir bjartsýn á framhaldið.
Mikið sé fylst með því starfi sem
fram fari innan átaksverkefnisins
og þessi áhugi dragi ekki úr lík-
um á árangri af verkefninu þegar
upp verður staðið á næsta ári.
Fiskveiðiárið 1992-1993:
Heildaraflirm 1.112.643
tonn eftir sjö mánuði
Bráðabirgðatölur Fiskifélags
íslands, í september-desember
1992, og janúar/mars 1993,
sem eru fyrstu 7 mánuðir yfir-
standandi fískveiðiárs, liggja
nú fyrir. Heildaraflinn sam-
kvæmt bráðabirgðatölum það
sem af er fískveiðiárinu nemur
1.112.643 tonnum, en hann var
1.039.483 tonn í sömu mánuð-
um 1991-1992 og 712.268 tonn
1990-1991.
Skipting aflans í ár er sem hér
segir. Þorskur 135.058 tonn, ýsa
23.557 tonn, karfi 62.376 tonn
(þar af úthafskarfi 1.103 tonn),
steinbítur 4.216 tonn, grálúða
9.888 tonn, skarkoli 3.716 tonn,
annar botnfiskafli 17.419 tonn,
síld 106.470 tonn, loðna 676.953
tonn, rækja 22.931 tonn og
hörpuskel 10.231 tonn. ój