Dagur - 28.04.1993, Blaðsíða 5

Tónlist
Miðvikudagur 28. apríl 1993 - DAGUR - f

Tónleikar
Passíukórsins verða í Glerór-
kirkju í kvöld, 28. apríl kl. 20.30.
Flutt verða Stabat Mater eftir G. Pergolesi og
Messa eftir César Franck.
Einsöngvarar: Guðrún Jónsdóttir,
Þurfður Baldursdóttir, Jón Þorsteinsson
og Michael Clarke.
Sumarbúðirnar við
Veslmannsvatn
INNRITUN ER HAFIN
1. fl. 8. júní-15. júní,
2. fl. 18. júní-25. júní,
3. fl. 28. júní- 5. júlí,
4. fl. 7. júlí-14. júlí,
5. fl. 15. júlí-19. júlí,
börn 7- 9 ára.
stúlkur 7-12 ára.
börn 7-10 ára.
börn 10-12 ára.
unglingar 13-16 ára.
Bátsferðir, kvöldvökur, hestaferðir, kirkju-
ferð, veiði, sund og margt fleira.
Upplýsingar og pantanir í símum 96-27540, 96-26179,'
96-61685 og 96-43545 frá kl. 16.00-18.00 virka daga.
Vestmannsvatn 1993.
Þær stöllur Jennifer Spear (standandi t.v.), Hólmfríður Benediktsdóttir og
Helga Bryndís Magnúsdóttir (sitjandi). Mynd: Robyn
Tónlistarfélag Akureyrar:
Fjórðu tónleikar vetrarins
annað kvöld kl. 20.30
Fjórðu tónleikar Tónlistarfélags
Akureyrar á þessum vetri verða
í Safnaðarheimili Akureyrar-
kirkju annað kvöld, fimmtudag,
kl. 20.30. Flytjendur eru þrír
kennarar við Tónlistarskólann á
Akureyri, Hólmfríður Bene-
diktsdóttir, sópran, Jennifer
Spear, gítar, og Helga Bryndís
Magnúsdóttir, píanó.
Efnisskráin er í senn forvitnileg
og framandi, en hún er blanda
spænskrar, s-amerískrar og n-am-
erískrar tónlistar frá 20. öld.
Hólmfríður flytur tvo lagaflokka,
til skiptis með Jennifer og Helgu
Bryndísi. Annars vegar „Seven
songs“ - Sjö vinsæla spænska
söngva eftir Manuel de Falla og
hins vegar „Hermit songs“ - Ein-
setumannssöngvar (tíu lög) eftir
Bandaríkjamanninn Samuel Bar-
ber. Reynir Axelsson þýddi Ein-
setumannssöngvana úr ensku, en
upphaflega eru þeir ljóö írskra
munka. Þá spilar Helga Bryndís
sónötu fyrir píanó eftir Spánverj-
ann Xavier Montsalvatge og
Jennifer Spear tvö gítarverk, ann-
ars vegar eftir Agustine Mangore
Barrios frá Paraguay og hins veg-
ar eftir Vincente Enrique Sojo frá
Venezuela.
Þessir tónleikar áttu upphaflega
að vera í mars, en vegna offram-
boðs á tónleikum áætlaðan tón-
leikadag var ákveðið að fresta
þeim þangað til eftir páska. Aðra
tilraun átti að gera á sumardaginn
fyrsta, en þá kom hálsbólga
Hólmfríðar í veg fyrir að hægt
væri að halda tónleikana. En nú er
sem sagt loksins komið að þeim
og verða þeir eins og áður segir
annað kvöld í Safnaðarheimili
Akureyrarkirkju.
Þess má geta að þetta er í síð-
asta skipti, aó minnsta kosti í
bráð, sem Jennifer Spear kemur
fram á tónleikum á Akureyri, en
hún er nú á förum til Astralíu eftir
tæplega tveggja ára dvöl á Akur-
eyri. óþh
Karlakórar Akureyrar
Sumardaginn fyrsta, 22. apríl,
efndu Karlakór Akureyrar -
Geysir og Gamlir Geysismenn til
tónleika í Glerárkirkju.
Gamlir Geysismenn hófu tón-
leikana. Stjórnandi þeirra er
Árni Ingimundarson en undir-
leikari Richard Simm.
Þó að Gamlir Geysismenn séu
komnir nokkuð á aldur virðist
það ekki há þeim mjög. Raddirn-
ar eru margar hverjar skemmti-
legar. Svo er til dæmis með fyrsta
tenór, sem nær allvel jafnvel hin-
um hæstu tónum án þess að veru-
legrar þvingunar gæti. Þá er ann-
ar bassi, sem reyndar er harla fá-
liðaður, merkilega góður. Hann
gefur jafnan hvort tveggja: Góð-
an grunn og talsvert þéttan tón í
þeim stuttu sólóhlutum, sem
honum féllu.
Gamlir Geysismenn fluttu sex
lög. Hvað best tókst í laginu Hin
horfna eftir A. Jarnefelt við texta
í þýðingu Sveins Bjarman.
Reyndar virtist gæta smávegis
óróa í hljómum í þessu lagi sem
öðrum, en það getur, altént að
hluta til, stafað af því, að endur-
ómur kirkjuskipsins er mikill.
Örn Birgisson söng einsöng í
laginu í svanalíki eftir Inga T.
Lárusson við ljóð Einars Bene-
diktssonar. Örn söng fallega, en
kórinn var ekki svo góður sem
skyldi í bakröddum. Hann rann
nokkuð á tónum, hljómur hans
var heldur flatur framan af laginu
og tónar á stundum tæplega í
hæð. Þessi atriði skánuðu er á
leið. Aðalsteinn Jónsson söng
einsöng í rússneska þjóðlaginu
Kvöldklukkan við íslenskan texta
eftir ókunnan höfund. Aðal-
steinn skilaði hlutverki sínu vel
og hér var kórinn vel með á nót-
unum, styrkur og samtaka.
Að loknum söng Gamalla
Geysismanna kom Karlakór Ak-
ureyrar - Geysir fram undir
stjórn Roars Kvams. Kórinn
flutti einnig sex lög. Undirleikari
hans er Richard Simm.
Kórnum tókst best í laginu Sef-
ur sól hjá ægi eftir Sigfús Einars-
son við ljóð Sigurðar Sigurðsson-
ar og náði nokkuð fjörlegum
flutningi á laginu Funiculi-Funi-
cula eftir L. Denza við ljóð Axels
Guðmundssonar. í Sefur sól hjá
ægi var kórinn allvel samtaka og
söngur þéttur. Nokkur órói var
hins vegar í öðrum lögum og
einnig kom fyrir, að ýmis atriði,
svo sem hendingalok, innkomur
og áherslur væru ekki svo vel
unnar, sem æskilegt hefði mátt
teljast.
Tónleikunum lauk á því, að
kórarnir tveir sameinuðust í fjór-
um lögum, sem söngstjórarnir
tveir skiptu með sér. Undirleikari
sem fyrr var Richard Simm.
Hinn sameinaði kór er þrótt-
mikið hljóðfæri, sem naut sín
víða skemmtilega. Til dæmis var
flutningur þýska þjóðlagsins Þú
komst í hlaðið við ljóð Davíðs
Stefánssonar undir stjórn Árna
Ingimundarsonar góður og
skemmtilega blæbrigðaríkur.
Talsvert vel tókst líka flutningur
lagsins Brennið þið vitar eftir Pál
ísólfsson við Ijóð Davíðs Stefáns-
sonar, sem Árni Ingimundarson
einnig stjórnaði. Kórinn náði
víða góðum styrk en ekki síður
mýkt, þar sem þess þurfti við.
Hvað best tókst þó aukalagið Þú
álfu vorrar yngsta land, sem Árni
Ingimundarson stjórnaði einnig.
Kórinn var verulega hrífandi í
túlkun sinni á þessu lagi.
Undirleikur Richards Simms
var traustur, studdi vel að og var
smekklega útfærður.
Af þessum tónleikum má ætla,
að karlakórar Akureyrar séu að
komast á skrið á ný. Þó að enn sé
ýmislegt sem betur mætti fara,
voru Kórarnir á margan hátt
líflegri og skemmtilegri en á fyrri
tónleikum, sem undirritaður hef-
ur sótt. Það er mjög ánægjulegt
og vonandi merki þess, að þessi
mikilvæga starfsemi á akri tón-
listarinnar sé að rísa úr þeirri
lægð, sem hún hefur verið í hér í
bænum nokkuð mörg undanfarin
ár.
Haukur Ágústsson.
NU STANDA YFIR
HEWLETT
PACKARD
nAriAP
^SLÓÐ HP LASERPRENTA^
^ableksprautuprentar/*
* Seldir á sérstöku
kynningarverði til
30. apríl
_ LVUTÆKI
FURUVÖLLUM 5 • SÍMI 96 26100